фчерашни – Вистина.мк

Се породи Јована Аврамовска, водителката на „Фчерашни“ и екс портпарол на Министерството за финансии (ФОТО)

Антонио Димитриевски — Wed, 15 Sep 2021 08:10:05 +0000

ТВ водителката Јована Аврамовска се породи и за прв пат стана мајка. Таа и нејзиниот сопруг Предраг добија здраво машко дете, кому му го дадоа името Илин. Веста на социјалните мрежи ја објави самата Јована, споделувајќи фотографија од бебето и сопругот со кого пред да стапи во брак, биле во врска. Инаку, Јована Аврамовска јавноста ја запозна најпрвин како репортер, па водителка во утринската програма на ТВ Сител „Ја сакам Македонија“. Не мина долго време, а новинарката преку ноќ ја снема од ТВ екраните. Неофицијално – си заминала од телевизијата, (не)официјално, телевизијата „и се заблагодарила“ заради сопствено прегрупирање на кадрите во програмата по пат на „природна селекција!“ Јована како што се појави – така и исчезна, за понекое време одново да ја има на телевизија! Овој пат, како една од главните актерско-водителски ведети на проектот „Фчерашни новости“ , финансиран од Агенцијата на САД за меѓународен развој (УСАИД). Така симпатичната бивша новинарка стана и актерка, која „глумејќи“ ТВ водителка, заедно со останатите од екипата ја забавуваше нацијата која последна ги дознаваше „Фчерашните новости“! По доаѓањето на СДСМ на власт и востанувањето на тогаш нивната нова влада, Јована Аврамовска осамна на ново работно место... или функција, како сакате. Како нов портпарол на Министерството за финансии на тогашниот министер Драган Тевдовски. Така водителското столче од пред камерата на „Фчерашни“, Јована го замени со фотеља во кабинетот на министерот… или баерем некоја канцеларија до него! „Фчерашни“… за неа останаа да бидат „боља прошлост“, ама подоцна ќе се испостави и „лепша будуќност“! Се додека не се појави новата министерка Нина Ангеловска, алијас Нина – „Групер“, во чии раце беа предадени финансиите на државата! Тогаш новата министерка за финансии ја реконструираше до(Ф)черашната портпаролка, односно Нина – „Групер“ ја „прегрупира“ Јована Аврамовска назад… во „Фчерашњи“! Во меѓувреме, Јована стапи во брак со своето момче, нејзиниот сегашен сопруг Предраг и сега за прв пат се реализира и како мајка. Вистина.ком.мк на Јована и сопругот им ја честита приновата! Фото: Јутјуб/Социјални мрежи

Тошо – „Малерот“, за жал, уште еднаш го оправда прекарот: На Васко Тодоров од силниот ветер во Скопје, му падна фасадата од зградата врз автомобилот (ФОТО)

Антонио Димитриевски — Fri, 28 Feb 2020 08:53:55 +0000

Познатиот македонски комичар Васко Тодоров за жал, уште еднаш го оправда прекарот Тошо - „Малерот“, по кој стана познат и популарен. Имено, од силниот ветер кој завчеравечер дуваше во Скопје со брзина и од над 100 км на час и носеше се пред себе, корнејќи дрвја, покриви, уривајќи огради, ја откорнал и урнал меѓудругите и фасадата на кулата во скопската населба Козле, во која живее Тодоров. Таа се урнала врз неговиот паркиран автомобил и значително го оштетила - објави Репортер. Инаку, зградата е дел од неколкуте висококатници лоцирани веднаш до ОУ „Владо Тасевски“, чии фасади пред неколку години беа реновирани, ама... Очигледно Тошо не случајно го носи прекарот „Малерот“, зашто ова е уште еден во низа од серијата непријатности што му се случуваат. Во хумористичниот серијал „К - 15“ тој ја достигна славата, но приватно баш и не му цветаа рози. Низ скопската чаршија и во кулоарите уште оддамна наголемо се зборуваше за неговото вонбрачно дете со колешката од скопско „Идризово“, уште од времето додека работеше како воспитувач во познатата казнено-поправна установа. Паралелно со „К-15“ тој и неговите двајца компањони ги туркаа и нивната маркетинг агенција и видеопродукцијата, кои им пропаднаа, како и кафеаната која ја држеа позната под името „Тутуноберачите“, денес гостилница „Дукат“. И нивната приватна телевизика „К15 ТВ“ не се прослави и не траеше долго, па откако на крај проектот „К-15“ престана да постои, Тошо - „Малерот“ замина за Австралија. Претходно, на големо изненадување на најблиските роднини и пријатели, па и на неговите фанови, во Матичната служба во Скопје, Васко Тодоров се венча со неговата тогашна избраничка e Марија Христова, (која беше и мајка на деветгодишна ќерка), која веќе живееше во Австралија. Наскоро заедно заминаа во земјата на кенгурите, но само по неколку години, за Тошо - „Малерот“ австралиската приказна заврши и тој во 2019 година се врати во Македонија. Со својот стар компањон Миле Паника (Бранко Огњановски) Тошо - „Малерот“ повторно застана заедно пред ТВ камерите на снимањето за сатиричните „Фчерашни новости“. Последниот малер на Тошо - „Малерот“ е оној, завчерашниот. За жал, штетата е голема, како и поуката: „Друг пат води сметка каде паркираш или внимавај кого бираш да ти реновира“! Во меѓувреме, на Тошо не му преостанува ништо друго освен... да го тужи „фасадерот“!

