Фејсбук – Вистина.мк

Згаснува рубриката „Фејсбук њуз“

Слободанка Илиева — Wed, 13 Sep 2023 12:52:16 +0000

Фејсбук соопшти дека ја укинува својата рубрика за вести во Велика Британија, Франција и Германија на почетокот на декември и оти ќе се сосредоточи на кратките видеосодржини. Одлуката за „Фејсбук њуз“ е донесена во согласност со стратегијата за насочување на ресурсите во областите коишто од поголем интерес за корисниците. Според Фејсбук, вестите како содржина имаат помалку од три отсто од прегледите на платформата на светско ниво. Корисниците ја посетуваат платформата првенствено за социјални врски и истражување на интересите, а не за вести и политички содржини, тврдат од компанијата. Оваа промена нема да влијае на другите производи и услуги на „Мета“ во Британија, Франција и Германија. Корисниците сè уште ќе можат да пристапуваат до написите со вести преку споделени врски. Европските издавачи ќе го задржат пристапот до нивните сметки и страници на Фејсбук, што им овозможува да објавуваат линкови и да ги насочуваат корисниците кон надворешните интернет-страници. Издавачите, исто така, може да ги користат видеоролните („reels“) и услугата за реклами, за да допрат до поширока публика и да го задржат целиот приход од надворешните врски. Фејсбук ќе ги почитува договорите со издавачите во Велика Британија, Франција и Германија додека не истечат, но не планира нови зделки за објавување вести на „Фејсбук њуз“. Се посочува и дека социјалната мрежа не подготвува нови производи приспособени за издавачите, истакнувајќи дека ќе истрае во поврзувањето на корисниците со веродостојни вести. Компанијата, се наведува, соработува со независни проверувачи на факти, сертифицирани од Меѓународната мрежа за проверка на факти, во анализата и евалуацијата на можните дезинформации на платформата. извор:курир.мк

Македонската спортска новинарска легенда Зоран Михајлов на СП во Будимпешта доби животна награда, која посебно го трогна и неговиот син Горазд: „Честито и ти благодарам од срце царе…“ (ФОТО)

Антонио Димитриевски — Thu, 24 Aug 2023 07:23:22 +0000

Легендарниот македонски спортски новинар и спортски коментатор, Зоран Михајлов, е еден од годинешните добитници на наградата за популаризација на атлетиката, која традиционално ја доделува Светската новинарска асоцијација (АИПС).

Ова огромно признание, кое се доделува на новинари кои известувале на најмалку десет Светски првенства (СП), на популарниот Зоки му беше доделено во Будимпешта, каде во моментов се одржува СП во атлетика кое започна на 19-ти август и ќе трае до 27-ми август 2023 година. Михајлов беше долгогодишен спортски новинар и ТВ коментатот во МТВ, како и поранешен уредник на спортската редакција во Македонската телевизија , а по официјалното пензионирање има работено на многу други новинарски проекти, како на телевизија и на радио така и во печетените медиуми. Тој беше редовен известувач и коментатор на летните и зимските Олимписки игри во последните 40-тина години, како и на сите позначајни атлетски, пливачки и боречки манифестации. Повозрасните паметат дека Михајлов во младоста бил одличен атлетичар, државен рекордер и првак на Македонија и на поранешна СФРЈ, а активно играл и кошарка. Неговиот син, некогашниот македонски фудбалер, сега познат фудбалски тренер Горазд Михајлов на својот Фејсбук профил ја обзнани веста, споделувајќи неколку фотографиии и статус во кој со гордост му го честита ова високо и престижно признание на својот татко и негов спортски идол: „Денеска во Будимпешта, за време на Светското првенство во атлетика, мојот татко-идол доби награда за афирмација на светската атлетика во последните 40 години. Царе, уште еднаш честитки наградата која секако ја заслужи, пред се со твојот професионален пристап, посветеност и љубов кон атлетиката. Самиот факт дека ја добиваш од Светската атлетска асоцијација и светските спортски новинари, тежината е уште поголема. Да се добие ваква престижна награда од светската спортска икона Хавиер Сотомајор, кого во минатото си го коментирал со епитети, е сатисфакција за твојот труд, почит од светот и секако за целиот живот штотвориш и известуваш од вакви големи настани и секогаш го правиш тоа со срце и неизмерно ја презентираш МАКЕДОНИЈА каде и да си на земјината кугла... Горд сум на тебе и сите овие твои признанија ме тераат да продолжам да се докажувам и да успеам во животот, но тоа не би било возможно без твојата поддршка, ти благодарам од срце...“ - напиша Горазд Михајлов во својот Фејсбук статус, со воодушевување искажувајќи огромна почит и пиетет кон сојот родител, но и негов спортски идол. За ова престижно признание, честитки и од нашата редакција за колегата, македонската спортска, новинарска и коментаторска легенда, Зоран Михајлов!

