факултет – Вистина.мк

ФИШ создава извонредни студенти во информатички и сродни дисциплини

Дејан Донев — Fri, 08 Mar 2024 12:39:06 +0000

Приоритет за секој средношколец и студент претставува квалитетното образование и идниот просперитет. Тие се стремат да го направат правилниот чекор на ова поле и да се здобијат со врвно знаење, кое понатаму ќе ги придвижи кон достигнување на особен престиж во својата професија. Во последнава декада, Словенија се истакнува како една од најпривлечните земји за студирање на македонските студенти и надградување на професионален план. Зошто е тоа така? Постојат неколку факти кои ја откриваат тајната позади нивната визија и ја потврдуваат нивната одлука како вистински избор. Долгогодишното и прогресивно работење на Факултетот за информатички науки во Словенија (FIŠ) дава основа за генерирање извонредни студенти зад кои стојат голем број успешни и глобално препознатливи проекти и соработки. Дел од овие колаборативни проекти се карактеризираат со пребарување податоци, дигитални библиотеки, поврат на информации и слично. Со посебна репутација се здобиваат и оние кои се ко-финансирани од Европска Унија, од која факултетот и студентите уживаат исклучителна поддршка. “Адаптација на јавните истражувачки организации и Централната техничка библиотека на Универзитетот во Љубљана да работат според принципите на отворената наука” е еден пример на таков вид проекти, во кој што цел факултет е вклучен и активно работи со помош на Министерот за високо образование, наука и иновации на Европската Унија. Овој самостоен државен факултет, лоциран во Ново Место, претставува водечка институција во државата, која е посветена на првокласна едукација на своите студенти во делокругот на информатичките науки и сите сестрински дисциплини. Студиската програма на ФИШ главно е поделена на три модули: додипломски, мастер и докторски студии. Во секоја од нив е инкорпориран мултидисциплинарен пристап кој овозможува студентите да ги прошират своите хоризонти, пронаоѓајќи ги допирните точки меѓу информатиката и останати истражувачки сфери како филозофија, социологија и комуникациските вештини. Ова ја зголемува студентската перспектива и развива сет способности, давајќи им предност на студентите во денешниот свет на можности, во кој се' е поврзано и испреплетено. Студентите на ФИШ секогаш се снабдени со најнови информации од светот на технологијата преку организирање јавни дебати, работилници, предавачи и професори, теренски активности и конференции. Преку партиципација на вакви настани, студентите може да воспостават контакт со влијателни личности и професионалци и да се стекнат со потребното практично искуство. Една од најголемите технички бенефиции за студентите на овој факултет е неговото членство во Microsoft Azure програмата. Со оваа програма, студентите и персоналот може да користат лиценцирани Microsoft програми и алатки преку Аzure web порталот и да ги инсталираат на сопствените компјутери. Оваа високо-образовна установа во својот „арсенал“ има два суперкомпјутери. ФИШ има склучено партнерства со голем број истражувачки институции, универзитети и партнери од индустријата низ целиот свет. Ваквиот тип интернационална соработка обезбедува можност за академска размена на студентите, како што е програмата Еразмус, здружување за заеднички истражувачки проекти, екскурзии и отворена врата кон разновидни искуства. Особена предност на овој факултет е можноста за проследување „онлајн“ настава преку платформата „Moodle”, на која постојано се прикачуваат академските материјали и вежби. Оваа „онлајн” училница овозможува студентите побрзо да комуницираат меѓу себе, да остварат полесен пристап до професорите, претставува форум за дискусија и опција за прикачување семинарски трудови и испитни вежби преку нивниот профил. Покрај тоа што факултетите во Словенија нудат бесплатни студии за македонските студенти, ексклузивна алтернатива на овој факултет се индивидуалните курсеви кои содржат три нивоа и отворената прилика за студирање како „граѓанин”. Ова подразбира дека секоја индивидуа по желба, може да ја проследи студиската програма на Факултетот во кој било период од академската година, без статус на студент. Покрај екстензивната апаратура, на Факултетот постои и специјализирана библиотека за студентите. Оваа инфраструктура придонесува за стручноста на предавањата и истражувачките активности, зајакнувајќи го целосниот образовен систем на студентите. Во програмата на факултетот се опфатени и дополнителни социјални и студентски услуги, како кариерен центар за академско и кариерно советување, опции за практикантство и практични вежби. На овој начин, факултетот цели да создаде инклузивна средина, каде студентите може да се унапредуваат и да го достигнат својот целосен потенцијал. За секој студент, слободното време е ценет луксуз кој треба максимално да се искористи. За некого тоа значи одмор, но студентите на ФИШ ја имаат и можноста да си го исполнат времето преку социјализирање и вмрежување со своите колеги, учествувајќи во разни екстракуликуларни активности како куглање, пикник, спортување и прошетки во природа. https://www.youtube.com/watch?v=kUvr5JyQVH8 Повеќе информации може да погледнете на следниот линк.

