еуфорија – Вистина.мк

Хрватска и Македонија на ЕУРО 2020 првиот меч го загубија, ама затоа ги имаа двете најзгодни мачки како најпознати навивачки: Нивес и Марјана се ултрасекси категорија за дополнителна ЕУРОфорија!

Антонио Димитриевски — Mon, 14 Jun 2021 08:40:00 +0000

Единствените две земји - учеснички на ЕУРО 2020 од регионот, Хрватска и Македонија стартуваа на првенството... До душа обете репрезентации не победија иако не е ништо загубено. Следуваат уште пдва натпревари, по два „поправни испита“ и за обете репрезентации, па со малку среќе и умеење, тие, а можеби и ние ќе можеме да се најдеме во следната фаза!? А фудбалот во секоја фаза ги доведува навивачите во екстаза... особено кога нивниот тим или репрезентацијата играат важни натпревари, сето останато е во втор план и може да се занемари. зашто навивачите се исто толку важни колку и играчите за една екипа, а ако е репрезентација, тогаш за неа навива целата нација! Така било отсекогаш, така беше и овој пат! И Хрватите и ние ги имавме своите верни навивачи, разбирливо, најмногу машки, ама меѓу нив најважни и секако најубави, најзгодни и најсексапилни, оние што навиваат во високи потпеци, мини фустанчиња, куси панталончиња и танга бикини! Токму такви две имаа и Хрватска и Македонија, кои во склад со целата фудбалска хармонија дефинитивно беа најзгодните, најсекси и најпознати фудбалски навивачки на обете нации и нивните репрезентации! Нашата лото девојка Марјана Станојковска лото топчињата ги знае и на сон, а и топката не и е непозната во животот... До душа, можеби многу повеќе онаа - кошаркарската, ама уште оддамна покажа дека добро и умешно жонглира и со фудбалската. Од колено до штоп на гради и тоа во високи потпетици и мини фустанче, наша Марјанче слободно може по потреба да истрча и на терен.

View this post on Instagram

A post shared by MARJANA STANOJKOVSKA (@marjanamay)

Со ваква става, долги нозе и бујни атрибути, многумина би се обложиле дека со неа во тимот би биле меѓу главните фаворити! Хрватите исто така ништо помалку не заостануваат и можат со нас да се носат јуначки, кога се во прашање познатите и секси навивачки! https://arhiva.vistina.com.mk/radio-mileva/najpoznatata-hrvatska-navivachka-ivana-knol-mnogu-dobro-znae-kaj-se-dava-gol-starletata-kako-na-sportska-slikovnica-vo-tanga-shahovnica-foto-video/ Можеби нивната Ивана Кнол знае како се навива и кога ќе дадеш и кога ќе примиш гол, ама она што го знае Нивес Целзиус, носи еуфорија плус! Како бивша жена на некогашен хрватски фудбалски репрезентативец, искусната Нивес денес ги знае сите тајни: од оние во креветот до оние во најпопуларната игра на светот! Затоа не случајно на отворањето на нивната репрезентација на турнирот, покажа дека е буквално „најжешката“ навивачка на хрватските „огнени“. Само во бел мрежест топ колку да и ја држи гордо исправена и високо крената раскошната предница, во „шаховница“ танга бикини, расната Нивес го покажа сиот свој телесен раскош и дар, преточен во навивачки жар... Сончање во пригодни национални бои на „коцкестите“ и едно прашање: Вие каде гледате? Не во Нивес и нејзиниот телесен дар, туку фудбалскиот натпревар? Одговорот си го има секој за себе и тоа кога се во прашање и двете секси мачки, обете познати навивачки кои уште во раната фаза, нацијата ја доведоа до екстаза...! Зашто е евидентно дека и Нивес и Марјана се ултрасекси категорија, за дополнителна ЕУРОфорија! Фото: Инстаграм принтскрин/marjanamay/nivescelsius

Македонија на ЕП во фудбал 2021- ова се најинтерсните моменти по натпреварот: Фудбалерите пејат, народот слави, нацијата се радува, Заев се срами да го спомене името… Македонија! (ФОТО+ВИДЕО)

Антонио Димитриевски — Fri, 13 Nov 2020 09:26:15 +0000

1. Македонската фудбалска репрезентација за прв пат во историјата се пласираше на едно континентално првнество, ЕП 2021. Фудбалерите на Македонија ги победија избраниците на Грузија, сонот на Горан Пандев стана јаве, но и сонот на многу генерации фудбалери кои го носеле националниот дрес за прв пат се претвори во реалност - за прв пат да се игра во завршницата на едно големо натпреварување, мзаедно со елитата, меѓу најдобрите. Пробивот на Елмас во 56 минута, додавањето од Несторовски и маестралната завршница на нашиот капитен Горан Пандев, беше доволна за победа во финалето од Лигата на нации против Грузија во Тбилиси. Радост и еуфорија, ерупција од емоции и воодушевување, прослава и радост во душата, која сега навистина има зошто да се радува.