Се укинува популарната опција на Месинџер, еве што да направите ако ја користите

Слободанка Илиева — Thu, 10 Aug 2023 09:54:20 +0000

Понекогаш може да биде доста фрустрирачки кога Facebook Messenger со секоја апликација прашува дали сакате да го користите за испраќање СМС пораки. Но, верувале или не, има многумина кои се токму за тоа – сите пораки на едно место. За нивна жал, стигнуваат лоши вести бидејќи од септември Facebook и официјално ќе ја укине опцијата. -По ажурирањето што ќе пристигне на апликацијата на 28 септември, корисниците повеќе нема да можат да го користат Messenger за испраќање и примање СМС пораки, се вели во соопштението на Мета. Затоа, се препорачува да ја вратите стандардната апликација за пораки со одење до поставките на телефонот, наоѓајќи „Апликации“ и потоа „Стандардни апликации“. Забележано е дека по ажурирањето, корисниците автоматски ќе почнат да добиваат СМС преку друга или стандардна апликација. Оваа опција за првпат беше претставена во 2012 година, но Facebook многу брзо ја отстрани. Четири години подоцна, Фејсбук повторно ја воведе функцијата и ја задржа до сега. Кој знае дали ќе има трет обид… извор:курир.мк

Кристина Арнаудова откако остана со хакиран Фејсбук на кој осамнаа порнографски содржини, сто пати се обрати до МВР, а оттаму ниту збор… не доби ни одговор! (ФОТО)

