евгенија марковска – Вистина.мк

Убавата сопруга на Др. Вело Марковски, не страее – напротив, како да се подмладува: Евгенија пред 10 години била убавица, а сега е уште поубава, отколку кога била мисица! (ФОТО)

Антонио Димитриевски — Sat, 04 Feb 2023 08:59:23 +0000

Познато е дека врвниот македонски инфектолог Др. Вело Марковски сега е во брак со многу помладата Евгенија Николовска – Марковска, која на јавноста исто така не и е непозната од порано. Особено на онаа естрадната и медиумите кои ја третираат естрадата, музиката, светот на модата и забавата. Вело и Евгенија и покрај разликата во години имаат совршено складен и хармоничен брак, а плод на нивната љубов се и двете дечиња: синчето, кое ќе го добијат набргу откако ќе запловат во брачните води и ќеркичката која брачната двојка ја доби на првиот ден од 2021-ва година. На некогашната манекенка, мисица и модел, денес магистер по економија и бизнис администрација не и требаше многу за брзо време по породувањето се врати во топ форма, па набргу на Инстаграм почна да објавува фотографии, на кои изгледа неверојатно… Како Евгенија никогаш да нема родено! Така изгледа и на оваа сегашна фотографија, на која таа направила компарација со својот изглед од пред десет години, кога Евгенија се појавуваше на македонските избори за мис! Имено, на фотографијата направена сега, таа изгледа и помладо и поубаво, па дури е и послаба отколку на онаа од пред 10 години, каде е сликана на еден од споменатите избори, во чие модно жири се гледа дека биле и некои познати личности... Од естрадни менаџери, како легендарниот Велибор Џаровски - Џаро, до денешни заменици министри, како Зоран Димитровски од македонското министерството за локална самоуправа! Како и да е, на фотографиите за споредба, Евгенија пред 10 години е убавица, а сега уште поубава, отколку кога била мисица! Инаку таа е поранешна манекенка и мисица, некогашна членка на модното студио „Шанел“ од Битола со кое има учествувано на многу модни ревии, а освоено и повеќе титули на разните избори за убавина. Потоа таа се повлекува од манекенството, моделството и медиумите па, откако ќе стапи во брак со доктор Маркоски, освен блиското опкружување, за неа пошироката јавноста нема многу да слушне... Се’ до пред некое време кога се појави одново во јавноста како млада и убава сопруга во вториот брак на познатиот инфектолог. Фото: Инстаграм принтскрин/evgenija.markovska

Убавата сопруга на др. Вело Марковски ги покажа нивните дечиња: Евгенија е убавица, но и посветена и грижлива мајка (ФОТО)

Антонио Димитриевски — Tue, 01 Feb 2022 08:00:57 +0000

Откако пошироката јавност дозна за младата, убава и атрактивна сопруга на познатиот и признат инфектолог, др. Вело Марковски, таа, нивниот брак и семејствоте се постојано е во фокусот на вниманието. Но убавата, шармантна сопруга покажува не само дека е убавица за на насловница, туку и вистинска дама, оддана сопруга и секако грижлива и посветена мајка. Особено последнава година кога на свет дојде и нивното второ дете, поточно девојче кое брачната двојка Марковски го доби токму на 01 јануари 2021 година. Дека семејството и децата се универзумот околу кој се вртат нивните животи и повозрасниот татко и младата мајка покажуваат во секоја прилика... „Тој ми е најголемата поддршка, но и најголем критичар“, ќе изјави еднаш Евгенија, но и ќе додаде дека нејзиниот сопруг во многу што и помага во подигањето на децата, знае да и даде комплимент кога нешто му се допаѓа и верува во неа, што според неа, е најважно за една врска“! Евгенија пак која беспрекорно изгледа, не крие дека децата и се меѓу останатотото и најдобри другари. Токму последните фотографии со нив, покажуваат дека како и на секој посветен родител, тие и се целиот нејзин живот. Ќеркичката која на најновата фотографија Евгенија ја држи в раце со почетокот на 2022 година ја наполни првата годинка од животот. Синчето пак, со кое се сликала во своите прегратки крај домашниот камин, е веќе пораснато во големо момченце. Очигледно и покрај разликата во годините Евгенија и др. Вело се најдобриот пример дека љубовта години не брои, а возрасната разлика не е ниту пречка, ниту граница една врска беспрекорно да функционира. Можеби токму заради тоа што денес се чувствува комплетно исполнета и реализирана и како жена, сопруга, мајка… во секој поглед, Евгенија своето чувство на задоволство јавно го споделила на својата Инстаграм страница! Или како што еднаш самата ќе изјави, цитирајќи ја познатата Опра Винфри: „Најголемата авантура што можете да ја доживеете е да го живеете животот од вашите соништа“! Евгенија очигледно покрај своето семејство го живее... Како што самата напишала: Секогаш и засекогаш! Фото: Инстаграм принтскрин/evgenija.markovska

