естрада – Вистина.мк

Задоцнета, ама уште послатка: Свадбата на Антониа и Роберт ја собра естрадата која за младите славеше во име на љубовта – еве ги најинтересните моменти (фото)

Слободанка Илиева — Mon, 11 Mar 2024 09:34:34 +0000

Од содржините на Вистина неодамна имавте прилика први да дознаете дека естрадната брачна двојка Антониа Гиговска и Роберт Спасенцоски ќе прават свадба, а информацијата од прва рака ја добивме од младоженецот. Па така, како најавија, така и направија. Првите објави на Инстаграм осамнаа кај зетот, кој уште во еден напладне заедно со својата машка дружина и семејството почна да слави. Тргнаа по старите обичаи, викнаа музика за по невеста и откако удри тапанот и чукна првата здравица, еуфоријата и возбудата започна уште повеќе. Иако свадбата не им се случува по ред, зашто склучија граѓански брак минатата година, а веќе имаат и плод на љубовта, малиот Киан, свадбата можеби е временски задоцнета, ама уште послатка. Редот тргна со одењето по невеста, која за портебата се врати кај мама и тато, па откако завршија со сите планирани свадбени адети, младите тргнаа да си ветат љубов и пред Бога, а со тоа со тоа да завршат комплетно како со граѓански, така и со црковен брак. Откако бидна и тоа со светиот чин, следеше она највозбудливото – свадбата во еден познат скопски ресторан. Антониа и Роберт ништо не заобиколија, па сакаа се’ да изгледа како во бајка. Декорацијата од црвени природни ружи го красеше комплетниот амбиент уште од влезот на салата, па се' до главната маса на младите обиколена со стоптици црвени цветови. Првото поздравување со гостите на влезот беше уникатно и посебно емотивно затоа што во рацете на младоженецот беше нивното синче Киан. Дотерано во свечена бебешка облека што го правеше уште посладок за да им го украде шоуто на мама и тато. Секој во свој филм, невестата во тесна венчаница во сирена крој која ја истакна нејзината витка линија, а пак младоженецот лежерен во тренди кежуал парчиња несвојствени за свеченост од ваков тип. Очигледно и очекувано дека невестата била таа што посветила повеќе внимание на себе, па во текот на вечерта облече уште една венчаница, овој пат куса и повторно од тантела, но со долги ракави, а на нозете носеше патики за да биде што поопуштена за полесно играње и стоење на нозе до крајот на ноќта. Како што претходно најави младоженецот, на сбадбата присутни беа околу 300 гости, а покрај роднините и пријателите на семејствата Гиговски и Спасенцоски, најголем дел од беа соработниците од естрадните кругови, како на невестата, така и на младоженецот. Па така, меѓу оние кои славеа за љубовта и бракот на Антониа и Робет беа: Композиторите Дарко Димитров, Лазар Цветковски, Роберт Билбилов и саканата Лејла Рамковска, колешките Лина Пејовска, дизајнерката Ива Спасовска, стилистот Даниел Николовски, Александар Дадар и многу други... Камерите од мобилните беа вклучени кај сите кога младите го заиграа првиот танц, а невстата на крајот заврши во рацете на саканиот. За се’ да биде на ниво, а атмосферата плафон, особено за музичкиот дел, беа задолжени група „Арија“ на кои младите им ја препуштија довербата. Социјалните мрежи вриеја од фотографии и видеа од големиот ден на Анониа и Роберт, а во продолжение погледнете ја галеријата од најинтересните моменти. Честитки до младите на кои им посакуваме цел живот да си бидат совршено надополнување еден на друг! фото: Instagram printscreen/ antoniagigovskaa/ jokerdam93

Маја Николиќ е најниска пејачка на естрадата, а ќе се изненадите колку години има (фото)

