филмски фестивал – Вистина.мк

Ана Стојановска одново разголена, овој пат со „бесконечно“ деколте на филмски фестивал во Црна Гора (фото)

Слободанка Илиева — Wed, 30 Aug 2023 08:04:37 +0000

Храбриот избор и модната уникатност се дел од стилскиот печат на познатата македонска актерка Ана Стојановска која периодов е доста активна со премиерите на филмот „Кајмак“ на филмски фестивали низ Балканот. Неодамна доста впечатлив и коментиран беше нејзиниот избор за свеченоста на сараевскиот филмски фестивал, каде домнираше со едноставен но ултра впечатлив црн фустан кој открива повеќе кожа. Храбриот избор на едни им се допадна, на други не, но преку сигурниот и самоуверен став на Ана, можеше да се забележи дека таа го носи вистинскиот избор, на вистинското место. Екипата на „Кајмак“ продолжи и на филмски фестивал во Црна Гора, а Ана одново модно доминираше, овој пат во дводелна комбинација од маичка со „бесконечно“ деколте и сино-тиркизно здолниште кои го комплетираа нејзиниот бохо- стајлиг за оваа пригода. Впечатлива и женствена, но ненаметлива и сосема доволно дозирана со провокација која таа знае како да ја износи. Инаку, филмот „Кајмак” на Милчо Манчевски, освои Специјално признание на жирито ФЕДЕОРА (Федерација на филмски критичари од Европа и Медитеранот). Наградата беше доделена на вчерашната свеченост при затворањето на меѓународниот Фестивал Херцег Нови Монтенегро. На свеченоста, покрај режисерот Манчевски, присуствуваа и актерите од филмот Александар Микиќ и Ана Стојановска. Паралелно, „Кајмак“ ја имаше и американската премиера, на 33-то издание на фестивалот Синеквест во Калифорнија. Во почетокот на септември, „Кајмак“ ќе биде прикажан на уште три фестивали: i-Fest во Калабрија, Италија, каде ќе бидe прикажанa и ретроспектива на опусот на Манчевски, Балкан панорама во Измир, Турција, и „Avant&Una“ во Бихаќ, Босна и Херцеговина.

Мајкл Даглас со своите две принцези на црвен килим во Кан: Кетрин Зета Џонс и ќерката Кариса блеснаа од убавина (фото)

Слободанка Илиева — Thu, 18 May 2023 11:08:37 +0000

Канскиот филмски фестивал почна и ќе треае трае до 27-ми мај на француската ривиера. На црвениот килим меѓу познатите беше и Мајкл Даглас (78) со сопругата, актерката Кетрин Зета Џонс (53) и ќерката Карис. Кетрин заблескала во смелиот фустан од познатиот дизајнер Ели Саба во црвено-виолетова комбинација. Нејзиното деколте привлекло внимание и го нагласило сексапилот на актерката, додека Кариса носела бел, чипкан фустан којшто имал проѕирни делови, но стратешки распоредени, па така не дозволил да се види нешто што не треба. Многумина коментирале дека Кариса е многу убава и дека личи и на нејзиниот татко и на нејзината мајка. Инаку, Мајкл Даглас ја прими почесната Златна палма на отворањето на 76-от филмски фестивал. „Толку многу ми значи затоа што толку фестивали ширум светот има, но еден е Кан“, изјавил 78-годишниот актер опишувајќи ја наградата како „неверојатна чест“. Претставувајќи го Даглас, Ума Турман го опишала како единствен и како продуцент и како легендарна филмска ѕвезда. Во текот на свеченоста на отворањето на фестивалот, Киара Мастроиани изјавила: „Смислата на овој фестивал е и останува евоцирање на нашата слобода... Да ја изразиме силата и кршливоста на нашето постоење“... Таа му посакала добредојде на жирито, предводено од Рубен Остлунд на сцената. Драмата „Jeanne du Barry“ беше филмот на француската режисерка Маивен за монархот од 18-ти век којшто се заљубил во проститутка и којшто го отвори фестивалот. Фестивалот на француската ривиера вклучува многу премиери меѓу кои и Индијана Џонс, што ќе биде петто и последно продолжение од тој серијал со Харисон Форд како археолог во главна улога. фото:Јутјуб принтскрин

Џулиен Мур одржа модна лекција на црвениот килим од филмскиот фестивал во Венеција (фото)

Слободанка Илиева — Fri, 02 Sep 2022 11:10:54 +0000

Премиерата на филмот „Бела куќа“ на Ноа Баумбач се случи вчеравечер на отворањето на 79-от Меѓународен филмски фестивал во Венеција којшто ги собира голем дел од познатите во светот. Нив ги предводела американската актерка Џулиен Мур (61) која речиси никогаш не го пропушта овој фестивал, а годинава таа има важна улога – го претседава жирито.

