филип – Вистина.мк

Емотивен споменар за денот што го чекаме цела година: Лила вака му го честиташе роденденот на мажот на својот живот (ФОТО)

Антонио Димитриевски — Sat, 30 Sep 2023 07:20:05 +0000

Најпознатата и најпопуларна македонска ТВ водителка Лила Филиповска, постојано е актуелна во јавноста. Како на професионален план кога е во прашање квизот „Се' или нешто“ чија нова сезона започнува, така и во доменот на нејзината втора неофицијална професија - инфлуенсерството, како и за она што и се случува на приватен план. За Лила се знае речиси се', бидејќи таа не е меѓу оние „ултра резервираните од затворена природа“, туку напротив, многу нешта јавно споделува на социјалните мрежи. Меѓу другото и љубовта, но никако кога се во прашање нејзините лични врски, за кои е повеќе од мистериозна, ама затоа онаа семејната, никогаш ниту ја крие, ниту ја премолчува. А има ли поголема среќа и љубов на една мајка од онаа кон своето чедо, во случајов нејзиниот син Филип. Некои го паметат уште кога се роди, други пак го запознаваат низ времето, трети сега, по прошетката по старите фотографии уште како бебенце, кои Лила знае да ги сподели за некои важни датуми! Така е секогаш, така беше и овој пат кога мама Лила со емотивен фото - споменар кој го сподели на социјалните мрежи за „денот што го чекаме цела година“ и јавно му го честиташе роденденот на мажот на својот живот! „И целиот свет да е против мене… најважно е што те имам ТЕБЕ. Еден живот една љубов…син, другар, поддршка, мој панцир години наназад !!! Ете затоа сум толку силна. Најсреќен роденден Филипе мој да си здрав, жив и најсреќен… И уште долго да ме чуваш, браниш, пазиш и мазиш… те сака Лики“ - споделила Лила во објавата.

View this post on Instagram

A post shared by Lila (@lilafilipovska)

А во споделениот фото-колаж, нејзиниот син - единец во разни периоди и возрасни фази од животот. Речиси од лулка, па се до денес, како расте и се развива, станува од детенце вистински маж низ годините што минале... Природна трансформација и една љубов мајчинска, чиста... Само Лила е - иста!? Фото: Инстаграм/lilafilipovska

Ова е видеото за навивачката химна посветена на ракометарите пред ЕП 2022 – „Европско од сон“ (ВИДЕО)

Антонио Димитриевски — Fri, 31 Dec 2021 10:02:50 +0000

„Фудбалерите имаат неколку свои химни, а ракометарите не! А нели ракометот е најуспешниот и најсаканиот спорт во Македонија?! Па, зошто македонскиот ракомет да нема своја Химна?! Сметаме дека токму песната „Европско од сон“ ќе ја пополни оваа празнина и ќе биде музичко-текстуален поттик пред секој натпревар на македонските ракометни херои, а ќе се пее и при прославувањето на сите идни нивни успеси“ - ја објаснува навувачката ракометна химна текстописецот Огнен Неделковски, кој е идеен творец на истата, заедно со синот Филип и неговата сопруга, новинарката Соња Алексоска Неделковска. Замислата на идејните творци на проектот беше песната да ја пеат двајца вокални интерпретатори, вљубеници во ракометот и цел хор од најверните македонски навивачи од цела Македонија. Во спотот беа вклучени инсерти од снимањето во студио на песната од страна на пејачите и на навивачите, но и инсерти од нивното дружење, навивање и веење на македонското знаме. Низ соодветна динамична монтажа се вметнати повеќе незаборавни потези (голови, одбрани, додавања) на македонските ракометни јунаци, од разни натпреварувања. Во песната и спотот учествуваа навивачи од Скопје, Дојран, Струмица, Куманово, Тетово. Беа најавени навивачи од повеќе градови, но не се појавиле на снимањето поради различни причини. Во видеото се ставени нивни фотографии од ракометните трибини. Пред почетокот на ракометното ЕП 2022 каде Македонија ќе се појави во континуитет по шести пат во низа и по рекорден седми пат атмосферата се загрева и со промоцијата на новата навивачка песна наречена „Европско од сон“.

