Дина Дума наградена за најдобра режија за „Сестри“ на белградски „Фест“

Антонио Димитриевски — Mon, 07 Mar 2022 13:42:35 +0000

Режисерка Дина Дума ја освои награда за најдобра режија на филмскиот фестивал „Фест“ во Белград, за својот дебитантски филм „Сестри“. Меѓународнотo жири во состав Милош Биковиќ, Тамара Драгичевиќ, Ѓерѓи Радули, Аргирис Пападимитрополус и Тони Гојановиќ, ја награди Дума за вештото водење на младите актери и фантастичното раскажување преку објективот. Во експликацијата на жирито се наведува: „Филмот успеа да прераскаже приказна за многу важна општествена тема од нашето време и да отвори дијалог“. „Сестри“ е приказна за две тинејџерки чие пријателство е ставено на тест, кога тие се соочени со последиците од нивното декадентно однесување. Светската премиера на „Сeстри“ беше минатата година во август на филмскиот фестивал во Карлови Вари, каде што ја освои специјалната награда на жирито во програмата „Источно од Западот“, додека македонската премиера се случи на ИФФК „Браќа Манаки“ каде филмот на Дума го отвори фестивалот. „Сестри“ беше национален кандидат за наградата Оскар за најдобар интернационален филм. Досега „Сестри“ е прикажан на повеќе од 30 интернационални фестивали, и има освоено 2 дополнителни награди, и тоа награда за најдобар игран филм од младинското жири на фестивалот Екс – граунд во Висбаден, Германија и награда од публиката на фестивалот Панорама на европски филм во Атина, Грција. Главните улоги ги толкуваат Антонија Белазелкоска и Миа Жиро. Продуцент на филмот е Марија Димитрова, сценариото го потпишуваат Дина Дума и Мартин Иванов, кинематографер е Наум Доксевски, монтажер Мартин Иванов, сценографијата е на Кирил Спасевски и Симо Бранов, костимите се на Роза Трајческа Ристовска, шминката на Жанета Димитриевска, а музиката е на Игор Василев – Новоградска. „Сестри“ е поддржан од Агенцијата за филм на Македонија, и е регионална копродукција помеѓу Македонија, Црна Гора и Косово.

Мајката на Меган Маркел откри тајна за принцот Хари: Еве каков зет е!

Христина Ѓоргиевска — Thu, 14 Jun 2018 07:52:08 +0000

Дорија Регланд, мајката на Меган Маркел беше една од највпечатливите личности на кралската венчавка, а неодамна отрки каков зет е принцот Хари. Дорија го привлече вниманието со тоа што седеше сама на страната на невестата, но она што го направи принцот Хари ја воодушеви мајката на принцезата. Омилен момент на венчавката за Дорија беше кога нејзината ќерка го кажала судбоносното „да“, но и тоа што се сретна со кралицата Елизабета. Принцот Хари направи феноменален потег кога и објасни на мајката на Меган што може да очекува од таа средба и кои правила треба да ги почитува.

Дорија беше воодушевена од овој гест, па нема сомнеж дека е среќна што Хари и е зет. фото:Профимедиа

фест – Вистина.мк

Дина Дума наградена за најдобра режија за „Сестри“ на белградски „Фест“

Мајката на Меган Маркел откри тајна за принцот Хари: Еве каков зет е!