форца – Вистина.мк

Не заборавајте ги штиклите: Четврток (23 јуни), гламурозна ноќ за „Вино на штикли“, убави вина и Викторија Лоба

Дејан Донев — Tue, 21 Jun 2022 11:21:24 +0000

Се е подготвено за „Вино на штикли“, настан што гарант ќе го одбележи долгото топло лето. Да резимираме: на 23 јуни, во четврток, од 19 часот па се до полноќ, по четврти пат во „Форца“ ќе се случува настан што ќе ги обедини љубителите на виното, гурманите кои ќе уживаат во деликатесите на популарниот вински бар и ресторан и секако добрата музика. За музичкиот дел е задолжена македонската поп ѕвезда Викторија Лоба, која освен своите хитови, на гостите ќе им понуди богат избор на кавер верзии на домашните и светски популарни хитови и евергрини, потенцирајќи го стилот на изведувачите, ама со нејзината концепциска слика. Ќе уживате во навистина добра свирка. Не очекува ноќ со многу изненадувања, дегустација на над 150 различни вина од 18 македонски и странски винарии што ќе бидат спарени со вкусните гурмански предизвици на Форца, а љубителите на тартуфи ќе имаат можност да пробаат разни производи од брендот Tuf.mk. Внимавајте: на 23 јуни сите патишта водат кон „Форца“. Бидете таму. Бидете извонредни! Се гледаме. Facebook Event: https://www.facebook.com/events/1019233218696301

Урбана убавица или поинаква плескавица: Во „Форца“ на „Скопјанка“

Дејан Донев — Thu, 07 Nov 2019 13:26:11 +0000

Мека и сочна како душата на градот, вкусна и ароматична како неговите мириси напролет, составена од чисти и првокласни состојки содржани во неа, зачинета со убавина и шмек на микс од единствени мирудии, прелиена со уникатен прелив како моминско лице со бистра вода, распослана во чинија како македонската метропола во својата котлина... Таа е една и единствена, ненаметлива а неодолива, уникатна и пожелна, која ќе ве заведе уште на прв поглед и задоволи со првиот вкусен залак... Зашто таа е онаа вистинската, таа е чиста „Скопјанка“! Во неа се ужива полека, „натенане“, а се дегустира само во „Форца“. Со лезет, за свој ќеиф и еднинствено гастрономско задоволство. Вака отприлика секој оној што го пробал новиот уникатен специјалитет на куќата во винскиот бар и ресторан „Форца“, ја доживува „Скопјанка“, единствената плескавица подготвена на „поинаков“ начин. Оваа гастрономска уметност произлегува од вештите раце на шеф Андреа Јаковчевски, готвач –експерт за шпанската кујна, во која се користат многу разновидни зачини и исклучиво свежи намирници. Токму дел од неговото искуство е пренесено и вткаено во новиот гурмански специјалитет на исто така новото зимско мени на „Форца“, кој уште со првиот вкусен залак ви се чини познат, а сепак мистичен, заради својата свежина во која преовладува миксот на тајните состојки. Доволно најадени, задоволни, а сепак неоптоварени... Лесна и вкусна, доволно обилна, а сепак ненаметлива... новата „Скопјанка“ ќе ги задоволи и најпребирливите конзументи на месни специјалитети. Во комбинација со некое од избраните висококвалитетни, врвни вина од винотеката на „Форца“, нивната „Скопјанка“ ќе ви се допадне уште на прв поглед, а во неа ќе уживате со задоволство, до последниот залак, по кој набргу одново ќе и се вратите... Како на секоја „љубов на прв поглед“, та била таа и гастрономска!

„Вино на штикли“ во Форца

Антонио Димитриевски — Wed, 26 Jun 2019 12:29:35 +0000

Среда, 3-ти јули од 20 часот па се до 1 часот по полноќ, винскиот бар и ресторан „Форца“ ќе биде главното место на забавата во главниот град. „Вино на штикли“ по трет пат, најавениот и долгоочекуван настан, спектакл каков што ретко му се случува на Скопје. Винско-музичко-моден настан на кој освен дегустацијата на различни врсти на вина од македонски и странски винарии по супермаркетска цена на чинење, гостите ќе имаат можност да проследат уште неколку различни забавни перформанси.