Децата од „Дајте музика“ со песната „Green Forces” го освоија деветото место на детската Евровизија (ВИДЕО)

Антонио Димитриевски — Mon, 20 Dec 2021 07:39:01 +0000

Песната “Green Forces” со која штo детската група “Дајте музика” настапи на годинешната детска Евровизија претставувајќи ја Македонија, заврши на деветото место. На изборот за најдобра детска песна настапија вкупно 19 учесници, нашите претставниви настапија претпоследни. Македонија најголем број поени доби од Албанија, вкупно 12. Додека македонското жири своите гласови ги подели и тоа на Бугарија(1), Ерменија (2), Азербејџан (3), Малта (4) Полска (5), Франција (6), Србија(7),Грузија (8), Албанија (10) и Русија (12). Количината на поени што публиката ги додели одговара на количината на поени кои ги дава националното жири. Оваа година жирито додели вкупно 1.102 поени (1, 2, 3, 4, 5, 6, 7, 8, 10, 12 поени x 19 земји учеснички). Поените на публиката се одредија според процентот на добиени онлајн гласови. На пример, ако некоја песна добила 20% од гласовите, тогаш таа добива 20% од достапните поени - поточно 20% од вкупно 1.102 поени, односно добива 220 поени од публиката. Македонските претставници на изборот за најдобра песна на детската Евровизија имаа одличен настап. Понудивме пакет од модерна, хит песна, светска продукција, сигурен настап на децата со увежбана кореографија, солидна вокална изведба, тинејџерски имиџ... Се' што треба еден претставник да поседува на сцената за достојно да ја претстави својата земја, децата од „Дајте музика“ го имаа. Гласањето и пласманот се друга приказна, која како и кај Евросонгот за возрасни, многу малку или речиси воопшто нема допирни точки со музиката. Многу повеќе е стратегија, лобирање, логистика... а најмногу политика... Во која очигледно ние „не играме“ значајна улога за Европа ниту на главниот, ниту на детскиот Евросонг. Сепак она што е најважно е впечатокот. Кристина, Анастасија, Миха и Филип - децата од „Дајте музика“ оставија повеќе од силен. Имаа убедлив, достоинствен, сигурен, величествен, модерен настап и такава песна која ја компонираше Роберт Билбилов (музика и аранжман), додека Робин Зимбаков го напиша текстот. Она другото, што е наше - ќе си дојде... Порано или подоцна! Инаку обедник на годинешниов детски Евросонг е Ерменија која до последен момент, до последните гласови водеше трка со Франција, но на крајот славеа Ерменците, односно нивната млада преставничка „Малена”. Погледнете го уште една одличниот настап на нашите претставници, на кои Македонија е горда:

На моите колешки многу повеќе им пречи мојот брак, отколку мојата кариера (ФОТО)

Антонио Димитриевски — Wed, 17 Nov 2021 10:40:46 +0000

Успехот на Александра Пријовиќ постојано им се припишува на Филип и Лепа Брена. „Мојот брак е многу поголем проблем, повеќе им пречи на моите колешки, отколку мојата кариера. Мислам дека сите успеси би можеле да ми простат и да минат преку нив, но бидејќи се омажив за него, тоа не е така. Понекогаш испаѓа дека без Филип и Брена немаше да успеам. Акцентот е секогаш на него, без разлика што сама ги финансирам сите песни и спотови“ - изјави Александра Пријовиќ. Таа решила да разјасни некои работи, па открива дека нејзината свекрва не е Лепа Брена. „Морам пред се' да кажам дека моја свекрва не е Лепа Брена, туку мајката на Филип, Зорица“ - изјави Александра за IDJTV, а потоа додаде: „Брена е прекрасна жена која се грижи за семејството и е многу добар човек“ - заклучила Александра и истакнала дека има прекрасен однос со Брена и Боба.

Кристина, Анастасија, Миха и Филип од „Дајте музика“ со „Green forces“ ќе ја претставуваат Македонија на Детскиот Евросонг 2021 (ВИДЕО)

Антонио Димитриевски — Sat, 13 Nov 2021 10:39:33 +0000

Како што е веќе познато, децата од мегапопуларната детска серија „Дајте Музика“ се избрани од МРТ да ја претставуваат Македонија на годинешната Детска Евровизија 2021. Песната кој вчеравечер, петок, 12 ноември 2021 г. беше промовирана во јавноста се вика „Green forces“, а ќе ја изведуват Кристина, Анастасија, Миха и Филип од „Дајте музика“. За потсетување, оваа година 19. издание на Јуниорскиот Избор за Песна на Евровизија ќе се одржи на 19-ти декември во спектакуларната концертна сала „La Seine Musicale“, во градот на светлината, Париз, по победата која Валентина и ја донесе на Франција, а Францускиот национален сервис како домаќин и ЕБУ ветуваат одлична програма. Директен пренос ќе има на програмите на Македонската радио телевизија. Слушнете како звучи и погледнете го видото за „Green forces“ на децата од „Дајте музика“ во продолжение:

Децата од „Дајте музика“ Кристина, Анастасија, Миха и Филип на „Детска евровизија“ ќе ја претстават Македонија со песната „Green forces“

Антонио Димитриевски — Wed, 27 Oct 2021 12:17:25 +0000

Како што претходно веќе објавивме, децата од многу популарната емисија „Дајте Музика“ се избрани од МРТ да ја претставуваат Македонија на Детската Евровизија. Денес, МРТ откри кои точно членови ќе ја претставуваат земјата во Франција, а тоа ќе бидат четири: две девојчиња (Кристина и Анастасија) и две момчиња (Миха и Филип). И тоа не се сите новости што ги имаа, тие го открија и името на песната што ќе ја пеат! Се вика „Green forces“! За да ја слушнете песната, ќе треба да почекате уште малку, но дополнителни информации се ветени дека ќе следат наскоро.

SS Project Different – уникатен хуман проект на Сашо Стојановски

Антонио Димитриевски — Tue, 21 Sep 2021 12:33:08 +0000

Сашо Стојановски e дипломиран џез тапанар кој осмисли уникатен и хуман проект, интердисциплинарен опфаќајки повеќе области од културата, музичката уметност, иновативност, инклузија, работилница за деца со посебни потреби и попречености како и наменска хуманитарна акција . Проектот е инспириран неговиот син (Филип 12 год.), кој е дете со посебни потреби, со ретко генетско заболување X-Fragile и силно развиени чувства и љубов кон околината и семејството. За сите изминати години Сашо и семејството се трудеа да го интегрираат своето синче во нашиот систем и да биде дел од образовниот процес во државава која за жал е не им придава доволна важност на ваквите дечиња. Нивната судбина ја споделуваат многу семејства во Македонија. Целиот овој проект освен што има конструктивна уметничка цел има и идеолошка цел, барем малку да се подигне свеста во нашето општество и да им се посвети повеќе внимание на сите деца со посебни потреби и нивните семејства. Воден од својата желба за да му помогне на своето а и на многу семејства добива инспирација да создададе проект кој ќе даде придонес и подигне јавната свест за овие лица . Сашо со помош на Филип неговиот син (во доменот на своите можности со додавање на алат со придржување и слично) создадоа сет на тапани (рачна изработка) кој е прв ваков инструмент во нашата држава и регионот кој е направен со помош на дете со посебни потреби. За нив се дизајнираше посебно лого СС дизајн. Подолго време го подготвуваше својот авторски албум ( со џез музика) кој беше снимен во студио со неговиот нов сет на тапани кој ги изработи со синот. Овој голем проект, доби позитивен одговор од Министерство за Култура под името Different. Му одобрија одредена сума на финансиска помош која не е доволна но е од голема помош. Проектот опфаќа неколку фази: - Снимање албум со 7 авторски композиции - Снимање на спот за нумера која ја изведува John Ilija Apelgreen. - Издавање на CD - Работилница и хуманитарна акција за лица со посебни потреби - Промоција на албум и на сетот тапани Проект ќе се промовира на 25 септември 2021 година во Младинскиот културен центар. Ќе започне со работилница (на која ќе учествуваат деца со посебни потреби, нивните браќа и сестрички, претставници на различни здруженија со слична и иста проблематика, настап на познати имиња од македонската естрада, разговор и дебата на стручни лица (дефектолог,логопед,психолог) како и кратка театарска претстава. Отворена е хуманитарна сметка за донации како и телефонска линија. Трансакциска сметка: 240100115398014 Уни Банка АД Скопје Собраните средства Ќе се донираат во ОУ Невена Георгиева Дуња каде што учи и синот на Сашо и ова училиште на ниво на општина Кисела вода има најголем број на деца со посебни потреби. Целта е јасно да укажеме на проблемите со кои се соочуваат овие деца во општеството но и самите родители. Музички гости: ДНК, Александра Јанева Бени- Нон стоп, Сара Мејс, Mијата, Петар Младеновски (Суперхикс), Елена Ристеска, Пеперминт, Елена Петреска, Фиц (Студени нозе), Полина Тасева... Гости: -Ресурсен центар, - Хуманитарна организација "Свети Спас", - Здружение -Во мојот свет, - Настап на ученици од Државно училиште за рехабилитација на деца и младинци со оштетен вид "Димитар Влахов"-Скопје, - Здружение-Куќа на среќата, - Настап на ученици од ОУ "Невена Георгиева-Дуња"-Скопје, - Д-Р Роберт Јаневски G-life Lab - Розе Мојсовска ликовен уметник, - Ирена Лозана-Ира (предавач за инклузија и инклузивна свесност) Броеви за донација: Македонски телеком: 143 402 А1: 143 470 Хуманитарна сметка: 240 100 115 398 014 Уни Банка https://www.youtube.com/watch?v=4efVVfW3e9U