Антонио Димитриевски — Thu, 09 Feb 2023 08:30:19 +0000

Македонската поп-рок пејачка Кристина Арнаудова уште минатото лето се пожали дека најзината официјална фанстраница на Фејсбук е хакирана. Мина повеќе од половина година, па и покрај пријавите од нејзина страна до МВР, сајбер сексјурити, никој ништо не превземал, а пејачката дури и не добила никаков повратен одговор. Во меѓувреме на приказните од нејзиниот фан пејаџ на Фејсбук почнаа да осамнуваат еротско-порнографски содржини, на фотографии со разголени дами што дополнително внесе забуба кај ФБ пријателите, обожавателите и следбениците... немоќна било што да стори, Арнаудова јавно се обрати преку својот новоотворен личен ФБ профил како и на Инстаграм, барајќи помош. „Дечки мојата официјална страница е хакирана уште од лани летото. Сега на неа ставаат некако порнографски контент, и луѓе ми пишуваат. Знам, ама немам што да превземам. Пишав на Министерство за внатрешни работи, сајбер секјурити, не ми ни одговорија, пишав едно 100 пати на Секјурити Тим, не ми вратија ниту еднаш. Така да пријавувајте ја таа страница како „некој што се преправа дека некој друг“, за да ја затворат, колку и да е ми е болно тоа бидејќи таа најмногу ја користев за комуникација со луѓе на кои им треба помош“, стои во објавата на пејачката на социјалните мрежи. Во меѓувреме се покажа дека поединци можат да го направат она што не може, не знае или не сака државата, односно власта да го направи. Истата онаа за која Кристина Арнаудова толку многу се залагаше како нивен симпатизер и отворен поддржувач на актуелната партија која сега владее - Социјал Демократскиот Созјуз и нивните коалициони партнери, уривајќи го тогаш таканаречениот режим на Никола Груевски, со „шарени револуции“ и протести од кои самата пејачка беше дел. И идеолошки и со своето физичко присуство, говори и музички настапи на нивните протести, митинзи, политички кампањи… таа постојано беше една од оние естрадни уметници кои не се криеа отворено да завземат страна! Страна која сега излегува дека не била баш онаа - вистинската... Зашто е евидентно неспособна, што и самата пејачка на своја кожа го почувствува! За среќа, постојат луѓе кои се подготвени да помогнат без нешто да бараат за возврат, па по јавната објава за нејзината мака, добила куп пораки за тоа како да го врати својот хакиран официјален фан пејџ, од кои еден успеал. Така, официјалната Фејсбук страница на Кристина Арнаудова деновиве веројатно повторно ќе биде вратена во нејзина сопственост и владение. Сега на Аранудова белким и е многу појасно каде лежи и во кого е иднината! Фото: Инстаграм и Фејсбук принтскрин/kristina_arnaudova

Што сè се менува на Фејсбук профилите од 1 декември?

Слободанка Илиева — Tue, 22 Nov 2022 12:25:47 +0000

Фејсбук отстранува неколку полиња кои содржат информации за профилот, вклучувајќи религиозни и политички ставови. Фејсбук ги информираше корисниците дека ќе отстрани четири полиња со информации од профилот почнувајќи од следниот месец. Овие полиња вклучуваат религиозни ставови, политички ставови, адреси и полето „заинтересирани за“, што укажува на сексуалната ориентација на корисникот. Промената ќе стапи на сила на 1 декември. Портпаролот на компанијата рече дека причината за промената е да се олесни користењето на социјалната мрежа. „Како дел од нашите напори да ги олесниме навигацијата и користењето на Facebook, отстрануваме неколку полиња на профили: заинтересирани за, религиозни ставови, политички ставови и адреса. Испраќаме известувања до лицата кои ги пополниле овие полиња, известувајќи ги дека ќе бидат отстранети“, се вели во соопштението на компанијата. Известувањето укажува дека другите кориснички информации ќе останат на нивните профили заедно со останатите контакти и основни информации. Одлуката на Facebook да се ослободи од овие специфични полиња на профили е дел од напорите да ја подобри својата платформа, која моментално се состои од неколку функции кои се малку застарени. Вреди да се напомене дека полињата на информации кои „Фејсбук“ реши да ги отстрани се оние што другите големи социјални мрежи не ги нудат. Платформите како Инстаграм и Тик-Ток имаат шема на едноставни биографии што им овозможуваат на корисниците да споделуваат информации за себе без да навлегуваат во конкретни детали, како што се политички или религиозни ставови“. Во минатото, луѓето можеби биле заинтересирани да ги пополнат своите профили со дополнителни информации, но како што правилата за приватност стануваат појасни и подефинирани – корисниците можеби повеќе нема да сакаат да споделуваат дополнителни детали за себе онлајн. Инаку, „Мета“ минатата недела отпушти 11.000 работници, што е околу 13 отсто од нејзината работна сила. извор:курир.мк

