Како влијае Фејсбук врз менталното здравје?

Горан Силјановски — Thu, 20 Dec 2018 15:00:23 +0000

Научниците тврдат дека после одредено време на користење на социјалната мрежа Фејсбук можат да се почувствуваат симптоми на клиничка депресија. Веќе подолг период се зборува за тоа како Фејсбук влијае врз здравјето на популацијата која прилично време поминува пред мониторите на социјалните мрежи, особено на Фејсбук. Направени се бројни студии на тема – Лошото влијание на Фејсбук врз вашето ментално здравје. Последните истражување се вчудоневидувачки – Фејсбук може да предизвика депресија, односно, после одредено време од користењето корисниците можат да почувствуваат симптоми на клиничка депресија. Важно е и колку време корисниците поминуваат споредувајќи се себеси со другите корисници на оваа мрежа.

Најголем проблем претставува споредбата во кој одреден корисник е помалку успешен или помалку задоволен од својот живот во однос на другите корисници. На тој начин после одредено време корисниците почнуваат да чувствуваат симптоми на клиничка депресија, а да не се ни свесни дека причина за тоа е токму споменатата социјална мрежа.

Пејачката Ребека со емотивна порака за роденденот на синот: „Моето сè си ти“

Христина Ѓоргиевска — Fri, 09 Nov 2018 08:34:20 +0000

Родендените се важен дел од нашиот живот, посебно на оние најблиските, најмилите, најсаканите, кои на тој ден се трудиме да ги направиме малку посреќни од вчера и да го паметат својот роденден. За родителите, денот на раѓање на нивното дете е среќа и благослов, а славењето на истиот ги радува и ги потсетува на важната улога како родител. Македонската пејачка Ребека Јанковска Ристески пред некој ден го прослави својот 12-от роденден на својот син Маркијан.

По тој повод таа сподели емотивен статус на „Фесјбук“ со кој го честиташе роденденот на својот син. „Маркијан, љубов моја. Да знаев дека ти ќе бидеш причина за да научам како и невозможното станува возможно и дека целите кои ги поставувам се градење на поубаво утре за многу деца, ќе си измислев дете како тебе. Моето се си ти, но и сите ближни луѓе околу тебе и Бог ни дал се за да се радуваме и да го менуваме овој свет кон подобро. Ти благодарам за љубовта и секојдневното твое. Мамичка те сака. Среќен 12ти роденден херој мој“, напиша Ребека на својот „Фејсбук“.

За потсетување, синот на Ребека боледува од ретка болест туберна склероза..

Минатата година во интервју за „Женски магазин“ таа прозбори за проблемот на синот. „ Дека со Маркијан нешто не е во ред забележавме уште во седмиот месец од бременоста, но во прво време не бевме сигурни дека тој има туберна склероза. Видовме тумори на срцето, но не и промена на срцевата работа. И покрај високите сомнежи, ние одлучивме Маркијан да продолжи да живее и да ги прифатиме сите предизвици и искушенија доколку навистина следат. На тримесечна возраст прв пат ги забележавме симптомите - епилептични напади. Од тој момент почнаа сите детални испитувања и патувања, консултации низ многу болници. Денот ни започнуваше со прашањето дали и колку напади ќе има, дури имаше и периоди кога во еден ден забележувавме и по стотина“, раскажа пејачката која е основач на здружението на граѓани за лица со дисфункции, хендикеп, ретки болести и посебни потреби „Дајте ни крилја“, изјави тогаш Јанковска. Пејачката има три сина Маркијан и близнаците Макариј и Доротеј.

foto; facebook

фејбсук – Вистина.мк

Како влијае Фејсбук врз менталното здравје?

Пејачката Ребека со емотивна порака за роденденот на синот: „Моето сè си ти“