ерик фокс – Вистина.мк

Симона Поповска по мајчинството се враќа на сцената – „Feel so good” (ВИДЕО)

Антонио Димитриевски — Fri, 08 Oct 2021 10:23:10 +0000

По пауза од речиси година и половина на музичката сцена, нашата позната пејачка и доктор дерматолог Симона Поповска се враќа со нова песна. Причина за нејзиното апстинирање од музиката беше остварувањето на Симона како мајка и донесувањето на свет на синот Никола, кој е слатко и убаво бебенце кое многу личи на убавата мама Симона. Патем, Симона е несомнено една од најубавите, најсексапилни, но и меѓу најдобрите женски вокали на нашата сцена. До пред некоја година позната и како член на единственото денс дуо кај нас „Саунд Месинџерс“ заедно со Дј Ерик Фокс, кои беа доста актуелни со своите настапи по клубовите низ земјава па и надвор од неа. И овој пат со заедничка соработка Симона и Ерик повторно ни подготвија убаво музичко изненадување. Се работи за нејзиниот нов сингл со наслов “Feel so good”. Музиката е на Ерик Фокс и Рената Кралевска која е и автор на стиховите, во продукција на Ерик Фокс. Песната наскоро ќе се најде и на сите познати музички платформи како Spotify, Аppstore и тн.. Музичкото лирикс видео го изработил нашиот познат уметнички фотограф и режисер на видеоспотови Зоран Зонде Стојановски. Симона ни најавува уште неколку песни кои очекува да излезат многу наскоро и се испеани на македонски и англиски јазик. Ова значи дека Симона ни најавува комплетно враќање на музичката сцена и нејзините настапи по локалите, клубовите и дискотеките ширум Македонија. Дотогаш, во продолжение погледнете го видеото за песната “Feel so good” и уживајте во ритамот на денс звуците. Фото: Јутјуб и Инстаграм принтскрин/simonapopovskaofficial/@vrzalski

Кристина Поптрпева е секс бомба со атомски потенцијал (ВИДЕО)

Антонио Димитриевски — Tue, 26 Feb 2019 07:59:28 +0000

Атрактивна, згодна, сексапилна, привлечна, пожелна... со природни бујни атрибути, ги мами погледите на сите оние кои ќе се најдат во нејзина близина, без оглед дали чекори на модните писти, дефилира на изборите за убавина или пее на нејзините настапи заедно со ДЈ Ерик Фокс.

Кристина Поптрпева - името кое до сега сте го слушале како дел од нашата модна сцена, позната како манекенка, мисица и модел една од најангажираните модели на модното студио Црнокрак, по се' изгледа полека но сигурно влегува во музичките води.

Со природната убавина и атрактивниот изглед, Кристина го зачини и својот талент за музика, па сето тоа спакувано во пакет го понуди како ново име на македонската музичка сцена. Настапите со ДЈ Ерик Фокс, каде таа го зазеде местото на нејзината претходничка, згодната докторка Симона Поповска, само и помагаат да се здобие со самодоверба кога е претставувањето пред публиката во прашање. Но и потребната анимација и забава, зашто само добриот вокал и атрактивниот изглед не се доволни, ако не понудиш возбуда повеќе за масата што дошла да те види, слушне и забавува со твојот перформанс.

Во меѓувреме, Кристина ја сними и својата прва песна, која до душа е кавер верзија од песната на David Guetta, Bebe Rexha & J Balvin – „Say My Name“. Видеото го изработи уметничкиот фотограф и режисер Тоше Јанев - Јанус. Истото е како најава за нејзината дебитантска, авторска соло песна, која треба да ја реализира наскоро.

Сепак, манекенството, изборите за мис и модната писта нне се оставени настрана, па така оваа наша убавица веќе одпатува за Либан каде ќе ја претставува Македонија на изборот „Miss Europe 2019“, кој веќе се одржува од 20-ти февруари до 10-ти март, додека финалето е на 8-ми март.

И додека Кристина се обидува да изгради успешна музичка кариера и да се потврди во уште едно успешно претставување на нашата земја, слушнете го музичко кавер првенче на бујната убавица со раскошни телесни атрибути, со стас и глас кој ветува. Секс бомба со атомски потенцијал!

Ерик Фокс со оваа девојка ја замени Симона Поповска како пејачка во „Саундмесинџерс“

Антонио Димитриевски — Mon, 04 Feb 2019 09:13:11 +0000

Македонскиот ДЈ и радиоводител Ерик Фокс со години својата популарност ја гради преку своите радиоизданија на брановите на најслушаното радио во македонија, Антена 5.