Новата министерка за финансии ја реконструираше до(Ф)черашната портпаролка: Нина – „Групер“ ја „прегрупира“ Јована Аврамовска назад во „Фчерашњи“! (ФОТО)

Антонио Димитриевски — Tue, 12 Nov 2019 09:04:31 +0000

Јавноста ја запозна најпрвин како репортер, па водителка во утринската програма на ТВ Сител „Ја сакам Македонија“. Не мина долго време, а новинарката преку ноќ ја снема од ТВ екраните. Неофицијално - си заминала од телевизијата, (не)официјално, телевизијата „и се заблагодарила“ заради сопствено прегрупирање на кадрите во програмата по пат на „природна селекција!“ Јована Аврамовска како што се појави - така и исчезна, за понекое време одново да ја има на телевизија! Овој пат, како една од главните актерско-водителски ведети на проектот „Фчерашни новости“ , финансиран од Агенцијата на САД за меѓународен развој (УСАИД). Така симпатичната бивша новинарка стана и актерка, која „глумејќи“ ТВ водителка, заедно со останатите од екипата ја забавуваше нацијата која последна ги дознаваше „Фчерашните новости“! Во тоа време, воглавно со сите сили насочени за уривање на „режимот“! И се' така додека „режимот“ не го замени „хунтата“ , а премиерот Заев не реши дел од „заслужните уривачи на режимот“ да ги награди со советничко- портпаролски позиции во новата влада и останатите институции на системот! Меѓу нив и Јована Аврамовска, како нов портпарол на Министерството за финансии на тогашниот министер Драган Тевдовски. Така водителското столче од пред камерата на „Фчерашни“, Јована го замени со фотеља во кабинетот на министерот... или баерем некоја канцеларија до него! „Фчерашни“... за неа останаа да бидат „боља прошлост“, ама подоцна ќе се испостави и „лепша будуќност“! Имено, откако владината кола тргнува надолу, на премиерот прво што му паѓа на памет е реконструкцијата на владата, во која жртва на новата владина политика ќе биде и министерот за финансии Тевдовски. Праведно или не, некоја глава „мора да падне“, а со неа и главите на екипата околу него... како колатерална штета, до душа на одложено време! Се додека не се појави таа, новата министерка Нина Ангеловска, алијас Нина - „Групер“, во чии раце беа предадени финансиите на државата! Нов министер, нови правила и... нова екипа! Новата министерка за финансии ја реконструираше до(Ф)черашната портпаролка, односно Нина - „Групер“ ја „прегрупира“ Јована Аврамовска назад... во „Фчерашњи“! До душа, Јована се поздрави уште во јуни 2019 со тимот од кабинетот на Тевдоски, и тоа јавно, кога на својот Фејсбук профил меѓудругото напиша: „Поздрав екипо, до следната прилика, тука или некаде!“ Што значи дека и враќањето во „Фчерашни“ на Јована по се' изгледа дека и е од привремен карактер, до следната прилика... Зашто вака кажано, подразбира дека плановите на до(ф)черашната портпаролка и се на друго место... Тука или некаде, сеедно!