Проф. Др. Вело Марковски покажа дека не е само врвен инфектолог, туку и патриот со уметничка душа: Со песна за поддршка на уставобранителите и сите неправедно затворани – „Налеј, налеј“

Антонио Димитриевски — Tue, 27 Apr 2021 08:14:20 +0000

Деновиве доктор Вело Марковски повторно ги изненади сите, речиси целата јавност на социјалните мрежи со седна од своите последно објави. Не , не е во прашање никаков научен труд, стручно излагање, интервју или ТВ гостување, туку во прашање е испеана песна. Имено, тој постави статус со линк до аудио на Јутјуб и гордо изјави дека ја снимил својата прва песна, со која им дава поддршка на уставобранителите и сите неправедно затворани за Македонија. Во прашање е позната македонска народна песна со патриотска содржина во стиховите „Налеј, Налеј“, за која многумина тврдат дека е всушност љубовна. Но, напишана за една поинаква љубов... Љубовта кон татковината, љубовта кон Македонија! А Вело Марковски ја испеал подеднакво емотивно и со душа, како да е врвен естраден уметник. https://www.youtube.com/watch?v=XnmBxynaHzk&t=2s Инаку, професор - доктор Вело Марковски е врвен познат и признат македонски инфектолог, стручњак почитуван и надвор од Македопнија и еден од неколкуте лекари, кои со своите медиумски настапи се истакна во оваа пандемиска криза, особено на нејзиниот почеток, пред повеќе од една година. Неговото прво интервју на почетокот на пандемијата, во кој се осврна на погрешната или поточно штетната употреба на респираторите и кога треба и кога не треба, стана особено популарно во целиот регион. Неговите ставови и изјави предизвикуваа особено внимание, коментари и реакции во јавноста, но не само во нашата држава, туку и пошироко. Откако ја заинтригира јавноста со своите излагања, истата таа јавност и медиумите секако, интензивно почнаа да се интересираат и за неговиот приватен живот. Убавата и атрактивна помлада сопруга на др. Марковски, Евгенија Николовска – Марковска и нивниот брак преку ноќ влегоа во фокусот на вниманието, иако нитуу таа како и познатиот инфектолог не и беа непознати и од претходно на јавноста. Тој по својата стручност и познавања, таа на естраднатафела и медиумите кои ја третираат естрадата, музиката, светот на модата и забавата. Но малкумина знаат или тогаш открија дека некогашната манекенка, мисица и модел, денес е магистер по економија и бизнис администрација, а однеодамна и мајка на две дечиња. Вело Марковски пак, оние кои одблизу го познаваат знаат дека не е само само врвен инфектолог, туку и мултиталентирана личност, лекар со кревка уметничка душа. За тоа најдобро говорат неговите напишани книги надвор од стручната област на која и припаѓа, но и песната која тој и ја напишал посветил токму на својата убава сопруга, насловена како „Те Сакам“. Истата е објавена на Јутјуб, а тој самиот како и „Налеј, налеј“ ја споделил на својот профил на Фејсбук. https://www.youtube.com/watch?v=e6MkVu4vrB0 Фото: Фејсбук и Инстаграм принтскрин/ Velo Markovski/evgenija.markovska Видео: Јутјуб