фондација – Вистина.мк

Семејството ја исполни најголемата неостварена желба на Метју Пери: Многу луѓе ќе бидат благодарни за ова

Слаѓана Атанасова — Wed, 29 Nov 2023 13:02:51 +0000

Познатиот актер Метју Пери беше погребан на 3 ноември, опкружен со семејството, најблиските пријатели и легендарната екипа од серијата „Пријатели“. Семејството на Метју Пери се јави еден месец од неговата смрт. За магазинот People тие зборуваа за фондацијата Метју Пери, со која сакаат да му оддадат почит на починатиот актер. Актерот отворено зборуваше за неговата борба со зависноста во текот на неговиот живот, а семејството се надева дека Фондацијата ќе им помогне на другите кои се борат со истите работи. - За нас како семејство е важно да го почитуваме наследството на Метју. Потенцијалот што Фондацијата Метју Пери го има да им помогне на оние кои страдаат од оваа болест е нешто што со гордост го носиме на светот - изјавија од семејството пренесува Page Six. Кејт Морисон, очувот на Метју, ги охрабри обожавателите да донираат за Фондацијата. - Ова не е нешто што обично го правам, но оваа година е поинаку. Направете што можете, би ви бил благодарен – напиша тој на социјалната мрежа „Х“.

This is not the sort of thing I commonly do, this pitch. But this year is different. And tomorrow is Giving Tuesday. Do what you can; he would have been grateful. https://t.co/OmaqSgt1rq
— Keith Morrison (@dateline_keith) November 27, 2023

Пред неговата прерана смрт, ѕвездата на „Пријатели“, која со децении се бореше со зависноста од алкохол и дрога, планираше да основа фондација за поддршка на оние кои страдаат од злоупотреба на супстанции. Откако Метју почина, неговото семејство реши да ја оствари оваа цел во негова чест. Фото: Принтскрин/Twitter/mattyperry4

Фондација ,,Ице Бегов” – мисија на хуманост, ведар дух и добрина

Антонио Димитриевски — Mon, 11 Apr 2022 05:08:19 +0000

Фондацијата ИЦЕ БЕГОВ во Скопје е основана со цел вршење хуманитарни активности, поддршка и помош преку собирање средства и нивно насочување кон социјално загрозени категории лица и семејства, маргинализирана група граѓани, ранлива категорија граѓани, како и лица со попреченост. Фондацијата е непрофитна, хуманитарна и непартиска фондација, основана со слободно изразена волја, која се стреми кон остварување на целта поради која е основана. Фондацијата, за остварување на основната цел, има донесено Програма со задачи и активности, меѓу кои: организирање и одржување работилници, организирање и дистрибуција на храна, облека, лекови, хигиена, покуќнина и други производи кои се потребни за егзистенција на социјално загрозени категории лица и семејства, маргинализирана група граѓани и ранлива категорија граѓани, лица со попреченост. Фондацијата ќе се заложува за вршење активности за унапредување и подобрување на квалитетот на живот на социјално загрозени категории лица и семејства, маргинализирана група граѓани, ранлива категорија граѓани и лица со попреченост; организирање јавни настани за подигнување на свеста кај населението; организирање хуманитарни настани, како и помош на деца и ученици од воспитно-образовни установи (ранлива категорија). Фондацијата е отворена за секој граѓанин без оглед на национална , расна и верска припадност, кој сака и може со своето членување да придонесе во остварување на целта на Фондацијата, согласно задачите и активностите утврдени со Програмата на Фондацијата. Секој човек заслужува да ја почувствува човечноста на другиот: внимание, љубов, радост, верба, среќа и надеж за подобро утре, токму како што ИЦЕ БЕГОВ неизмерно ја споделуваше со неговото чисто и невино срце. ИЦЕ БЕГОВ е роден на 28.07.1995 година во Гевгелија. Детството и школувањето го помина во Скопје. Неговата личност и карактер е синоним за вистински пријател, брат, верен другар, со чиста љубов која ја ширеше кај секого. Секојдневието го започнуваше со желба да го помине денот со личности на места кои често ги посетуваше, а секоја помината минута беше предизвик да направи план за нова авантура. Негова силна страна беше помошта која неизмерно и безрезервно ја даваше на личностите кои беа дел од неговиот живот. Неговиот придонес беше особено важен, бидејќи со својата посебна енергија, добрина и милозливост сакаше да придонесе секој во неговото присуство да се почувствува среќен, мирен и спокоен. Енергијата која ја носеше во себе ја манифестираше со искрена насмевка и вистинска љубов која допираше до секого. Темпераментноста беше негова препознатлива карактеристика, а особено неговиот афинитет кон повеќе професии, меѓу кои: музиката, ветеринарството, занаетчиството особено кон неговата омилена професија електроинсталатер. Несебично го даваше својот максимум за секој ден да биде поубав, подобар и различен, исполнувајќи го секој момент со искрена насмевка, среќа и топла љубов. Неговата автентичност е поттик за основање на Фондацијата ИЦЕ БЕГОВ која ќе ја продолжи неговата мисија на хуманост, ведар дух и добрина која во целост го отсликува неговиот лик.

