евровизија 2023 – Вистина.мк

За Антониа Гиговска евровизиската победничка беше „една и единствена“: „Сепак квалитет, вокал и песна, а не циркуз“ (ВИДЕО)

Слаѓана Атанасова — Mon, 15 May 2023 08:38:19 +0000

Во саботата се случи големото финале на годинешното 67-мото издание на Евровизија, во Ливерпул - Велика Британија. Македонија овој пат не учествуваше на музичкиот натпревар, но тоа секако не беше пречка да се чувствува возбудата и кај нас. А, откако се претставија 26-те земји кои влегоа во финалето на Евровизија, првото место и припадна на Шведска, благодарение на Лорин која ја изведе песната „Тетоважа“. Младата македонска пејачка Антониа Гиговска иако периодов поради блажената состојба не е активна со својата музичка кариера, таа на социјалната мрежа Инстаграм го произнесе нејзиното мислење за победничката песна. Антониа воодушевена од изведбата и моќниот глас на Лорен ја репостираше видео објавата од официјалниот Инстаграм профил на победничката.

View this post on Instagram

A post shared by LOREEN (@loreenofficial)

Па, така меѓу нејзините кратки приказни се најде видеото од победничката песна на швеѓанката Лорин, која според неа песната „Тетоважа“ заслужено го освоила трофејот бидејќи го освоила и нејзиното срце. „Сепак квалитет, вокал и песна, не циркуз“ - напиша таа воодушевена од нејзините музички квалитети. „Победничката е една и единствена“ - на англиски јазик стоеше подолу на објавата потенцирајќи дека за неа е вистинска кралица оставајќи стикер со круна. А дека тоа е така зборува и фактот што Лорен со оваа победа влезе во историјата на Евровизија со тоа што стана првата жена која по втор пат победи и со тоа се доближи до Ирецот Џони Логан, кој успеа да го направи тоа дури 3 пати. Фото: Принтскрин/Инстаграм/Бета Ап

Претставничката на Израел е вистинска се*с бомба, но животната приказна на Ноа Кирел е страшна (фото)

Слаѓана Атанасова — Mon, 15 May 2023 06:35:46 +0000

Ноа Кирел го претставуваше Израел на овогодинешното издание на Евровизија која се одржа во Ливерпул. Оваа девојка дури во полуфиналето ја освои публиката, а со својот танц засени многумина. Нејзината учесничка песна се вика "Unicorn" односно Еднорог и со неа го освои третото место со вкупно 362 бода. Животната приказна на најатрактивната учесничка на „Евровизија“, израелската претставничка Ноа Кирел, предизвикa огромно внимание кај евровизиските фанови. Израелската пејачка Ноа Кирел брзо ја освои ласкавата титула за најубава претставничка на „Евровизија“ и привлече огромно внимание. Ноа и покрај младата возраст веќе постигна многу, па не е позната само како пејачка, туку и како водителка, актерка и текстописец. Својата дебитантска песна ја објави на 14 години, а на 18 потпиша договор со „Атлантик рекордс“, додека во 2020 година ја доби наградата за најдобар израелски изведувач на „MTV Europe Music Awards“. Сепак, на убавата и талентирана Ноа не и беше се лесно, ниту пак нејзиниот живот течеше мазно. Уште кога била мало бебе имала големи здравствени проблеми, а кога имала само два месеци и било дијагностицирано тешко заболување на бубрезите. Инаку, родителите и го дале името Ноја, но откако и се слошило, рабинот предложил да го променат во Ноа (што значи движење на хебрејски) и на шега „пророкувале“ дека ќе биде танчерка. Иако нејзиното здравје е подобрено, Ноа има само еден функционален бубрег, бидејќи другиот никогаш не се развил поради бактериска инфекција. Друг интересен податок за оваа убавица е тоа што ѝ се придружи на израелската војска во 2020 година и служеше во воениот оркестар. Таа го отслужи задолжителниот двегодишен стаж и почесно беше отпуштена на 14 февруари минатата година. Од октомври 2021 година, таа е во врска со израелскиот модел и актер Томер Хакоен. Фото: Принтскрин/Инстгарам/ЕПА

