фенг шуи совети – Вистина.мк

Шест фенг шуи совети за вашата заработка да биде повисока

Христина Ѓоргиевска — Mon, 17 Jan 2022 14:00:26 +0000

Шест важни Фенг Шуи совети за поголем проток на пари во вашиот дом. Според фенг шуи, со правилно поставување на работи низ куќата, можете да влијаете на поголема заработка. Поентата е во тоа да создадете услови во вашиот живот за непрекинат проток на животна енергија, што исто така ќе обезбеди благосостојба. Еве шест важни совети за да внесете повеќе пари во вашиот дом.

1. Поправете сè што е расипано: особено славините и покривот ако прокиснува

Според фенг шуи, водата може да значи две работи: пари и емоции. Водата тече, а парите и емоциите се вид на енергија што, повторно, како и водата, имаат свој проток. Затоа поправете ги славините ако истекува вода од нив. Или покривот што протекува.

2. Затворете го капакот на WC школката

Бањата е одличен „потрошувач“ на позитивна енергија. Водата од чешма ја носи во одводот, а енергијата се троши и со испирање на тоалетот. За да избегнете непотребна потрошувачка на енергија, затворете го капакот на тоалетот, особено при пуштање вода. Исто така, ако не ви е многу лудо, би било добро да врзете црвена панделка на цевката зад шолјата, што, според правилата на фенг шуи, ќе ги заштити вашите финансии.

3. Уредете ја влезната врата

Многу е важно влезната врата да „посакува добредојде’’. Отстранете ги сите непотребни работи (ѓубре, стари чевли…), бидејќи тие ќе го блокираат патот на позитивната енергија. Исто така, проверете дали работи ѕвончето, за да можете да слушнете кога ќе ви заѕвони некоја деловна можност. Адресата и бројот на куќата (или станот) мора да бидат лесно видливи, така што енергијата може брзо да се најде до вашиот дом.

4. Погледнете лево

Кога ќе поминете низ влезната врата, што има од левата страна на просторијата каде што сте? Според старото тибетско учење, тој дел од вашиот дом е важен за парите. Што има таму? Дали работите се уредно наредени или се во целосен хаос? Ако сè е натрупано и неорганизирано, можно е вашите финансии да се во истиот хаос. Но, ако во тој дел има растение кое брзо напредува и воодушевува со својот мирис – очекувајте да напредуваат и вашите финансии. На sидовите ставете слики од природата, дрвја, водопади, едрилици, реки, галопирачки коњи … Секоја од овие слики ја симболизира слободата и предизвикува позитивна енергија.

5. Дали имате печка на дрва или камин? Можеби треба

Според учењето на фенг шуи, шпоретот на дрво симболизира изобилство и богатство, но треба да внимавате да е секогаш чист и редовно да го одржувате оџакот. На овој начин ќе го отворите патот до енергија што ќе овозможи создавање на повеќе деловни можности, а со тоа и заработка.

6. Научете да ги цените парите

По претходните пет чекори, време е да се справите со сопствениот став кон парите. Можеби имате деформација на сликата за пари и богати луѓе уште од детството. И можеби е време да го промените вашето мислење. Започнете да гледате на парите како награда за добрите дела, љубезноста, интелигенцијата и посветеноста кон другите. Без разлика дали трошите, штедите, примате или давате пари, секогаш бидете благодарни во животот. Вашиот оптимизам и позитивна енергија ќе делуваат како магнет за привлекување пари. извор: Попара.мк

Фенг шуи совети за да привлечете среќа на најлудата ноќ!

