Фенг Шуи – Вистина.мк

Привлечете здравје и пари: На кое место треба да ја поставите новогодишната елка во домот?

Слободанка Илиева — Mon, 18 Dec 2023 13:35:37 +0000

Древната кинеска техника за уредување на просторот, Фенг шуи препорачува за време на новогодишните празници домот да ви биде украсен со боите на оганот, за да се привлече таква енергија. Древната кинеска техника за уредување на просторот, Фенг шуи препорачува за време на новогодишните празници домот да ви биде украсен со боите на оганот, за да се привлече таква енергија. Токму затоа, треба да направите среќна мешавина на црвени и златни свеќи, сијалички и украси на новогодишната елка, а за вистински баланс внесете елементи на метал и вода – бела, сина, сива и сребрена. Сепак треба да внимавате и да не претерувате со црвената боја и истата да ја користите умерено. Тоа е кинеската боја за среќа, но ако се користи претерано, енергијата може да се подигне до ниво на бес. Новогодишната елка треба да ја позиционирате на исток, југ или југоисток бидејќи тоа се позиции на кои се привлекува здравје, слава и пари. Свеќите ќе ја чуваат енергијата на вашиот дом свежа, а особено ефект имаат оние од восок од пчели или соја бидејќи одлично ја прочистуваат енергијата. извор:курир.мк фото:Freepik

Фенг Шуи совети за подобар интимен живот! Нека тече енергијата на страста

Слободанка Илиева — Thu, 24 Aug 2023 12:09:54 +0000

Сакате да го засилите сексуален оган во спалната соба? Наредете го вашиот мебел според правилата на Фенг Шуи! И запомнете, спалната соба треба да се користи за ништо друго освен за секс – особено не за работа! Поставете го креветот правилно Страната на креветот каде што е вашата глава треба да застане против цел ѕид, а нозете не треба да бидат насочени кон вратата – имено, така што енергијата едноставно ќе исчезне додека спиете. За вистинска енергија во спалната соба, најдобро е – според Фенг Шуи – кога ќе го видите креветот од едната страна веднаш штом ќе влезете во спалната соба. Колку повеќе позитивна енергија во спалната соба, толку подобар сексуалниот живот. Не ставајте огледало на ѕидот Според Фенг Шуи, огледалото во спалната соба меша енергијата. Тоа е многу стресно за енергијата – како и за позитивниот сексуален живот. Ако навистина сакате да имате огледало во спалната соба, тогаш закачете го зад вратата или во плакарот. Ослободете се од непотребни работи Кутии и разни нешта што се наоѓаат наоколу, но навистина не ви требаат, извадете ги од спалната соба, ставете ги на таванот или подарете ги на некого. Ова важи и за премногу ќебиња, перници и постелнини. Причината: замислете дека вие и партнерот сакате секс, но пред тоа мора малку да ја исчистите собата. Отстранете ги електронските уреди од просторијата Компјутер, ТВ, мобилни телефони: ако сакате да имате добра енергија и романтична околина во спалната соба, тогаш нема простор за електроника. Отстранете ги овенатите цвеќиња Овенатите цвеќиња се одговорни за лошата енергија во спалната соба. Ако сакате да имате растенија или цвеќиња во собата, не заборавајте да ги одржувате свежи. Останете во рамнотежа Важно е да се организира спалната соба според „урамнотежените“ упатства на Фенг Шуи. На пример, оставете празнина од ѕидот на секоја страна од креветот и поставете ја истата масичка и ламба на секоја страна од креветот. извор:попара.мк

Ниту на најблиските: Овие две работи не треба да ги позајмувате никогаш

Слободанка Илиева — Tue, 22 Aug 2023 12:30:49 +0000

Треба да бидете внимателни со позајмувањето и подарувањето работи од куќата, но и личните предмети. Иако можеби не знаете, постојат работи кои никогаш не треба да ги позајмувате! Се верува дека со тоа повикувате негативна енергија и лоша среќа. Не е добро да ги позајмувате вашите папучи на други, се верува дека тоа може да донесе проблеми на работа, застој во професионалното напредување. Ако не ви се допаѓа гостите кои се шетаат по дома по чевли, набавете неколку пара од најтенките папучи, како хотелски, кои би можеле да им ги понудите веднаш штом ќе пристигнат. Конечно, фенг шуи вели дека не треба никому да позајмувате часовник. Кога ќе го вратите на раката, со себе ќе ја донесете сета лоша енергија што може да му пречи на личноста, особено ако е во лоша фаза. фото:Илустрација/курир.мк