Слаѓана Атанасова — Wed, 28 Feb 2024 08:03:01 +0000

Маја Николиќ е родена во Ниш на 11 април 1975 година. Уште од мала покажала склоност кон музиката. Дарот за пеење го наследила од татко и и мајка. Нејзиниот татко Новак имал свој ансамбл и пеел забавна музика, додека нејзината мајка Славица пеела авторска музика. Нејзиниот брат Марко е обучен музичар. Дипломирал на Џез академијата во Грац. Првиот јавен настап Маја го имаше на 7-годишна возраст на фестивалот „Мајска песна“ во Ниш, кога отпеа дует со својот брат и ја освои првата награда. Првиот хонорар го заработи од музиката многу рано. Почнав да пеам на 13 години во кафулиња и пицерии. Пееше џез, соул, евергрини. На 15 години со својот брат ја основа групата Мар-Маја. Во далечната 1989 година добила понуда да објавува за загрепски Југотон. Меѓутоа, војната започна и се се распадна. За нејзиниот пробив на сцената е заслужна Маја Оџаклијевска, нејзината сценска мајка, како што таа ја нарекува. На еден концерт и пришла во соблекувалната и рекла дека би сакала да пее како неа. Маја Оџаклијевска се воодушевила од нејзиниот вокал и била подготвена да и помогне. Таа ја запознала со важни луѓе во РТС, пред се Владимир Граиќ Грај, кој е автор на многу хитови на Маја. фото: printskrin/instagram/majanikolic_official

Сања Кужет за прв пат го покажа трудничкиот стомак: Водителката со нова фотографија ги запали социјалните мрежи (фото)

Слаѓана Атанасова — Fri, 02 Feb 2024 08:45:25 +0000

Водителката Сања Кужет неодамна поради блажената состојба реши да се повлече во медиумска илегала и да ја напушти емисијата „Ѕвездите на Гранд“ која дотогаш ја водеше. Убавата водителка на споменатата програма за таленти присуствуваше на градски настан, а во таа прилика го покажа трудничкиот стомак кој секој ден е се поголем. Сања носи тесен црн фустан кој го истакнуваше нејзиниот стомак, а многумина коментираа дека бременоста одлично и прилега, и дека никогаш не изгледала поубаво. Да потсетиме, откако Сања Кужет ја напушти „Ѕвездите на Гранд“ поради бременоста, се крена полемика околу тоа кој би можел да ја замени во улогата на водителка на популарното натпреварување. Продукцијата „Гранд“ неодамна објави анкета во која се прашува кого публиката би сакала да види на местото на Сања. Прва на листата беше Сања Ќулибрк, една од водителките на „Гранд“ која веќе еднаш ја замени Сања Кужет. Потоа се Ана Севиќ, Ена Попов, Драгана Катиќ, Бојана Лазиќ, а шестото име на листата е Јована Јеремиќ. Фото: printskrin/instagram/sanja_kuzet

Нада Топчагиќ верува дека црна магија е присутна на естрдата, а половина од јавните личности се маѓепсани: „ За жал, но така е“ (фото)

Слаѓана Атанасова — Fri, 12 Jan 2024 12:07:10 +0000

Популарната фолк пејачка Нада Топчагиќ неодамна проговори за присуството на црната магија на сцената, а како што наведува, со тоа се занимаваат голем број јавни личности. Топчагиќ смета дека половина од естрадата е маѓепсана: „Како бре не верувам, верувам во црна магија и тоа како! Па, можете да видите дека целата естрада е маѓепсана, многу од нив практикуваат вештерство. Ужас! Знам дека се постои и дека луѓето се занимаваат со сѐ и сешто. За жал, но тоа е така. Навистина се плашам од такви работи, едноставно, се плашам од сето тоа. Сум слушала и разни приказни и засебе и дека некој ми мести, но искрено, не обрнав внимание. - Се држам до ставот дека тоа што го правиш така и ќе ти биде во животот, . Секој нека прави што сака – заклучи Нада. Освен фолк девојката, на истото верување е и водителката на Пинк, Јована Јеремиќ, која го потврди ставот на Нада кога е магијата во прашање. Јована откри дека точно знае кој практикува црна магија: - Тие што немаат моќ се справуваат со тоа, па на вештачки начин се трудат да произведуваат такви работи. Подоцна ќе им се врати назад. Познавам многу јавни личности кои практикуваат црна магија, но сите полудеа на крајот. Од тоа се полудува, се враќа како бумеранг - рече Јована. Фото: printskrin/instagram/jeremicjovana/topcagicnada

Тамара Ѓуриќ имала над 100 естетски зафати, а вака изгледала пред сите корекции (фото)

Слаѓана Атанасова — Fri, 29 Dec 2023 09:12:20 +0000

Тамара Ѓуриќ вложува многу пари во својот изглед, а пред сите операции изгледала сосема поинаку. Ѓуриќ со години ги вложува своите пари во естетски корекции, за што и самата често говори. Тамара одлучила и да го врати својот изглед на поприроден, па во една приватна клиника во Белград го извадила силиконот од градите по кој била препознатлива. Ѓуриќ во една прилика откри дека досега направила околу 100 естетски зафати, а првата корекција ја направила на само 18 години: - Имав приближно 100 интервенции на себе. Првпат ги направив градите кога имав 18 години. Ми беше прв пат и беше многу комплицирано во споредба со сега, бидејќи ми требаше потврда од психијатар, иако бев полнолетна, ми требаше потпис од моите родители за да ја направам таа интервенција, бидејќи лекарите сакаа да знаат зошто млада девојка сакаше да прави гради - рекла Тамара во една прилика.

