енергија – Вистина.мк

Овие знаци јасно покажуваат дека сте вистински благослов за луѓето околу вас

Слободанка Илиева — Tue, 06 Feb 2024 13:35:24 +0000

За некои луѓе, да се има чиста душа значи да се биде љубезен, грижлив и сочувствителен. За други, пак, чистата душа е поврзана со духовноста или дури и со религијата. Нашата душа е она што нè прави луѓе. Тоа е нашето вистинско ЈАС под сите маски зад кои се криеме. Многу луѓе сметаат дека душата е вечен дел од нас што живее после смртта. Но, со што се одликува чистата душа? Смиреност и скромност Овие две особини нè спречуваат да се изгубиме во големината на нашето его. Тие ни помагаат да негуваме посилни и поздрави односи со другите и нè учат дека е сосема во ред да бидеме ранливи. И покрај сите големи достигнувања што ги постигнуваат, често ќе откриете дека најчистите души во животот се многу скромни. Позитивна енергија Чисти души поттикнуваат позитивни мисли, а не негативни. Ова не значи дека тие се имуни на животните борби – далеку од тоа. Тие само сакаат да бидат сила на доброто во светот и знаат дека светлината може да ја победи темнината. Тоа значи фокусирање на љубовта, а не на омразата. Тие се обидуваат да разберат, а не да обвинуваат. Дарежливост Чистите души се дарежливи. Тие се среќни да го споделат она што го имаат со другите, без разлика дали тоа е нивното време, енергија, добрина или храна. Истражувањата покажале дека се чувствуваме посреќни и поздрави кога даваме и дека тоа ги подобрува нашите социјални врски. Благодарност Луѓето со чиста душа може да изгледаат најсреќни и најзадоволни, а тоа се должи на фактот дека тие се благодарни. Благодарноста е клучна состојка на среќата која им помага да ја видат убавината во сè околу нив. Наместо да се фокусираат на она што го немаат – што може да доведе до длабока фрустрација и незадоволство – благодарноста им помага да бидат задоволни од она што го имаат. извор:курир.мк

Избегнувајте ги овие три типови на “пријатели“, еве зошто не ви се потребни во животот

Слободанка Илиева — Mon, 04 Dec 2023 12:32:47 +0000

Животот е премногу краток за да го поминете со луѓе кои не го заслужуваат вашето време и енергија. Постојат одредени „типови“ на луѓе кои едноставно не треба да бидат добредојдени во вашето опкружување доколку сакате да живеете среќен живот. Ако сакате да извлечете максимум од овој живот, опкружете се со луѓе кои развиваат позитивни вредности во вас. Обрнете внимание на овие типови на луѓе, бидејќи можете да се спасите од многу лоши искуства. 3 типа на луѓе кои треба да ги избегнувате во животот: 1. Манипулатор Поради некоја причина, нешто кај нив силно мириса на лажно, но тие се толку убедливи што честопати го измамуваат вашето инстинктивно расудување. Нивната цел е да влезат во вашиот живот, да ја заслужат вашата доверба, а потоа да ве искористат за што сакаат, што и да е тоа. Тоа може да се вашите пари, секс, вашата популарност или едноставно сакаат да „вртат некого околу малиот прст“. Клучот е да и верувате на вашата интуиција. Ако имате чувство дека таму „нешто смрди“, обично има добра причина за тоа. 2. Силеџија Зборот зборува сам за себе. Оваа личност добива чудна форма на исполнување гледајќи како другите луѓе страдаат. Омаловажувајќи ги другите, таа развива чувство на самопочит и потврдување на сопствената супериорност. Луѓето се насилници затоа што поради некоја причина страдаат длабоко во себе. Ако можат да направат некој друг да се чувствува лошо, тој ќе се чувствува помалку лошо за себе. Клучот за справување со вакви луѓе е да не сфаќате ништо што тие велат или прават сериозно. Тие водат битка со себе, не со вас. 3. Его-манијак Ова е личност која се дружи само со вас затоа што придонесува за сопствената слика за себе. Тие сакаат да се сметаат за личност со одреден статус во очите на другите и ако мислат дека дружењето со вас ќе им помогне да го подобрат својот социјален идентитет, никогаш нема да ја напуштат вашата страна. Се додека не решат дека дружењето со вас повеќе не му служи на нивното его. Тие навистина не се заинтересирани за пријателство. Тие се заинтересирани да го зголемат својот личен идентитет преку вас. Сакајте се доволно за да не дозволите таквите луѓе да бидат дел од вашиот живот. Нека вашата интуиција биде вашиот компас кој ќе ви помогне да донесувате одлуки во животот. Ако вашиот внатрешен механизам за расудување ви покажува црвено, не ги игнорирајте тие чувства. Животот е премногу краток за да го поминете со луѓе кои не го заслужуваат вашето време и енергија. извор:курир.мк фото:freepik