Одлука која не била лесна: Џејла Рамовиќ го напушти факултетот во Барселона, а ова е причината…

Слободанка Илиева — Tue, 26 Sep 2023 08:34:30 +0000

Џејла Рамовиќ освојува со гласот и стасот, плени со својата харизма. Таа го шармираше целиот регион по одличните настапи и победата во „Ѕвездите на Гранд“, а не и одолеаа ниту во Венеција, каде неодамна прошета како дел од познатата „Мостра“. Иако стекна огромна популарност, младата пејачка од Горажде реши на кратко да ја стави кариерата на втор план за да се посвети на студиите по економија. Таа се пресели во Барселона во 2021 година поради универзитетот. ‒ Таму го најдов својот мир и добив нова волја и мотив за работа, воопшто, на сите полиња. Сметав дека таков чекор ми е неопходен и бев во право - изјавила убавата Џејла, која најчесто настапува за викенди, а учи во работните денови. Сепак, се чини дека сепак се откажала од понатамошното образование. Според блиски извори, причината е што не може да постигне се’ и сака целосно да се фокусира на музиката, нејзината најголема љубов. фото:Инстаграм принтскрин/Џејла Рамовиќ

И покрај сета слава и популарност, родителите на Цеца ова никогаш не и го простија (ФОТО)

Антонио Димитриевски — Wed, 29 Dec 2021 12:00:31 +0000

Пејачката Цеца Ражнатовиќ откри дека родителите никогаш не и простиле што не се запишала и не завршила факултет. „Бев одличен студент и планирав да студирам психологија, но животот ме однесе на другата страна“ - изјави Цеца. Како што вели, не им бил доволен сиот нејзин успех. „Верувале или не, целиот мој успех и кариера никогаш не им беа доволни на моите родители. Тие никогаш не ми простија што не го продолжив образованието и дипломирав и не завршив факултет“ - рекла таа. Цеца, инаку, по потекло е од југот на србија, местото Житораѓе. Нејзината мајка Мира била учителка, а нејзиниот татко Слободан бил економист, кој, како што повеќе пати кажала пејачката, и бил најголема поддршка во животот. Фото: Инстаграм принтскрин/cecaraznatovic

Џејла Рамовиќ го напушти Балканот: Младата пејачката замина далеку од дома, а еве која е причината

Христина Ѓоргиевска — Mon, 27 Sep 2021 11:42:08 +0000

Младата и талентирана пејачка, Џејла Рамовиќ, по победата во „Ѕвездите на Гранд“, сега е подготвена да освојува нова победи. Имено, Џејла заедно со нејзините сестри веќе неколку дена е во Барселона. Меѓутоа, тие таму не заминаа поради одмор, туку Џејла запиша факултет. „Запишан факултет во Шпанија“, напиша Џејла на социјалните мрежи. Нејзината помлада сестра Шејла со заедничка фотографија и порача: „Здраво голем свете, биди добар кон неа“, напиша таа За потсетување, Џејла Рамовиќ која беше под менторство на Марија Шерифовиќ победи во „Ѕвездите на Гранд“. фото: инстаграм/џејла рамовиќ

Атрактивна црнокоса: Еве како изгледа едната од трите ќерки на Ацо Пејовиќ (фото)

