ерос рамацоти – Вистина.мк

„Ама“ е новата песна на Ерос Рамацоти со која најави светска турнеја (лирик ВИДЕО)

Антонио Димитриевски — Thu, 16 Jun 2022 10:51:31 +0000

Познатиот италијански пејач Ерос Рамацоти ја објави својата нова песна „AMA”, најавувајќи го така и новиот албум „Battito infinito“, но и новата светска турнеја, која ќе се одвива од септември 2022 до мај 2023 година. – Мислам дека овие концерти се најдобар начин да го прославам објавувањето нова музика. Бев вклучен во секоја фаза од процесот и се грижев за подробностите и нијансите. Во секој од тие настапи ќе има мало делче од мене и мојата приказна. Едвај чекам повторно да се сретнам и да ги гушнам моите обожаватели, бидејќи мислам дека тоа е најдобриот начин да го надминам овој сложен миг и да почнам повторно да создавам, заедно со нив, изјави пејачот. Албумот излегува на пазарот на 16 септември годинава. Инаку, италијанскиот кантавтор во својата над 35-годишна кариера има продадено 70 милиони албуми, а последниве години – и над две милијарди слушања на стрим-услугите на светско ниво. „Ама“ е приказна за универзалната љубов, химна на слободата, повик да се сака она што се сака, без ограничувања и препреки и да се слави тоа чувство во сите облици“, вели пејачот, а неговата нова песна проследете ја во продолжение:

Ерос Рамацоти се огласи по повод тешката ситуација во Италија: „Само вака ќе успееме да ја победиме короната“

Христина Ѓоргиевска — Wed, 18 Mar 2020 09:30:12 +0000

Италијанскиот пејач Ерос Рамацоти на својот „Инстаграм“ се огласи по повод тешката ситуација со коронавирусот. Тој на својот народ му испрати поддршка истакнувајќи дека ако се придржуваме кон правилата и законите, брзо ќе го победиме вирусот. „Само ако се придржуваме кон правилата и законите, може да придонесеме што побрзо да го победиме вирусот“ напиша пејачот и предизвика лавина од коментари. И многу други јавни личности се приклучуваат на апелот да се остане дома, во карантин како една од мерките да се спречи ширење на вирусот.

Христијан Мицкоски присуствуваше на концертот на Ерос Рамацоти (фото)

Христина Ѓоргиевска — Tue, 01 Oct 2019 08:30:12 +0000

Во рамки на својата светска турнеја која започна во февруари оваа година, италијанскиот пејач Ерос Рамацоти вчера одржа и спектакуларен концерт во „А1 Арена“ во Скопје. На концертот присуствуваше многубројна публика, како личности од светот на шоубизнисот, така и од областа на јавниот, културниот и политичкиот живот во Македонија. Меѓу нив и претседателот на ВМРО – ДПМНЕ, Христијан Мицкоски, кој заедно со негова сопруга Рози вчеравечер присуствуваа на концертот на големата италијанска ѕвезда, покажувајќи дека светските културно-музички вредности им познати и блиски. Двојката уживаше во познатите хитови на еден од најдобрите вокали, а од таму си заминаа со позитивна енергија, воодушевени од атмосферата и она што како музичко-сценски перформанс го понуди италијанската музичка ѕвезда. Инаку, Ерос Rамацоти исто така на концертот во Скопје го промовираше и најновиот студиски албум со наслов „Vita ce n’e“.

Новак и Јелена Ѓоковиќ беа на концерот на Ерос Рамацоти: Италијанскиот пејач уште на почетокот имаше барање до публиката на која веројатно не и беше сеедно!

Слободанка Илиева — Wed, 25 Sep 2019 08:17:02 +0000

Славниот италијански пејач Ерос Рамацоти вчеравечер одржа концерт во Белград, а уште на самиот почеток имаше посебно барање до публиката. Имено, Ерос ја замоли публиката да не пуши бидејќи, како што додаде, чадот многу му пречи. Ерос Рамацоти во понеделникот пристигна во Белград и се поклони пред илјадници фанови кои уживаа во музиката и емоциите на италијанскиот пејач. - Добра вечер, Белград! Како сте Ви благодарам што дојдовте - со овие зборови Рамацоти ја поздрави публиката во Арената, а потоа започна спектаклот. Со песната „ Vita Ce N'e “, пејачот излезе на сцената, како од бајка поради специјалните ефекти кои ги придружуваа неговите песни дизајнирани од неговата сега поранешна сопруга Марика. Ги пееше и хитовите: "Un Altra Te", "Cose de la Vita", "Fuoco nel Fuoco", "Se Bastasse Una Canzone", "Musica e"... Покрај старите песни, публиката имаше можност да ги слушне песните во живо од новиот албум „ Vita Ce N'e“. На концертот во публиката беа и Новак и ЈеленаЃоковиќ, кои објавија фотографија на социјалните мрежи и покажаа дека денот им завршил токму со концертот на Ерос Рамацоти.

