фолк пејач – Вистина.мк

Почина македонскиот фолк пејач Златко Милошевски – Злате

Антонио Димитриевски — Sat, 27 Jan 2024 14:52:34 +0000

Почина македонскиот музичар и фолк пејач Златко Милошевски. Познатиот Злате пееше со многу ѕвезди од македонската естрада и настапуваше во речиси сите места и локали каде се организираат забави. Неговите колеги и пријатели, тажната вест ја споделуваат на социјалните мрежи и изразуваат сочувство. На неговиот ФЕЈСБУК профил можете да ги видите тажните овјави по неговата смрт. Причината за смртта не е позната, но сигурно била ненадејна бидејќи Злате деновиве имал веќе закажани настапи. Фото: Фејсбук/Zlatko Milosevski-Zlate

Вака изгледаше во неговиот прв видеоспот пред 45 години каде пееше забавна песна: Го препознавате ли пејачот, денес е македонска фолк легенда (ВИДЕО)

Антонио Димитриевски — Thu, 02 Mar 2023 09:00:00 +0000

Брадатото тогаш, 22 годишно момче кариерата ја започна токму со оваа песна и видео. Тогаш како надежен пејач на забавна музика и шлагери, за со годините подоцна да прерасне во врвен фолк интерпретатор на изворни и новосоздадени народни песни, а денес за него може да се каже дека е вистинска фолк легенда. Роден во ресенчанец, но речиси целиот живот го минува во Охрид, каде завршил основно и средно образование, како и музичко училиште, а во Охрид и денес живее. Во Скопје завршува прв степен право и Угостителско-туристички факултет одново во Охрид, но музиката преовладува, па по десеттина години работа како организатор во угостителско-туристичките организации во Охрид, дефинитивно прераснува во професионален естраден уметник, до ден денес. Нема фолк фестивал кај нас на кој не настапил, на многу од нив освојувал и награди, испеал мноштво македонски изворни и новосоздадени народни песни, од кои некои станале и хитови, а останале и како фолк евергрини. Имал мноштво турнеји по дијаспората, учествувал на безброј манифестицаии и концерти, снимил неколку носачи на звук ( касети и ЦД-а), а ден денес остана активен изведувач кој се' уште настапува и е присутен во медиумите. Ако се' уште не го препознавте, во прашање е Петар Нечовски. Освен по своите песни, познат како дружељубив човек, другар, пријател, со весело срце и широка душа. Инаку на видеото од далечната 1978 година реализирано од тогашнато ТВ Скопје тој го прави своето телевизиско деби каде ја пее забавната мелодија „Ти така ми доаѓаш“, песна која подоцна стана македонски шлагерски евергрин. На него не е снимката од изградбата на автопатот Скопје-Охрид, зашто со оглед на тоа колку долго се гради, можеби некому така ќе му заличи, туку се снимени фрагменти од тогашната младинска работна акција „ОРА Катланово 78“. Проследете го видеото од пред 45 години, кое повозрасните ќе ги постети на старите добри времиња, а помладите ќе ги однесе во за нив едно можеби едно поинакво време, во кое колку и да им изгледа и звучи чудно и неверојатно, многу поубаво се живееше од денес, на што се живи сведоци оние кои го искусиле и она тогашното и ова сегашново живеење, како самиот Петар Нечовски (КЛИКНИ ТУКА):

Почина Зоран Калезиќ: Познатиот фолк пејач ја изгуби битката со опаката болест

Антонио Димитриевски — Thu, 05 Jan 2023 06:44:46 +0000

По долго и тешко боледување на 73-годишна возраст вчера почина познатиот српски фолк пејач Зоран Калезиќ. Фолкерот од крајот на минатата година се бореше со ракот на белите дробови, а откако ја дознал дијагнозата бил опериран во една црногорска болница. Но, свесен дека се работи за подмолна болест, која напредува во секој момент, се почесто се сеќаваше на својот покоен кум Тома Здравковиќ, кој почина од рак на простата. „Сега полека тргнав на пат кон мојот кум Тома. Наскоро ќе се сретнеме, но дотогаш имам што да направам. Го чекам концертот во Домот на синдикатите за уште еднаш да ги слушнам нотите кои ги враќаат сите органи на своето вистинско место. Сите тие луѓе треба да ги видам уште еднаш во публиката“ – низ солзи неодамна изјавил Калезиќ. Иако по операциите беше активен во медиумите, во последните неколку месеци целосно се повлекол од јавноста. Да потсетиме Зоран Калезиќ по потекло е од Црна Гора. Негови најпознати песни се „Добар мој ангелу“, „Добро вечер, изгубена надеж“, „Застани младост, застани“... Во текот на повеќедецениската кариера продаде повеќе од 15 милиони аудио носачи на звик и слика, како сингл и ЛП плочи, аудио и видео касети. Тој беше истакнат естраден уметник. Фото: Дамир Дервишагиќ