Најубавата водителка на Евровизија: Алеша Диксон има тажна животна приказна и тело кое го одзема здивот (фото)

Слаѓана Атанасова — Sun, 14 May 2023 08:47:03 +0000

Алеша Диксон воодушеви со својот изглед за време на полуфиналната вечер на Евровизија, како и вчера за време на финалето. Имено, таа беше една од трите водителки, а многумина беа импресионирани од нејзината занесна фигура. Насмеана и расположена синоќа ја воодушеви публиката, но нејзиниот живот, иако можеби сега изгледа убав, не бил секогаш таков. Родителите на Алиша се развеле кога таа имала само четири години. Нејзиниот татко се отселил, а таа го опишала нејзиниот живот во тоа време како дисфункционален. Од осум до десет години гледала како нејзината мајка поминува низ малтретирање и насилство од страна на нејзиниот партнер и поради тоа се чувствувала беспомошна. - Беше ужасно да се види дека тоа и се случува на мајка ми, и нема ништо полошо кога како дете не можеш да ја заштитиш личноста што ја сакаш најмногу на светот - рекла таа, а потоа додала: - Во светот одите бестрашно кога доаѓате од љубовна, поддржувачка, безбедна семејна средина, но ако доаѓате од нефункционално семејство каде гледате агресија, насилство и вознемиреност, тогаш како дете ќе преземете многу од овие чувства. Сакам да се погрижам моите деца никогаш да не бидат изложени на работите што ги видов. Таа денес е во хармонична врска со танчерот и кореограф Азука Оноње од 2012 година, а во брак се од 2017 година и имаат две ќерки Азура Сиена (10) и Анаја Сафија (4). Сепак, ниту нејзиниот љубовен живот не бил секогаш одличен. Пред Азука, таа беше во брак со раперот МЦ Харви од англиската група „So Solid Crew“. Тие се забавуваа од 2000 година, а се венчаа во 2005 година, но се разведоа само една година подоцна, бидејќи нејзиниот сопруг имаше афера со поп ѕвездата Јавина, со која доби дете во 2008 година. - Јас сум многу воздржана личност и секогаш се трудам да не се премине границата помеѓу она што е работа и она што е мое. Така беше тешко и тешко да се помине низ болни работи кога сте во очите на јавноста. Но, верувам дека сè се случува со причина и исто така мислам дека немаше да бидам личност каква што сум денес да не доживеав некои работи што ги имам - изјави еднаш Алиша, пренесува 24sedam.rs. Алеша има тело на кое многу нејзини колешки и позавидуваат, а има 44 години кое гордо го носи. Фото: Принтскрин/Арон Чаун / PA Слики / Профимедиа/Питер Бирн

Шведска е победник на Евровизија 2023 – Лорин испиша историја (видео)

Слаѓана Атанасова — Sun, 14 May 2023 06:03:31 +0000

Шведска е победник на Евровизија 2023 во Ливерпул. Лорин (40) испиша историјата на Евровизија, бидејќи е првата изведувачка која двапати победила на овој натпревар - пред 11 години победи со песната „Еуфорија“, а овој пат со песната „Тетоважа“. На музичкиот натпревар се претставија 26-те земји кои влегоа во финалето на Евровизија. Шведска е победникот на Евровизија, откако ги додаде гласовите на жирито и публиката, со вкупно 583 поени. Финска е на второто место со 526, додека третото место го освои Израел со вкупно 362 бода. Вака гласаше светот кој од оваа година може да учествува во изборот на победникот на Евровизија. Шведска, настапуваше под реден број девет, а Лорин, која веќе победи на Евровизија во 2012 година, настапи со песната „Тетоважа“, песна за љубовната врска која е толку силна што се врежува засекогаш како тетоважа. Лорин доби огромни овации од публиката во арената уште на самиот почеток на настапот. Фото: Принтскрин/РТС

Кејт Мидлтон свирејќи на пијано ја воодушеви јавноста и ја поддржа Евровизија (видео)

Слаѓана Атанасова — Sun, 14 May 2023 05:57:34 +0000

Кејт Мидлтон ја воодушеви јавноста свирејќи на пијано и со тоа покажа дека е жена која е способна за се. Принцезата од Велс, Кејт Мидлтон учествуваше во воведната секвенца на долгоочекуваното финале на Евровизија и ја воодушеви јавноста со својот изглед. За големото финале, принцезата од Велс им се придружи на мноштвото изведувачи за воведната шпица. Во него се појавуваат минатогодишните шампиони, оркестарот Калуга, кои ја изведуваат својата победничка песна Стефанија од метро станицата „Мајдан Незалежности“ во срцето на Киев, Украина.

