ева лонгорија – Вистина.мк

Ева Лонгорија знае да вози камион: Актерката покажа се’ она што не го знаевме за неа досега (видео)

Слободанка Илиева — Tue, 02 Jan 2024 12:23:13 +0000

Славната актерка Ева Лонгорија секогаш ја гледаме дотерана во најдобри изданија, сепак, овој пат таа им дозволи на сите кои ја следат на Инстаграм да ѕирнат во нејзиниот не баш гламурозен живот. „Невидени моменти од 2023 година“, напиша Ева Лонгорија со објавата, а најмногу внимание привлече видеото на која таа вози камион.

Таа покажува и како течат последните подготовки за снимањето на филмот, како фризерката и ја средува косата додека се вози во автомобил, потоа како за вечера „јаде“ само вино, како изгледаат стресните ситуации зад сцената пред да започне премиерата на нејзиниот филм и некои други кадри во кои таа прави нешта за кои публиката не знае. фото: Instagram printscreen/ evalongoria

Почина поранешниот сопруг на Ева Лонгорија, а фановите збеснаа поради тоа што таа го објави (фото)

Слаѓана Атанасова — Fri, 03 Nov 2023 11:41:04 +0000

Актерката Ева Лонгорија досега не се огласила за смртта на поранешната љубов. Таа сѐ уште не проговорила за смртта на нејзиниот поранешен сопруг Тајлер Кристофер, што налути добар дел од оние кои ја следат на социјалните мрежи. Наместо порака посветена нему, таа објави нешто што ја засега само неа. Својот успех го сподели во магазинот „Time“. - Благодарност до „Time“ што ме вклучи меѓу другите латино лидери и визионери. Постојано сум инспирирана и мотивирана да продолжам да работам – напиша Ева. „А што е со Тајлер?“, „Многу грдо, барем кажи еден збор за него“, „Тој беше толку прекрасен човек, но таа не е ништо“, „Треба барем да напишеш нешто за твојот поранешен сопруг“, се само дел од коментарите на корисниците на социјалните мрежи. Сепак, иако многумина сега го оспоруваат нејзиниот молк, странските медиуми претходно пишуваа дека Ева наводно била многу загрижена за неговата здравствена состојба,а извор близок до актерката изјавил дека и таа сакала да ја финансира неговата рехабилитација, откако повеќе не можела да го препознае поради зависност од алкохол. Да потсетиме, актерот Тајлер Кристофер почина на 50-годишна возраст, а тажната вест на својот Инстаграм профил ја сподели неговиот колега Маурис Бенард. Како што напиша, Кристофер починал од срцев удар. Беше драга душа и прекрасен пријател на сите што го познаваа“, изјави актерот и нагласи дека Тајлер Кристофер бил застапник на борбата за ментално здравје и борбата против зависноста. Тој се бореше со биполарна депресија и алкохолизам. – Повеќе од уништени сме од загубата на нашиот драг пријател и се молиме за неговите деца и татко – напиша тој. Фото: Принтскрин/

Познатата актерка Ева Лонгорија во креација на познатиот македонски дизајнер (фото)

Слаѓана Атанасова — Tue, 29 Aug 2023 07:20:10 +0000

Ѕвездата на „Очајни домаќинки“ заедно со сопругот посетила хуманитарна забава, а за таа вечер избрала посебно модно парче. Овој пат, Ева Лонгорија го привлече вниманието со креација на познатиот македонски дизајнер кој живее во Австралија, Тони Матичевски, а досега во негови креации прошетаа многу светски познати личности. Актерката не пропушта прилика убаво да се забавува, а нејзините фотографиите на кои позира го обиколија светот за рекордно време. - Чест ми е што бев дел од една ваква убава ноќ и и ја доделив на Лорен Санчез заслужената награда за хуманост за нејзината дарежливост и посветеност да им помогне на семејствата на границите“ - стоеше во описот на фотографите.

Станува збор за жолт фустан кој внесе живост во изгледот на актерка и особено ја истакна фигурата на познатата актерка. Корсетираниот асиметричен модел, го истакна делот на рамената, а неговиот сирена крој, кој исто така завршува со асиметричен пад, ја следеше формата на телото и на многу елегантен начин го постигна ефектот на летен гламур. Косата собрана во пунџа и нежен накит, ја комплетираа оваа комбинација. Ева го носеше фустанот креиран од рацете на македонскиот дизајнер Тони Матичевски кој пак со големо задоволство и чест сподели и на неговиот Инстаграм профил.