Фејсбук со нов редизајн за десктоп корисниците

Антонио Димитриевски — Sat, 19 Mar 2022 10:46:05 +0000

Корисниците на Фејсбук кои ја користат десктоп верзијата веќе почнаа да добиваат редизајнирана верзија на социјалната платформа. Оние кои не се сосема сигурни, тоа може да го очекуваат во наредните денови. Имено, речиси сите навигациски елементи, менија и поставки се преместени лево на десктоп верзијата на платформата, без навигација на врвот на страницата. Додека сте на десната страна, ќе има само копче за пораки на дното на екранот. Како што пишуваат некои, не биле прашани дали сакаат да го прифатат новиот редизајн, а очигледно засега нема начин да се вратите на претходната верзија, доколку веќе сте ја добиле. Фејсбук во кратка порака понуди објаснување за весникот. – Ги преместивме сите опции за навигација на едно место. Оваа промена комбинира се што ви треба на Фејсбук – вашиот профил, пребарување, известувања, пораки и многу повеќе, се вели во известувањето. Поминаа речиси точно две години откако Фејсбук го лансираше својот најнов голем редизајн, кој вклучуваше голема промена во навигацијата на страницата, „почист“ изглед и опционален темен режим. Тоа беше голема промена и требаше време да се навикне, но тоа беше многу потребна ревизија на пренатрупаниот Фејсбук од старите времиња.

Никола Наумоски екс шеф на кабинетот на Шилегов, им се потсмеваше на скопската градоначалничка Арсовска и Перо-Камиказа, па овој го испрати на „едно место“: „Тоалети пред се’ – биди така“! (ФОТО)

Антонио Димитриевски — Mon, 03 Jan 2022 09:29:19 +0000

Никола Наумоски, познат како „дете на шарените“ во служба на „комуњарите“, братучед на Радмила Шеќеринска и екс шеф на кабинетот на бившиот градоначалник Петре Шилегов, одново се избламира на социјалните мрежи, по оној неодамнешен срам, кога македонскиот великан Горан Стефановски го нарече „обичен гастрбајтер“. Проблематичниот Никола, кој додека четири години цицаше од градската каса дебела плата и куп бенефиции удобно завален во фотелјата под клима на градоначалничкиот кабинет на Шилегов, дури откако таа фотелја почна да им се лула, почна да крева глава, па овој пат од позиција на „паднат од фотелја“, се дрзна да се потсмева со потезите на новата скопска градионачалничка Данела Арсовска, ставајќи го во контекст еден од предлозите на кандидатот за градионачалник Петар Георгиевски - Камиказа, за поставување на јавни тоалети во Градскиот парк и по кејот на Вардар во Скопје. Откако забележал дена два т.н,. „Тои фора“ се поставени на влезот во паркот и уште дузина други низ него, за разлика од неговото време кога граѓаните вршеа нужда по жбунчиња и грмушки, Никола подбивливо и саркастично, но исо навредлив статус кон Арсовска и особено Георгиевски се огласил со Фејсбук статус: На ова час поскоро реагираше Петар Георгиевски, па рокерот кој е познат како човек „без влакна на јазикот“ во себесвојствен стил му реплицираше на дрскоста на доскорешното градоначалничко „кабинетско шефче“: „Сељобер-Монокотиледонски... Ти друже што ми посакуваш среќен да умрам, а ја пееш мојата песна 'ДИРЛАДА' пред грчката амбасада со распеани скопјани. Да не сакаш да ти ги оставам авторските права, а?! Сега знам дека со Мирко Попов-дијагноза немате пари за бело, па поминавте на дување лепак кој многу брзо ви го суши мозокот. Набрзо тамо кај што ќе одиш, нема да имаш право на користење телефон... Е токму тамо, ти пожелувам долг и среќен живот и по можност да ги прочиташ делата на Горан Стефановски кој за тебе е селски гастарбајтер и маалски националист... Дотогаш јас среќно ќе трчам, ќе возам точак и пливам, ќе напишам уште по некој хит и ќе го чекам твоето 'воскресение'... И да, ако треба,повторно ќе бидам скретничар на возот во кој ти и таквите како тебе ќе се возат, со една цел, никогаш да не се повторите...После Русе ти си наредниот. Биди така. Тоалети пред се“ - му возврати Перо - Камиказа на Никола Наумовски. Дали „бившиот градоначалничко-кабинетски шеф“ ќе има на ова реплика, а Фејсбук преписката ќе добие ново поглавје, останува отворено прашање?! Впрочем, како и дилемата дали најновиот Фејсбук „сликовит статус“ на Камиказа: „Ем, шуто, ем боде“ е доплнение на веќе искажаното кон Наумоски по теркот: „Ти кажувам (пишувам) ќерко, сети се (прочитај) снао“! Фото: Фејсбук принтскрин/Nikola Naumoski/Petar Georgievski - Kamikaza