Tamara Đurić pre operacija pic.twitter.com/LG6yhRchJr
— Malagaravaa (@vaskekopirinac) December 28, 2023

На интернет може да се најдат фотографии од Ѓуриќ пред сите операции, а дел од коментарите се: „Друга жена“, „Што и требаше сето ова“, „Не остана ништо од старата Тамара“, „Таа порано беше природно убава девојка “. Фото: Printsrin/Instagram/tamarastar89

Калиопи ја резимира 2023 година во екслузивно интервју за Вистина: „Без оглед на тоа каква планина ми тежи на плешките, јас мирно ги затворам очите“

Слободанка Илиева — Fri, 29 Dec 2023 08:16:14 +0000

За нашата поп -пејачка Калиопи редовно се залепени епитетите дива, кралица, најдобра… што таа во неколку наврати кажала дека нема проблем да ги стави на лицитација. Сепак, ласкањето за тоа што е таа и она што го работи, сосема оправдано се надополнува. Неуморен професионалец, секогаш непосредна и отворена за своите фанови, без чувството дека таа е ѕвезда и е недостижна во денешниот естраден свет. Децениската кариера, бројните хитови и концерти ја прават она што е денес, а според обемот на се’ што направила во годината која ја испраќаме, ќе треба да одговори многу и да испишеме уште повеќе од ова и повторно да останаме недокажани. За крајот на 2023 година Калиопи во ексклузивно интервју за Вистина зборуваше за тоа како ја сублимира оваа 2023 година, се’ она со кое и беше исполнета приватно и професионално, како и тоа што следи во 2024 година. Како се чувствува Калиопи пред крајот на годината? -Невообичаено спокојна. И последниве денови до пречекот ги користам за убави и креативни моменти, додека за годинешниов дочек на Новата година си посакав мирна и тивка ноќ. Празничниот дух успевате да си го донесете сами или за тоа мора да има синергија од целокупното опкружување? -Секогаш за добро расположение мора да започнете од себе, а потоа секако продолжувате во духот на споделувањето. Опкружувањето е многу важно, но сметам дека горе-долу сите ние веќе однапред си го знаеме нашиот избор на луѓе. Кој е Вашиот рецепт за постојана насмевка и позитивна енергија како личен печат, секако покрај моќниот вокал по што сте и препознатливи? -Го гледам само она што сакам да го видам! Не дозволувам никој и ништо да ми го расипе моето гледиште на светот, бидејќи иако свесна во какво време живееме, мене очите и срцето ќе ми бидат водени од љубовта! И тоа сакам да го поделам со луѓето, а нема подобар начин од насмевката! Покрај мојот глас, луѓето ме препознаваат и по неа. Години наназад редовно ја добивате и апсорбирате непресушната љубов од публиката, но дали Калиопи е емотивно исполената и сакана кога ќе се симне од сцена и ќе остане сама? -Претпоставувам дека сите ние си живееме некаква наша "сцена", без оглед на професиите. И сите ние го имаме моментот кога остануваме сами со себе, а јас тој момент го сметам за многу продуктивен. Потребен е пред сѐ да си ги средиме мислите и да си помуабетиме искрено со себе. Јас добивам огромно количество на љубов и под светлата на рефлекторите, но и кога тие ќе се угасат... Вложувате многу во кариерата, музиката, публиката, а доказ дека задоволството постои е перманентноста од која немате отстапки години наназад. Каде се крие клучот на истрајноста, неуморноста, инспирацијата, посветеноста...? -Нема поголем влог од доследноста до она во што си верувал од секогаш. Да се биде свој, е клучот, но секако и најскапиот дел. Тоа чини многу... Но на крајот од денот, без оглед на тоа каква планина ми тежи на плешките, јас мирно ги затворам очите, бидејќи знам, утрото ќе ме награди со нова сила за храброста и решителноста да бидам своја. Апетитите на публката никогаш не се задоволени од Калиопи и нејзината музика, а тие воопшто не се