филмски – Вистина.мк

Маскирани упаднаа во луксузната вила на Сека Алексиќ: Пејачката го прослави роденденот на синот на несекојдневен начин (фото)

Слаѓана Атанасова — Fri, 07 Oct 2022 07:40:34 +0000

Сека Алексиќ и Вељко Пиљикиќ приредија неверојатна прослава по повод роденденот на нивниот син Јаков. Пејачката имаше необична ситуација кога неколку вооружени мажи облечени во црвени одела слични на оние од серијата „La casa de papel“ упаднале во дворот на нејзината вила, а оружјето секако било само играчки. Актерите маскирани како хероите од филмот влегоа во дворот и почнаа да трчаат кон малите девојчиња кои со ентузијазам ги пречекаа. Многумина беа изненадени што целиот двор е во мотивите на серијата „La casa de papel“, бидејќи беше детски роденден, а Сека се потрудила да направи се на највисоко ниво. Балони, соба за игри, дури шест големи торти, банкноти, аниматори се само дел од големата прослава. Но, сепак најголем впечаток остави моментот кога „бандата“ со пластично оружје влегла во дворот. Фото:Принтскрин/Инстаграм/Сека Алексиќ

„Филмови што значат“ од 4 до 16 декември во пет градови низ Македонија

Антонио Димитриевски — Tue, 04 Dec 2018 09:11:09 +0000

Од 4 до 16 декември, Младинскиот образовен форум во соработка со Амбасадата на Кралството Холандија, го организираат „Филмови што значат“ (Movies That Matter), филмски фестивал за документарен филм чија цел е одбележување на Меѓународниот ден на човековите права – 10 декември. Филмските проекции ќе се одржат во пет града: Велес, Тетово, Скопје, Куманово и Битола. Трите филмови кои ќе се прикажуваат се: „Џошуа: Тинејџер против супермоќта“ (Joshua: Teenager vs. Superpower), „Нешто мое: Украдените деца на Аргентина“ (Algo Mio, Argentina’s Stolen Children) и„Трагачи по вистината“ (Truth Detectives). По секоја филмска проекција ќе следува дискусија. Филмовите се со превод на англиски јазик. Влезот на сите настани е бесплатен. ПРОГРАМА НА ФЕСТИВАЛОТ: Велес – 19.00 часот/ 4 декември/ Локалната библиотека „Гоце Делчев“ (Медиотека) Филм: „Џошуа: Тинејџер против супермоќта“ (78 минути), режија: Џо Пискатела, САД Тетово – 19.00 часот/ 5 декември/ Центар за балканска соработка Лоја Филм: „Нешто мое: Украдените деца на Аргентина“ (93 минути), режија: Џени Хелман и Реџина Мениг, Германија Скопје – 18.00 часот/ 10 декември/ Кафе и филм Котур Филмoви: 18.00 ч – „Детективи на вистината“ (52 минути), режија: Ања Рајс, Германија 19.00 ч – „Џошуа: Тинејџер против супермоќта“ (78 минути), режија: Џо Пискатела, САД 20.30 ч – Дискусија 21.30 ч – „Нешто мое: Украдените деца на Аргентина“ (93 минути), режија: Џени Хелман и Реџина Мениг, Германија Куманово – 19.00 часот/13 декември/ Младински центар MultiКулти Филм: „Џошуа: Тинејџер против супермоќта“ (78 минути), режија: Џо Пискатела, САД Битола – 19.00 часот/16 декември/ НУ Центар за култура Битола – Мала сала Филм: „Нешто мое: Украдените деца на Аргентина“ (93 минути), режија: Џени Хелман и Реџина Мениг, Германија

„Битолскиот камерен оркестар“ со гала филмски концерт во Скопје

Антонио Димитриевски — Tue, 02 Oct 2018 11:44:03 +0000

Камерниот оркестар на Битола на 25 октомври ќе одржи гала филмски концерт во Македонската опера и балет. Заедно со оркестарот, предводен од маестро Владимир Димовски, ќе настапат и солистите: Наде Талевска, Андријана Јаневска, Ѓоко Танески и Марија Димитријевиќ.

Концертот во Скопје доаѓа по успешната летна турнеја, во чии рамки музичарите настапија на летните фестивали во родната Битола и во Струмица, како и во Ужице, соседна Србија, а до крајот на годинава се очекува и уште еден традиционален концерт во битолскиот Центар за култура.