еуро 2020 – Вистина.мк

Пехарот се врати дома, но… сите патишта водат во Рим: Италија е нов европски првак (ФОТО)

Антонио Димитриевски — Mon, 12 Jul 2021 07:46:53 +0000

По вторпат во историјата на европските првенства, шампионот на стариот континент стана познат по изведување пенали. По одличните одбрани на италијанскиот голман Џанлуиџи Донарума, беше ставена точка на натпреварот и со конечни 3-2 „Азурите“ имаа причина за славење и тоа сред „Вембли“. Италијанската фудбалска репрезентација за вторпат во историја стана европски шампион, а Англичаните ја пропуштија и оваа, па тие никогаш не застанаа највисоко на пиедесталот.

Регуларниот дел од играта заврши 1:1. По само две минути игра бекот Лук Шо погоди за 1:0 за водство на Англичаните, а тој резултат остана актуелен по првите 45 минути. Италија успеа да ја преземе иницијативата на средината на теренот, упати неколку удари кон противничкиот гол, но сепак за 45 минути немаше ниту една сериозна шанса за израмнување на резултатот. Избраниците на селекторот Манчини во второто полувреме се вратија во игра за пехарот на ЕУРО 2020. По мешаницата во казнениот простор на Англија, најдобро се снајде дефанзивецот Леонардо Бонучи кој во 67-ма минута ја смести топката во мрежата на Гордиот Албион. Инаку во и околу стадионот Вембли имаше околу 250.000 навивачи кои го следеа финалето. Сепак, англиските медиуми наведуваат дека околу 1000 навивачи успеале да го пробијат обезбедувањето и да влезат на трибините.

За Хрватска на „ЕУРО 2020“ и нејзин фудбалски прогрес, Нивес Целзиус се соблече топлес! (ФОТО)

Антонио Димитриевски — Tue, 22 Jun 2021 12:38:19 +0000

Хрватската пејачка и актерка Нивес Целзиус со интересна и провокативна фотосесија повторно провоцира на социјалните мрежи, па и овојпат со жешки фотографии, таа ги привлече и своите и фудбалските фанови, особено оние на Хрватска. Нивес ужива на море, па разголена испрати поздрави на поддршка на хрватската репрезентација, за која е „да се биде или не“ на ЕУРО 2020. Во коцкеста танга и шаховница градник, бујната Нивес заачи со сексапил и морална поддршка за Хрватска и хрватските „огнени“. А, кога е поддршката во прашање, како бивша сопруга на екс - хрватски фудбалски репрезентативец, Нивес покажа дека со националните бои нема шега и мајтапење, па го симна и горниот дел од костимот за капење и остана топлес... Дали тоа ќе биде доволно за фудбалски прогрес на Хрватска на ЕУРО 2020? И да е и да не е, на Нивес беше своето да го направи и покаже, а на хрватската репрезентација... на зелениот терен да се докаже! Фото: Инстаграм принтскрин/nivescelsius

Македонија против Холандија со последен настап на ЕУРО 2020, последен и за Горан Пандев по две децении играње во репрезентацијата