Фото: Принтскрин/Инстгарам/Ева Лонгорија/Тони Матичевски/Профимедиа

Ева Лонгорија во предизвикувачко издание на плажа: Холивудската ѕвезда ги покажа сите свои атрибути (фото)

Слаѓана Атанасова — Fri, 21 Jul 2023 06:49:00 +0000

Славната актерка Ева Лонгорија од познатата четворка „Очајни домаќинки“ со години се бореше со килограмите откако го роди своето прво и единствено дете. Пред две години конечно успеа да си ја врати линијата, па сега веќе втора година се шета по плажите и баш и не и е грижа дали папараците ја сликаат или не бидејќи има што да покаже. 48-годишната актерка, овој пат замина на одмор во Шпанија и веќе е „уловена“ од папараците, пишува Page Six. Таа се релаксирала на плажа во Марбела и изгледала неверојатно во храбар танга едноделен розов костим за капење со патент однапред. Изгледа дека актерката не можеше да одолее на најновите трендови дури и кога е на плажа. Изгледот го заокружи со сламена капа и минимална доза на златен накит, а тука се и трендовските очила за сонце. Заедно со Лонгорија се нејзиниот сопруг, 55-годишниот медиумски магнат Хозе Бастон и нивниот четиригодишен син Сантијаго Енрике. Иако, по породувањето актерката се бореше со вишокот килограми, денес изгледа во топ форма. Фото: Принтскрин/Инстаграм/Маире Клаире

Ева Лонгорија откри каква навистина е Викторија Бекам

Riste Zdravkov — Tue, 06 Jun 2023 09:24:35 +0000

Ева Лонгорија е долгогодишна пријателка на познатата модна дизајнерка Викторија Бекам, а неодамна откри каква е Викторија приватно. За нивното пријателство таа зборуваше во интервју за магазинот The Times. „Посакувам луѓето да знаат колку Викторија е смешна, шармантна и паметна. Мислам дека таа е нормално интровертна, но не е со мене. Ние сме неразделни“, рече Лонгорија. Тие се запознале преку поранешниот сопруг на Ева, францускиот кошаркар Тони Паркер, кој бил добар пријател со сопругот на Викторија, Дејвид Бекам. Имено, паровите интензивно се дружеа додека Бекамови живееја во Лос Анџелес, а пријателството на познатите дами опстана и по разделбата на Ева од Паркер во 2013 година. „Таа е многу лојална. Нема момент кога не можам да ѝ се јавам ако ми треба нешто. Честопати заедно спиеме, најчесто во викендицата на Викторија. Можеме да разговараме цела ноќ”, откри таа. фото: Eva Longoria/Instagram

Со отворен грб, во духот на летото: Ева Лонгорија блеска од сексипилност (фото)

Слаѓана Атанасова — Thu, 28 Jul 2022 11:38:47 +0000

При изборот на тоалети за специјални прилики, актерката Ева Лонгорија секогаш прво се свртува кон колекциите на нејзината пријателка Викторија Бекам. Актерката Ева Лонгорија е почесен претседател на организацијата „Куќа на ангелите“ која во 2013 година ја основа шпанската бизнисменка и актерка Марија Браво, а дневниот центар на оваа установа за деца со посебни потреби организираше прием, на кој беше присустна и ѕвездата од серијата „Очајни домаќинки“. Ева за оваа пригода избра многу елегантен фустан дизајниран од нејзината најдобра пријателка и кума, британска дизајнерка Викторија Бекам. Станува збор за класичен модел во стил на „slip“ фустан, кој е украсен од страна со ефективна и ненаметлива тантела. Лонгорија се одлучи за фустан со тенки прерамки и отворен грб, кој суптилно ги истакнува нејзините облини, а највпечатливо на оваа креација е бојата. Имено, станува збор за неонска нијанса на жолта, совршена за летните месеци, Покрај интересниот фустан со деколте, Ева носеше и жолта лепеза, како и пристоен накит, додека косата ја подигна во високо и бујно опавче. Фото:Принтскрин/Профимедиа

Иако го носеше најевтиниот фустан Ева Лонгорија блескаше на црвениот тепих во Кан (фото)

Слаѓана Атанасова — Mon, 23 May 2022 07:05:13 +0000

Сјајниот златен фустан со траки потекнува од еден бутик на авенијата Мелруз, а актерката Ева Лонгорија многумина ја прашуваа кој е дизајнерот. Актерката Ева Лонгорија (47) оваа година присуствуваше по 17 -ти пат во Кан, и докажа дека не мора да потрошите многу пари за да изгледате фантастично. На нејзиното прво доаѓање на црвениот тепих на тој славен француски настан во 2005 година, таа дојде во фустан од 40 долари.