Појадок за слабеење: Каша која телото го полни со енергија, го зголемува нивото на железо во крвта, а ги „топи“ килограмите (видео)

Слаѓана Атанасова — Mon, 18 Sep 2023 13:15:04 +0000

Овесните каши со децении се сметаат за најздрав појадок на сите времиња. Овојпат пронајдовме рецепт којшто ќе ви ја поправи крвната слика, а покрај тоа ќе ги „стопите“ и килограмите. Најдобро од сѐ е тоа што овој појадок може да го подготвите и на работа. Состојки: – овесни снегулки без додатоци (само овес); – 1 лажица какао; – 1 лажица лешници; – 2 лажици суво-грозје; – 1 лажица јаболко (или овошје по избор: банана, боровница, брусница); – 1 лажица ленено семе (мелено); – 1 лажица чиа семки; – вода; – 1 лажица мед. Подготовка: Во чинија измешајте ги сите суви состојки, количината на овесни снегулки е по желба. Потоа додадете жешка вода и мед, а потоа и јаболкото или овошјето по избор, па помешајте. По 5 минути кашата е подготвена за јадење. Ваквиот појадок ќе ве држи сити до ручек. На здравје! Извор: Курир.мк

Сонот не е единствен фактор кој ни дава енергија, еве на кои работи треба да внимавате

Слободанка Илиева — Fri, 02 Dec 2022 13:00:56 +0000

Еве зошто постојано се чувствуваме уморни и исцрпени иако доволно спиеме. Константниот замор е нешто што може да многу да го исцрпува нашиот организам и се случува дури и кога сме наспиени. Сонот не е единствен фактор кој ни дава енергија за секојдневните активности. Навидум неважни работи како хормоните, исхраната и кондицијата играат голема улога во создавањето на замор на нашето тело. Еве како тие можат да влијаат врз нашиот организам: Кафето е одличен извор на антиоксиданси, но кога премногу се конзумира, телото се навикнува на него. Смалувањето на количината на кафе која се внесува може да резултира со смалување на заморот наутро. Иако хормоналниот дисбаланс е вообичаена работа, тешко се открива и лечи. Надбубрежните жлезди лачат хормони и ако сме под стрес тие функции ја губат рамнотежата. Тешко ли е да пиете по малку вода во текот на денот? Уморот е директна последица од дехидрацијата на организмот. Повеќе физички активности = повеќе енергија. Ако работата не ви е многу далеку, пробајте да не употребувате автомобил и малку да пешачите. Сигурно ќе ги почувствувате резултатите. Не мора ни да споменуваме колку е важно конзумирањето на овошје и зеленчук. извор:курир.мк

Ја „пијат“ целата енергија и се полни со негативност: Четири типа на врски што мора да ги избегнувате по секоја цена

