фрази – Вистина.мк

Три реченици кои звучат како љубов, а всушност зад нив се крие манипулација

Слаѓана Атанасова — Wed, 28 Feb 2024 13:55:23 +0000

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат. Овие три реченици манипулаторите често ги користат како параван, бидејќи наликуваат на љубов. „Ова го правам за твое добро“ Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист. „Дали вака ми враќаш? Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака. „Очекував повеќе од тебе“ Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Три фрази кои ги користат емоционално незрели личности: По нив најбрзо ќе ги препознаете

Слаѓана Атанасова — Tue, 12 Sep 2023 12:30:42 +0000

Кога станува збор за емоционалната интелигенција, одредени реченици можат да откријат многу за карактерот на една личност – бидејќи оние со мала емпатија имаат тенденција да прават неколку грешки. Овие фрази се знак на ниска емоционална интелигенција, а луѓето кои ги користат често немаат лоши намери, бидејќи генерално не сфаќаат колку е очигледна нивната незрелост. Обрнете внимание на овие зборови: 1. “Не ми е гајле!” Тие го користат ова како „одбрана“, глумејќи незаинтересираност. Најчесто го користат за да ја нервираат личноста со која разговараат. Така, егото ги надвладува. 2. „Не е мој проблем“ Тие ја користат оваа фраза за да покажат дека нешто не ги допира и дека се „поладни“. Меѓутоа, ако така се решава „проблемот“, тогаш дефинитивно се работи за емотивно незрела личност. 3. „Твоја вина е“ Луѓето кои го користат ова како изговор за сопствените или заедничките грешки, не знаат како да се справат со одговорноста. Извор: Курир.мк

Зборови заради кои веднаш ќе се заљубат во вас: Овие фрази често се забораваат, а го подобруваат секој однос

Слаѓана Атанасова — Wed, 21 Jun 2023 13:35:33 +0000

Комуникацијата е важна основа за квалитетна врска, особено кога станува збор за љубовните врски. Односот меѓу партнерите е направен од силни нишки кога и двајцата се искрени, отворени, се почитуваат и се разбираат. Доколку сакате да ја продлабочите врската со личноста која ви се допаѓа, да развиете посебен однос, тогаш важно е да покажете интерес. Понекогаш во врската зборуваме за тоа што ни е важно, што ни се случило, дали нешто не мачи, што се радуваме, заборавајќи да ја прашаме другата страна какви „филмови“ се играат во неговата/нејзината глава. Затоа е важно да се запамети дека треба да разговараме со отворен ум и срце, а еве неколку фрази кои можат да ја продлабочат практично секоја врска: – Кажи ми повеќе за твојот ден. – Кога го видов ова, помислив на тебе. – Она што најмногу ми се допаѓа кај тебе е тоа што си…(посочете го квалитетот што најмногу ви се допаѓа кај оваа личност) – Ме интересира твоето мислење. – Како се чувствуваш? – Како си на училиште/на работа? – Кој е твојот најголем предизвик во моментов и како се соочуваш со него? Дури и ако личноста не е зборлива по природа, добро е да им поставите некои потпрашања и да ги поттикнете да разговараат. Ако сè уште дава кратки одговори и звучи незаинтересирано, ајде да ја прашаме дали воопшто сака да разговараме во овој момент. Ако нејзиниот одговор е „не“, треба да го почитуваме тоа и да се обидеме да разговараме подоцна. Зборовите ни овозможуваат уште повеќе да се поврземе со другите и да создадеме поавтентични врски. Со помош на искрени разговори, си овозможуваме себеси и другите да се поврзат и да откриеме со кои очи нашето срце ги гледа нив, светот, животот во целина. Извор: Попара.мк

Фрази кои значат многу повеќе од „те сакам“

Слаѓана Атанасова — Mon, 15 May 2023 11:58:10 +0000

Чувството кое го предизвикуваат зборовите Те сакам е за многу луѓе едно од најубавите. Постојат многу љубовни приказни во кои е опишан самиот момент и што сѐ луѓето прават за да го чујат тоа Те сакам. Но она што многумина го забораваат е дека овие два збора не се доволни за една врска да опстане. Колку што постојат приказни кои сведочат за бескрајната љубов меѓу поединци, толку постојат и приказни кои покажуваат дека Те сакам само по себе не е доволно за среќен крај. Следниве 5 фрази се всушност многу поважни зборови до кои треба да се придржувате доколку копнеете по вашата среќна љубовна приказна.

