фикшн – Вистина.мк

„Фикшн“ се заглавени во ретро, а пејат за… – „Техно“ (ВИДЕО)

Антонио Димитриевски — Mon, 10 Jun 2019 12:52:15 +0000

Скопскиот бенд „Fiction“ направи видеоспот за нивниот трет сингл по ред за песната „Техно“, која следува после нивните песни „После Дождот”“ (2017) и „Некој друг“ (2018).

Во рок бендот членуваат: Петар Ѓуревски (вокал), Виктор Захариев (гитара), Филип Андонов (гитара) и Теодор Теодосиевски (тапани).

Музиката, текстот и аранжманот се авторско дело на членовите на бендот, додека пак аудио продукцијата е на Ангел Ќосев – студио „Подрумот“.

„Техно“ го визуелизираа камерманот Горан Талески и монтажерот Деан Стефков, а покрај музичарите се појавува и „женскиот“ модел Гоце Андонов.

Членовите на бендот го најавија и својот прв настап на дојранскиот „Д фестивал“, каде што ќе свират на сцената „Москито“, а присутните ќе имаат можност први да го слушнат новиот материјал што ќе се најде на нивниот деби-албум на кој интензивно работат изминатиов период.

https://www.youtube.com/watch?v=omMd9ERdgj8

Повеќе на vistina.mk

Скопскиот бенд „Фикшн“ ја промовира новата песна и „Некој друг“ (Lyric video)

Слободанка Илиева — Fri, 17 Aug 2018 10:33:35 +0000

Откако минатата 207 година ја претставија првата песна насловена „После дождот“, бендот „Фикшн“ ја објави својата нова тема „Некој друг“. Тие преку социјалните мрежи го претставија новитетот и напишаа: -Другарки и другари, со огромно задоволство ви ја претставуваме нашата нова песна "Некој Друг" на која работевме изминатиов период. Инаку, автор на музиката и текстот е гитаристот на ова трио, Виктор Захариев, а аранжманот е заеднички со колегите Петар Ѓуревски (вокал) и Филип Андонов (гитара), додека аудио продукцијата е на Љупчо Павловски (студио Анастасија). Сето тоа го дополнија гостите Симеон Ангеловски на бас-гитара и Дарко Цакиќ на тапани, а го визуализираше Калин Бибан со моделот Елена Ристовска. https://www.youtube.com/watch?v=hlxyopRTgkY

Повеќе на vistina.mk

Fiction се за прв пат свои во… „После дождот“ (АУДИО)

Антонио Димитриевски — Wed, 22 Nov 2017 14:37:48 +0000

Скопското трио „Фикшн“ (Fiction), кое воглавно беше познато по преработките, односно акустичните кавер верзии на познатите светски хитови, конечно ја има својата прва авторска песна. Темата носи наслов „После Дождот” и е авторско дело на членовите на групата: Музика: Виктор Захариев/ Петар Ѓуревски, текст: Виктор Захариев/ Петар Ѓуревски/ Филип Андонов, аранжман: Виктор Захариев/ Петар Ѓуревски. Продукција е на Виктор Георгиевски, додека миксот и мастерингот ги направил Љупчо Павловски.

„Драги пријатели, ни претставува огромно задоволство да ви ја претставиме нашата прва авторска песна ’После Дождот’. Ова е песна која ја напишавме со многу љубов и желба, песна во која секој од нас се пронајде себеси и песна која уште толку не зближи како бенд. Бескрајна благодарност до сите оние кои ни помогнаа кои се премногу за да ги наброиме. Искрено се надеваме дека ќе ви се допадне“ - пишуваат членовите на триото во својот Фејсбук статус со кој го најавуваат својот прв официјален сингл.

За оние што не знаат, триото „Fiction“ го сочинуваат: Петар Ѓуревски - вокал, Виктор Захариев - гитара и придружни вокали и Филип Андонов - гитара. Инаку, сите инструменти во песната се отсвирени од самите членови Fiction. Како звучи „После дождот“ слушнете и самите во продолжение: https://www.youtube.com/watch?v=rSxLUvEdl6c

Повеќе на vistina.mk