View this post on Instagram

A post shared by Julianne Moore (@juliannemoore)

Неколку часа пред гала церемонијата на отворањето на фестивалот, Мур признала дека е пресреќна поради честа која ѝ е дадена во овој момент. Како што истакнала, првпат присуствувала на Фестивалот кон средина на 80-тите години, кога не можела ниту да сонува дека еден ден ќе биде член на жирито.

View this post on Instagram

A post shared by Julianne Moore (@juliannemoore)

„Беше тоа во 1986 година кога глумев во серија, вистинска сапуница. Да знаев тогаш дека еден ден ќе бидам претседателка на жирито во Венеција, сигурно би паднала во канал“, изјавила Џулиен низ насмевка. Актерката насмеана стигнала на првата венецијанска премиера кога на црвениот тепих прошетала во креација која ја потпишува италијанската модна куќа „Валентино“. Џулиен избрала да носи необичен фустан кој изгледа како да лебди на површината. Црното боди украсено со разнобојни светки кое се спушта надолу во вид на здолниште ѝ прилегало неверојатно, а актерката носела и наметка украсена на ист начин. Под проѕирниот слој наѕирале црните сандали на платформа, а сето тоа изгледало прекрасно со „Картие“ накитот којшто го носела. фото:Инстаграм/Џулиен Мур

Филмскиот фестивал за млади „Џифони Македонија 2021“ се враќа во киносалите

Антонио Димитриевски — Thu, 30 Sep 2021 13:03:29 +0000

Филмскиот фестивал за млади „Џифони Македонија“ повторно во живо. По минатогодишното онлајн издание, деветтото издание на Џифони Македонија ќе се одржи од 7 до 12 октомри во Скопје, на добро познатите локации: во Кинотеката, во Младинскиот културен центар и во киното „Милениум“. Веќе неколку дена е објавен повикот со кој се повикуваат сите ученици од средните и од основните училишта да се пријават за учество во меѓународното жири. Во намален број заради протоколите за безбедност, околу 180 ученици од основните и средните училишта од градот заедно ќе гледаат филмови и ќе учествуваат на креативни работилници, мастеркласови и други интересни содржини. За учесниците од странство и од другите градови во Македонија ќе биде обезбедена видеоконекција преку која ќе им се приклучат на своите врсници во активностите. Пријавувањето е отворено до 4 октомври (понеделник). Формулар за пријава во категоријата Јуниори (VI, VII, VIII и IX одделение) https://tinyurl.com/Juniori21 Формулар за пријава во категориите Кадети и Сениори (I, II, III и IV година средно) :https://tinyurl.com/GiffoniMK21 Формулар за волонтери: https://tinyurl.com/GiffVolonteri Фестивалот „Џифони Македонија“ е поддржан од македонската Агенција за филм и Министерството за култура, Град Скопје, партнерот од Италија – „Џифони Експиериенс“ и Мисијата на ОБСЕ во Скопје.

Првпат заедно на јавен настан: Џенифер Лопез и Бен Афлек прегрнати пристигнаа на филмскиот фестивал во Венеција

Христина Ѓоргиевска — Fri, 10 Sep 2021 09:36:05 +0000

Популарниот холивудски пар Џенифер Лопез и Бен Афлек со приватно такси допатувале на 78 издание на филмскиот фестивал во Венеција. Тие пристигнале на премиера на филмот „The last duel“ во кој Афлек има улога. Двојката не ја пропуштила приликата да покажат колку се заљубени, па дури и прегрнати пристигнале на фестивалот. За ова прилика тие се одлучиле за црна и бела комбинација. Имено, Џенифер била облечена во бел фустан во комбинација со црни сандали и чанта. Бен бил облечен во црна комбинација. Инаку, откако во мај ја обновија старата љубов, Бен и Џенифер се неразделни – своето слободно време го поминуваат заедно, сами или со децата. фото: Профимедиа