Христина Ѓоргиевска — Tue, 29 Dec 2020 13:15:02 +0000

Оваа година не претерувајте со декорирање на празничната трпеза - одлучете се за нешто поедноставно. За само три денови ќе ѝ посакаме добредојде на новата, 2021-ва година. Иако оваа година ќе ја дочекаме во помало друштво од што сме навикнати, причините за да ја дочекаме свечено, со среќа и надеж да биде значително подобра од претходнава - можеби се посилни од било кога. Како ќе ја дочекаме новогодишната ноќ во удобноста на нашите домови - посебно внимание посветуваме на новогодишната трпеза. Што е пожелно да има на неа, а што никако не смее да се најде таму - Фенг шуи открива! 1. Многу храна на трпезата Ова можеби е најпознатата одлика на новогодишната трпеза. Се верува дека колку повеќе храна има на новогодишната маса, толку повеќе среќа ќе има наредната година за семејството. Според кинеската астрологија, 2021-ва година е година на Биволот, па затоа дополнително треба да се потрудиме на трпезата да има изобилство од храна. 2. Зеленило, овошје и зеленчук И овој совет се однесува на годината на Биволот. За да го 'смириме' Биволот', наводно треба да ставиме многу овошје и зеленчук на новогодишната трпеза, советуваат источните експерти на Фенг шуи. 3. Риби и избор на месо Колку помалку месо толку подобро, кога станува збор за овогодишната празнична трпеза, по секоја цена треба да избегнувате говедска или телешка храна, повторно поради Биволот. Колбасите исто така не се препорачливи на новогодишната трпеза. 4. Едноставна храна Колку помалку состојки содржи храната, толку подобро. Биволите сакаат едноставност. 5. Компир и мешунки Обожуваните намирници на Биволот треба да се најдат на новогодишната трпеза. Користете ги како прилози или додадете салати. 6. Житарици и ритуал за привлекување пари Ориз, просо, јачмен, исто така може да се користат како прилози, но ако не ги сакате, треба да ставите на масата барем една чинија со ориз. Не заборавајте во неа да ставите неколку парички - ова е најпознатиот источен ритуал за привлекување пари. 7. Млечни производи Павлаката и путерот треба да бидат состојки за новогодишните јадења. Не заборавајте и некое добро сирење. 8. Поставување на масата Биволото не сака претерување. Подобро е да изберете неутрално, природно поставување на масата. Чаршавот нека биде бел, садовите едноставни. Салфетките и декорот можат да бидат во беж или сини тонови. Мотиви од растенија се пожелни. Ако сакате трпезата да блеска, изберете сребрени и метални детали. Свеќите се и тоа како пожелни на новогодишната трпеза. извор: точка.мк

Фенг шуи совети за љубов и среќа во бракот

Христина Ѓоргиевска — Thu, 08 Oct 2020 12:30:54 +0000

Љубовта, врските и бракот се поврзани со југозападната багуа област во вашиот дом. Се препорачува во оваа област да имате барем некои елементи од фенг шуи кои ќе ви доносат позитивна енергија вам и на вашиот партнер. Фенг шуи елементот во југозападната багуа област е земја, така што елементите што треба да ги внесете треба да бидат земјени или огнени елементи. Активирањето на југозападната област ја зајакнува улогата на жената во домот и обезбедува хармонија во бракот. Погледнете на што треба да внимавате ако сакате вашиот брак да биде исполнет со љубов и среќа.

Уметнички дела

Еден од најлесните начини да го активирате овој дел од вашиот дом е да додадете некои значајни уметнички дела што ја отсликуваат земјата, што покажуваат љубов помеѓу две личности или парови животни. Пожелни бои во оваа област се темноцрвената, виолетовата и портокаловата.

Осветлување

Како што огнот го осветлува простор, осветлувањето на некој начин претставува оган, односно буди пламен кај луѓето. Осветлувањето е хармоничен начин за ширење позитивна енергија. Големината на ламбата не е многу важна, но важно е нејзиниот дизајн хармонично да се вклопи во просторот во кој се наоѓа. Ако спалната соба се наоѓа на југозапад, важно е да ги осветлите двете страни на креветот.

Украси во пар

За да го направите вашето љубовно гнездо активно, украсете го со предмети во пар. Предметите треба да бидат огнени или земјени. Тоа може да бидат високи свеќи, украсни предмети во огнени бои, како и фигури во форма на квадрат. Она што треба да го избегнувате е метал, вода и дрво во југозападната област.

Бои на ѕидот

Ѕидовите во југозападната област треба да бидат обоени со земјени или огнени нијанси, како црвена, виолетова, жолта, корална или портокалова. Исто така, би било добро на ѕидот да има отвор или некоја уметност што покажува длабочина или визуелни патеки. извор: кафепауза