Слободанка Илиева — Mon, 21 Nov 2022 13:25:54 +0000

Поради силните емоции, понекогаш ни треба долго време да ги препознаеме токсичните односи во врската Кога емоциите ви го заматуваат мозокот, понекогаш е тешко да ги препознаете проблемите во врската. Сепак, експертите разликуваат четири типа на енергетски негативни врски што треба да ги избегнувате во вашиот живот: Односот спасител-жртва Овде можете да бидете во едната или другата улога. Доколку сте во улога на спасител, другата половина постојано влегува во неволја поради нивните лоши навики или карактер, а вие постојано се обидувате да ги извлечете. Така ја трошите својата енергија повторно и повторно, а ситуацијата не се менува. Од друга страна, ако сте во улога на жртва, тогаш постојано се соочувате со тешкотии на патот и постојано очекувате другата страна да ги реши, без да преземете одговорност за вашиот живот. Во таков однос се создава зависна врска каде едната страна ја користи другата. Во партнерските односи важно е да помагате и да се поддржувате, но доколку постојано сте нечиј спасител, или постојано сте во улога на жртва на која и треба помош, тогаш врската лесно може да стане токсична. Односот „родител-дете“ Овој тип на врска е исто така крајно негативен, бидејќи и двајцата во овој случај не можат да се отворат сто проценти. Оној што е „родител“ постојано се грижи за сродната душа и не добива ништо од неа. Оној што е „дете“ во врската не се развива и постојано е во сенка на саканата личност. Понекогаш добива многу различни бенефиции во вид на пари и грижа, но не се развива. Самосвесна и личност која се стреми кон личен развој, сака сама да напредува во животот и да не зависи од никого, никогаш нема да прифати таква улога. Ако вие или вашиот партнер сте целосно зависни еден од друг, ова е лоша вест, бидејќи вашата врска е изградена енергетски погрешно. Има и спротивен случај, кога човекот е силен и мудар, но е принуден да ја игра улогата на родител, бидејќи другата половина е крајно неодговорна и секогаш бара изговори за сите свои грешки. Ако некој однапред ја одбере улогата на жртва и беспомошно момче или девојче, тоа не е љубов, туку корист. Врски со провокации и прекумерна емотивност Има луѓе кои секогаш се стремат кон драма во животот, импулсивни се, имаат тенденција да бараат причини за кавги. Ако и двајцата се такви, тогаш таквата врска ќе заврши многу брзо. Доколку едната личност провоцира, а другата подлегне на провокациите, тогаш таквата врска може да трае подолго, но лошо се одразува на психичкото здравје и енергијата на личноста која ги трпи партнерските провокации. Ова е типичен случај на енергетски вампиризам. Едниот човек има негативна енергија што ја шири преку расправии и конфликти, а другиот ја апсорбира таа енергија. Ако сметате дека на вашата сродна душа и треба драма, а вам ви треба мир, отворено комуницирајте за тоа. Меѓутоа, ако ништо не се промени и покрај вашите напори, време е да заминете и да пронајдете личност со која ќе имате хармоничен и складен љубовен однос каков што заслужувате. Конкурентни односи Во ваквиот однос, партнерите постојано се караат меѓу себе, односно и двајцата или едната личност сака да заземе лидерска позиција во љубовта. Кога партнерите постојано се борат за тронот, тоа може да биде крајно исцрпувачки. Љубовта не треба да биде натпревар, туку хармоничен однос во кој и двајцата се надополнуваат и меѓусебно се развиваат, охрабрувајќи се во своите цели. Ако само еден партнер постојано сака да биде лидер, постои ризик повеќепати да ве саботира да се остварите себе си, а неговите постапки може лошо да влијаат на вашата самодоверба. Токсичните врски засновани на лоша енергетска врска се исцрпувачки, лошо влијаат на енергијата, менталното здравје и квалитетот на животот воопшто. Ако забележите дека вие и вашиот партнер неправилно сте енергетски поврзани, обидете се заедно да направите важни промени во вашата врска. Ако долго време нема резултати, се чувствувате истрошени и не гледате дека нешто се подобрува, време е да ја прекинете токсичната врска. извор:попара.мк

Кучињата имаат моќ да препознаат лоши луѓе, еве како можат да ви помогнат

Слободанка Илиева — Mon, 21 Nov 2022 13:15:32 +0000

Кучињата се исклучително интуитивни животни кои лесно ги препознаваат разликите во расположението на своите сопственици, но истражувањата потврдиле дека тие можат да препознаат и лоша личност. Едно истражување покажало дека кучињата можат да проценат колку можат некому да му веруваат. Кучињата можат да ги прочитаат нашите гестови и изразите на лицето. Ако го доведувате во заблуда, нема да ви верува и да ве послуша. Доколку вашето куче не ги сака вашите пријатели, можеби тие не се искрени? Кучињата имаат способност да препознаат кога некој лошо се однесува кон нивните сопственици и можат да се прилагодуваат на таквите ситуации. Знаеме дека луѓето се склони да ја занемаруваат својата интуиција и да им даваат шанса на некои поединци кои подоцна ги повредуваат. Ако тоа ви е вообичаена грешка во животот, набавете си куче. извор:курир.мк

Ослободуваат од негативна енергија, го чистат воздухот и се многу ароматични: 3 билки кои секој дом треба да ги има

Слободанка Илиева — Thu, 18 Aug 2022 11:33:51 +0000

Билките го оплеменуваат секој простор, го разубавуваат, а со тоа и го прочистуваат воздухот. Поединечни растенија се опасни за домашните миленици, но овие кои денеска ги издвоивме за вас се потполно безопасни. Тие не само што се совршена декорација за домот и градината, туку и ја отстрануваат негативната енергија и поволно влијаат на расположението. Овие 3 билки совршено ќе се вклопат во секој дом, а вие потрудете се да чувате барем една од нив: Босилек Босилекот е совршен додаток на секое јадење, а покрај тоа мириса прекрасно и убаво го декорира просторот. Пролетта е вистинско време за садење на оваа билка, а многумина веруваат дека таа ги брка злите духови. Древните верувања велат дека доколку запалите гранче босилек во домот, тој ќе ја избрка негативната енергија. Рузмарин Оваа билка не би било лошо да ја имате во домот доколку сте започнале нова работа или сте запознале нова љубов. Старите верувања велат дека рузмаринот го олеснува почетокот, привлекува љубов, а покрај се влијае и на доброто расположение. Се препорачува рузмаринот да се одгледува како собна билка која има убаво стебло и прекрасен мирис. Лаванда Едно од најубавите растенија е лавандата. Таа плени со својот магичен мирис, а покрај тоа го поттикнува и расположението. Благотворно делува против несоница, а многумина ја користат и во борбата против анксиозност и депресија. Можете да ја чувате како собна билка во текот на зимата, а во текот на летото да ја извадите надвор. Брзо се шири, па можете да ја засадите и во дворот. извор:курир.мк