Слободанка Илиева — Thu, 25 Feb 2021 09:48:30 +0000

Ацо Пејовиќ ретко се појавува во јавност со своите ќерки. Ги држи подалеку од очите на јавноста, а сите три ќерки Марија, Магдалена и Ива што ги има со сопругата Билјана се негова гордост, а Пејовиќ тоа го истакнува често во интервјуата. Неговата ќерка Марија се запиша на Медицинскиот факултет, а потоа гордиот татко ја почести својата наследничка со патување во Америка, а за нејзиниот 18 роденден со автомобил. Најстарата ќерка на Пејовиќ, Магдалена, завршила на ФОН. - Сопругата Билјана и јас се обидовме да ги едуцираме на чесен начин, да им ги всадиме вистинските вредности, јасно да разликуваме што е добро, а што лошо. Денес сме тука само за да ги поддржиме нивните одлуки, бидејќи нема потреба да се мешаме во ништо, тие се одлични млади дами - рече пејачот во една прилика. Магдалена е исто толку убава, а на социјалните мрежи објавува многу фотографии.

Голема животна промена за Џејла Рамовиќ: Фановите разочарани од одлуката на победничката на „Ѕвездите на Гранд“

Слободанка Илиева — Wed, 14 Oct 2020 09:13:57 +0000

Минатогодишната победничка на музичкото шоу „Ѕвездите на Гранд“, Џејла Рамовиќ, ги откри своите планови за во иднина, што сигурно ќе ги разочара нејзините обожаватели. Имено, како што рече Џејла во емисијата „150 минути“, таа планира да го напушти родниот град Горажде, да замине во странство каде ќе се запише на Економскиот факултет.

View this post on Instagram

🤍

A post shared by DZEJLA RAMOVIC (@dzejlaramovic) on Sep 26, 2020 at 12:10pm PDT

- Учењето сепак ќе биде приоритет во однос на пеењето. Тоа е нешто што ќе го одреди мојот живот. Пеењето произлезе од мојата желба, но мислам дека прво треба да видам што да правам со образованието, а по завршувањето на четвртата година од средното училиште, веќе ги избирам градовите каде што би можела да одам и да го продолжам образованието. Сепак, како што рече, Рамовиќ се надева дека ќе има време да работи, да снима и да пее, не толку како порано, но секако дека е нејзина желба да продолжи да биде присутна на сцената.

Први фотографии од „Очајната домаќинка“ во затвор (фото)

Христина Ѓоргиевска — Tue, 22 Oct 2019 10:32:33 +0000

Актерката Филисити Хафман, која е позната по нејзината улога во серијата „Очајни домаќинки“ од вторник се наоѓа во затвор Калифорнија каде што ја издржува казната поради давање мито на факултет. Во изминатиот викенд, актерката ја посетиле нејзиниот сопруг, колегата и Вилијам Мејс и нејзината ќерка. Филисити првпат е фотографирана во затворското одело односно зелен комбинезон и со качкет на главата. Ѕвездата на „Очајни домаќинки“ на фотографиите не изгледа нервозно, а во затворо има се што и е потребно, односно обезбедена е со козметика, теретана, а може и да гледа филмови. Затворот е како луксузен хотел кој е наречен "Замок Даблин". На Филисити и остануваат уште неколку денови во затвор. За потсетување, актерката на средината на септември беше осудена поради аферата за запишување на факултет, односно поради давање на мито за да резултатите од тестовите одат во корист на нејзината ќерка. Филисити освен што ќе служи казна затвор од 14 дена, треба и да плати 30 000 долари. Исто така, Фелисити добила една година надзор по излегувањето од затвор, плус 250 часа социјално-корисна работа. https://youtu.be/H-cegutfztc

Зошто на докторски студии во Словенија!?