2. Славеничката еуфорија започна со „историскиот говор“ за историски момент на коментаторот на МТВ, Тони Стојановски кој со колегата Горан Стерјов го коментираа натпреварот. „Сега душата се радува, затоа што има зошто душа да е“... 3. Славењето започнува уште на теренот, помеѓу нашите фудбалери, селекторот, стручниот штаб... Од душа и срце, со песна и оро... Но тука започнува и „рецензијата“ на „болните умови“. На снимката објавена од „Спортклуб“ на Јутјуб не е скратен делот кога фудбалерите ја пеат песната „Едно име имаме“. Тој дел засега не може да се најде на други снимки објавени на интернет. Вака изгледаше и звучеше нивниот израз, нивниот излив на национална радост. https://www.youtube.com/watch?v=8LAVAyF9eRw&feature=emb_logo 4. Еуфоријата на „македонските рисови“ од теренот продолжи во собата за прес-конференциии. По „Едно име имаме“ и „Бисер балкански“, пред светските новинари македонските репрезентативци ја запеаја и најпознатата навивачка химна: „Излези момче право на тераса“... https://www.youtube.com/watch?v=DN-JdF-b1NA&feature=emb_logo 5. Победничка еуфорија во Тбилиси, славеничко лудило ширум Македонија... Од престолнината Скопје, Тетово, Битола... па се' до родната Струмица на најголемиот, на нашиот гранде Пандев. Највесело пред семејната куќа на Пандеви во Струмица, каде се случуваше вистинска навивачка атмосфера. https://www.youtube.com/watch?v=JNvjo7yeiP0&feature=emb_logo Пандеви се гордоста на Струмица. Неговиот помал брат, фудбалерот Сашко Пандев славеше со „Бисер балкански”, a изведбата беше на Џамбо Агушев и неговиот плех оркестар Агушеви. 6. Врие на улиците, но најмногу врие на социјалните мрежи, кои се преполни со честитки, од обични луѓе преку познати и јавни личности, естрадни фѕвезди, од спортисти до политичари, па до сите оние кои ја сакаат Македонија, го сакаат спортот, кој пак е единствената екстаза, единствениот мелем за душата да се радува во овие луди, тешки и неизвесни денови. Пораките и честитките не можат да се добројат, меѓу нив и оние на нашите херои од најтрофејниот македонски колективен спорт - ракометот. Лазаров, Стоилов, Ристовски, Митревски, Кузмановски… кошаркарите како Војдан Стојановски, но и редица други македонски асови и репрезентативци од останатите федерации заедно се радуваа и им честитаа на фудбалерите на овој голем, историски успех. 7. Владата вечерта со почеток во 20 часот преку видеоконференциска интернет комуникација ја одржуваше 20-тата седница. Човекот кој во големите спортски победи не ѝ го спомнува името на земјата која се радува вечерва ја води седницата во дресот на македонската репрезентација. „Жално, но историскиот пласман на Европското фудбалско првенство 2021 го славиме во време на најголемото предавство на чело со квислингот облечен во националниот дрес. Историскиот успех на македонските репрезентативци Заев им го честита не споменувајќи го името на нивната татковина“ - пишуваат македонските портали. 8. Реакциите на „срамното обраќање“ на премиерот веднаш следат на социјалните мрежи. Меѓу првите, Наум Стоилковски, потпаролот на ВМРО-ДПМНЕ, во свое и името на партијата му возврати на Заев со порака: 9. Во меѓувреме, се редат и други бројни коментари на социјалните мрежи, меѓу кои оние на актерот Сашо Тасевски, вообичаено остри и бескомпромисни: „Едниот струмичанец само збори за Европа, другиот не однесе во Европа – напиша Тасевски, па потоа му испрати и тој порака на Заев: „Дечко после ова вечерва и екстазата по пласманот на европско, треба да сфатиш, за шиткање на идентитетот македонски не смееш да помислиш ни во најлошиот кошмар. Ќе му се јавиш на Бојко, ќе му речеш: 'Извини, јас малку се занесов кога дојдов на власт, па не се сеќавам што ти ветив. Ама што и да сум ти ветил, не се важи. А вие како наши соседи поканети сте да навивате за Македонија, само треба да научите една навивачка песна. Вака отприлика почнува: Излези момче право на тераса…“ - напиша актерот. 10. Ама што дека... И кога доцна вечерта репрезентацијата беше пречекана од премиерот, Зоран Заев не кажа за која држава играа фудбалерите. „Еден гол за сите, една победа за сите! Така е кога заедно играат Македонци, Албанци, Турци… во исти дресови, под исто знаме и за заедничката татковина“ - изјави Заев, кој како и во претходните честитки „вешто“ избегнуваше да го каже името што фудбалерите гласно го повторуваа, што предизвика нови реакции во јавноста. 11. Но, не беше само Заев „вештиот ескиватор“ кога е името во прашање. Некои од приврзаниците на СДСМ, меѓу кои и познати естрадни и јавни личности и новинари, отидоа дури и подалеку и тоа уште за време и веднаш по ТВ преносот, па побараа „линч“ за коментаторот Тони Стојановски заради неговиот излив на национални чувства?! Патриотизмот некого, очигледно многу го боли?! Така, луѓе блиски на СДСМ на социјалните мрежи барат отказ за начинот на кој коментаторот на МТВ Тони Стојановски го коментираше мечот против Грузија на кој Македонија се пласираше на ЕП во фудбал 2021. Стојановски во коментарите не нападна никого, ниту пак ширеше говор на омраза, но неговите достоинствени коментари кои можат да се квалификуваат како промакедонски ги испровоцира приврзаниците на СДСМ да го навредуваат со погрдни зборови и да се бара негово казнување, дисциплинска мерка, па дури и отказ. “Ако коментаторот не добие ОТКАЗ од МРТВ значи брука сте. Политички говор на спортски натпревар значи е прекршување на сите спортски правила”, пишува една приврзаник на премиерот Заев по што неколку други жестоко го напаѓаат Стојановски, без да приложат било какви аргументи за нивните навреди. 12. Социјалните мрежи се исполнети со фотографии, честитки, пораки, коментари… Успехот на македонските фудбалери со пласманот во завршницата на едно ЕП е засега единствен, прв, од ваков вид, историски... Оние пак кои имаат хоби со години да ги собираат сликичките за големите натпреварувања, едвај чекаат да почне „манијата“ – Македонија на Европско во „Панини“ албум. Додека излезе официјалниот албум, еден фудбалски фан подготви симулација како би изгледале нашите момчиња во оваа „колекционерска фан лектира“. Мрме, Гоче, Елиф, Нестор, Џани... и останатите - едно големо БРАВО! Вие сте нашите фудбалски херои, гордоста на нацијата, репрезентацијата во чиј дрес се гине... на терен! Македонијо, многу среќа, нови победи и успех и на нашето прво ЕП 2021!

