енрике иглесијас – Вистина.мк

Самиот си кажа дека го има најмалиот полов орган на светот: Тој е сон на многу жени, се откажа од милионите на татко му и живее по свој терк (фото+видео)

Слободанка Илиева — Tue, 13 Feb 2024 08:23:18 +0000

Тој е еден од најголемите заводници на светската сцена. Велат дека има совршено лице, вечно „бејби фејс“, но дека е и многу мажествено и згодно тело како што може да се посака. Тоа го велат неговите многубројни обожаватели, а тој изгледа како млад човек на прагот од 49 години (на 8 мај полни 49 години). Тој е донекаде нетипичен заводник бидејќи е во брак 13 години. Одвреме-навреме шокира со преблиски средби со обожавателите, но се останува на тоа - дел од работата. Енрике Иглесијас синоќа најави нова песна, дует со Миранда Ламберт, која јавноста ќе може да ја слушне на 22 февруари, а која ќе се најде на неговиот нов и, како што рече, последен албум.

Фановите се надеваат дека Енрике Иглесијас, кој минатата година интензивно настапуваше и ја шокираше јавноста, ќе ја промени својата одлука и дека по овогодинешниот албум ќе следат уште многу негови песни. Енике ја започна својата кариера во тајност, криејќи ја од својот познат татко, Хулио Иглесијас, одлуката дека сака да се занимава со музика. Поради оваа причина, тој прво му се претстави на светот како Енрике Мартинез, користејќи го презимето на неговиот менаџер Фернан Мартинез.

Кога дошол вистинскиот момент, тој пеел под своето вистинско име и со текот на времето успеал да излезе од сенката на својот татко. Енрике зад себе има импресивна листа на хитови и титулата секс симбол. И покрај второто, тој во една прилика не се двоумеше да каже дека го има најмалиот пенис на светот. Сигурно можеше да претпостави дека овој детал често ќе се поврзува со неговото име. Енрике е познат по својот повеќе од срдечен пристап кон публиката, како и по тоа што долго време максимално во тајност го чуваше приватниот живот, особено врската со тениската ѕвезда Ана Курникова. Парот има три деца, а веста за раѓањето на децата беше објавена како големо изненадување, бидејќи Ана се обиде да ја сокрие бременоста од јавноста. Тие долго време се придржуваа до правилото да не објавуваат слики од наследникот, а двајцата беа исклучително ретко видени заедно долги години, од 2002 година, колку што трае нивната врска.

Интересно е што исклучително ретките заеднички појавувања следеа и интервјуа во кои тој потенцираше дека секојдневно има интимни односи со сопругата, како и дека најмногу ужива во утринскиот секс. За љубовта со Курникова рече дека имале подеми и падови, но дека долгата љубовна историја доволно говори. Енрике, чија мајка е многу позната во Шпанија, беше и е во голема мера мистерија за јавноста. Толку долго не се знаеше дека со години не се слушнал со својот татко, како и дека меѓу нив има жестоко ривалство, а конкуренција владеела и меѓу нивните уметнички друштва.

"Неговиот однос со татко му никогаш не бил најдобар, поминале години без тие двајца да разговараат, дури ни на телефон. Енрике мисли дека кариерата ја направил без негова помош", рекол извор близок до пејачот за шпанскиот весник "Марка". Како резултат на таквиот однос, Енрике Иглесијас се откажа од наследството што би му припаднало како едно од осумте деца на славниот Хулио. Бидејќи тоа богатство се проценува на 800 милиони евра, познатиот пејач би добил осум, односно 100 милиони евра.

„Ел Национал“ пишува дека Енрике стекнал големо богатство заедно со сопругата, поранешната тенисерка Ана Курникова, главно во странство. А Хуилио Иглесијас заработи милиони не само со музика, туку и со бројни инвестиции во Доминиканската Република. Поседува и вили во Мајами, остров на Бахамите, куќа на Марбела, приватен авион вреден 45 милиони евра, бренд на алкохолни пијалоци, винарска визба, ресторани, автомобили, акции во козметички компании. Покрај синот Енрике со поранешната сопруга Изабел Преизер, Хулио Иглесијас доби уште еден син и ќерка, а со сегашната сопруга има пет деца.

