емотивна порака – Вистина.мк

Ана Николиќ сподели емотивна порака по конфликтот со Раста (фото)

Слаѓана Атанасова — Mon, 04 Mar 2024 12:37:13 +0000

Врската помеѓу Ана Николиќ и Стефан Ѓуриќ Раста не престанува да ја интригира јавноста. Откако објави приватна преписка со раперот, Ана не престана дасподелува на социјалните мрежи, додека Ѓуриќ не се огласи за нивната кавга, туку на неговите платформи ги сподели моментите поминати со нивната заедничка ќерка Тара. Ана не крие дека и недостига ќерката и дека и е тешко да го поминува времето без дете, а сега на својот профил сподели фотографија посветена на сите мајки. Секој може да биде во куќата, но кога мајката не е таму имате чувство дека куќата е празна“, гласеше цитатот во кој се пронајде пејачката. Да потсетиме, Николиќ неодамна преку Инстаграм им се обрати на своите фанови каде сподели дел од преписката со поранешниот сопруг, како и тоа дека воспитувачките ја исфрлиле од групата на Вибер. Фото: printskrin/instagram/

„Требаше да биде авантура за една ноќ“: Моника од „Пријатели“ конечно проговори за смртта на Метју Пери (видео)

Слаѓана Атанасова — Wed, 15 Nov 2023 11:50:27 +0000

Познатата Моника од „Пријатели“, актерката Кортни Кокс, проговори за трагичната вест за смртта на нејзиниот пријател и емотивен партнер од серијата, Метју Пери. Таа на Инстаграм објави клип од шоуто со Чендлер, а откри и една тајна. - Многу сум благодарна за секој момент што го поминав со тебе, Мети, ми недостигаш секој ден. Кога тесно соработуваш со некого, како што бев јас со Метју, има илјадници моменти што би сакала да ги споделам. Досега ова ми е еден од омилените. Да се даде малку позадина... Моника и Чендлер требаше да имаат аватура за една ноќ во Лондон. Сепак, поради реакцијата на публиката, тоа стана почеток на нивната љубовна приказна. Во оваа сцена, пред да почнеме да глумиме, ми шепна една смешна реплика. Често правеше такви работи... Беше смешен и љубезен - напиша Моника.

View this post on Instagram

A post shared by Courteney Cox (@courteneycoxofficial)

Да потсетиме, малку пред Кортни се огласи и Мет Лебланк, односно Џои од „Пријатели“. - Метју, со тешко срце се збогувам со тебе. Времето што го поминавме заедно е меѓу омилените моменти во мојот живот. Ми беше чест да ја споделам сцената со тебе и да те наречам пријател. Секогаш ќе се насмевнам кога ќе помислам на тебе и никогаш нема да те заборавам. Никогаш. Рашири ги крилјата и летај, брат, конечно си слободен. Ти испраќам многу љубов и претпоставувам дека ги задржуваш 20-те долари што ми ги должиш, напиша Мет Лебланк во емотивната објава.

View this post on Instagram

A post shared by Matt LeBlanc (@mleblanc)

Фото: Принтскрин/Инстаграм/Getty images

„Запеј им на тие околу тебе“: Панчо-ДНК со емотивни зборови за неговата мајка на денот на нејзиниот роденден (фото)

Слаѓана Атанасова — Fri, 03 Nov 2023 08:17:42 +0000

Панчо-ДНК пред девет години се соочи со загубата на најважната личност во неговиот живот, неговата мајка, Каќуша Свилиќ. Тој секоја година на денот на нејзиниот роденден споделува колку му недостига, а таков случај беше и сега, бидејќи таа празнината останува неисполнета. Неговото срце е скршено, а таа рана останува вечно да боли. „Откако не си тука, секој твој роденден е рана која не зараснува. Ќе останеш мој наголем пораз. Среќен роденден таму горе некаде и запеј им на тие околу тебе“ - напиша во емотивната порака која ја сподели со јавноста преку социјалната мрежа Инстаграм. Тој на својата мајка и посвети и една од своите песни која ја пее со полно емоции: „Секој од нас изгубил некој свој ближен и сакан. За жал, некој порано, некој подоцна, но болката во срцето и душата е секогаш неподносливо иста“. „Овој рефрен е посветен на сите оние кои го почувствувале чемерниот јад и болка од прераната разделбата со своите сакани. Запаметете дека саканите личности иако не се тука меѓу нас, тие секогаш живеат во нашите срца сè дури ние ги споменуваме. Овој рефрен е посветен на Каќуша Свилиќ, мојата мајка и вечна хероина од моето детство и младост“ – изјави тогаш Панчо. Фото: Принтскрин/Инстаграм/Јутјуб