A #Eurovision surprise 🎹
A pleasure to join Kalush Orchestra in a special performance of last year's winning @eurovision entry. Enjoy the show, Liverpool 🪩 pic.twitter.com/y4WDuWvOvb — The Prince and Princess of Wales (@KensingtonRoyal) May 13, 2023

Придонесот на принцезата во филмот вклучуваше кратка, инструментална изведба на пијано, креирана од Џо Прајс и Којо Самуел, а снимена претходно овој месец. Нејзиниот краток сегмент е снимен во замокот Виндзор. Кејт изгледаше прекрасно во кралско сина тоалета со едно рамо додека настапуваше на пијано. Таа во оваа прилика уште еднаш на светот му покажа зошто е достојна за кралското семејство, како и дека е подготвена да се справи со секоја прилика. Не е првпат Кејт да ја импресионира јавноста со своите вештини на пијано. Во декември 2021 година, таа ги изненади своите обожаватели со прекрасна изведба на пијано на нејзиниот концерт. Јавноста е воодушевена од нејзината постапка, а се чини дека овој потег и донесе уште еден плус. Фото: Принтскрин/РТС/Ендрју Милиган /Профимедиа/Јутјуб

„Дали оваа жена носи фустан?!“ Поради неа социјалните мрежи „пламнаа“ за време на Евровизија – која е водителката во полуфинале?

Слаѓана Атанасова — Fri, 12 May 2023 07:36:11 +0000

Хана Вадингтон е британска актерка и водителка која гледачи ја запознаа во текот на првото полуфинале. Сите ја знаат британската пејачка, водителка и член на жирито на Britain's Got Talent Алиша Диксон, но водителката која застана до неа на Евровизија Хана Вадингтон, гледачите можеа да ја видат во бројни телевизиски серии, театар и филмови „Les Miserables“ и "Hokus Pokus". Во прашање е Хана Вадингтон, која е позната по својата смисла за хумор - таа дури научи да свири „воздушна гитара“ на првата полуфинална вечер, па ги запали социјалните мрежи кога стапна на сцената за време на второто полуфинале. Облечена во жолт фустан, припиен до кожата, кој ги откриваше градите и нозете, Хана изгледаше како некој да и го „нацртал фустанот“.

WOW! That dress looks like it’s been painted on Hannah Waddingham. She’s so hot. #Eurovision pic.twitter.com/UaqzYZPZys
— Jason Reid (@JasonReidUK) May 11, 2023

Фото: Принтскрин/РТС/Твитер

Промени во гласањето на Евровизија: Националното жири ја изгуби трката со телевоутингот

Антонио Димитриевски — Thu, 24 Nov 2022 12:27:24 +0000

Европската радиодифузна унија (ЕБУ) објави дека системот на гласање ќе се промени за претстојниот Избор за песна на Евровизија во Ливерпул. Жирито повеќе нема да гласа во полуфиналето Наместо 50:50 гласање поделено меѓу телевоутингот и националното жири, за 10-те места од секое полуфинале отсега ќе одлучува единствено телевоутингот. Професионалното жири ќе гласа во финалето, како и обично, но останува на телевоутингот кој ќе стигне таму. Со овој систем, Албанија и Кипар би се квалификувале наместо Швајцарија и Азербејџан на Евровизија 2022 година. Втората промена е тоа што и гледачите од земјите кои не учествуваат ќе можат да гласаат! За прв пат досега, гледачите во земјите што не учествуваат ќе можат да гласаат. Луѓето ќе можат да гласаат преку безбедна онлајн платформа користејќи кредитна картичка од нивната земја. Собрани заедно, сите гласови ќе бидат претворени во поени кои ќе имаат иста тежина како една земја учесничка во полуфиналето и големото финале.