Работи кои според фенг шуи не треба да ги чувате на фрижидерот: Ќе привлечат негативна енергија и финансиски проблеми

Слаѓана Атанасова — Wed, 26 Apr 2023 10:39:44 +0000

Експертите за фенг шуи предупредуваат кои предмети не треба да ги чувате во фрижидер. Во фенг шуи, секој детал е важен и поврзан со протокот на енергија. Кујната е особено важно место за одредување на слободниот проток на позитивна чи енергија низ домот, но и како место во куќата кое најмногу се поврзува со изобилството. Централното место на секоја кујна е фрижидерот во кој ја чуваме храната. Кога станува збор за фенг шуи, фрижидерот припаѓа на елементот метал. Едно од најважните правила во фенг шуи поврзано со фрижидерот е да не ставате други апарати како микробранова печка на него. Исто така, иако се важни за естетиката, не се препорачува чување зелени растенија на фрижидерот, ниту украси поврзани со елементот дрво. Овие орнаменти предизвикуваат судир на елементите помеѓу дрвото и металот, што доведува до истекување на богатството. Натрупувањето работи е лошо за акумулирање богатство. Затоа, чувајте го горниот дел од фрижидерот чист и уреден. Она што особено треба да го избегнувате, според експертите за фенг шуи, е да ги редите месечните сметки на фрижидерот, бидејќи тоа симболизира губење пари. Од друга страна, идеално е да поставите завршени цели, потсетници, награди и достигнувања на фрижидерот, како еден од централните елементи на секое домаќинство. Освен што е неопходно за здравјето, одржувањето на фрижидерот чист влијае и на енергијата во просторот. Секој неред е поврзано со негативни вибрации, особено кога владее таму каде што стои храната што е важна за вашето здравје и витална енергија. Фрижидерот е тесно поврзан со исхраната на семејството. Значи, ако во него има многу храна, тоа симболизира изобилство, а спротивното: ако фрижидерот е празен, тоа укажува на лоша ситуација. Погрижете се вашиот фрижидер да биде полн со оброци кои се направени со љубов за вашите најблиски и што е најважно, одржувајте го чист. Извор: Курир.мк

Фенг шуи правило: Часовникот никако не смеете да го поставите на ова место во домот

Слободанка Илиева — Tue, 31 Jan 2023 13:40:47 +0000

Првото и основно правило е да го поставите часовникот во просторија каде има најмногу активности. Ова е дневната соба во која членовите на семејството најмногу комуницираат и во која поминуваат најмногу време. Исто така, добра опција е да го поставите часовникот во работната соба или канцеларијата. Корисно е да имате часовник кој ќе покажува колку време сте поминале на работа. Има едно место кое не е добро место за чување часовник: во спалната соба. Таа соба се користи исклучиво за одмор, како и за постигнување сексуална енергија, каде времето е најмалку важно. Најдобро е часовникот да го поставите во дневната соба или во посебна просторија, каде што сите, па и гостите, ќе можат да го видат. Има уште некои места каде според правилата на фенг шуи е добро да се чува часовник. Тоа се детската соба, како и просторијата за хранење на бебето. Најдобро е да користите само часовници кои немаат нишало или звук, туку дигитални. Кај поголемите деца се користат часовници за децата да не доцнат на училиште, па добро е да поставите еден и во нивната соба. Часовниците кои се украсени со слики од четирите годишни времиња или кои ги прикажуваат сонцето и месечината, денот и ноќта се одлична комбинација за привлекување позитивна енергија кај децата. Никогаш не ставајте го часовникот на овие места Никогаш не треба да го ставате часовникот на ѕидот спроти влезната врата. На исток, според традицијата на фенг шуи, главниот елемент е дрвото. Затоа часовниците од метал никогаш не се поставуваат на ѕидовите, а најдобра замена за нив се оние од дрво, камен или пластика. Поради одредениот ритам што се слуша за време на работата на механичките часовници, не го чувајте во спалната соба. Ритамот на срцето и часовникот што го слушате е различен и предизвикува неправилно чукање на срцето и нервоза на луѓето во таа просторија. Не чувајте скршени часовници или часовници без батерии. Според обичаите на Фунг Шуи, скршените часовници внесуваат лоша енергија во домот. извор:курир.мк