Иако сега не живее во Македонија и на некогаш популарниот ТВ водител Филе – „Топки“ „му пукна филмот“ од лагите на Заев, па „го подбра на волеј“ (ФОТО)

Антонио Димитриевски — Wed, 03 Nov 2021 08:34:30 +0000

По сумирањето на резултатите од локалните избори исходот е ваков: Уште една „дебела“ победа на ВМРО-ДПМНЕ и коалицијата и уште една „уште подебела“ лага на Зоран Заев, во вид на понудена оставка и од премиер и од партиски лидер, спакувана во „мало сутра“ ветување! Типично за него и неговиот стил на владење. Веќе видено до сега и од СДСМ и од Заев! ( сетете се на оставката на Фрчковски по атентатот на Глигоров или последната на Филипче по пеколот во модуларната ковид болница во Тетово). Затоа и последново политичко „салто-мортале“ на Заев не изненадува, напротив, дури многумина и го очекуваа неговото сто пати видено „пу, пу, не важи“! Она што луѓето ги боли, погаѓа, навредува, е најмногу фактот што Заев им ја потценува интелигенцијата. Како во онаа познатата поговорка: „Не ми екриво што ме лажеш, криво ми е што мислиш дека ти верувам“! Токму оттаму и огромниот револт кај масата народ кој се створи со „мало сутра“ понудената оставка на премиерот и лидер на СДСМ по дебаклот на локалните... На половина и повеќе Македонија и врие. Па дури и на голем број довчерашни СДСМ подржувачи, откако по стоти пат гледаат со кого си имаат работа.Овој пат чашата е прелиена, а се прелива и незадоволството и револтот, најмногу на социјалните мрежи. Меѓу сите обични луѓе и многумина познати „му кажаа што имаат да му кажат“ на Заев, со свои статуси на Твитер или Фејсбук. Еден од нив токму онака жестоко „му го плеснал в лице“ и нему и на неговата најблиска партиска свита што стоеше околу него додека Заев ја даваша „мало сутра“ оставката пред целата јавност. Некогаш многу популарниот новинар, автор и ТВ водител Игор Филевски - Филе, попознат како Филе - „Топки“ иако последниве години не живее во Македонија, татковината си ја сака како секој вистински патриот. Токму затоа и нему „му пукна филмот“ од лагите на Заев, па го „подбра на волеј“ муртинскиот „пишман аџија“... Вербално или поточно написмено, со жесток статус на својот Фејсбук. „Пишман аџија!? Кон крајот на годината??? Ако, ако... ама тука е и крајот на сите надежи за иднина. Памтете го денов! А што се однесува до другото, готово е и со кредибилитетот на сдс, на целиот партиски мемаџмент, администрација, влада, држава... Прогресивци??? Вие сте обична багра, хохштаплерај, сељачишта, криминално-кванташки муфљузи во ликови на премиер, министри, климоглавци, увлакачи у шупак и класични говеда и магариња кои ја узурпираа и Бихаќка и цела држава. Криво ми е што ја направивте партијата акционерско друштво на сељачана неписмена. И криво ми е што од денес ќе мораме да стаиме крст на сите симпатии, па сме приморани да си најдеме друг концепт за нашите социјалдемократски убедувања. Штета. Се плашев дека доаѓа време во кое ќе пишеме дека ваков секс со народот немало ни во Грујово време, ни пак бате Саше правел, на ваков дрзок, безобразен и арогантен начин. Им се измочавте и на "протестирам" и на "шарените" и на независните и на симпатизерите и на членовите кои го замрзнаа членството, чекајќи да си заминете од Бихаќка. Чувајте си ги климоглавците и празноглавците, ама и тие наскоро ќе ви го свртат грбот, кога ќе ви снема од трошките. Но, веќе небитно. Готово е. Ваков заеб никогаш никој не ни направил во историјата од постоењето на Република Македонија. Уште не ми се верува, како се извртеа нештата, од доверба до ваков револт. Ама тоа е, од прекупец сељачиште неписмено, требаше и да се очекува ова. Ццц каков ужас, каков заеб, какво дупење у здрав мозок... Ужас!“ - им порача Филе на Заев и СДСМ во својата протесна Фејсбук беседа. Револтот од „мало сутра“ оставката на Заев го следи и мајтапот. Твитерџиите, Фејсбукџиите, Инстаграмџиите... се „откорнаа“ од шеги и зафрканции на сметка на премиерот и неговата фејк оставка. Еве само една мала „фејк“ илустрација, која колку и да е шеговита и смешна, всушност е сурово реална, „жива вистина“! Фото: Принтскрин/социјални мрежи