Антонио Димитриевски — Mon, 21 Jun 2021 06:12:05 +0000

Фудбалската репрезентацијата на Македонија денес, 21.јуни 2021 година во 18. часот во Амстердам го игра својот последен натпревар на ЕУРО 2020 против репрезентацијата на Холандија. Ова беше историски прв настап за нашата репрезентација на Европско првенство, и иако резултатски во првите два натпревари потфрливме, тоа секако не треба да се доживее како разочарување, со оглед на фактот што дебитиравме на едно големо натпреварување како самостојна држава. Овие момчиња не направија горди во секоја смисла на зборот и за прв пат ја почувствувавме фудбалската еуфорија на едно големо натпреварување. Македонија ги загуби двата натпревари од Австрија 3-1 и од Украина 2-1 и останува да се одигра само мечот со Холандија за крај на ЕУРО 2020 за престиж, но и да се игра за капитенот Горан Пандев, кој за последен пат ќе го носи репрезентативниот дрес. Пандев дебитираше во 2001 година, а досега за Македонија настапи на 122. натпревари и постигна засега рекордни 38 погодоци, сошто е прв стрелец во националниот тим. Зад Пандев ќе остане запишано дека е европски и светски првак со Интер, освојувач на скудетото со „Нераѕурите“, победник на Купот на Италија со три различни клуба (Лацио, Интер, Наполи), еден од малкумината странци со над 450 настапи во Калчото, меѓу 80-тината фудбалери во Италија со сто голови, стрелец на голот за виза на Еуро 2020 во Тбилиси и стрелец на првиот гол за Македонија на Европските првенства. Без разлика на крајниот исход, македонските фудбалери се најголемите херои кои ја сплотија македонската нација и повторно ја вратија вербата во репрезентативниот фудбал. ЕУРО 2020 ќе биде запишано со златни букви во Македонскиот репрезентативен фудбал и без разлика на се' што ќе се случи во иднина, така и ќе остане. А што се однесува до Горан Пандев... Еден брилијантен фудбалски гениј заминува од репрезентацијата... Можеби најдобриот, најголемиот, најважниот, најтрофејниот, нај... Горан ГРАНДЕ Пандев! Ти благодариме за сите радости што ни ги приреди Гоче... и... Добредојде во легендите!

Маестро Симон Трпчевски со концерт во Букурешт ја загрева атмосферата пред Украина (ФОТО)

Антонио Димитриевски — Wed, 16 Jun 2021 06:17:12 +0000

Македонскиот пијанист Симон Трпчески, инаку еден од најголемита навивачи на македонската фудбалска репрезентација во Букурешт за време на дебитантскиот настап на нашата фудбалска репрезентација, денеска на ден пред вториот меч на Македонија на Еуро 2020 ќе се престави и самиот пред романската публика. Нашиот маестро вечерва има концерт во „Сала Радио Букурешт“ од 19 часот, кој ќе биде своевидна подгововка за утрешниот дуел со Украина. Маестро Трпчески беше на трибините на Националната Арена во Букурешт и на дуелот со Австрија, а таму ќе биде и на дуелот со Украина утре. Неговата поддршка е несебична и добредојдена, како и од секој вистински Македонец кој ужива во момемтите за фудбалски незаборав. А својата виртуозност на пијаното ќе ја потврди денеска пред романскиот аудиториум.

Прославување на првото учество на македонската фудбалска А репрезентација на Еврошампионатот и нашиот прв историски гол! Celebrating the first participation of the Macedonian A National Football Team on the Euro Championship and our first historical goal!https://t.co/FAyYKriyml
— Simon Trpčeski (@STrpceski) June 14, 2021

ЕСПН: Македонија го има најубавиот дрес на ЕУРО 2020 (ВИДЕО)

Антонио Димитриевски — Sat, 12 Jun 2021 09:47:09 +0000

Според медиумскиот гигант „ЕСПН“ македонската фудбалска репрезентација го има најубавиот дрес на Европското првенство. Реакциите на македонската јавност не дозволија да играме со новиот дрес, притисокот ја принуди ФФМ да го повлече и да го врати стариот со кој ги забележавме и најголемите успеси. За дресот со сонцето пристигнуваат пофалби од сите страни, а една од оние кои имаат најголема тежина е од ЕСПН.