Македонската поп ѕвезда Викторија Лоба заедно со својот придружен бенд ќе ги забавува посетителите со своите најголеми хитови, но и со најпознатите светски и регионални актуелни песни и евергрини. Пред и потоа, присутните ќе ги се журкаат со ДЈ Бранчез и неговиот специјално подготвен ДЈ сет за оваа прилика. Покрај музичкиот дел за кој се подготвува специјална сцена со соодветно озвучување и специјално подготвено „ројал блу“ осветлување, во „Форца“ ќе се случува и моден перформанс.

И сето тоа исто така гратис, единствено во функција на добрата забава, зашто влезот на „Вино на штикли“ е бесплатен. Се разбира, претходно навреме направете си резервација, зашто просторот е сепак ограничен, а интересот огромен! За да се уверите дека „во виното е вистината“... ама и убавината. А таа во случајов, доаѓа на штикли! Резервирајте на 078 445 068 или преку порака на фан страницата на Forza Wine Bar & Restaurant.

РСБСП ја заокружи годината на средба со новинарите: Најмалку жртви во сообраќајни незгоди во 2018 година

Антонио Димитриевски — Fri, 21 Dec 2018 12:34:30 +0000

Зад нас ја оставаме најбезбедната 2018 година, со најмалку жртви во сообраќајни незгоди во изминатите десет години. Ова го изјави Стојче Стаменковски, претседател на Републичкиот совет за безбедност на сообраќајот на патиштата (РСБСП) на денешниот разговор со новинари во Скопје.

-Ако во 2017 година имаме повеќе од 150 жртви во сообраќајни незгоди во Македонија, со задоволство кажувам дека 2018 година ја завршуваме со бројка што е помала за 20 отсто, односно бројот на жртви во сообраќајни незгоди нема да го надмине бројот од 130, рече Стаменковски.

Како што посочи, споредено со 2014 година има намалување на бројот на жртви за речиси половина. Во изминатата година, информираше дека се спасени повеќе од 30 човечки животи.

Стаменковски се заблагодари на сите медиуми за поддршката што ја даваат и им подели благодарници и пригодни подароци!

„Розе на штикли“ во „Форца“ – ивент каков што Скопје досега не памети

Антонио Димитриевски — Wed, 04 Jul 2018 12:14:24 +0000

Овој четврток, 5-ти јули од 20 часот па се до 30 минути по полноќ, винскиот бар и ресторан „Форца“ таа вечер ќе биде главното место на забавата во македонската метропола. Дека животот не е црно-бел, туку има и нешто розе, ќе ве увери „Розе на штикли“ - најавениот и долгоочекуван настан, ивент каков што досега ретко му се случувал на Скопје. Имено, се работи за винско-моден настан на кој освен дегустацијата на различни врсти розе вина по набавна цена на чинење, посетителите ќе имаат можност да проследат уште неколку различни забавни перформанси. Така, македонската поп ѕвезда Викторија Лоба заедно со својот придружен бенд ќе ги забавува посетителите со своите најголеми хитови, но и со дузина познати светски и регионални актуелни песни и евергрини. Пред и потоа, присутните ќе ги се журкаат со ДЈ Бранчез и неговиот специјално подготвен ДЈ сет за таа прилика. Покрај музичкиот дел за кој се подготвува специјална сцена со соодветно озвучување и осветлување, во „Форца“ ќе се случува и моден перформанс, на кој модниот дизајнер Моника Блажевска ќе ги изложи своите уникатни принт „БМ дизајн креации“.

Познати јавни личности таа вечер ќе бидат манекенки кои ќе продефилираат облечени во уникатните модели со уметнички принтови на Моника Блажевска. Еден познат светски козметички бренд пак, преку своите машки модели ќе дели свои производи на присутните дами на настанот. Се разбира, претходно ТОЈ неа или пак ТАА него, ќе мора само за неколку секунди да го шармира, за да стане гратис добитничка на козметички производ. И сето тоа исто така гратис, единствено во функција на добрата забава, зашто влезот на „Розе на штикли“ е бесплатен. Се разбира, претходно навреме направете си резервација, зашто просторот е сепак ограничен, а интересот огромен! За да се уверите дека животот сепак не е само црно-бел, туку... има и нешто розе... и тоа на штикли!

Facebook event: https://www.facebook.com/events/216884218944902/ Резервирајте на 078 445 068 или преку порака на фан страницата на Forza Wine Bar & Restaurant https://www.facebook.com/ForzaWineBarRestaurant/