„Ти простувам“

Простувањето е многу тешко. Кога некој ќе ве повреди повеќе одошто сте очекувале, вие сте лути и гневни, но и разочарани и повредени. Во тие моменти не ни можете да замислите да простите и да продолжите како ништо да не се случило. И веројатно никогаш нема да можете. Но токму поради тежината која ја носи со себе простувањето, неговото значење е неверојатно големо. Добивањето втора шанса е многу важно, бидејќи секој, буквално секој, може да згреши во даден момент.

„Те почитувам“

Меѓусебното почитување е многу поважно во споредба со многу работи во врската, не само од љубовта. Вистина е дека за романтична врска потребно е да постои љубов, но тоа е можно ако и само ако постои почитување меѓу партнерите. За да сакате некого вие прво треба да го почитувате тој некој. Постојат многу врски кои опстоиле само поради меѓусебното почитување на партнерите и токму затоа зборовите Те почитувам значат многу повеќе отколку Те сакам. Тие ќе ѝ кажат на саканата личност дека ја прифаќате таква каква што е и дека сакате да бидете со неа и со сите нејзини предности и недостатоци.

„Те поддржувам“

Во врската е многу важно да знаете дека партнерот е покрај вас и во добро и во лошо и дека е секогаш подготвен да ве поддржи во тоа што го правите. Поддршката значи многу, особено кога се обидувате да направите нешто за кое сте сонувале долго време, но дури и тогаш кога станува збор за едноставни работи како издржување на секојдневните работни обврски. За сѐ што правиме во животот, потребна ни е нечија поддршка, бидејќи без неа, дури и најмалата пречка на патот може да нè спречи во нашата цел. Кога имате некој покрај себе, сѐ е полесно бидејќи знаете дека тоа што ви е вам важно, важно му е и нему и тоа само поради вас.

„Посветен/а сум на тебе и нашата врска“

Кому му е потребен партнер кој би се откажал при првите знаци на тешкотии во врската? Никому. Ниту пак некој кој не сака да работи на врската и не е способен да ѝ го пружи на саканата личност потребното внимание. Затоа овие зборови зад кои стојат дела кои ги поддржуваат значат многу. Значат дека имате покрај себе личност која е подготвена да се посвети и да даде максимум за вас и за вашата врска и која е решена да направи сѐ за да бидете среќни.

„Би се жртвувал/а за тебе“

Убаво е кога сте нечиј прв избор. Убаво е да имате некој покрај себе кој секогаш би ве избрал вас пред кој било друг. Убаво е да знаете дека на таа личност вие сте ѝ секогаш приоритет и ништо не ѝ е поважно од вас. Затоа и не ѝ е тешко да жртвува дел од своето време за вас. Не ѝ претставува проблем да се откаже од нешто што сака да го прави само за да прави нешто заедно со вас бидејќи тоа ве прави вас среќен/на. Секому е потребен таков човек во животот бидејќи ако е подготвен да жртвува свој ќеиф за вас, тогаш навистина сте огромен и важен дел од неговиот живот. Извор: Попара.мк

Токсични фрази кои несвесно ги изговараме, а ни ја уништуваат врската

Слободанка Илиева — Thu, 16 Mar 2023 14:00:41 +0000

Велат дека делата зборуваат погласно од зборовите, што е најчесто случај, но велат и дека изговорениот збор „не се враќа“. За жал, во партнерските односи, повеќето не се грижат за она што го кажуваат, особено во екот на гневот. Одредени зборови можат да ни го повредат духот и да остават долгорочни последици за нашата ментална состојба, а понекогаш можат да болат повеќе од физичка повреда. Ајде да ги погледнеме најчесто користените фрази кои долгорочно може да го влошат нашето партнерство: 1. „Ако така се чувствуваш – подобро да раскинеме“ Оваа реченица обично ја кажуваме среде кавга, кога не можеме да се справиме со обвинувањата и незадоволството од партнерот. Во тие моменти треба да се потсетиме дека бракот е спој на две личности кои заедно треба да бараат решение и компромис. Наместо често да се закануваме дека ќе раскинеме, можеме да го пробаме следново: – Во моментов се чувствувам лут, разочаран или погрешно разбран и тешко ми е да бидам покрај тебе. Те сакам ама ми треба простор, ќе разговараме кога ќе се „оладам“. 2. „Зборуваш глупости“ Чести се моментите кога мислиме дека нешто што ни го кажува другата половина е ирационално или бесмислено, но наместо да ги користиме токму тие фрази, посегнуваме по грдиот збор „глупав“. Ова е особено погрешно бидејќи го прави нашиот партнер да се чувствува токму така – „глупав“ и може да го спречи да споделува идеи, соништа или стравови со нас во иднина. Поинаква перспектива на гледање на нештата е нормална, дури и пожелна. 3. „Не сакам да зборувам за тоа“ Понекогаш ни треба пауза за време на дискусијата за да ја процениме ситуацијата, да ги оладиме главите и да размислиме за идните чекори. Но, ако целосно го игнорираме „слонот во собата“, односно проблемот во нашиот брак или врска, тој може да стане почетна капсула за катастрофа. Недоразбирањето е една од најчестите причини за прекинување на меѓучовечките односи, па затоа е многу важно да се разговара, без разлика колку е непријатна или болна одредена тема. Нагласете дека сè уште не сте подготвени да започнете разговор, но не го отфрлајте целосно. 4. „Ти си ист/а како татко ти/мајка ти“ Ова е големо, големо НЕ затоа што навистина може да повреди човек. Ако нашиот партнер ни верува доволно за да го сподели со нас своето детство или работи кои го мачат за неговите родители, никогаш не смееме да го злоупотребуваме тоа против него, без разлика колку сме лути. 5. „Само опушти се“ Во превод – престанете да размислувате за тоа. Реченица која всушност создава сосема спротивно чувство, доколку некоја личност ви ги искаже своите негативни чувства, а вие на овој начин ја предизвикате, генерално ќе предизвикате зголемен гнев. извор:попара.мк фото:Shuterstock