Дејан Донев — Mon, 12 Aug 2019 09:17:38 +0000

Европска диплома и висок квалитет на работа со докторанди се двете клучни предности што ги нуди Словенија за странските студенти на 3 степен образование. Иако Словенија и Македонија се две слични, сепак се и многу различни, држави. Слични по големина и менталитет на сопствените жители, но различни според стандардот на живеење, еколошката свест, културолошката развиеност, политичкото милје и што е најважно, квалитетот на образовниот систем. Предноста која европската диплома ја нуди за побрзо да се валоризира вложеното во едукацијата ги зголемува интересот меѓу Македонците да се школуваат надвор од државава. Интересот за студии во Словенија сè повеќе расте меѓу македонските академски граѓани кои одлучуваат своето високо образование да го реализираат надвор. Причините се бројни, како географската близина, јазичната блискост, но преовладуваат оние кои се поврзани со квалитетот на образованието, бизнис потенцијалите, односот меѓу професорите и студентите што се опишува како поотворен и можноста да се напредува преку интеракција. Словенија, всушност, е „портата“ на Македонија кон земјите на Европската Унија. Сите овие квалитативи на оваа земја се магнет за македонските интелектуалци. Затоа, од оваа година и Факултетот за применети општествени студии и Факултетот за медиуми, високо реномирани образовни институции, ги отворија своите врати за македонските доктори на науки. Важно е да се напомене дека Факултетот за применети општествени студии, од оваа година, е добитник на Жан Моне центарот за извонредност (Jean Monnet Centre of Excellence), кој претставува ЕУ стратешка опсерваторија за Европа 2030. Со ова, всушност, се дава признание за одличниот статус на овој факултет во Европската Унија. Во Словенија се добива диплома која има европско значење, но претставува круна на светско знаење во дадена област. Потенцијалните доктори на науки работат индивидуално на својата докторска дисертација, но под менторство на искусни професори. Индивидуалната работа вклучува самостојно проучување литература, подготовка и презентација на индивудални проекти, потоа истражувачка работа на студентите во истражувачки проекти во рамки на учењето и подготовка на докторска диспозиција и дисертација.

Исто така, на ФПОС и на ФАМ, во последната деценија, наставата се изведува според декларацијата од Болоња. Нашите студенти – доктори на науки слушаат предавања на англиски јазик, но за прв пат, може својата докторска дисертација да ја подготват и да ја одбранат или на англиски или на српски јазик. Со ова, всушност, се надминува сериозен проблем на генерациите кои не го изучуваа англискиот јазик во својот процес на образование. Да се добие диплома од Словенија за докторски, тригодишни, студии значи дека се совладани фундаменталните теоретски и методолошки знаења во конкретната област. Искусни професори – теоретски и практично – го „менаџираат“ знаењето и процесот на совладувања на знаењето. Студиите се добро структурирани и практично, студентите се водени од многу искусни супервизори. Одлична предност да се студира на овие две високо-образовни институции е и можноста многу малку да се патува во Словенија. Станува збор за минимален број денови за престој, а тоа е значајно за сите кои се вработени или ангажирани во Македонија кои сакаат да го продолжат своето образование во оваа европска држава. Користејќи ја технологијата, всушност, се совладува географската одалеченост за дисеминација на образованието. Докторот на науки добива низа генерални компетенции по завршување на студиите во Словенија. Секоја студиска програма е насочена кон знаење и владеење врвни вештини и инструменти за истражувања. Имено, секој завршен доктор на науки е способен да идентификува одредени истражувачки проблеми, да анализира и да најде соодветно решение, потоа да создава нови знаења како релевантен придонес во науката, да ги владее методите, процедурите и процесите на истражувачка работа, да биде способен за индивидуално истражување и развојна работа и способен да води тим истражувачи, да ја разбира важноста за квалитет и да се насочи кон квалитетна професионална работа преку себе-автономија, себе-критикување, себе-рефлексија и себе-евалуација во работата и да биде посветен на професионалната етика. Секој доктор на науки практикува иновативен пристап при користење и создавање комбинации од емпириските истражувачки методи (триангулација) и формира и имплементира оригинални научни решенија за конкретни научни предизвици. Докторандите се вклучуваат во подготовка на многу меѓународни истражувачки проекти и се многу активни во соработка и размена на меѓународно ниво. Оваа можност ја гарантираат двете високо образовни институции Факултетот за применети општествени студии и Факултетот за медиуми затоа што се дел од многу меѓународни мрежи со високо-образовни институции и компании. Притоа, секој докторанд може да ја работи својата теза преку конкретен проект, со добивање база на податоци со кои располагаат факултетите или самостојно да избере и да работи своја индивидуална тема. И во двата случаи, потенцијалниот доктор на науки добива сериозна помош од колегите – докторанди, од повозрасните доктори на науки, од професорите и од самите образовни институции.