Турскиот актер Џан Јаман ги собра сите погледи на филмскиот фестивал во Венеција (фото)

Христина Ѓоргиевска — Tue, 07 Sep 2021 10:09:23 +0000

Турскиот актер Џан Јаман неодамна одмараше во Белград, а сега турскиот актер ги собра сите погледи на филмскиот фестивал во Венеција. Имено, актерот кој е познат по улогата во серијата „Романтичарот“ за ова прилика одлучи да се облече во црна комбинација. Тој се појави во црни панталони во комбинација со црна кошула и палто. На овој фестивал, Џан Јаман бил награден со награда за најдобра филмска улога и открие на годината во Италија во категоријата – фикција. Џан Јаман е позната по неговата улога на Џан во серијата „Романтичарот“ и со својата колешка Демет Оздемир ја освоија публиката ширум Европа. Како што пишуваат италијанските медиуми, врската на Џан Јаман со италијанската новинарска неодамна завршила, па актерот се одлучил да отпатува во Белград и Венеција за да заборави на раскинувањето. фото: профимедиа

Сашко Коцев ја доби наградата за најдобар актер на филмскиот фестивал во Бејрут

Антонио Димитриевски — Tue, 09 Feb 2021 14:24:54 +0000

Награда за најдобар актер на фестивалот за кратки филмови во Бејрут – „Beirut Shorts International Film Festival“ ја доби нашиот актер Сашко Коцев. Актерот Коцев, со потекло од Куманово, наградата ја освои по заслуга на неговата улога во филмот „Налепница“ на Георги Унковски. Ова е една од многубројните награди кој Сашко Коцев ги има освоено. Тој го доби и признанието за најдобар актер на Фестивалот за кратки филмови во Берлин, Германија, две награди во италија, награда за најдобар актер на фестивал во Турција. Сашко Коцев го игра главниот лик во „Налепница“, кој по неуспешниот обид да ја обнови својата сообраќајна дозвола, тргнува на пат и запаѓа во серија бирократски проблеми… Краткометражниот игран филм „Налепница“учествуваше на повеќе од 170 филмски фестивали и доби десетици награди. https://www.youtube.com/watch?v=dc9k83eIMk8&feature=emb_logo

Почнува филмскиот Фестивал во Венеција со намалена програма и гледачи кои во салите ќе носат маски

Антонио Димитриевски — Wed, 02 Sep 2020 13:03:26 +0000

Во Венеција денеска почнува 77-то издание на Меѓународниот филмски фестивал – „Мостра“, сепак, во сенка на епидемијата на коронавирус. Програмата е намалена, а мерките за заштита ќе бидат задолжителни. Вкупно 60 играни филмови и 15 кратки филмови ќе бидат прикажани за време на фестивалот, соопштија организаторите. Во официјалната трка за главната награда „Златен лав“ годинава ќе се натпреваруваат 18 филма, од кои четири се италијански – „Le sorelle Macaluso“ од Ема Данте, „Padre nostro“ од Клаудио Ноче, „Miss Marx“ од Сузана Никијарели и „Notturno“ од Џанфранко Орси. Уште еден италијански филм – „Lacci“ од Даниеле Лукети, ќе се прикаже вон конкуренцијата за „Златен лав“, а со него и ќе се отвори фестивалот, којшто ќе трае до 12 септември. Жирито годинава го предводи австралиската глумица Кејт Бланшет. Меѓу членовите се и Французинката Лудивин Сање и режисерите – Германецот Кристијан Пецолд и Романецот Кристи Пују. Британската актерка Тилда Свинтон и режисерката од Хонг Конг – Ан Хуи ќе го добијат Златниот лав за животно дело. Иако годинава се откажани бројни културни настани поради коронавирусот, меѓу коишто и Канскиот филмски фестивал, организаторите на Мостра не се одлучија на откажување. Но, со јасни правила – бројот на филмски проекции е ограничен, додека во салите, гледачите ќе мора да одржуваат физичко растојание и да носат маски. Ќе има и термални камери така што никој со телесна температура над 37,5 Целзиусови степени, нема да може да влезе.