Фрази кои ги изговараат мажите: Еве како да откриете дека ве лаже

Христина Ѓоргиевска — Tue, 30 Nov 2021 14:30:21 +0000

Ако мажот ви каже дека заслужувате многу подобро од него, тој е во право – продолжете понатаму Се случува едниот партнер да е подготвен за сериозна врска, додека другиот на секој начин се труди да ја избегне. Секако, најважно е што поскоро да сфатите на што сте за да не си го трошите времето залудно. Најверојатно, таа личност нема да се предомисли кога е во прашање односот со вас. Можеби воопшто не е до вас, туку тој едноставно не ја преболел бившата или не е тип на момче што сака да се обврзува. Ако мажот каже дека не сака да стапи во сериозна врска со вас, но потоа не излегува со други жени, сака да има незаштитен секс со вас, постојано ви пишува пораки и поминува време со вас, овие постапки може да ве наведат да верувате дека тоа што го кажува доаѓа од страв, а не од реалноста. Не верувајте во неговите постапки. Тој ви ја кажува вистината кога вели дека не може да се обврзе. Додека не кажете дека тоа ви е проблем, тој ќе продолжи да се однесува како да може да се обврзе, бидејќи ви ја кажал вистината, а вие не кажавте ниту збор за да не се согласите со него. Ако вели дека не може да ви биде дечко, подобро е да го слушате што зборува и да излезете од таа врска пред да ве повреди. Се разбира, не можете да натерате никого да ве сака – без разлика колку сте привлечни. Да и кажеш на девојка дека не сакаш обврска, а потоа да ја третираш како твоја девојка, дефинитивно испраќа различни сигнали. Едноставно е: ако мажот ви каже дека не може да се обврзе, не може. Ако мажот ви каже дека заслужувате многу подобро од него, тој е во право – продолжете понатаму. Така ќе заштедите време, но ќе ги поштедите и чувствата кои треба да ги насочите кон оној кој е навистина подготвен да има сериозна врска со вас и кој во ниту еден момент не се предомислува за тоа. извор: попара.мк

Три фрази кои најчесто ги користат мажите што манипулираат со вас

Слободанка Илиева — Thu, 26 Nov 2020 13:40:24 +0000

Некогаш не сме ниту свесни дека мажите со жените играат некаква игра, поради тоа што користат некои фрази кои што се вообичаени за манипулаторите. Некогаш не сме свесни дека мажите го прават тоа, но ова се одлични показатели за да ја утврдите вистината: „Тоа е приближно сè...“ Зборот приближно јасно дава до знаење дека личноста не ви кажала сè, туку „отприлика сè“. Мажите често ја користат оваа фраза затоа што со неа се обидуваат да ги премолчат некои од деталите. Доколку навреме ја препознаете оваа фаза, ќе знаете да изреагирате на адекватен начин. „Нема докази за тоа“ Наместо да се фокусира на тоа што е вистина, а што не, тој секогаш ќе дава двосмислени одговори, без конкретни докази за неговите намери. Со тоа го покажува својот однос кон вистината, а вас ви зборува многу работи за себе како потенцијален партнер. „Навистина мислиш дека би го направил тоа?“ Секоја жена која што го уловила партнерот во лага барем еднаш ја слушнала оваа фраза. Одговорот на прашањето поставува ново прашање и најчесто е показател дека личноста нешто премолчува. Ова се едноставни фрази кои што докажуваат дека еден маж манипулира со вас! извор:каримин/точка.ком.мк

Машки фрази по коишто најдобро е да побегнете откако ќе ги слушнете

Христина Ѓоргиевска — Wed, 11 Dec 2019 13:51:40 +0000

Можеби вие си замислувате романтична врска и ја планирате вашата заедничка иднина, но некои негови фрази ќе ве натераат да си го поставите прашањето дали тој човек е вистинскиот за вас. Овие машки изјави ќе ви сигнализираат дека не треба да го поминете животот со човекот што е покрај вас.