Забелешка: За сите информации, идните доктори на науки, може да дојдат на информативниот ден кој се организира на 02.09.2019 година во 17 часот и 30 минути во хотел Солун, центар на Скопје, кога професори од двата факултети ќе бидат присутни во Македонија и ќе ги објаснуваат сите потенцијали за студирање во Словенија.

Докторски студии во Словенија за Стратешки комуникации или Социологија на српски и англиски јазик

Дејан Донев — Wed, 07 Aug 2019 10:22:52 +0000

Факултетот за применети општествени студии (Fakultet za uporabne druzbene studije - FUDS) и Факултетот за медиуми (Fakultet medije - FAM), годинава, прв пат нудат можност граѓаните на Македонија да се запишат на докторски студии во Словенија. Докторските студии се однесуваат на областите Социологија (http://www.fuds.si/en/phd-sociology) и Стратешко комуницирање (https://www.fame.si/phd-strategic-communication), каде се стекнува меѓународно призната диплома, базирана на функционално знаење за решавање на секојдневните предизвици, како што се претприемништвото и бизнисот, менаџментот, економската социологија, иновациите, комуникацијата, медиумите, лидерството, јавната администрација, владеење на правото и многу други области од општественото опкружување. Овие угледни приватни факултети работат според современи методи и програми и се ангажирани на многубројни ЕУ проекти. ФУДС е првиот факултет во Словенија со признати докторски студии според Болоња. Во следните три години, на овој факултет, исто така, ќе работи и престижниот Жан Моне центар за извонредност.

Управата на овие факултети одлучи на потенцијалните докторанди од Македонија, доколку исполнат услови за докторски студии, да им понудат едукација по сопствен избор на српски или англиски јазик и покрај титулата доктор на науки, да добијат и меѓународно призната диплома. Наставата ќе се одвива на англиски јазик, додека подготовката и одбраната на докторската дисертација може да се прави на српски или на англиски јазик.

„Одлучивме да го задржиме вистинскиот дух на докторските студии и со мал број предмети, нашите студенти да имаат време да се фокусираат на избраните теми и да стекнат конкретни знаења преку искуство и истражување. Еден дел од едукацијата се реализира во групи, преку размена на идеи, креативност и взамено учење, а дел преку самостојно учење под надзор на ментор. Сите заинтересирани студенти, доколку сакаат, може да се вклучат во истражувачките проекти кои ги имаме на факултетите, но и во нашите ЕУ проекти и да стекнат конкретни знаења“, вели професор д-р Борут Рончевиќ, декан на Факултетот за применети општествени науки и член на Управниот одбор на ФАМ.

Програмите нудат можност, покрај современата литература достапна во библиотеката на факултетот, пристап и до податоците од истражувањата на факултетите, работа во мали групи, интерактивни предавања, посветена работа со ментори и размена на мислења со колегите и завршените доктори на науки во рамки на специјално организирани конференции и работилници. За три години конкретна работа и континуирано учење се стекнуваат знаења корисни во бизнисот, менаџментот, стратешкото комуницирање, медиумите.

Ѓоко Танески објави фотографија од факултет: Македонскиот пејач се пофали со новиот успех

Христина Ѓоргиевска — Wed, 25 Jul 2018 07:02:34 +0000

Образованието е важна алатка за успех во сопствениот живот и еден важно оружје за подобар успех. Многу од регионалните јавни личности имаат успешна музичка кариера која ќе остане запишана во историјата, но не можат да се пофалат со некое образование. Додека пак други имаат и музичка кариера, а може да се пофалат со факултет, а некои дури и со два. Македонскиот пејач Ѓоко Таневски покрај тоа што има убава музичка кариера, тој посветува време и на напредувањето на полето на образованието. Така, Ѓоко на својот Фејсбук се пофали дека ги бранел тезите за обработка на магистарскиот труд. Пред четиричлена комисија Ѓоко ги бранеше тезите на Факултетот за туризам и менаџмент. Пејачот објави на Фејсбук објави неколку фотографии од просторијата каде штого бранел магистарскиот труд, а честитки доби од неговите пријатели.

фото: Фејсбук