мали со оглед дека регионот не е мал и Ве обожава. Постојано на пат, од хотел до холел, од сцена на сцена, Вие се давате, но од каде е Вашиот духовен извор за да се издржи и постигне тоа? -Љубовта и вербата се мојот главен извор и сила за сѐ она што ме очекува на патот наречен живот. Затоа и ништо не ми е тешко. Во проблемот го гледам предизвикот, во искушениата си го тестирам трпението и така растам. А се додека публиката е погладна за мојата музика, мене ќе ме има... Годинава одржавте многу концерти низ регионот, добивте многу аплаузи, враќање на бис, цвеќиња, разни подароци... Кои беа најдрагите моменти кога би ги споиле во едно? -Завршното поклонување со мојот бенд, пред да ја напуштиме сцената... Не можам да ви го доловам тоа чувство преку збор, тоа мора да се доживее... Затоа до година и тука, кај нас ќе го поделиме тоа чувство, на концертите кои се во план во Македонија. Колку општествените случувања се одразуваа на инспирацијата и кративноста, независно дали се позитивни или негативни? -О, и тоа како се одразуваат. Моите песни не се само љубовни, тие опфаќаат и социјални теми, ангажирани песни, некогаш се чист коментар на одредени случувања. Уметноста е широк простор во кој се изговараат и отсликуваат најголемите вистини. Јас и Ромео сме токму затоа феноменален тандем, особено кога е во прашање точната мисла преточена во збор. Ако се осврнете наназад низ годините од почетоците на Вашата кариера до денес, како би го оцениле развојот на македонската музика /естрада, кои беа најплодните години, а кои најсушните? -Секое време земено и од социјален и културолошки аспект си носи извесни промени. За некој тие се позитивни, додека за друг се катастрофални. Токму од тој аспект не знам колку е паметно било што да кажам на таа тема, а да не бидам погрешно сфатена. Затоа мудро ќе молчам и ќе го користам правото своето мислење да го искажувам преку своите дела. „Не сакам да снимам дуети, тоа не е мој стил“ беше подвлечена една Ваша изјава во медиумите. Зошто е тоа така и тоа веднаш откако излезе последениот и најнов дует со Жељко Самарџиќ кој патем поминува одлично? -Изјава извадена од контекст. Секако, нелогично е да кажам такво нешто, а истовремено да дејствувам поинаку! Зборував за тоа дека немам многу дуети во мојата кариера, бидејќи дуетот е нешто што треба да се случи по чувство , а не по план. Песната можам да ја делам само со некој кој ги чувствува нештата, луѓето и животот на сличен начин како јас. Од каде треба да почнат промените за повторно да заживее македонската поп музика. Да бидат повеќе посетени домашните концерти, настапи и да не се штеди да се одделат пари за карта за она што е наше, домашно? -Промените почнуваат од самопочитта. Кога тоа ќе го освестиме, ќе започнат сите други општествени и институционални промени кои се потребни во секој сегмент на нашето живеење. Што стои во приватната и професионална агенда на Калиопи за 2024 година? -Многу убави и големи планови за кои уште од сега ги започнавме сите подготовки, со детална организација. Догодина повод големиот јубилеј 40 год од соработката со Ромео Грилл, се подготвува нов албум, како и низа концерти во Македонија и во регионот. Неизоставна е голема промоција на овие проекти и можам слободно да речам, со нетрпение ја чекам 2024 год, токму затоа што чувствувам дека со овој албум ќе отворам ново поглавје за најмалку следните десет години. А за понатаму, ќе видиме... Ако Калиопи е Дедо Мраз и може една работа да им подари на луѓето во Македонија, што би било тоа? -СРЕЌА фото: Приватна архива/ Ѓорѓи Христовски/Мартин Шишковски

Празнична еуфорија во домот на Здравко Чолиќ: Ќерката Уна покажа како изгледа нивниот украсен дом (фото)