Го обиколи светот за пет месеци! Неда Украден откри: „Енергија или имаш или немаш!“

Слаѓана Атанасова — Fri, 05 Aug 2022 09:01:21 +0000

Неда Украден во текот на оваа година беше поактивна од многу помладите колешки, па накратко изјави каде патувала и што правела, нагласувајќи дека и во осмата деценија има многу сила. Наскоро ќе го прослави својот 72 роденден, па се повика на годините и енергијата што ја има. - Ако ви кажам дека за пет месеци од оваа година еднаш ја обиколив земјината топка, посетив 24 земји, одржав десетици концерти низ Балканот, Америка и Канада, напишав книга, ќе сфатите дека оваа теорија за жените во одредени години не е точна. Или имаш енергија или немаш – заклучува пејачката, а потоа се наврати на тоа и кога најдобро живеела. - Најдобриот квалитет на живот го почувствував после шеесет. Таа е една од најобразованите пејачки и секогаш истакнува дека образованието е важен дел од нејзиното воспитување и живот. Се подготвував за сосема поинаков живот, добар дел од младоста поминав на универзитети. Сметав дека моја должност, како единица е да бидам образована и вредна затоа што моите родители можеа да си го дозволат тоа. Како што би рекол татко ми: "Музиката е нешто за попладне, но што навистина ќе работиш?" – изјави Неда за медиумите.

Овие знаци покажуваат дека сте под голем стрес

Слаѓана Атанасова — Tue, 29 Mar 2022 12:30:21 +0000

Емоционалниот стрес е навистина сериозен доколку трае долго и тој може да се манифестира физички на различни начини. Ова се четири многу јасни физички знаци дека сте под огромен стрес. Недостаток на енергија Стресот не само што влијае на нашиот ум, туку и на нашето тело. Тој придонесува за лачење на хормонот на стресот, кортизол кој ни ја одзема енергијата и не прави постојано уморни. Освен тоа, тоа носи и забрзано дишење и брзо чукање на срцето. Резултатот е голем замор и летаргичност. Доколку не се преземе нешто, тоа може да влијае и на сонот, предизвикувајќи несоница или лоши соништа. Лоша исхрана Самото лачење коритизол го зголемува апетитот и придонесува за лошо и неконтролирано јадење. Пад на имунитетот Долгорочниот стрес придонесува за ослободување на кортизол во крвотокот што влијае негативно на многу функции во нашето тело, вклучувајќи го и имунолошкиот систем. Главоболка Доколку често ве боли главата, а немате проблеми со мигрена, тогаш тоа е предизвикано од долгорочниот стрес.

Пресликана убавина, дух и енергија: Ова е сестрата на Ксенија Пајчин која долго се криеше од јавноста (ФОТО)

Слободанка Илиева — Sat, 19 Mar 2022 08:32:56 +0000

Поминаа 12 години од смртта на познатата српска пејачка Ксенија Пајчин, а нејзината сестра по татко никогаш не ја заборави. Миа Пајчин е исто така атрактивна млада дама која не сака многу да се истакнува во медиумите. „Ксенија беше доста енергична личност која можеше да направи се. Имаше цврст став, беше во свој фазон. Така бунтовна, своја и единствена, пленеше со својата добрина и убавина“ – вели Миа за постарата сестра која во март 2010 година беше убиена од момчето, манекенот Филип Каписода, кој потоа си пресуди и себеси, самоубивајќи се со истиот пиштол.

Миа, секогаш се сеќава на нејзината постара сестра, споделувајќи заеднички фотографии на социјалните мрежи. „Многумина ми велат дека личам на неа. Често ги слушам и гледам нејзините песни и спотови“ - вели Миа.

Црна коса, полни усни, атрактивна појава, напиша еден од следбениците, а не е ни чудно што на социјалните мрежи има голем број следбеници, а сака да стане и успешна актерка. Освен тоа, сите што имале можност да се дружат со неа, сведочат дека и нивните енергии се многу слични, па се чини некако, не само убавината на Ксенија, туку и нејзиниот дух како да се „пресликани“ во Миа! фото: Инстаграм принтскрин/pajcin_mia/србија данас