Викторија предизвика еуфорија: Гола летна разгледница на руската убавица (ФОТО)

Антонио Димитриевски — Tue, 11 Aug 2020 12:44:10 +0000

Атрактивната руска старлета Викторија Одинтцова одново ги измами воздишките на мажите кои ја следат на социјалните мрежи. Оваа популарна убавица позираше целосно гола во летен амбиент, седната во дрвена фотелја на терасата со поглед на море. Сцена со која ги воодушеви своите фанови и следбеници на „Инстаграм“. „Некаде во моето срце“ - се вели во описот на голата фотографија на убавата Викторија, чија убавина предизвика вистинска еуфорија од желби, копнежи, страсти...Иако нејзиното срце му припаѓа само на еден.

Татјана Лазаревска има нова љубовна опсесија… на Инстаграм! (ФОТО+ВИДЕО)

Антонио Димитриевски — Mon, 02 Sep 2019 06:57:14 +0000

Македонската фолкерка која пред неколку години со своето семејство се пресели во Австралија, летово престојуваше во Македонија. Татјана Лазаревска се врати дома, па престојот во родната грутка максимално го искористи за многу нешта.

Да се види со роднините,пријателите и колегите, да запее по плоштадите и кафеаните, да се појави на некои од медиумите, па дури и да фати малку сонце по некој од базените или плажите.

Во меѓувреме главната спојка со родната земја од далечната земја на кенгурите и се социјалните мрежи, нормално. Преку нив се информира за се' што се случува дома и се' што неа и се случува таму. А кога главната комуникациска алатка ти е секојдневно пред очи, тогаш мора и инспирацијата да ти дојде од неа.

Така Татјана „киснејќи“ на Инстаграм „заглави“ во нова љубовна опсесија! Нееее, не е тоа што некој можеби помисли... Скраја да е, не го остави Новица, туку најде само инспирација за нова љубовна песна.

И као поинаку да ја наслови ако не по инспирацијата - „Инстаграм“! Патем, присуството дома го искористи иза да сними видеоспот за истата со охридско-австралиската ИН продукција, во кој покрај пејачката придружната група ја сочинуваат згодни македонски девојчиња.

Така Татјана си најде нова љубовна опсесија, нова љубов што се дели грам на грам, на Фејсбук и на Инстаграм... А нејзината публика си доби нов фолк хит во „Инстаграм“.