Новата песна „Ковид и секс“ на Сања – Барбика предизвика голема полемика, па, по коментарите на фолкерката „и пукна филмот“: „Толку ви е капацитетот да процените…“ (ФОТО)

Антонио Димитриевски — Wed, 16 Jun 2021 08:55:33 +0000

Македонската фолкерка Сања Барбика Цинцева како постојано да е во конфликт со некого?! Пред извесно време прво ги нападна медиумите, па имаше „извесни недоразбирања“ со поедини свои колешки како што е нејзината имењачка Сања Сани Гроздановска, каде јавно падна размена на „тешки зборови“, но „војната на фолк ѕвездите“очигледно краеше кратко. Се' се сведе на „блиц крик конфликт“ од локален карактер на двете фолкерки, кои отакао „си земаа мерка“ набрзина „ги закопаа воение секири“, па прогласија примирје во името на чесноста, музиката и уметноста. Сања – Барбика ги „обвини“ медиумите и јавно им се извини на колешките: „Сепак сме колешки и водиме јавен живот, не ни доликува јавно да се провоцираме и навредуваме“! (ФОТО) – Вистина.мк (vistina.com.mk) Деновиве Барби има нова песна. До душа таа беше една од ретките кои снимаа и работеа и за време на корона пандемијата, која е главен лајт мотив во новата музичка „тема по мерка“ на расната струмичка фолкерка. Имено песната „Ковид и секс“ и видеото кои деновиве ги промовираше преку ноќ предизвикаа цунами од најразлични коментари и полемики. Едни ја пофалија за храброста, други за идејата на забавен начин да ја искористи коронапандемијата, додека на трети не им се допадна ама баш ич, па прогласувајќи ја песната за шунд и кич, ја обвинија пејачката дека се потсмева и поигрува со катастрофата која зацрни многу човечки судбини и одзеде илјадници животи. Не можејќи веќе да ја поднесе таа пресија на наводниот „говор на омраза“ кон неа од хејтерите, струмичката фолкерка реши во свои раце да ја превземе работата и да ја скрои по своја мерка. Сања - Барбика јавно се обрати преку социјалните мрежи, поточно на својот Фејсбук профил, прозивајќи ги оние што ја плукаат и „жалат“, а заблагодарувајќи им се на оние што ја поддржуваат и фалат: „Почитувани хејтери, Долго размислував на крајот одлучив да оделам малце време и за вас.Свесна бев дека незнаете да ја препознаете храброста да се донесат новите трендови кај нас, но ете и овој пат решив да бидам во првите и покрај тоа што знаев на какви коментари ќе наидам. Ама ако не Ви замерувам, толку Ви е капацитетот да процените и да вреднувате, само не ми е јасно како ги поддржувате естрадните уметници од регионот со овој жарн на музика, а нас домашните не плукате, вреѓате и понижувате, од мене простено Ви е. На крајот од денот ако не Ви се допаѓа не слушајте и не гледајте, сите ние имаме различни вкусови, а во тоа сум сигурна бидејќи покрај многуте хејтерски коментари, добив дупло повеќе поддржувачки и охрабрувачки коментари, да бидам искрена Ви благодарам и на едните и на другите. Имало и коментари од типот дека сум ги исмејувала жртвите од Ковид, НЕ НЕ НЕ, како би ги исмејувала кога и јас лично го прележав вирусот, темата на песната е таква се со цел малце позитива да дадеме на се околу ковид вирусот, да ја тргнеме барем на неколку минути негативната енергија! Ве сака Сања Барби, наскоро се гледаме и дружиме на најдобрите забави! П. С. Сигурна сум дека на истите често ќе ја барате да ја пеам Ковид и секс“ - дословно им порача струмичката Барбика. Некои од колегите и колешките премолчеа, а некои ја искоментраа нејзината храброст, возвраќајќи и со коментари за поддршка како Тања Блажева на пример или само со лајк како Сузана Гавазова, Душко Георгиевски, групата „Респекти“...! Дури и познатиот Иван Исцелител не остана „покус да не искоментира, до душа со поучна кумановска поговорка за оваа пригода, која кој знае, можеби донекаде и... „држи вода“? „Још не се родија, тј што на свите им угодија“!? - напишал „исцелителот“! Фото: Инстаграм/Фејсбук и Јутјуб принтскрин