„Немав поим што е Кан“, откри актерка за „People“. За незиниот тогашен моден настап, на црвениот тепих вели дека никој не би знаел колку чини фустанот а дека е до жената како го носи, а не до фустанот и парите. Фото: Принтскрин/Инстаграм/panorama.plus

Ева Лонгорија во едноставна минималистичка комбинација ги собра погледите низ Кан (фото)

Слободанка Илиева — Thu, 19 May 2022 10:27:23 +0000

Започна филмскиот фестивал во Кан кој секоја година ги собира светски познатите ѕвезди кои на црвениот тепих се појавуваат во различни свечени фустани. Ева Лонгорија меѓу првите пристигнала во Кан, а нејзината дневна модна комбинација за прошетката по тој прекрасен, француски град оставила голем впечаток. Славната актерка веднаш по слетувањето на аеродромот во Ница, привлекла внимание кај новинарите и фотографите, а нејзиниот изглед е нешто што е целосно доволно опуштено за прошетка, а сепак да бидете стилизирани. Ева облекла лежерни пролетно-летни панталони во светла нијанса на боја, а целиот стајлинг бил во такви бои, освен бордо чантата која се издвојувала од цела модна комбинација. Белата кошула и „оверсајз“ сакото совршено се вклопиле со панталоните и прекрасно ѝ прилегале на актерката. Бордо чантата е од брендот „Hermes“, како и големите очила за сонце, а и двете модни парчиња се совршен погодок за пролетна модна комбинација сезонава. Останува да видиме што Ева Лонгорија подготвила за црвениот тепих, а не се сомневаме во оригиналноста и совршената креација во која би се појавила оваа латино убавица. фото:Инстаграм Ева Лонгорија/Профимедиа

Ева Лонгорија ја откри тајната како ослабе 20 килограми по бременоста иако си дозволува и брза храна

Слободанка Илиева — Thu, 28 Apr 2022 09:16:42 +0000

Ева Лонгорија важи за една од најубавите холивудски актерки за која често се вели дека не се менува. Иако годините поминуваат, Ева успева да ја одржи витката линија поради што секојдневно добива прашања од мнoгубројни жени ширум светот. Сепак, малкумина знаат дека Ева по бременоста ослабнала дури 20 килограми. Како што објаснила во една прилика, во тоа успеала поради тоа што вовела само неколку здрави навики.

Менито на Ева се сменило така што таа почнала да јаде повеќе зеленчук, а најмногу спанаќ. Освен тоа актерката секојдневно консумирала брокули, а шеќерот целосно го исфрлила. Тоа што е интересно е тоа што актерката себеси си дозволила две омилени задоволства – пица и чипс. Сепак, слатките не ѝ претставувале проблем. Не само што не е зависна од нив, туку таа не ги сака, па немала од што да се откаже по тоа прашање.

Според „Women’s Health“, Лонгорија денот го започнува со кајгана и свежо овошjе. Руча месо и зеленчук готвено на пареа, а за вечера сака риба и зеленчук. За меѓуоброк консумира свежи краставици, јаболка или јогурт со вкус на ванила.

Таа ништо не би постигнала доколку не ја вовела и физичката активност. Ева секојдневно трча и вози велосипед, а три до пет дена во неделата оди на пилатес. Тоа што е интересно е тоа што актерката скока на трамболина и тоа го гледа како кардио-тренинг, па секојдневно го прави околу 20 до 30 минути. фото:инстаграм/ева лонгорија

Заводливо и елегантно: Ева Лонгорија одржа модна лекција и блесна на свадбата на Бекамови

Riste Zdravkov — Mon, 11 Apr 2022 09:24:13 +0000

Актерката за двата настани избрала да носи два фустани поради кои сите погледи биле насочени кон неа. Ева Лонгорија заблескала на венчавката на Бруклин Бекам, синот на Дејвид Бекам и Викторија Бекам. Таа избрала да носи два интересни фустани кои како и вообичаено ѝ прилегале совршено.

Таа носела фустан од колекцијата на кумата Викторија, па доколку ви се допаѓа за истиот треба да издвоите околу 1.300 евра. Фустанот од половина до подот е дизајниран така што е затворен, но скроен е така што ги истакнува облините на секоја жена.

Горниот дел е „попредизвикувачки“, за што придонел прорезот во должина на клучните коски, а најинтересен детаљ се лентите кои го придржуваат фустанот. Актерката ова модно парче го комбинирала со моќна шминка и едноставна фризура. Во САД постои и еден обичај каде гостите доаѓаат на „пробна вечера“ пред свадбата на која Лонгорија исто така заблескала.

Тогаш таа носела сатенски фустан исто така од колекцијата на Викторија , а истиот чини до 1.900 евра. Покрај таа комбинација носела и златни сандали и чанта, а шминката овојпат била драматична. Која комбинација ви се допаѓа повеќе?