Фестивалот во Венеција вообичаено беше прво место каде доаѓаа многу sвезди и филмаџии на патот до доделување на „оскарите“. Вообичаено, Џорџ Клуни, Бред Пит, Скарлет Јохансон и други актери се собираа во „Лидо“ пред камерите, новинарите и нивната публика. Но годинава, фестивалот ќе се одржи во малку изменета форма поради пандемијата на коронавирусот, пишува „Асошијетед Прес“.

Годинава, фотографите и новинарите ќе бидат малубројни, и ќе доаѓаат главно од Европа, а ќе нема публика. И многу врвни актери нема да присуствуваат, со што фестивалот во Венеција ќе наликува на мал собир на европската филмска индустрија. Италија е една од државите што се најмногу погодени од пандемијата на коронавирусот. Според бројот на смртни случаи се наоѓа на второто место во Европа, зад Велика Британија. Со постепеното нормализирање на животот во земјата, годинашниот филмски фестивал во Венеција што ќе трае од утре до 12 септември, е показател дека и светот на филмот полека се враќа во „нормална“ состојба, по паузата која почна во март.

„Македокс“ ќе се одржи од 19 до 26 август

Антонио Димитриевски — Mon, 17 Aug 2020 12:58:38 +0000

Единаесетото издание на фестивалот на креативен документарен филм „Македокс“ ќе се одржи од 19 до 26 август во паркот кај МКЦ и во летното кино на Кинотеката, а ќе биде посветено на звукот и тишината. Фокусот ќе биде, како што најавуваат организаторите на поезијата во филмоти дизајнот на звук. Мото на фестивалот е „Слеј се со тишината“, според истоимената стихозбирка на Ацо Шопов од 1955 година.

„Годинава фестивалот ќе се одржи во хибридно издание – ќе има проекции и настани во живо на отворен простор и настани што ќе се одржат он-лајн на интернет. Филмските проекции што ќе се одвиваат во живо паралелно ќе може да се следат и на интернет-платформа, што овозможува програмата да биде достапна низ целата држава. Поради пандемијата на коронавирусот годинава нема да дојдат гости од странство, но голем дел од авторите на филмовите на фестивалот ќе присуствуваат виртуелно. Планирано е он-лајн да се одвиваат дискусиите по филмовите, разговорите под смоква, како и мастеркласовите и работилниците“ - велат организаторите.

Плакатот за годинашното издание прикажува микроскопски фотографии од кромидот, симболот на „Македокс“. Фестивалската програма ќе биде отворена на 19 август, а комплетната филмска програма, како и фестивалските жирија, може да се најдат на фестивалскиот сајт: http://makedox.mk/mk/festival/filmska-programa/ Фестивалот за своето 11-то издание, сѐ уште, нема добиено поддршка од Агенцијата за филм.

„Станува збор за проблем од административна природа што се провлекува неколку месеци наназад. Поради виша сила фестивалот задоцни четири работни дена со својата апликација за поддршка од Агенцијата. Правното решение се чека веќе седум месеци. Без поддршката „Македокс“ мораше да се откаже од своето фестивалско гнездо – објектот на Куршумли ан, како и од платото пред Музејот на Македонија . Фестивалот има одобрување за користење на двата простори од институтот „Јунус Емре“, Музеј на Македонија и Археолошки музеј“ - велат од Македокс.

„Beach Film Festival 2020“: Трето издание на Филмскиот фестивал на плажа во Охрид

Антонио Димитриевски — Wed, 22 Jul 2020 12:01:56 +0000

Од денеска, среда, 22 јули до недела, 26 јули ќе се одржи третото по ред издание на „Beach Film Festival 2020“ на плажата Св.Стефан во Охрид. Покрај официјалната филмска селекција, дел од програмата ќе бидат предавања, работилници и македонски студентски филмови. На 23.07.2020 (четврток) во 21.00 часот ќе се одржи проекција на брод како дел од проектот European Film Challenge, поддржан од Креативна Европа МЕДИА.