И за оние во Македонија и за нашинците во Австралија, особено за оние каде што живее пејачката во Мелбурн, Викторија, еве го новиот синоним за еуфорија! https://www.youtube.com/watch?v=f4IfcvIrcn4

Еуфорија, незапаметена уште од времето на Тоше: Кои се Марко Марковиќ – Џи Пи и Стефан Рашковиќ – Стефонатор, новите македонски тинејџерски идоли? (ВИДЕО)

Антонио Димитриевски — Fri, 22 Feb 2019 08:15:28 +0000

На повеќето од возрасната популација имињата и особено прекарите на Марко Марковиќ – Џи Пи (GP) и Стефан Рашковиќ – Стефонатор веројатно ништо не им значат, но овие двајца тинејџери кај нивните врсници во македонија се еднакво популарни колку и еден Џастин Бибер, на пример. Важат за најпознатите и најпопуларни македонски јутјубери, кои со своите откачени идеи и креативни, едукативни, забавни, смешни... видеа ја излудеа тинејџерската популација.

За промоцијата на нивната автобиографска книга „Нашиот пат“ се чекаше со часови да се добие со нивен потпис, а просторот на МКЦ беше претесен да ја собере неколку илјадната армија нивни обожаватели кои дојдоа на промоцијата да се фотографираат со своите идоли.

Еуфорија незапаметена уште од времето на легендарниот Тоше.

Од турканици, вресоци, солзи, до буквално паѓање во бессознание.

Велат дека така било и во Битола, а така ќе биде и во другите градови низ Македонија каде што ќе се одвива промоцијата на „Нашиот пат“.

Содржината на нивната прва книга самите ја објаснија, како поинаку, ако не во нивен стил - со видео: https://www.youtube.com/watch?time_continue=237&v=l8xXtNOW8UI Тие не се популарни само кај тинејџерската публика, зашто покрај неа и нивните родители, како и повозрасните полека ги откриваат двајцата македонски идоли на новата генарација.

Марко Марковиќ - „Џи-Пи“ и стана познат на пошироката јавност уште како ученик во втора година во скопската гимназија „Раде Јовчевски Корчагин“, кога ја претставуваше Македонија на светскиот натпревар на Мајкрософт Офис Специјалист кој се одржа во САД.

Неговиот креативен компањон пак, Стефан Рашковиќ – „Стефонатор“ е студент на мултимедија и дизајн. Автор е на серијалот „90 секунди“ кој стана негов знак на распознатливост. https://www.youtube.com/watch?v=jhSXFbXGMCg Интересни, необични, несекојдневни, откачени прашања на кои јавните личности во Македонија, без многу размислување одговараат со првиот одговор што ќе им падне на памет, во времетраење од 90 секунди. Прашања кои, како што самиот вели, никој друг не им ги поставува, а сето тоа се снима со камера во вид на кусо видео.

Колку и да им звучи неразбирливо, нејасно, па дури и нелогично на повозрасните, што се тоа Јутјубери и што тоа прават двајцата македонски тинејџери за да бидат толку многу популарни кај нивната и особено кај помладите генерациии, Марко - „Џи-Пи“ и Стефан - „Стефонатор“ ди го туркаат својот стил, својот „фазон“, преточувајќи ги своите креации во „креативна видео лектира“ за новите генерации. А повозрасните? Кој сфатил - сфатил, кој не... Мора да го „прегазило времето“! https://www.youtube.com/watch?v=Z5qRHAcdFmc

Русокоси во црно: Наташа Малинкова и Александра Јанева ги зафати летна еуфорија! (ФОТО)

Антонио Димитриевски — Fri, 22 Jun 2018 06:13:49 +0000

Македонските поп пејачки - кавадарчанката Наташа Малинкова и струмичанката Александра Јанева ги зафати летна уефорија. И тоа работна, па уште и заедничка! Обете, секоја одделно си ја градат својата кмузичка кариера поприлчично успешно, ама по се изгледа некој ги поучил дека кога двата успеха ќе се здружат, од таа спојка се добива успех на квадрат!

Затоа кавадараечката секси мама и струмичката бам-бам девојка со заеднички сили ги вкрстија моќните вокали, а резултатот од тоа очекуваат наскоро да предизвика вистинска летна музичка еуфорија.

Имено, така е насловен заедничкиот дует на двете пејачки, од кој обете очекуваат многу. И тие и нивните обожаватели. Видеото веќе е снимено и е во фаза на подготовка, па наскоро треба да ја доживее и својата промоција. Двете русокоси облечени во црно, наскоро треба да го обелоденат своето заедничко „црно на бело“ музичко дело, кое ќе видиме дали ќе предизвика вистинска еуфорија или еуфоријата ќе остане само во насловот.

Сепак, познавајќи ги нивните и вокални и телесни квалитети, русокосите сериозно се закануваат да не доведат во еуфорија... И тоа онаа, најубавата, најпријатната, па ова лето освен по фудбалската еуфорија и по нивната и нив двете да се памти!