„Сама плаќаш?“

Уште полошо е ако тоа не звучи како прашање, туку како повик за акција. Но, најлошо е ако тој понуди да платите и за него. Проблемот не е во плаќањето на сметките и не станува збор за пари. Поентата е во тоа што кога мажот сака да ви удоволи, тој се обидува да се појави во вашите очи во најдоброто светло – вклучувајќи и финансиски. Со тоа што нуди вие да ја платите сметката, пред вас тој е просјак, патолошки пациент или (уште полошо) жиголо.

„Или направи како што реков или оди си“

Каде најдовте ваков човек во 2019 година? Ваквите ултиматуми звучеа логично во средниот век, но во 21-иот век жените сами донесуваат одлуки, го прават тоа што сакаат и го искажуваат своето мислење кога сметаат дека тоа е потребно. Поради тоа, вам не ви е потребен таков човек со манири на деспот.

„Кој друг ти е потребен?“

Ова значи „ти си никој без мене“. Ваквата личност само ја зголемува својата самодоверба на ваша сметка. Зарем навистина не можете без таков „прекрасен“ господин?

„Сите мажи изневеруваат“

По оваа фраза, можете да му се заблагодарите што е искрен и да се збогувате. Тој едноставно ви кажува дека изневерувањето е нормално, односно дека никогаш нема да бидете единствената.

„Оди си дома сама“

Денес, ретки се мажите што ќе ви ги држат вратата и столот, ќе ви ја отворат вратата од автомобилот или ќе ве испратат дома. Во современиот свет, нормално е девојката сама да го стори сето тоа. Но, една од главните доблести на мажот е можноста да биде џентлмен. Ако по состанокот заминавте дома со такси, а тој ви пратил порака за да праша дали стигнавте дома безбедно, тоа значи дека се грижи за вас. Но, ако мора да си заминете сами, тогаш сте вечерале со рамнодушен и злобен човек.

„Сè уште не сум подготвен да те запознаам со моите пријатели“

Долго сте во врска, но не познавате никого од неговото друштво? Многу е веројатно дека тој не ве сфаќа сериозно или смета дека не сте доволно добри за неговото друштво.

„Еве ја мајка ми…“

Неговата мајка готви највкусно, беспрекорно пегла маици и е најпаметна. Целта не е да бидете конкуренција со неговата мајка, но не треба цел живот да слушате пофалби и постојано да бидете споредувани со неа. извор: кафепауза

Внимавајте: Овие фрази ви ја саботираат врската

Слободанка Илиева — Thu, 05 Sep 2019 13:50:19 +0000

Недостатокот на доверба и љубов се најчестите причини за раскинување, меѓутоа, постојат одредени фрази кои често несвесно ги изговараме во моменти на бес и себичност, фрази кои ја саботираат нашата врска, создаваат јаз меѓу нас и нашите сакани личности и доведуваат до проблеми што ќе предизвикаат раскинување. Затоа бидете многу претпазливи кога ги изговарате следниве реченици: Не е важно Ако разговарате за некоја важна тема и разговорот го прекинете со фразата “Не е важно” ќе се разбудите одредени сомнежи кај партнерот, кои претежно сe неосновани и затоа бидете внимателни со зборовите. Лажеш Ако немате докази дека вашиот партнер ве излажал, обидете се да ги избегнете неоснованите обвинувања, бидејќи би можело да е предоцна. Довербата и добрата комуникација се основа на секоја врска, па затоа ако се сомневате во вашиот партнер, отворено разговарајте со него за да видите во што е проблемот, без непотребни обвинувања. А да знаеш мене како ми е… Кога вашиот партнер ви ќе се отвори и ќе каже дека му е тешко, не бидете себични и дајте му простор. Сослушајте, разберете и подржувајте, а кога вас ќе ви дојде „жолта минута“ и тој ќе го стори истото за вас. Ако ти е грижа за мене, ќе го сториш тоа … Во љувовта уценувањата се беспотребни. Никој не сака секојдневно да ја оправдува својата љубов и начинот на кој умее да сака, бидејќи на крајот, тоа е индивидуална работа. Емотивните уцени оптеретуваат и затоа морате да бидете многу внимателни. извор:попара.мк

Внимавајте, овие фрази ви ја саботираат врската

Слободанка Илиева — Mon, 27 May 2019 14:00:26 +0000