Македонското знаме гордо се вееше на „Олимпико“ на спектакуларното отворање на ЕУРО 2020 (ВИДЕО)

Антонио Димитриевски — Sat, 12 Jun 2021 09:11:33 +0000

Европското првенство во фудбал ЕУРО 2020 конечно го дочека својот почеток по една година одложување поради пандемијата предизвикана од коронавирусот. Како што е обичај во последно време, пред почетокот на премиерниот натпревар помеѓу Италија и Турција се случи и церемонијата со која и официјално беше отворено Европското првенство. На церемонијата, за прв пат во историјата се развеа и македонското знаме, кое беше централно позиционирано и можеше да се види во многу наврати во текот на преносот. Церемонијата беше отворена од легендите на италијанскиот фудбал, Франческо Тоти и Алесандро Неста, а потоа во ревијалниот дел настапија и Андреа Бочели, како и ликот на пејачот Боно Вокс во вид на холограм и Ди Еџ, обајцата од легендарната груоа „U2“, заедно со ДЈ Мартин Гарикс, кои ја изведоа официјалната химна на Европсото првенство.

Почнува ЕУРО 2020, дознајте кој е Скилзи (ВИДЕО)

Антонио Димитриевски — Fri, 11 Jun 2021 08:14:02 +0000

Вечерва, петок, 11 јуни 2021 година, од 21 часот стартува Европското фудбалско првенство со натпреварот Турција-Италија кој ќе се игра на „Олимпико“ во Рим и е од 1.коло во А-групата во која се наоѓаат и селекциите на Швајцарија и на Велс. На ЕВРО 2020 за прв пат во својата историја ќе настапи и македонската фудбалска репрезентација. „Црвено-жолтите рисови“ дебито на континенталните првенства ќе го имаат в недела од 18 часот против Австрија во Букурешт како дел од Ц-групата каде се сместени и репрезентациите на Холандија и на Украина. Скилзи е официјалната маскота за ова Европско првенство која беше претставена во мај 2019 година. Маскотата симболизира хуманоид во слободен стил на фудбал, како и културата на уличниот фудбал пана. Скилзи е претставен од страна на изведувачите на слободниот стил на фудбалот — Лив Кук и Тобијас Бек. ЕВРО 2020 ќе се игра во 11 града: Рим, Букурешт, Баку, Копенхаген, Санкт Петербург, Лондон, Амстердам, Глазгов, Севилја, Будимпешта и Минхен. https://www.youtube.com/watch?v=9MNxPvKIAOQ

Фудбалерите пристигнаа во Букурешт: Развиорено македонско знаме на аеродромот и нашиот официјален автобус (ФОТО)

Антонио Димитриевски — Tue, 08 Jun 2021 12:57:53 +0000

Македонската фудбалска репрезентација пристигна во Букурешт, Романија, каде на 13 и 17 јуни ги игра првите два натпревари во рамки на групата Ц на Европското првенство. Нашите фудбалери по слетувањето на аеродромот веднаш го развиорија македонското знаме. На нашиот официјален автобус на континенталниот турнир стои името Северна Македонија.

Еуро 2020 се одлага за 2021 година, баражите пролонгирани

Антонио Димитриевски — Tue, 17 Mar 2020 13:41:58 +0000

На состанокот на челниците на УЕФА преку виде-конференција со сите претседатели на националните федерации. Првата точка беше експресно решена, дуелот меѓу Македонија и Косово, како и останатите баражи за пласман на ЕП кои требаше да се играат кон крајот на месецот се одложени, истите ќе бидат поместени засега, за јуни годинава. Ова лето нема да гледаме ниту Европско првенство, кое е одложено за следната година, поточно ќе се одигра во периодот од 11. јуни до 11. јули поради корона вирусот. Во тек е вториот дел од конференцијата на УЕФА. Истиот се однесува на донесување одлука околу начинот на кој ќе финишираат клубските натпреварувања како Лигата на шампионите, Лигата на Европа и домашните клубски натпреварувања. УЕФА дава предлог сите национални шампионати да завршат до 28 јуни, а финалето од Лигата на шампионите да се игра во Истанбул на 30 јуни. Со оглед на тоа дека во Италија, Шпанија и Англија владее голема паника како последица на коронавирусот за оваа точка многу е веројатно дека нема да има заеднички договор. Се очекува УЕФА да закаже нов ваков состанок во наредните две недели и да се следи ситуацијата со пандемијата.