На српскиот пејач сите мажи му се љубоморни заради сопругата: Јована е како извајана секси сирена (ФОТО)

Антонио Димитриевски — Wed, 06 Apr 2022 12:08:16 +0000

Фолк пејачот Ненад Јовановиќ, попознат како Ненад - „Близанац“, може да се пофали дека покрај себе ја има можеби најатрактивната сопруга од сите колеги на естрадата. Колку е привлечна и секапилна неговата понежна половина, шминкерката Јована Јовановиќ, докажуваат со фотографиите и видеата кои ги објавува на социјалните мрежи. Особено возбудливи се оние во бикини и други модели на костими за капење, каде до израз доаѓа сета нејзина телесна убавина. Јована изгледа повеќе од предизвикувачки и провокативно, нешто што дефинитивно овие кадри го докажуваат. Заради нејзиниот лик, извајаното тело, бујните облини и останатите атрибути на расната сопруга фотографирана на различни плажи, на пејачот му завидуваат многу мажи, па го гледаат со очи полни љубомора! А Јована навистина е совршена... Изгледа како извајана, предизвикувачки, привлечно и пожелно, како секси сирена на брегот! Фото: Инстаграм принтскрин/jovana_jovana00

Две години од смртта на великанот на македонската музика, фолк пејачот Ѓорѓи Желчески

Антонио Димитриевски — Thu, 24 Feb 2022 11:26:19 +0000

Денеска се одбележуваат две години до смртта на Ѓорѓи Желчески, великан на македонската музика, кој долги децении во Белград и Србија ја афирмираше македонската народна музика и заедно со сопругата Кевсер Селимова беа вистински амбасадори на македонскиот мелос. Тој почина на 82 годишна возраст. Беше многу талентиран човек во естрадниот свет, можеби и единствен кој има четири дипломи – музичко школо, средно медицинско школо, потоа вишо педагошко училиште и Природно математички факултет (наставник по хемија). Желчески, рано како солист во Радио Скопје, сфатил дека за народната музика која ја носел во своите гени не му треба никакво училиште. Во 1959 година на „Партизанските води“ на Златибор на барање на Маршалот Тито, се одржал фолклорен фестивал од цела Југославија, на кој Скопје како свој претставник го испратил Културниот клуб „Орце Николов“, на кој настапила и Кевсер Селимова. Почнале да пеат и да снимаат во дует, ширејќи ја славата на македонската песна на сите меридијани, а бидејќи 50 години живееја и твореа во Белград, ги нарекуваа амбасадори на македонските песни. Тој ќе остане запаметен со песните, кои во дует ги испеа со Кевсер, меѓу кои се „Елено, ќерко”, „Бело лице љубам јас”, „Врати ми се, љуби ме”, „Брала мома капини” и многу други. Во Домот на АРМ во Скопје концертно го прославија пет децениското постоење.

За Игор Андреевски таа е лек за душата – „Илина, најмила“ (ВИДЕО)

Антонио Димитриевски — Thu, 10 Dec 2020 14:10:37 +0000

Фолк пејачот Игор Андреевски го промовираше видеозаписот за песната „Илина, најмила”. Како што истакна во гостувањето во естрадниот ТВ магазин Естрада плус, станува збор за доста убава песна во ориентален ритам која е дело на Златко Миладиноски. Видео пак го изработи ИН Продукција. „Песната е комплетно дело на Златко Миладиноски, музиката, текстот и аранжманот се негови, а јас сум само изведувач на таа убава песна. Ние соработуваме со Златко и ете така спонтано се случи песната, која што се надевам дека звучи убаво. Сепак слушателите и гледачите откако премиерно ќе ја слушнат, ќе оценат дали ќе им се допадне? Јас сум препознатлив по стилот кој е близок до изворниот,а таква е и оваа песна. Гледачите и слушателите имаат можност да уживаат во еден брз, жив, ориентален ритам. Ќе ја опееме Илина, за некого сакана мајка, ќерка, внука, девојка...“ -вели Игор. Младиот пејач додава дека секогаш треба да се твори нова музика, односно да и се подарат нови песни на публиката. Затоа тој и понатаму ќе продолжи со интензивна работа и подготовка на нов материјал. Во продолжение погледнете го видеозаписот за „Илина, најмила”! https://www.youtube.com/watch?v=ZJZJq6WVgWw&feature=emb_logo