Слаѓана Атанасова — Fri, 15 Dec 2023 08:09:24 +0000

Ќерката на Здравко Чолиќ покажа како изгледа нивниот семеен дом за новогодишните празници. Легендарниот поп-пејач Здравко Чолиќ во текот на својата долга кариера секогаш се трудеше да ја заштити својата интимност и приватност од очите на јавноста, па не често имавме можност да ја видиме внатрешноста на неговиот семеен дом кој се наоѓа во Кошутњак и кој важи за најлуксузен во тој дел од градот. Инаку, Чола еднаш проговори за врската со ќерките. - Имаме една почит, која е изгубена во денешното современо општество, технологија која зема замав, тешко се контролира.Тоа што го донесов од дома е почит, чест и достоинство и би сакал и тие да мислат исто, а најважно е дека не е се до парите и богатството, туку дека има важност и дека некој е вреден, тоа е најважното нешто за нив да имаат во животот. Една работа, една дисциплина на умот, која поставува некои работи, но тешко е да се постигне тоа со новата генерација денес, но има луѓе кои можат да го направат тоа, ќе видиме - рече Чолиќ. Фото: Printskrin/Instagram/Unacolic/zdravko.colic

Владата немаше ни доблест ни совест да прогласи ден на жалост, но затоа другите имаа: ТВ емисиите од забавен карактер – откажани, настаните и концертите – одложени!

Антонио Димитриевски — Tue, 05 Dec 2023 11:08:49 +0000

Убиството на малата Вања и фризерот од Велес како никогаш до сега ја потресоа јавноста... Ама и ја кренаа на нозе. Тага до небо, болката не стивнува, гневот и бесот од направениот злостор не сопираат и не треба. Општество без морални норми, со урнат систем на вредности, со уништени елементарни човечки особини... Срам, образ, емпатија, љубов, сочувство, хуманост... Наместо нив, само алчност, омраза, блуд, пороци, бескруполозност, извретни вредности... Врвот е дно, а на врвот - оние од дното! Зашто да беше барем малку поинаку по се' што се случи овие денови, после ваквиот траор и колективна болка, да се имаше барем малку совест и доблест вчерашниот, па и денешниот или утрешниот ден, ќе беа денови на жалост, а не понеделникот да биде ден за средба за пазарање изборен датум, кој никому нема да му избега и ден порано или подоцна изборите секако ќе бидат закажани. Арно ама... елементарните карактерни и пред се човечки особини, одново откажаа. И тоа кај оние кои во вакви моменти треба да бидат и најдоблесни и најсовесни... Зашто само два збора израз на сочувство - се далеку од доволни! Тага до небо, образ - ѓон! Едноставно политиката немаше ни доблест ни совест да прогласи ден на жалост, но затоа другите имаа. ТВ емисиите од забавен карактер - откажани, настаните и концертите - одложени. Зашто ако имате барем тронка чувство на емпатија, барем парче душа пред ваква трагедија, не ќе имате совест да се однесувате како ништо да не се случило. Особено ако професијата ви е да ги забавувате масите, а никому не му е до забава. Тоа бргу го сфатија повеќето или речиси сите од естрадно-забавниот свет иако повеќето не веднаш... Така уште вечерта, во неделата на 03.12.2023 околу 21.00 часот, кога беше соопштена трагичната вест за убиството на малата Вања, речиси ниту една телевизија не ја прекина програмата. Јавноста во истиот момент шокирана и збунета, ама затоа не и програмските директори или уредници, па на програмите и понатаму си продолжија да одат „Никогаш не е доцна“, турски серии, „Ај ДЈ шоу“... Стварноста не може да биде покрвава и потраорна, ама „шоуто мора да продолжи“!? Кога и на Владата не и текна дека ако не повеќе барем достоинствено е трагедијата да ја одбележи со еден ден жалост, на таква почит се сетија оние кои ги продуцираат, подготвуваат и водат емисиите од забавен и музички карактер, организаторите на разни ивенти и настани од таков тип, пејачите своите музички промоции, сопствениците на локалите каде беа закажани настапи на домашните и музичките изведувачи од соседството... Некои од нив и со соопштенија на социјалните мрежи образложија дека не е момент за емисии со збавно-музички содржини, дека настаните и настапите се откажани или пролонгирани. Така на пример најгледаниот естраден ТВ магазин „Бекстејџ“ јго откажа емитувањето на своето понеделничко издание. Водителот на „Голден карпет„ Миро Кацаров обзнани дека: „Порадо монструозниот и психопатски чин кој не доведе до шок, тага и неверување, забавна содржина од 'Голден карпет' нема да се објавува до четврток“... А можеби и повеќе?! Водителот на ток шоуто „Јади бурек“ вчеравечер исто така во живо се вклучи на својот Фејсбук профил на социјалните мрежи и соопшти дека емисија нема да има.