Идеално место за новогодишната елка според правилата на фенг шуи

Слободанка Илиева — Tue, 13 Dec 2022 13:10:32 +0000

Совети за фенг шуи како да ја украсите новогодишната елка за 2023 година и да го средите домот – дознајте кои се правилата и што треба да избегнувате! Полека се приближуваме до новогодишната ноќ, денот кога се слават новите почетоци, се шири позитивна енергија и позитивни вибрации се во воздухот. За време на новогодишните празници многу луѓе си ја украсуваат куќата, си го уредуваат просторот и ја прават што е можно попријатна целокупната атмосфера. Фенг шуи подразбира и одредени правила за уредување и декорации на домот за Нова година, особено кога станува збор за поставување на новогодишната елка. Совети од фенг шуи експертите за уредување на куќата за Нова Година: Исчистете го домот – Пред да влезете во новата година, време е да го исчистите домот од непотребни работи. Куќата треба да биде уредна, без премногу предмети, за да може поволно да циркулира енергијата во домот. Рециклирајте или донирајте сè што повеќе не ве радува, не помага или не ви служи. Направете позитивна атмосфера – Направете поволна атмосфера во домот, запалете свеќи, украсете ја куќата, пуштете музика. Нека сè навестува радост. Новата година е ден кога треба да избегнувате конфликти, важно е да се поврзете со блиски луѓе, да ја покажете вашата љубов и заедно да ги разбудите искрите на романса, среќа и заедништво. Најдобрите подароци – Според фенг шуи, подароците за Нова година треба да бидат поврзани со здравјето. На пример, можете да му подарите на некој близок членство во теретана или базен, да платите за масажа или диета на нутриционист. Можете да подарите и облека, нешто меко, убаво и топло. Избегнувајте пари како подарок, подобро е тоа да е знак на внимание од срце кое има значење. Фенг шуи за новогодишната елка – Најдобри бои за украсување на елката за 2023 година се црната, темно сината и светло сината, во согласност со енергијата на црниот воден зајак, во чиј знак следната година е според Кинески хороскоп. Совршени се за избор на облека и за избор на украси за елката. Најдоброто место за поставување новогодишна елка според фенг шуи се одредува според тоа што сакате да привлечете: – Исток за семејна и здравствена среќа – Југоисток да привлече богатство и среќа за финансиски успех – Југ поради славата и угледот Неповолната положба на елката е под скалите, во кујната, како и да се постави елката свртена кон тоалетот. Важно е да проверите дали функционираат светилките на елката. Избегнувајте да ја поставувате елката на таков начин што ќе го блокира патот до излезот од куќата, односно ќе го попречи слободното движење низ домот. Исто така, не претерувајте со украсите, одржувајте ги балансирано. извор:kurir.mk

Експертите за фенг шуи ве потсетуваат дека треба да направите неколку работи за да привлечетепозитивни промени

Слободанка Илиева — Fri, 23 Sep 2022 11:56:31 +0000

Фенг шуи – „воздух-вода“ претставува древен кинески систем кој синтетизира повеќе учења, вештини и техники, со цел човекот да се врати или да се задржи во допир со природата. Според древните верувања, ако посветиме доволно внимание во својот дом и го уредиме според одредени правила, ќе привлечеме храмонија и мир. Фенг шуи е древна вештина за живеење и уредување на просторот, стара повеќе од 6000 години. Според Фенг шуи, една од најважните простории во нашиот дом е спалната соба, таа ја содржи нашата енергија. Ако спалната соба има нестабилна, слаба или негативна енергија, тоа ќе се одрази и врз нашиот приватен живот. Енергијата во спалната соба можете да ја исчистите со внесување на следните девет предмети, а овој број не е случаен бидејќи според Фенг шуи, симболизира транзиција, чекор кон подобро и означува нов почеток. Кревет со големина 200×150см Избегнувајте ги таканаречените „king size“ кревети. Големите кревети внесуваат раздор во спалната соба, наместо да ве зближат со партнерот, поради нивната големина, ја намалуваат блискоста помеѓу вас. Дифузер за етерични масла Освен тоа што одлично мирисаат, етеричните масла имаат и исцелителни дејства, по напорниот ден тие ве ослободуваат од стрес. Одберете масло кое вам ви одговара, а се препорачува масло со мирис на лаванда кое има смирувачко дејство и ви овозможува мирен сон. Црн трумалин и чист кристал Овие два минерали заедно овозможуваат баланс и заштита. Црниот турмалин ве смирува, ја чисти собата од електромагнетни сили кои влијаат на вашиот сон и здравје. Потребно е во секој агол од собата да ставите црн турмалин, а во средината на собата чист кристал. Црн бележник и црвено пенкало Кога ги запишувате вашите мисли создавате ред во вашиот живот, а запишувањето на вашите сонови, ќе ве инспирира и потикне на позитивни одлуки. Црната боја симболизира мудрост, додека црвената ве штити и ве инспирира. Две парчиња розе кристал Овој кристал привлекува љубов, хармонија и ја балансира вашата емотивна состојба. Ткаенина за покривање на електронските уреди Доколку во собата имате електронски уреди тогаш пожелно е тие да бидат прекриени со природна ткаенина во неутрална боја, бидејќи на тој начин се штитите од енергијата која негативно влијае на вашиот сон. Зелено растение Растението во вашиот простор ќе ја обнови енергијата. Растенијата се тивки исцелители на нашето тело и дух, кои заедно со нас ја делат позитивната енергија, создаваат кислород и ги впиваат штетните материи од водухот. Цветна есенција Кога не се чувствувате добро, нанесете цветен мирис на вашиот врат. На тој начин ќе се опуштите и релаксирате. Две ноќни орманчиња Без разлика дали моментално имате партнер или не, важно е да имате слободен простор покрај вашата глава. Со поставување на две ноќни орманчиња, ја искажувате желбата за создавање урамнотежена врска. извор:popara.mk