Петар Нечовски слави слава по протокол: Пејачот кон попот со должно внимание, ама на пропишано растојание (ФОТО)

Антонио Димитриевски — Wed, 09 Dec 2020 09:06:52 +0000

Пред новогодишните празници за православните верници започнува периодот на големите слави... Всушност нив ги има речиси преку цела година, но оние најзначајните некако се сега во доцната есен и зимата... Таков и денот кога верниците со православна вероисповед го празнуваат Свети великомаченик Георгиј Победоносец или во народот попознат како посен Свети Ѓорѓија. Освен како семејна слава, овој голем ден се празнува и како именден и како слава на цели села и градови. „Како ослободител на плениците и заштитник на сиромашните, лекар на немоќните, помошник на владетелите, победоносецот, великомаченик Георгие, го моли Христа Бога да ги спаси нашите души“. И покрај забраните за групирање, собирање, дружење на повеќе од четворица заради корона опандемијата, народот длабокопочитувајќи си ја верата, сепак слави. Слават многумина, меѓу кои и некои познати и популарни личности од македонската естрада. Еден од нив и охриѓанецот, познатиот фолк пејач Петар Нечовски. Освен по своите песни, познат како дружељубив човек, другар, пријател, со весело срце и широка душа, Петар не пропушти она што си е ред и адет да си го направи на денот на домашната слава - Свети Ѓорѓија. Славата е посна, па домаќинката традиционално зготвила пржена риба, разбирливо охридска пастрмка, а славата без свештеник не ја бидува, па уште рано изутрина пејачот реши да си го испочитува редот и попот беше првиот гостин кај Нечовски на денот на славата. Но, Петар не е само добар домаќин, туку и одговорен граѓанин, па добро знае дека и за време на славење и адети, мора да се испочитуваат протоколите. Не дека некој ќе дојде рано посабајлечки да те проверува, туку, ако веќе меѓудругото славата е за здравје на домаќините и потесното и пошироко семејство, убаво е да придонесеме здрвјето и да се зачува. Зашто чумата на 21-от век, „ламјата“ која Свети Ѓорѓија ја прободува со копјето за да не не проголта, е секаде околу нас. Па затоа, за да не ни се случи од пред врата да ја пуштиме дома и Петар Нечовски и домаќинката, ама и попот ги испочитуваа протоколите. И домаќините го дочекаа и свештеникот ја вршеше својата богослужба во нивниот дом - со заштитна маска. Пејачот и домаќинката кон попот со должно внимание, ама на пропишано растојание! А, потоа... од рипчето ќе мора да се касне, секако без маска. Ама, ако... Свети Ѓорѓија да поможит и... Нека е за многу години! Среќна слава домаќине. И тебе и на сите други што ја слават!

Уште една српска фолк легенда има тежок облик на корона: Како млад буквално го извадиле од гроб, ќе успее ли на 76 години повторно да ја измами смртта? (ФОТО)