View this post on Instagram

A post shared by Jingle TV (@jingle.tv)

Некои од забавните емисии како оние што одат на интернет телевизијата „Џингл ТВ“, тотално ги преобразија и адаптираа своите програмски содржини во склад со немилите настани и ситуацијата. Својот ивент, настанот на магазинот „Убавина и здравје“ за доделување на наградите на најдобрите инфлуенсери во 2023 година, насловен „Influencer awards 2023“, кој требаше да се одржи на 06.12.2023 год. тие како организатори го откажаа и одложија за понатаму. Истотот се случи и со мноштвото закажани настапи на домашните и некои музички изведувачи од соседството, кои беа закажани деновиве. истите или се целосно откажани или пролонгирани за понатаму. Кога веќе власта не покажа „душа“ кон една детска, насилно и прерано згасната душа, покажаа барем оние кои се задолжени за некои посреќни времиња. Нека ти е светол патот кон вечноста, мал ангелу!

View this post on Instagram

A post shared by Backstage⭐️ (@backstage_macedonia)

Фото: Instagram i Facebook printscrean

„Неправдата е нешто што боли“: Вистината за врската на Драгана Мирковиќ и Лепа Брена повеќе не е тајна (фото)

Слаѓана Атанасова — Mon, 20 Nov 2023 08:12:57 +0000

Музичката ѕвезда, Драгана Миркови важи за една од најголемите музички ѕвезди на овие простори, а истиот статус го ужива и легендарната Лепа Брена. Сепак, јавноста често се прашува каков е односот меѓу нив две, а многумина би помислиле дека се лути ривали. Сепак, Драгана претходно истакна дека пријателствата на естрадата и покрај различните приказни се можни и дека токму тоа е случај со неа и со Брена. - На сцената има пријателства, иако има различни мислења, но ви гарантирам. Пријателството меѓу мене и Лепа Брена постои повеќе од триесет години. Денес сакаме да се гледаме, слушаме и да се дружиме, како и да излегуваме. Ги има и многу - изјавила Драгана и додала: - Пејачите се навистина вредни, има многу жртви, особено кога се работи за семејството. Ние жртвуваме многу од нашето приватно време заради патување, работа, посветеност на работата и навистина ги ценам моите колеги кои работат многу на себе. Неправдата е нешто што боли, кога знаеш дека никому ништо не си направил, но некој прави нешто лошо чисто од зла намера или љубомора. Тоа може да боли. Денес знам да плачам, но многу помалку од порано, но можам да се справам со тоа само благодарение на музиката, семејството, пријателите. Фото: Принтскин/Јутјуб/Гранд Онлајн//Инстагарам/Драгана Мирковиќ

Ова е единтвената личност од српската естрада со која Саша Поповиќ не разговара: „Не зборуваме веќе 23 години“ (фото)

Слободанка Илиева — Fri, 10 Nov 2023 12:02:21 +0000

Кавгите на српската естрада не се реткост, а многу се случија пред очите на јавноста. Така Цеца Ражнатовиќ со години не разговарала со Јелена Карелуша и Драгана Мирковиќ. Конфликтот меѓу Весна Змијанац и Зорица Брунцлик е веќе легендарен, но Саша Поповиќ успеа да одржи добри односи со сите. Всушност, речиси со сите. Неодамна призна дека повеќе од две децении не разговарал само со еднен пејач. - Нема никој. Не сум разговарал со Мирослав Илиќ 23 години. Никогаш не го ни сретнав. Тој едноставно престана да комуницира со мене во 2000 година. Поминаа веќе 23 години, иако ја ценам неговата работа и неговите песни се секогаш добредојдени во „Ѕвезде Гранда“ - изјави неодамна Поповиќ во една емисија. Инаку, неодамна се пишуваше дека Саша Поповиќ одбил да биде кум на свадбата на Жика Јакшиќ. - Жика на шега го праша Саша дали ако повторно се ожени, ќе му биде кум, на што Поповиќ му рече дека не му текнало. Жика прво се шокираше, а потоа Сале му објасни. „Ти донесов слика кога се ожени за Дијана, не траеше долго, па нема да ризикувам повторно“, кажал анонимен извор неодамна за „Свет“ . фото:Инстаграм принтскрин