Ерос Рамацоти во А1 арена во Скопје

Антонио Димитриевски — Mon, 23 Sep 2019 13:05:51 +0000

Се ближи денот кога сите патишта ќе водат кон А1 Арената каде посетителите ќе уживаат во најголемите хитови и новиот албум на Eros Ramazzotti! Останаа уште неколку дена до концертот во Скопје, а интересот и продажбата секојдневно се повеќе се зголемуваат! Затоа, навреме набавете ги вашите влезници, онлајн на www.avalon.mk, продажната мрежа на Авалон низ цела Македонија, Skopje City Mall и Avalon Ticket Shop (ГТЦ) и не дозволувајте други да ви раскажуваат!

Бизарни барања: Ерос Рамацоти го испрати спосокот на желби за концертот во Белград!

Слободанка Илиева — Tue, 10 Sep 2019 09:15:22 +0000

Најголемата италијанска поп-sвезда ќе го посети и Белград во рамките на тековната турнеја, а неговиот тим испрати список на барања што мора да бидат исполнети. Рамацоти ќе одржи концерт во Штарк Арената на 24 септември, а покрај готвачот што го носи со себе сака и српски готвач да му подготви јадење. Ерос треба да гледа посебен канал на кој неговиот фудбалски тим се емитува додека игра или за време на тренинзите. Тоа е тим што тој купи неодамна, а игра во непрофитна категорија.

- Ерос сака антена зад сцената, тоа е она што се случи и минатиот пат кога дојде. Треба да гледа некој канал на кој неговиот фудбалски тим се емитува за време на тренинг или додека игра. Ерос толку многу го сака фудбалот што купи мал тим што игра во некоја непрофитна категорија. Тој е член на Националната фудбалска репрезентација на пејачи и актери кои играат пријателски натпревари во хуманитарни цели – вели изворот и додава: - Што се однесува до храната, Ерос доаѓа со своите готвачи, но побара и еден српски готвач да биде во неговиот тим на денот на концертот. Ерос сака да јаде говедска опашка. Кога станува збор за стајлингот, тој ќе носи креација од Салваторе Ферагамо или Армани. Ерос Рамацоти на 30-ти септември ќе настапи и во Скопје.

Ерос Рамацоти се разведува?! (ФОТО)

Антонио Димитриевски — Mon, 08 Jul 2019 10:16:12 +0000

Ерос Рамацоти (56) и неговата сопруга, 26-годишната помлада манекенка Марика Пелегрини (30), ставија точка за 10-годишна љубов и петгодишната брачна заедница.

Во официјалното соопштение е потврдена веста за развод, што ги разочара обожавателите на познатиот италијански пејач.

„Зад себе минавме одлични 10 години, заедно создадовме прекрасно семејство и бевме бесконечно среќни. Нашиот однос останува пријателски, а љубовта што јаделивме е тука и понатаму. Имаме голема почит еден кон друг и ја молиме јавноста да ја почитува нашата приватност и приватноста на нашите деца во овој стресен период за целото семејство“ - е наведено во заедничкото соопштение, пренесува Италијанскиот портал Анса.

Ерос и Марика почнаа да се забавуваат во 2009 година, а се земаа пет години подоцна, во 2014 година. Имаат две деца, Рафаел Марија (8) и Габри Тулиј (4).

Ерос Рамацоти навали среде улица: Неговата 25 години помлада сопруга мораше да се предаде (фото)

Слободанка Илиева — Fri, 15 Mar 2019 11:15:05 +0000

Италијанскиот музичар Ерос Рамацоти (55) со својата сопруга Марица Пелегрини (30) и синот Габриј Тулиј (3) е фотографиран на улиците низ Милано. Облечен во спортска облека, италијанскиот пејач се шеташе низ градот, но страстите кај него се разбудија, па навали на сопругата во јавност.

Пејачот очигледно ја изненади својата сакана, која првин го оттргнала знаејќи дека ги фотографираат, а потоа се предала во прегратките и бакнежите на сопругот.

Инаку, синот на Рамацоти Габрио, оваа сабота ќе го прослави својот 4-ти роденден.

На 30 септември 2019: Ерос Рамацоти во Скопје

Антонио Димитриевски — Wed, 12 Sep 2018 13:34:00 +0000

Познати се сите детали околу влезниците за ексклузивниот концерт на Ерос Рамацоти во Скопје, закажан за 30 септември 2019 година, во ВИП Арената „Борис Трајковски“. Концертот на Ерос во Скопје носи префикс на ексклузивен затоа што ќе се одржи во сала со капацитет два до три пати помал од останатите сали низ Европа и светот каде што тој настапува, велат од „Авалон“.

Ерос Рамацоти доаѓа во Скопје комплетно со своја продуцкија (звук, светло и видео) и Македонија ќе има шанса да види 100 отсто Ерос-доживување, низ годиниве покажано и докажано како едно од највозбуливите во светската музичка индустрија. Влезниците ќе бидат пуштени во продажба утре, (четврток, 13.09.2018 ) во 9 часот наутро.