Кога станува збор за помладиот Иглесијас, важно е да се каже дека неговата песна „Can You Hear Me?“ беше официјална песна на Европското фудбалско првенство во 2008 година, а интересно е што една година живеел во Белград. Мајката на пејачот Изабел се преселила со децата од Мадрид во Белград откако терористичката организација ЕТА го киднапирала дедото на Енрике, доктор Хулио Иглесијас Пуга. фото: Instagram printscreen/ enriqueiglesias

Познатиот пејач Енрике Иглесијас не сака да слушне за неговиот татко, се откажа и од наследството кое се проценува на 800 милиони долари (фото)

Слаѓана Атанасова — Tue, 18 Oct 2022 10:53:01 +0000

Благодарение на неговиот славен татко, познатиот латински заводник и пејач Хулио Иглесијас, на чијшто шарм не можеа да му одолеат жените ширум светот, но и убавината што ја наследи од неговата Филипинска мајка Изабел Пријслер, само небото беше граница за Енрике Иглесијас. Сепак, не е тајна дека односот меѓу таткото и синот никогаш не бил одличен, додека Енрике одамна се откажа од семејното наследство кое се проценува на неверојатни 800 милиони долари. Познатиот пејач е еден од осумте наследници на неговиот татко, па би наследил околу 100 милиони, но Енрике никогаш не сакал да слушне за неговите пари. Енрике израснал покрај својот брат и сестра, додека неговата мајка се грижела сама за нив бидејќи неговиот татко поминувал добар дел од своето време на турнеја. Хулио никогаш немал време да се грижи за своите деца кои биле поблиску до нивните дадилки отколку до него. Уште како дете, Енрике покажал интерес за музика, пишувал свои текстови, а на 15 години сакал да го издаде својот прв албум. Сепак, неговиот татко не се согласил со неговата желба да се занимава со музика. И покрај тоа, познатиот пејач го пронајде патот до успехот, а неговиот прв албум стана многу популарен, продаден во дури половина милион примероци за рекордно време. За Енрике отсуството на поддршка од татко му било мотив да ги сруши сите рекорди на слушаност и да стане голема ѕвезда која има големо богатство. Во меѓувреме, нивната врска се влошуваше. "Нивната врска никогаш не била најдобра, не се слушнале со години, ниту по телефон. Енрике чувствува дека кариерата ја создал без помошта на татко му", рекол извор близок на пејачот.

Интересно е и тоа што Хулио живеел многу опуштен живот, ја изневерувал сопругата и менувал љубовници, додека се верува дека спиел со повеќе од 3000 жени. Од друга страна, Енрике води сосема мирен начин на живот, уживајќи во бракот со тенисерката Ана Кутњикова, со која има три деца. Нивниот тотално поинаков поглед на светот предизвика уште поголем раздор меѓу нив, додека Енрике еднаш истакна дека не сака ништо да има со својот татко - затоа што тој не е моделот или човекот што му треба во животот. Фото: Принтскрин/Профимедиа

Енрике Иглесијас е вистински латино заводник, а ништо покус не е ниту неговиот постар брат (фото)

Слободанка Илиева — Thu, 25 Mar 2021 10:32:51 +0000

Постариот брат на Енрике Иглесијас, Хулио Помладиот, кој не е толку познат во светот, сè уште е препознатлив во неговата родна Шпанија како „отров за жените“, бидејќи остава впечаток каде и да се појави. Тој е син на познатата шпански пејач Хулио (77) и филипинската ТВ водителка Изабел Преислер (70), а се занимава и со поп музика. Во 2008 година, тој победи во американското реално шоу за славни „Gone Country“, а досега има издадено четири студиски албуми. До почетокот на пандемијата, тој редовно настапуваше пред преполните сали на концерти исполнети со добра енергија и звуци од гитара, карактеристични за неговата музика.

Покрај музиката, во еден период од животот се занимавал и со моделствои стана заштитно лице на водечките модни брендови. Тој исто така беше актер во неколку сапуници од латиноамериканска продукција. Сега тој е најмногу заинтересиран за спортови на вода, во кои ужива и кои станаа негова голема страст. Хулио јуниор редовно објавува фотографии на социјалните мрежи каде вози на бранови и ужива на плажа, а обожавателите најмногу го фалат неговиот „божествен“ изглед.