Покрај тоа Ерик или Кире, како сакате, е познат по своите ДЈ сетови по клубовите и дискотеките ширум Македонија, па и надвор од неа, а последниве години и како 1/2 од дуото „Саунд месинџерс“ во кое до скоро за вокалите беше задолжена поп пејачката Симона Поповска.

По извесен број години успешна соработка, откако пејачката се омажи, гевгеличанецот (Ерик) и охриѓанката (Симона) решија да се разделат. „Музичкиот развод“ помина тивко, „на мала врата“ и без меѓусебни обвинувања и скандали. Симона продолжи понатаму да си ја тера својата паралелна соло кариера, а Ерик побара друго дете за да го пополни нејзиното место. И по извесно време ја најде неа...

Таа е повеќе позната како манекенка, мисица и модел, некогашна членка на модното студио „Црнокрак“, каде на 15 годишна возраст ги прави првите чекори и се здобива со првите искуства во светот на модата.

Подоцна зачекорува по модните писти во и надвор од Македонија, неколку пати претставувајќи ја на одредени европски и светски избори за убавина од кои се враќа и со титула како „Мис талент“ во Албанија или „Мис Европа“ во Бејрут...

Речиси 20-годишната Кристина Поп Трпева на својот изглед му го придодаде и својот талент за музика што ќе и ја визира позицијата пејачка во дуото „Саундмесинџерс“, завземајќи го местото на Симона Попоска.

Атрактивна, згодна, сексапилна, привлечна со природни бујни атрибути, Кристина ги мами погледите на сите оние кои ќе се најдат на нејзините настапи заедно со Ерик Фокс.

Они кои пак не биле да ја слушаат, сигурно ја виделе на некоја ревија, реклама, избор... Или барем на некој од нејзините профили на социјалните мрежи, зашто Кристина никого не става рамнодушен. Особено не, кога е во долна облека или костим за капење, кои ги потенциратаат нејзините телесни квалитети.

Затоа и букетот од епитети како: привлечна, атрактивна, сексапилна, пожелна, предизвикувачка... е реален. Она што го прави нејзиниот физички изглед да делува како „секс бомба“, покрај мајката природа се исхраната и теретаната, на кои Кристина особено внимава и без кои не може.

Незјините профили на социјалните мрежи се полни со машки пораки, но нејзиното срце се' уште е празно, кога е љубовта во прашање. Кристина се ' уште нема сериозна врска, но затоа има сериозни намери да направи сериозна естрадна кариера.

А за тоа како пее, ако се' уште не сте ја слушнале на некој од настапите, еве една мала илустрација... Колку за да ве заинтригира, за да и појдете на свирка!

Сама: Симона Попоска се раздели од долгогодишниот партнер или тоа се само „звучни гласини“?

Антонио Димитриевски — Tue, 07 Nov 2017 08:15:12 +0000

Една од најзгодните, најубавите, а Бога ми и наједуцираните македонски поп пејачки, сексапилната Симона Попоска, покрај музиката сиве овие години паралелно успешно ја градеше и својата кариера во лекарската професија. Згодната охриѓанка не го запостави ниту приватниот живот, па покрај музиката и специјализацијата на една од скопските клиники, неодамна стана и официјално од госпоѓица стана - госпоѓа.

Кога е музиката во прашање пак, таа заедно со познатиот ДЈ и радиоводител од Антена 5 радио - Ерик Фокс, го сочинуваа дуото „Ѕound messengers“. Арно ама како стојат работите, последните гласини врзани за „звучните гласници“ велат дека Симона по се изгледа остана без својот долгогодишен партнер! Неее... не, е во прашање оној од нејзиниот приватен живот - с краја да е!

Последните најави за настапите на „распеаната докторка“ покажуваат дека зад ДЈ-скиот пулт наместо ДЈ Ерик Фокс, сега стои друг човек - ДЈ Мицка!

Дали докторката ја надитри „лисицата“ па Кире (Ер-иK) мораше да се повлече, како во песната: „Симона, ти признавам играва е твоја...“ или обратно: Ерик ја прати Симона - дома заради некакво недоразбирање помеѓу нив...?!? Или можеби има нешто трето, па ДЈ Мицка е само моментална замена на ДЈ-ската позиција... ќе видиме наскоро!

А види каква „коинциденција“... Токму последната песна на згодната пејачка случајно или намерно и носи наслов: „Сама“!!! https://www.youtube.com/watch?v=veblQdwP2ss