Објавен списокот на земјите кои ќе учествуваат на „Евровизија 2023“

Антонио Димитриевски — Sat, 22 Oct 2022 07:37:33 +0000

Официјалниот евровизиски канал ја објави листата на земји кои следната година ќе се натпреваруваат во Ливерпул, а меѓу 37-те потврдени земји е и Хрватска. Сепак, две земји од поранешна Југославија, Македонија и Црна Гора, одлучија да се повлечат од натпреварот, а Бугарија исто така се повлече од учеството. Како причина за повлекувањето, македонската телевизија МРТВ претходно го наведе проблемот со финансиите. „Одлуката е во најдобар интерес на јавноста, со оглед на зголемените трошоци поради енергетската криза, кои заземаат голем дел од буџетот за јавните услуги“, наведуваат оттаму. Радиотелевизијата на Црна Гора го оправда своето повлекување со преголеми трошоци. „Покрај значителните трошоци за котизацијата, како и трошоците за престој во Велика Британија – се соочивме и со незаинтересираност од спонзорите, па решивме постоечките ресурси да ги насочиме кон финансирање на тековните и планираните национални проекти и организациски и програмски реформи, кои повлекуваат значителни инвестициски интервенции во опрема и простории“, велат оттаму. Русија и Белорусија, на кои им беше забрането учество поради војната во Украина, годинава не се најдоа на списокот на конкурентски земји. Кои се' земји ќе учествуваат на претстојниот „Евросонг 2023“ , проследете во видеото (КЛИКНИ ТУКА):

Не е само Македонија: Еве кои држави се повлекоа од учество на Евровизија следната година

Антонио Димитриевски — Wed, 19 Oct 2022 12:33:26 +0000

Изборот за песна на Евровизија ќе се одржи во мај следната година во Ливерпул, Велика Британија откако поради војната во Украина се одличи оваа земја да не биде домаќин иако ја однесе победа. Бидејќи Велика Британија беше второпласирана организацијата ќе ја има токму оваа држава. Сепак, како што се наведува, многу земји нема да имаат свои претставници на ова натпреварување. Македонија и Црна Гора се повлекоа од овогодинешната Евровизија. Покрај овие две земји, потврда дека нема да учествуваат на следниот натпревар доаѓа и од Бугарија и Босна и Херцеговина. Од натпреварувањето се повлекоа и Словачка, Андора, Монако, Луксембург и Турција. Речиси сите земји како причина за повлекување од конкуренцијата ја наведоа економската криза.

Ливерпул ќе биде домаќин на „Евровизија 2023“

Антонио Димитриевски — Thu, 13 Oct 2022 12:54:35 +0000

По многуте шпекулации кој град во Обединетото Кралство би ја добил честа да биде домаќин на натпреварот во име на Украина конечно им дојде крајот. Вечерва, за време на емисијата „The One Show“ на Би-Би-Си, Греам Нортон откри дека Ливерпул ќе биде град домаќин на 67. Избор за песна на Евровизија! Објавен е и датумот – Големото финале ќе биде на 13 мај 2023 година! Ливерпул има население од 579.000 во градот а 2,24 милиони во целата област. Како потенцијална локација се смета M&S Bank Arena со капацитет за концертни седишта од 13.781. Познатиот дом на „Битлси“, музичката сцена на Ливерпул датира многу децении наназад, поради што го доби прекарот „Главниот град на попот“. Во 2008 година, Ливерпул беше европски град на културата, помагајќи да се трансформира неговиот имиџ, кој беше нарушен поради постиндустрискиот пад што се случи во последните децении на 20 век. Градот има хотелски простор за домаќин на натпреварот, а аеродромот има многу летови на Ryanair и easyJet од цела Европа за транспорт на повеќето фанови на натпреварот. M&S Bank Arena претходно беше домаќин на MTV Europe Music Awards во 2008 година.