Што го привлекува вниманието на младите на социјалните медиуми?

Антонио Димитриевски — Tue, 25 May 2021 12:53:33 +0000

Во екот на технолошкиот развој и комуникација на прво место се секако социјалните медиуми. Многу од нив се дел од секојдневието на младите генерации. Eдна од најважните цели која е заедничка за секоја содржина е да се привлече внимание на што е можно повеќе читатели и да се сподели меѓу различни групи на луѓе. Токму тоа беше поттик за две студентки од ФИНКИ да направат истражување на тема - Што го привлекува вниманието на младите на социјалните медиуми? За таа цел спроведоа анкета на повеќе испитаници и разговараа со стручно лице кое има долгодишно искуство во интернет рекламирањето. Преку овие активности дојдоа до интересни заклучоци. “Содржината зависи од производот кој комуницира и најголем ефект имаат видео содржините во кои треба да се запази приказната на брендот. Младите денес комуницираат визуелно, па така вниманието најмногу го привлекува впечатливиот наслов, добрата комбинација на бои и слики кои се придружени со текстуални пораки” – велат тие.

Не постои валидна причина за сајбер булинг

Антонио Димитриевски — Thu, 20 May 2021 08:47:06 +0000

Група од три студентки од ФИНКИ активно го креваат својот глас против сајбер булингот. „Изреволтирани од случувањата на денешницата, како и се поголемиот број на жртви на сајбер булинг решивме да го направиме овој проект насловен како: 'Социјални медиуми: платформа за повреда на човековите права и дефамација' со цел да ја развиеме свеста за оваа негативна појава и да влијаеме позитивно врз заедницата“ - велат тие. Социјалните медиуми се најмоќниот продукт кој произлезе од дигиталната револуција и развојот на технологијата. Нивната најголемата предност е тоа што спојува луѓе од различни страни на светот да комуницираат на многу побрз и полесен начин. Но, покрај огромната корист која што ја нудат социјалните медиуми, сепак носат и одредени опасности и непријатни искуства. Тие се еден од најштетните елементи на општеството бидејќи ја нарушуваат нашата приватност како никогаш порано. За таа цел е спроведена анкета, од чии резултати е увидено дека нивните очекувања се исполниле. Затоа одржуваат видео конференции на оваа тема, постираат дигитални флаери на нивните социјални медиуми, со други зборови пробуваат да ја подигнат свеста за сајбер булингот и искористувањето на приватноста кај корисниците на социјалните медиуми.

финки – Вистина.мк

Што го привлекува вниманието на младите на социјалните медиуми?

Не постои валидна причина за сајбер булинг