Свекорот на Гиговска се пофали со внукот: „Добив внук, станав дедо“ (фото)

Слаѓана Атанасова — Sat, 15 Jul 2023 06:49:01 +0000

Пејачката Антониа Гиговска повторно е во фокусот на медиумите откако се породи и на свет донесе машко бебе. Таа беше на насловниците на порталите и во коментарите на социјалните мрежи, откако обелодени дека е бремена и очекува дете со клавијатуристот од нејзиниот бенд, Роберт Спасенцоски. Прв на социјалните мрежи за убавата вест се пофали нејзиниот сопруг, таткото на новороденчето, музичарот Роберт Спасенцовски кој на неговиот Фејзбук профил напиша дека е благодарен што ќе стане татко: - Станав татко, фала ти господе за оваа среќа - стоеше во неговата објава. По тој повод Антониа беше опсипана со бројни честитки, како од обожавателите, така и од најблиските членови на нејзиното семејство. А, еден од оние кои испратија емотивни зборови беше и свекорот на Антониа, фолкерот Боби Спасенцовски кој на социјалната мрежа Фејзбук напиша текст посветен на внукот: „Велат стеблото од лозата многу го сакаш, бидејќи ти си го посадил и е само твое ама кога ќе роди стеблото и ќе добиеш плод уште повеќе си среќен... така и јас денес сум многу среќен. Денес добив внук станав дедо“ - напиша тој во објавата. Инаку, Боби Спасенцовски за пошироката јавност е познат и како естраден уметник, поточно пејач од македонската фолк естрада, а исто така и директор на државното училиште за рехабилитација на деца и младинци со оштетен вид „Димитар Влахов“ од Скопје. Вистина.мк пишуваше за соработката на Антониа и сега веќе нејзиниот свекор Боби Спасенцоски. Боби тогаш со веста дека ќе стане свекор јавно се пофали, а исто така напиша дека Антониа веќе ја смета за ќерка, а радоста која сега му ја донесе го направи и среќен дедо. Фото:Принтскрин/Инстаграм/Антониа Гиговска/Фејзбук/Боби Спасенцовски

Се породи снаата на Теодора Џехверовиќ – нејзиниот брат Сава објави емотивна порака (видео)

Слаѓана Атанасова — Wed, 05 Jul 2023 06:24:28 +0000

Снаата на пејачката Теодора Џехверовиќ, блогерката Адријана Кадар, се породи и на свет донесе девојче на кое таа и Сава Џехверовиќ му го дадоа името Доротеа.

View this post on Instagram

A post shared by Sava & Adriana (@nobasiccouple)

Сава откри дека ќе присуствува на породувањето, а сега се појавија и првите фотографии од парот со новороденчето. - Секој маж треба да присуствува на породувањето! Дури тогаш ќе знае навистина да ја цени својата сопруга, напиша Сава. Фото: Принтскрин/Инстаграм

Ги израдува фановите: Анастасија Ражнатовиќ за прв пат проговори по загубата на бебето (фото)

Слаѓана Атанасова — Tue, 27 Jun 2023 11:15:24 +0000

Анастасија Ражнатовиќ и нејзиниот дечко фудбалер Немања Гудељ изминатиов месец минуваа низ тешка фаза. Анастасија неодамна го загуби бебето во петтиот месец од бременоста, што беше голема трагедија за целото семејство. Тажната вест на јавноста ѝ ја соопшти нејзиниот партнер Немања Гудељ, кој ги замоли медиумите за мир и почит. Анастасија се повлече од социјалните мрежи и ги деактивира сите профили. А сега, по 27 дена, повторно се врати на Инстаграм. Првата објава му ја посвети на својот партнер и му честита на професионалниот успех. „Честито, љубов моја! Денес се случи еден од многуте убави мигови на нашиот заеднички живот. И за уште многуте што следуваат. Ако го заслужува некој ова, тоа сме ние. Те сакам, бубо“, напиша Анастасија.