Големо срце: Драгана Мировиќ донираше пет илјади евра во знак на сеќавање на нашиот Тоше Проески

Слободанка Илиева — Tue, 27 Oct 2020 09:10:40 +0000

Минатата недела се одбележа 13-годишнината од смртта на Тоше Проески. Српската пејачка Драгана Мирковиќ донираше 5000 евра на Фондацијата Тодор Преоски во чест на поп-ѕвездата. – На овој начин сакав да го освежам сеќавањето за Тоше и неговата прекрасна музика. Фондацијата што го носи неговото име им помага на децата, па затоа сум сигурна дека парите ќе одат во вистинските раце. На телевизијата ДМ, неговото име и песна секогаш велат „Зачувај го од заборав“ изјавила Мирковиќ. Таа додаде дека на нејзината телевизија се обидува да не ги заборави луѓето што ги нема повеќе, и кои оставиле голем белег во музиката, како Силвана Арменулиќ, Тома Здравковиќ и други. - Секојпат кога ги емитувавме видеата на Тоше Проески, неговото име и насловот на песната секогаш на екранот пишуваат „спаси од заборав“ - рече пејачката.

Фондацијата “Никола Јанчев“ ги додели првите стипендии за ученици и студенти

Антонио Димитриевски — Thu, 12 Jul 2018 13:27:25 +0000

Фондацијата “Никола Јанчев“ која е основана оваа година на 14 ти февруари од страна на актуелниот Градоначалник на Општина Кавадарци г-дин Митко Јанчев денес ги доделува првите стипендии за учениците од основните и средните училишта како и за студенти.

По објавениот конкурс кој заврши во петокот, комисијата составена од стручни лица ги разгледа сите апликации и според дадените критериуми ги определи добитниците на 36 стипендии и на истите тие денес преку еден свечен чин им ги додели. Оваа фондација е основана со почетен буџет од 10 000 евра. Директор на фондацијата е г-ѓа Јанинка Чупаркоска управител на Кожувчанка. Дополнително секој месец буџетот на фондацијата ќе се зголемува со градоначалничката плата на г-дин Митко Јанчев. Тој уште во предизборната кампања најави дека доколку стане Градоначалник ќе ги донира месечните примања. Ветеното сега е исполнето. Фондацијата и во иднина ќе организира активности преку кои ќе се собираат средства за ранливите категории, за талентираните ученици и за граѓани на Општина Кавадарци на кои им е потребна помош.

Фондацијата го носи името на покојниот татко на г-дин Митко Јанчев кој по неговата смрт многу млад застаува на чело на компанијата Кожувчанка. Градоначалникот г-дин Митко Јанчев за неговата хуманост вели дека е виновен неговиот татко кој уште од мали нозе го воспитувал да помага на заедницата и на луѓето на кои им е потребна помош. Го учел дека хуманоста е доблест, и иако многу млад го остава сам да го најде вистинскиот пат сепак успева во тоа и неговиот правец секогаш е насочен според аманетот од неговиот татко , секогаш да им помага на оние на кои им е потребна помош.