филип пецоски – Вистина.мк

„Ти си сине лудило“: Филип Пецовски со енергичен настап го запали студиото на „Гранд“ (видео)

Христина Ѓоргиевска — Mon, 04 Feb 2019 08:21:17 +0000

Во последната емисија на „Ѕвездите на Гранд“ настапуваше и Филип Пецовски од Скопје.Во првиот круг, Филип се претстави во одлично светло и публиката ја воодушеви со својот енергичен настап. Тој за ментор ја одбра Јелена Карлеуша со која деновиве работеше на негово претставување во вториот круг. https://www.youtube.com/watch?v=04F6amxVAng&t=258s Во саботата, тој се претстави со песните „Уби ме ти“ од Бобан Рајовиќ и „Лагала нас мала“ од Тони Цетински.

Карлеуша седеше на столчето до Поповиќ и го следеше енергичниот настап на Филип.

Тој со своите интерпретации ја крена публиката на нозе и направи вистинска атмосфера. Пецоски освои вкупно пет гласа и директно помина во следниот круг.

Вики Миљковиќ беше единствена која не даде глас и го критикуваше дека тој е вистински шоумен, но дека пеењето не било најдобро. Џорџе Давид истакна дека во баладите не треба да ја троши својата енергија, тоа да го чува за некоја брза песна.

„Ти си роденa ѕвезда, тоа е сигурно. Јас често внимавам на пеењето, но првпат целиот настап да те надмине пеењето и се. Ти си сине лудило, одиме понатаму“ истакна Босанац. Марија не беше задоволна од пеењето на Филип, но истакна дека тој знае да прави шоу.

„Ако сме реални, овој кандидат да е последен на светот не би му дала глас. Меѓутоа, ти припаѓаш на онаа група изведувачи кои спаѓаат во групата на забавувачи. Сите ние секогаш да се забавуваме. Мене тоа ми се допадна и секоја чест“ вели Шерифовиќ. Како Филип ќе се претстави во третиот круг останува да видиме.

Пред големиот скандал, Јелена Карлеуша вака го подготвуваше Филип Пецоски за „Ѕвездите на Гранд“

Христина Ѓоргиевска — Mon, 21 Jan 2019 07:22:19 +0000

Во оваа сезона на „Ѕвездите на Гранд“ има многу македонски кандидати кои успеа да поминат во вториот круг. Според новите правила на ова музичко шоу, секој кандидат има ментор кој ќе ги подготвува учеснците за следниот круг. Во првиот круг одлично се претстави и Филип Пецовски од Скопје кој ја воодушеви публиката со сценскиот настап и изведбата. https://youtu.be/hfskJXwP_LQ Тој за свој ментор ја одбра Јелена Карлеуша која деновиве е главна тема во сите медиуми. Имено, во емисијата „Ѕвезде Гранда специјал“ беше пуштен прилог како Јелена ги подготвува кандидатите за следниот настап. Меѓу нив прв беше и Филип кој уште еднаш ја воодушеви Јелена.

„Она што го прави поразличен од чистиот шоумен е тоа што убаво пее и што има убава емоција. Тоа е ретко, јас такво нешто никогаш немам видено. Те одбрав тебе, затоа што таков како тебе на балканската сцена не постои. Знаеш дека мислам дека македонскиот јазик е секси“ истакна Јелена. Пејачката го праша дали може да прави склекови и да „пее“, па Филип одлучи пред сите да го прифати овој предизвик и да проба.

Како беше на час по пеење кај Јелена погледнете во видеото кое следува. https://www.youtube.com/watch?v=04F6amxVAng За потсетување, Карлеуша деновиве е главна тема во сите медиуми поради скандалот за порно аферата со босанскиот фудбалер. По сите овие случувања таа замина во Кина, а токму поради и тоа како што пренесуваа српските медиуми во петокот се одложи снимањето на новата емисија на „Ѕвездите на Гранд“. Како Филип ќе се претстави останува да видиме.