Гоце Бошковски се огласи откако испадна од „Ѕвездите на Гранд“: „За следната сезона ќе размислам добро дали вреди“

Христина Ѓоргиевска — Mon, 05 Apr 2021 06:53:55 +0000

Гоце Бошковски од Прилеп настапуваше во последната сезона на музичкото шоу „Ѕвездите на Гранд“. Тој се претстави со песните „Станица подлугови“ и „Гори гори срце моје“. Гоце се бореше во дует со кандидатката Нела, а и двајцата кандидати добија по 4 гласа. Бошковски замина во бараж, каде што се бореше со останатите учесници, но, сепак испадна од музичкото шоу. По неговото испаѓање тој се огласи на социјалните мрежи заблагодарувајќи се на сите за поддршка, како и на неговата менторка Вики Миљковиќ која изминатите месеци работеше со македонскиот кандидат. -Мојот последен настап за оваа сезона. Тоа е тоа нема назад. Драго ми е што со двајцата мои ментори во две сезони испеав песни што ретко се пеат а мислам дека некои и ниту еднаш не се испеани на ова такмичење и за тоа сум горд. Секоја песна што ја испеав ја донесов на свој начин а не да копирам некого и за тоа сум горд затоа што се бориме да бидеме свои и да оставиме наш белег а не да бидеме нечија копија Ви Благодарам на сите за подршкат. Исто така му се заблагодарувам и на моите соработници кои беа со мене овие три години на овој натпревар Јас овде не застанувам напротив моментално спремам нова песна со која ќе ве почестам за брзо Да сте здрави и живи.( А за следна сезона ќе размислам добро дали вреди ).Уживајте“, напиша Гоце на Фејсбук. Инаку, Гоце и претходната сезона учествуваше во музичкото шоу и беше под менторство на Ѓорѓе Давид. Во оваа сезона засега остануваат уште неколку македонски кандидати, а меѓу нив се: Мими Јовановска, Марио Арангеловски, Марија Груевска, Елена Миленковска, Благица Ѕунѕуровска...дали тие ќе стигнат до финалето останува да видиме. https://youtu.be/fEFhmCU3hj4