еротски соништа – Вистина.мк

Дали еротските соништа со друг маж се предупредувачки знак?

Слободанка Илиева — Thu, 26 Mar 2020 13:00:23 +0000

Невозможно е да влијаете на соништата, дури и кога живеете совршена реалност со партнерот, па во продолжение прочитајте што значат соништата во кои го изневерувате партнерот. Неверство со личност што ја познавате Ако ве гризе совеста затоа што сонувавте дека водите љубов со вашиот шеф или пријател, тој сон не значи дека навистина сакате да имате односи со таа личност, туку само дека голем дел од вашето внимание во текот на денот е насочено кон таа личност, па затоа е сосема нормално да се појавува и во вашите соништа. Неверство со личност што не ја познавате Зад ваквите соништа се крие нерешен проблем. Имено, според мислењето на психолозите, водењето љубов со непозната личност во сон значи дека нешто криете од партнерот или дека сте го излажале, така што сето тоа се манифестира во форма на измама во сонот. Неверство во кое партнерот ве открил Исто како и неверството со непозната личност, неверството во кое вашиот партнер ќе ве открие во текот на чинот значи дека ве гризе совеста. Иако можеби нема веднаш да бидете свесни за што може да се работи, размислете дали криете нешто од вашиот партнер. извор:кафепауза.мк

Секс со славна личност или со поранешниот партнер: Еве што значат 5-те најчести еротски соништа

Христина Ѓоргиевска — Fri, 03 May 2019 13:30:53 +0000

Сигурно барем еднаш во животот сте имале некој жежок еротски сон, а повеќето од нас следното утро остануваат збунети од “лудото сценарио” кое е речиси невозможно во реалниот живот. Еве какво значење имаат најчестите еротски соништа: Секс со шефот Луѓето често сонуваат секс со својот надреден или некој друг авторитет. Тоа не значи дека буквално го посакувате тоа, туку е всушност потсвесна желба за признание и преземање на одговорност. Освен тоа, значи дека сакате да имате поголем авторитет и да бидете подоминантни. Секс со некој кој воопшто не го сакате Жешка ноќ со некоја личност која во реалниот живот не ви се ни допаѓа, дури и ја презирате? Причина: ако некој има секс на сон, тој покажува гола кожа и на некој начин е разголен односно разоткриен. Со тоа, вие сакате да го “разголите” вашиот животен сопарник. Секс со славна личност Кој барем еднаш не го сонувал ова? Светот е полн со актери, музичари и други познати личности кои повремено нѝ скокнуваат во креветот – на сон! Причината за тоа е сосема едноставна: ја сметате таа личност за привлечна, а привлечноста не мора да биде поврзана со добриот изглед. На пример, може да станува збор за улога која личноста ја глумела во филм кој неодамна сте го гледале. Секс со поранешниот партнер Класика! Но, зошто сонуваме за тоа? Причината е следна: некаде длабоко сокриено во вашата потсвест се наоѓаат некои чувства кон него. Работите за кои не сте имале време да поразговарате или да ги искусите во врската, можат да се појават во облик на еротски сон. Екстремни сексуални соништа Групен секс, садо-мазо игри или замена на партнерот: понекогаш сонуваме за екстремни сексуални пракси со кои немаме допирна точка во реалниот живот. Сонот не значи дека тоа потсвесно го посакуваме, туку има симболично знаење. На пример, ако дента сте направиле нешто непријатно, како незгоден разговор со шефот, тоа може да се рефлектира и во вашиот сон во екстремен облик. извор: точка.мк

Дознајте што значат најчестите еротски соништа

Христина Ѓоргиевска — Wed, 13 Feb 2019 13:00:30 +0000

Сте сонувале ли некогаш како водите љубов со вашето поранешно момче или пак со вашиот пријател или шеф? Сте се разбудиле ли збунети и со помисла зошто го сонувам тоа и што значи тоа? Секс со поранешно момче Ваквиот сон најчесто сака да ве упати кон некој нерешен детаљ од вашето минато. Најдобро е отворено да разговарате со бившото момче и да ги решите сите работи кои ве мачат. Не мора да значи дека таа личност ви недостига, туку само среќните моменти со него. Можеби ви недостасуваат близината што сте ја имале со него и неговите карактеристики поради кои сте се заљубиле во него. Затоа соберете храброст, јавете му се и расчистете ги работите кои ве мачат. Секс на јавно место Ваквите соништа означуваат дека сакате да бидете поотворена и искрена за некоја важна област од вашиот живот. Понекогаш овие соништа имаат и значење дека се плашите дали околината ќе го прифати вашиот партнер. Секс со пријател Во вистинскиот живот не ви ни паѓа на памет да го сторите тоа, но зошто ви се појавува на сон? Тоа значи дека имате потреба за пријателство и поддршка. Или пак, ваквиот сон може да означува восхит за некоја особина која таа личност ја поседува па сакате и вие да ја поседувате истата. Секс со славна личност Или премногу и се восхитувате на оваа славна личност или сакате да имате живот како нејзиниот. Можеби имате потреба од малку гламур и возбудливост во животот и сакате другите да ви се восхитуваат и да ве почитуваат. Секс со шефот Поради вакви соништа, жените најчесто поцрвенуваат следниот пат кога ќе го видат шефот. Ваквиот сон не значи дека ве привлекува таа личност, туку неговата позиција. Ве привлекува моќта, влијанието врз другите, па затоа преку сексот можете најлесно да се приближите кон таа цел. извор: Курир.мк