Цел тим луѓе се грижи за внучето на Брена: Еве кој и го чува детето на Прија (ВИДЕО)

Антонио Димитриевски — Fri, 20 Nov 2020 09:49:52 +0000

Александра Пријовиќ - Прија живее во луксузен дом на Бежаниска Коса во Белград, каде што во текот на овие месеци среде пандемијата таа ужива во мир со нејзиното семејство, сопругот Филип Живоиновиќ и синот Александар. Она што е најинтересно за јавноста е тоа што на пејачката не и недостасува живот на висока нога, дури и сега кога нема многу обврски поради откажаните настапи. Камерите на популарното ТВ шоу „Папарацо лов“ ја фатија пејачката како ја напушта куќата со нејзиниот син, во сосема обично издание, а неа ја следеа две дадилки и возач. Додека Филип беше снимен како извршува семејни обврски и се враќа од шопинг, Александра реши да го извади својот наследник надвор, малку да се забавува. Без шминка, високи потпетици и со едноставна фризура, Прија отиде во игротека со малиот Александар. Камерите забележале дека нејзиниот син прво бил анимиран од возачот, а потоа и од една од дадилките. Пејачката некое време остана во игротека, а потоа излезе неколку пати да телефонира и да запали цигара. Кога беше време да си оди дома, дојде Филип да ги земе и сите заедно се вратија дома. За цело време, познатата двојка се грижеше да се заштити од коронавирусот, па на лицето носеа маски. https://www.youtube.com/watch?v=Yj0o4LTxEMA

Пријовиќ открива како ја освоил Филип и каде се случил нивниот прв бакнеж

Слободанка Илиева — Tue, 23 Jun 2020 10:42:27 +0000

Пејачката Александра Живојиновиќ или попозната по моминското презиме Пријовиќ, пред неколку дена ја прослави втората годишнина од бракот со Филип Живојиновиќ. Сега за српските медиуми открива дека не се сеќава каде се запознала со нејзиниот сегашен сопруг, но многу добро знае што мислела кога за прв пат го бакнала во нејзиниот стан. „Не се сеќавам каде се запознавме, но знам дека судбината нè врза. Пред да започнеме да се забавуваме, се среќававме на различни места. Се видовме кај Брена и Боба на приватни забави каде што често пеев, иако сето тоа поминуваше, без официјално запознавање “, пејачката изјави за„ Информер “и продолжи:

View this post on Instagram

~to nije ljubav,to je od ljubavi jače~A&F?❤? #aleksandraprijovic #aleksandrazivojinovic #filipzivojinovic

A post shared by Aleksandra Živojinović? (@aleksandraxzivojinovic) on Jun 21, 2020 at 3:43am PDT

"Штом го запознав, знаев дека тоа ќе биде љубовта на животот. Нашиот прв бакнеж се случи во мојот стан. Тој веднаш ме освои со неговите манири, начин на размислување и ставови. Дури и тогаш знаев дека ќе се омажам за него и дека тој е вистински “ –открива пејачката.

„Моето малечко бебенцe“: Лила објави досега невидена фотографија од синот Филип (фото)

Слободанка Илиева — Thu, 28 May 2020 07:07:17 +0000

Популарната ТВ водителка Лила Филиповска, секогаш е актуелна во јавноста, како за она што и се случува на приватно поле, така и на професионален план кога е во прашање квизот „Се или нешто“ кој го води години наназад, а моментално е во мирување или пак инфлуенсерството во кое е сериозно успешна. За Лила се знае доста, бидејќи таа не е меѓу ултра резервираните, освен кога е љубовта во прашање, па е повеќе мистериозна, како што вели, за да има повеќе среќа. Како сите, така и Лила, поминавме многу време затворени дома, па имавме простор да чепнеме во некои подзаборавени нешта од минатото. Тоа најчесто беа фотографиите. Лила често знае да објави вакви ретро фотографии, а сега повторно ја навјасаа спомени и објави досега невидена фотографија од нејзиниот син Филип. На фотографијата тој е потпораснато бебенце седнато во детски автомобил, а мама Лила гордо покажа како изгледаше нејзиното синче во едно далечно време.