Пет места во домот каде не треба да чуваме вода, според Фенг Шуи

Слаѓана Атанасова — Tue, 13 Sep 2022 12:45:44 +0000

Иако енергијата на водата може да биде многу позитивна и да има движечка сила, доколку не следите неколку основни правила на ова древно кинеско учење, таа може да биде и многу негативна. За да не привлекувате негативни работи, постојат неколку места каде што не смеете да чувате вода во домот според учењата на фенг шуи. Десно од влезната врата Кога сте внатре свртени кон влезната врата (се однесува и за надворешната и за внатрешната страна на домот) водата не смее да биде на десната страна. Очигледно привлекува лоша енергија, како за семејството, така и за врската. Ова особено се однесува на женетите мажи кои според овие верувања ќе бидат склони кон изневерување. Во спалната Водата, според Фенг Шуи, секогаш е Јанг, додека спалната соба е Јин. Овие два елементи воопшто не се согласуваат и затоа не се препорачува чување вода во спалната соба. Ниту сликите со водени мотиви не се пожелни, бидејќи се смета дека тоа му штети на здравјето и брачните односи. Под скалите Можеби мислите дека просторот е идеален за аквариум или вазни за цвеќе, но тоа воопшто не е добра идеја. Имено, додека одите по скалите вие симболично ги газите овие симболи на богатство и среќа. Извор:Курир.мк Зад грбот Она на што исто така треба да внимавате е аквариумите или сликите со мотиви на вода да не ви стојат зад грб додека седите или одмарате. Водата кога е вака поставена носи неочекувани негативни промени на деловен и личен план и затоа мора да го држите овој елемент под контрола. Ова не важи за вазни и славини. Устоена вода Погрижете се да не чувате застојана вода што скапува или мириса во вашиот дом. Без разлика дали се работи за аквариум или терариум, па дури и за обична чаша вода на која сте заборавиле, па со денови седи на ноќната маса – привлекува лоша енергија.

Фенг Шуи совети за подобар интимен живот

Слободанка Илиева — Tue, 31 May 2022 12:52:03 +0000

Зошто не треба да имате огледало во ходникот од вашиот дом? Објаснува – фенг шуи

Христина Ѓоргиевска — Tue, 08 Mar 2022 13:15:44 +0000

Според филозофијата која ја застапува фенг шуи, сите предмети во вашиот дом, од оние најкрупните до декорациите и ситниците, имаат сопствено енергетско поле кое може да биде позитивно и негативно. Имено, некои од тие предмети се и повеќе од непосакувани во ваша близина во просторот во кој престојувате, затоа што со себе носат лоша и негативна енергија и можат да влијаат на здравствените проблеми. Многу е важно каде ги ставате предметите во вашиот дом Според оваа филозофија ходникот е круцијален затоа што тој се смета за енергетска „врата“, а поради тоа од исклучителна важност е кои предмети ги чувате во ходникот и како ќе ги поставите истите. Во поголемиот дел од домаќинствата во самиот влез од домот е поставено огледало, што може да има кардинално лоши последици кога станува збор за струењето на добрата енергија низ вашиот дом. Ќе ја направите најголемата грешка доколку огледалото го поставите на тој начин во него да се огледува влезната врата. Според фенг шуи тоа може да значи: 1. Позитивната и добра енергија го напушта вашиот дом, по што можат да следат кавги и нетрпеливост во членовите од семејството. 2. Атмосферата во домот станува напната. 3. Привлекувате токсични и негативни луѓе. 4. Огледалото во ходникот може да влијае негативно и на вашите финансии. извор: точка.ком.мк