- Јас всушност веќе сум стар човек во тело на еден млад - се пошегува тој, а годинава го слави својот 48 роденден. Сценските светла се дел од неговото воспитување, бидејќи како дете го придружувал татко му на турнеи.

Хулио јуниор има префинет вкус кога станува збор за припадничките на понежниот пол. Тој беше во брак осум години со белгискиот модел Харис Верхарт, но тие се разведоа во август.

Преслатка: Вака изгледа 7 – месечната ќерка на Енрике Иглесијас и Ана Курникова

Христина Ѓоргиевска — Fri, 18 Sep 2020 10:24:07 +0000

Познатиот пар на почетокот на оваа година се остварија во улогата на родители, а нивните деца растат далеку од папараците и очите на јавноста. Тие речиси никогаш не објавуваат фотографии од наследничките, но овојпат не можеа да одолеат и направија исклучок. Имено, Ана на својот „Инстаграм“ објави фотографија од малата Мери која е облечена во бело фусанче кое потсетува на вимблодонскиот стил. „Вимблдоне, пристигнувам“, напиша таа во описот.

Инаку, последен пат малата Мери јавноста можеше да ја види во април кога Курникова објави фотографија на која ја држи ќерката. Освен Мери, парот ги има и близначките Лиса и Николаса, а Курникова и во двата случаја криеше дека е бремена.

Енрике Иглесијас ја објави првата фотографија од новородената ќерка (фото)

Христина Ѓоргиевска — Fri, 14 Feb 2020 10:27:50 +0000

Пред неколку дена Енрике Иглесијас и Ана Курникова за првпат станаа родители, а тенисерката се породи во тајност. Овој познати пар доби ќерка, а името се уште не е познато. Енрике на својот „Инстаграм“ профил ги објави првите фотографии од бебето. Популарниот пејач во рацете ја држи ќерката, а со овој негов потег предизвика многубројни реакции. „Моето сонце, 20 јануари, 2020“ напише Енрике под фотографијата. За потсетување, Ана и Енрике се запознаа во 2011 година на снимањето на неговиот спот за песната „Еscape“, но дури по една година папараците успеа да ги фотографираат заедно. Тие тајно се венчаа во 2010 година.

Eнрике Иглесијас и Ана Курникова го добија третото дете

Христина Ѓоргиевска — Tue, 11 Feb 2020 11:39:25 +0000

Некогашната тенисерка Ана Курникова и пејачот Енрике Иглесијас повторно се реализираа во улогата на родители и тоа по третпат. Ова информација ја потврди братот на Енрике кој гостуваше во една емисија на радио станицата ADN. „Веќе станав чичко“ изјави Хулио, а на прашањето дали бебето е родено, Хулио кратко одговори „да“. Меѓутоа, братот на пејачот не сакаше да го открие полот на детето. „Тоа е тајна“ кратко изјави Хулио и додаде: „Мојот брат сега има три деца. Многу е среќен“. За потсетување, Ана Курникова пред две години ја роди ќерката Луси и синот Николас.

Енрике Иглесијас и Ана Курникова повторно ќе станат родители

Христина Ѓоргиевска — Thu, 30 Jan 2020 09:24:36 +0000

Пејачот Енрике Иглесијас го чека своето трето дете со долгогодишната партнерка Ана Курникова. Во шпанскиот магазин „Хола“ објавени се фотографии од парот на јахта во Мајами каде се гледа трудничкиот стомак на Ана. Тие не ги потврдија овие пишувања. Меѓутоа, за нив не е ново да кријат дека ќе станат родители. Имено, во 2017, Енрике и Ана станаа родители на близнаци, а оваа вест ја обелоденија дури кога се родија близнаците. Тогаш се шпекулираше дека близнаците ги родила сурогат мајка, но Ана ги демантираше овие пишувања покажувајќи го трудничкото стомаче. Иглесијас ретко зборува за својот љубовен живот со Ана. Тие својата врска ја започнаа во 2011 година кога се запознале на снимањето на видео записот за неговата песна „Еscape“.