евровизија 2020 – Вистина.мк

Организаторите потврдија: „Евровизија 2020“ е откажана

Антонио Димитриевски — Wed, 18 Mar 2020 15:03:37 +0000

Организаторите на избор за песна на Евровизијата денеска соопштија дека поради ситуацијата со коронавирусот го откажуваат ова музичко натпреварување. „Со голема тага мора да соопштииме дека Изборот за песна на Евровизија 2020 во Ротердам е откажан. Во текот на последните неколку седмици разгледувавме различни алтернативни опции како да ја организираме Евровизија. Меѓутоа, со оглед на неизвесноста која ширењето на коронавирусот го предизвика во Европа и ограничувањата воведени од земјите-учеснички и Холандија, ЕБУ донесе тешка одлука дека не е можно да се продолжи со планираниот настан“, се вели во соопштението од ЕБУ. „Скршено ни е срцето бидејќи Евросонг нема да се одржи во мај, но сигурни сме во тоа дека целото Евросонг семејство ширум светот ќе продолжи да шири љубов и поддршка во овие тешки времиња“, соопшти, меѓу другото, организаторот на манифестацијата. Изборот за песна на Евровизија требаше да се спроведе од 12 до 16 мај во Ротердам, а македонски претставник требаше да биде Васил Гарванлиев.

Еве што ќе биде со Евровизија: Се огласија организаторите, можни се две сценарија (ФОТО)

Антонио Димитриевски — Sat, 14 Mar 2020 11:26:09 +0000

Годинешната Евровизија е под знак на прашање, поради пандемијата на коронавирусот. По неодамнешните гласини дека ќе биде целосно откажана, организаторите се огласија со своја објава на официјалниот профил на Твитер.

Во неа се вели дека сè уште не е донесена конечна одлука дали ќе се одржи Евровизија и како би можело тоа да се направи, изјавија организаторите.

„Знаеме дека со нетрпение чекате вест за иднината на годинашниот натпревар за песна на Евровизија 2020. Со постојаното менување на ситуацијата со коронавирусот и големиот број на луѓе кои треба да бидат консултирани, мора да се земе предвид секој важен елемент. Ве молиме, останете со нас. Се надеваме дека ќе имаме повеќе информации што е можно поскоро“ - се вели во соопштението на челниците.

Евросонг 2020 треба да се одржи во Ротердам на 12, 14 и 16 мај, со македонски претставник годинава е пејачот Васил Гарванлиев, со песната „ You“.

Неодамна беа разгледани опциите и капацитети во случај на зголемување на бројот на пациенти заразени со коронавирус, по што се наведени две сценарија. Првиот предлог, тогаш, беше да се одржи целиот натпревар без публика во Конгресниот центар во Ротердам Ахој, во чиј склоп е арената со капацитет од околу 16.000 места. Во тој случај, 42 делегации би се појавиле таму, но без публиката и навивачите.

Споменатото второ сценарио е дека секој претставник би ги изведувал своите песни и перформанси од својата земја и истите ќе се емитуваат преку пренос во живо во другите земји.

Во меѓувреме, ЕБУ и организаторите во Холандија будно ја следат состојбата, пред да ја донесат конечната одлука!

Ја прашаа Тијана Дапчевиќ дали Тамара ќе оди повторно на Евровизија во 2020 – ова е одговорот

Христина Ѓоргиевска — Fri, 04 Oct 2019 07:05:52 +0000

Оваа година Македонија на „Евровизија“ ја претставуваше Тамара Тодевска со песната „Proud“. Со нејзиниот перформанс и вокални способности, Тамара не направи горди односно го оствари најдобриот успех, поточно го освои првото место од жирито и седмото место од публиката. Коментарите за песната на Тамара беа одлични, а многумина нејзини колешки и колеги од регионот навиваа за неа истканувајќи дека е морален победник. Во тој период нејзина најголема поддршка беше нејзиното семејство, но и нејзината сестра Тијана Дапчевиќ која од Белград ја бодреше својата сестра. И самата Дапчевиќ има учествувано на Евровизија, па знае какво е чувството и колку голема е одговорноста. https://arhiva.vistina.com.mk/radio-mileva/jas-sum-mnogu-gorda-prvi-impresii-na-tamara-todevska-po-vlez-vo-finale-na-evrovizija-video/ Деновиве, Тијана имаше слободно време, па одговараше на прашањата на следбениците на „Инстаграм“, а меѓу нив имаше и прашања за „Евровизија“. „Дали би одела на Евровизија повторно во 2020?“ , а Дапчевиќ кратко и јасно одговори „Не“. Меѓутоа, ја прашаа дали и Тамара би одела повторно на Евровизија во 2020 година, а Дапчевиќ ја замоли својата сестра да одговори на прашањето. „Не благодарам, доста е за овој живот за Евровизија“ одговори пејачката. Инаку, Македонија го потврди своето учество на Евровизија 2020 година кое ќе се одржи во Ротердам, Холандија. МРТ се’ уште го нема објавено начинот на кој ќе го избере евровизискиот претставник за Евросонг 2020. Во изминативе неколку години тој се избираше по пат интерен избор во МРТ. Според извори од музичките кулоари, неофицијално во игра, односно во најтесен избор за наш следен евровизиски претставник се: Сара Мејс, Лозано, Антониа Гиговска… и уште едно-две имиња од македонската естрада.