Антонио Димитриевски — Wed, 25 Nov 2020 11:26:35 +0000

Легендата на српската народна музика од повозрасната генерација, Миланче Радосављевиќ (76) е заразен со коронавирус и е на кислородна поддршка во болницата на Бежаниска Коса во Белград. „Се гушев, медицинските сестри ме молеа да земам воздух, да дишам, а јас не можев“- вели Миланче Радосављевиќ. Јас сум во болница и имам тешка форма на корона. Ме примија како итен случај и мислев дека сум отпишан, сепак, успеав по втор пат да се вратам од мртвите. Што би се рекло, по втор пат му избегав на гробарот од лопата“ - раскажал во телефонскиот разговор фолк легендата. https://arhiva.vistina.com.mk/radio-mileva/srpskiot-folker-milanche-radosavljevikj-ima-bizarna-sudbina-pochinal-po-udar-od-grom-aramii-go-otkopale-za-da-go-ograbat-a-toj-oziveal-srede-grabezot-na-grobot/ „Се' уште сум жив благодарение на лекарите“ - рекол пејачот. „Имав тешка пневмонија и цело време се гушев. Беше навистина гадно! Бев на работ на смртта и жив сум само благодарение на болничкиот персонал. Тие се максимално посветени на пациентите и ги ризикуваат своите животи за да нè спасат нас“ - раскажал легендарниот пејач, а потоа направил пауза и почнал да кашла: „Слушате, сè уште се гушам. Затоа ме држат на кислород, без кој не можам да дишам. Повеќе не размислувам дали ќе пеам, туку само дали ќе преживеам. Лекарите ми рекоа дека ја имам најлошата форма на корона, но дека тие ќе сторат сè за да ми помогнат. Велат дека сигурно ќе умрев ако дојдев само еден ден подоцна во болница“ - тврди познатиот српски музичар и фолк пејач од повозрасната генерација. Фото: Рина.рс

Бившто момче на Милица Тодоровиќ, колега – пејач и некогашна “Гранд ѕвезда“ отвори слаткарница (ВИДЕО)

Антонио Димитриевски — Wed, 04 Nov 2020 11:21:07 +0000

Од музика во време на корона пандемија нема живот, па фолк-пејачот Ненад Јовановиќ отвори слаткарница. Оваа добра вест ја воодушеви и неговата поранешна девојка, популарната пејачка Милица Тодоровиќ. „Среќно Мики!“ - му порача Милица на Ненад по објавениот прилог на „Гранд телевизија“. Да ве потсетиме, Милица и Ненад беа заедно во периодот кога двајцата се натпреваруваа во втората сезона на „Ѕвездите на Гранд“. За разлика од Ненад, факт е дека Милица направи далеку поголем успех на српската, па и на регионалната музичка фолк сцена, но со оваа поддршка Милица покажа дека останала во добри односи со бившата љубов. https://www.youtube.com/watch?v=DBHqlHs_oJ8&feature=share

Тој е Шефик, татко му на Златан Ибрахимовиќ: „Кинко“ – кралот на кафеаната, алкохолот и југофолкот! (ФОТО)

Антонио Димитриевски — Wed, 13 Feb 2019 10:02:16 +0000

По неуспешните обиди во младоста, Шефик Ибрахимовиќ на стари години прави вистинска кариера како пејач на народна музика! До душа, поголем успех и подобра атмосфера има во пабовите и кафеаните ширум Европа отколку на YouTube, каде што неговиот канал го следат неколку илјади фолк фанови.

Шефик, е познат по прекарот „Кинко“ и има посветено две песни на својот син Златан (Сине мој и Злато, Златене), на родната Бјелина (Убава си Бјелино) и на Босна (Ти се враќам Босно), а првата негова снимка датира од 1991 година, кога гостувал на ТВ Сараево со песната "Тешко е да се сака".

Инаку, Шефик отсекогаш ги сакал кафеаната и алкохолот, заради кои ќе му се распадне и бракот со мајката на Златан, Јурка. Кариерата на Златан започнала во тимот на МБИ заедно со неговите шведски врсници, од каде по неколку години се преселил во тимот на ФБК Балкан.

„Разликата меѓу двата клуба беше драстична, како и атмосферата што татковците ја создаваа на трибините. Додека татковците на играчи во МБИ ги поддржува своите деца извикувајќи: "Ајде, момчиња. Тоа е добро!", татковците на соиграчите во новиот клуб своите деца ги „бодреа“ со пцости: Да ти е*ам мајката во п**ка!" „Си мислев, одлично, исто како дома. Мене ми е добро тука. Тој ниту ги гледаше моите натпревари, ниту ме поттикнуваше да учам. Го имаше своето пијанство, своја војна и својата југословенска музика“ - се сеќава Златан на детсвото во својата автобиографија.

Сепак, тој став на татко му кон неговиот син не останал засекогаш! Во еден момент, кај Шефик ќе се случи пресвртница, и од целосно неверување, тој станал посветен татко и најголема поддршка на неговиот син. Тој ја следел секоја тренинг-сесија, ги сечел и собирал статиите од весниците, ги следел сите натпревари. Овој однос кон Златан го зачувал и до ден-денес! https://www.youtube.com/watch?v=K7UZxh3u2P0