View this post on Instagram

A post shared by 🔱 A N A S T A S I J A 🔱 (@raznatovicanastasija)

Инаку, повод за славење беше тоа што Гудељ го продолжи договорот во Севиља на три години. Фото:Принтскрин/Инстаграм/Србија денес

Додека злите јазици не можат да се сопрат, бремената Антониа Гиговска им возврати како што најдобро знае и умее (фото)

Слаѓана Атанасова — Mon, 19 Jun 2023 09:06:47 +0000

Младата македонска пејачка, Антониа Гиговска стана мета на негативни коментари но, нејзе критиките воопшто не ја допираат и не им придава значење туку напротив добива повеќе храброст да го покаже она на кое другите можат само да и завидуваат. Пејачката објави дека се ближи терминот кога ќе стане мајка и во рацете ќе го држи најмилото. Со гордо исправена глава и става Антониа покрај новите фотографии што ги објави напиша и емотивна порака: „36 недели од бременоста. Малечко мое. Се ближи крајот. Поминавме многу заедно, а тек што не чека. Бројам ситно да те гушнам. Знаеш дека сме посилни од сѐ! Знам дека ќе бидеш мојот борец, мојот силен, мојот крал. Моја копија! Те чекаме! Те сакаме“ - заврши идната мајка откако ја обземаа наплив на емоции. Злите јазици и овој пат беа пуштени на најјако па, во кометарите можеше да се прочита сѐ: "Ко само таа да била трудна", „и јас бев трудна па што", "која е оваа" ? .... и така натака . Таа е јавна личност и по примерот на славните наговести дека ќе се фотографира пред да се породи. Најправо со бела прекривка, а потоа во црна комбинација пејачката го истакна стомакот во последниот триместар од бременоста, а во следната фотосесија веројатно ќе ја видиме и со наследникот в раце. Задоволна од резултатот, Антониа ги објави најдобрите фотографии на нејзиниот „Инстаграм“, на кој често споделува објави поврзани со приновата која веќе во секој момент може да пристигне. Нека е со лесно! Фото: Принтскрин/Инстаграм/Антониа Гиговска

Драгана Мирковиќ има одлична причина за славење – пејачката му се обрати со емотивна порака на синот (фото)

Слаѓана Атанасова — Fri, 24 Feb 2023 13:30:16 +0000

Пејачката Драгана Мирковиќ освен бројните успеси има уште една причина за славење. Синот на Драгана Марко Бијелиќ слави роденден, а пејачката му се обрати со емотивна порака преку социјалните мрежи. - Среќен роденден животе мој - напиша Мирковиќ со слика од тортата. Марко е често активен на социјалните мрежи каде објавува фотографии и видеа од скапи автомобили. Бијелиќ претходно се пофалил со својот возен парк, џип „мерцедес“, „ферари“ чија цена е над 200.000 евра и возило „КТН“ за кое требало да одвојат околу 100.000 евра. Да потсетиме, пејачката неодамна истакна дека Марко оди со неа на нејзините настапи и дека тоа многу и значи. - Тоа е точно. Марко оди, но се труди да не се гледа, сака да остане инкогнито. Инстаграм е чудо, не можеш да бидеш непознат. На Марко сето тоа му се допаѓа, но не е луд по социјалните мрежи. На него дури не влијаат ни работи кои не се вистинити. истакнала еднаш пејачката. Фото: Принтскрин/Инстгарам/Драгана Мирковиќ/Никола Андиќ

Николина Пишек во жешко издание од Мајами: Водителката во танга костим за капење сподели емотивна порака (фото)

Слаѓана Атанасова — Tue, 10 Jan 2023 12:09:07 +0000

Водителката Николина Пишек отпатува на Малдиви, од каде сега објави и фотографија на нејзиниот Инстаграм профил. Минатата година Николина ненадејно го загуби сопругот Видој Ристовиќ, па ги сумираше впечатоците од 2022 година, која и беше многу тешка. По смртта на нејзиниот сопруг, таа се судри со неговиот татко Миша Гроф за наследството, а тој постојано упатуваше бројни обвинувања против неа. Сепак, Пишек реши да остави се што е грдо зад себе и да продолжи понатаму, па сега објави фотографија во костим за капење и истакна дека годината што е зад нас била година на болка и разочарување за неа. „На сите ни треба понекогаш пауза. Од работа, излегување, обврски, грижи... од изложување. Требаше да резимирам, да се опкружам со моите, да се гушнеме и да плачеме ако е потребно, да се смееме и да го прославиме она што го имаме. Да се тргнам од сè, и да продолжам понатаму. Ова беше година на учење, големи падови, пресвртници, болка, разочарување. Година во која сфатив дека животот е подарок, а не привилегија, дека вистинските пријателства се реткст, осетив толку предавството и неправдата колку што можам да поднесам“, започна таа и додаде: „Година, кога се молев моите деца да страдаат што помалку, кога се смеев додека душата ми крвари и кога ме лекуваше секоја насмевка што ќе ја добијам за возврат. Годината кога мојата најмлада ќерка порасна преку ноќ. Свесна сум дека веројатно никогаш нема да сфати колку ме повредува нејзината грижа за мене, бидејќи токму во тоа се рефлектира нејзиниот страв“.

View this post on Instagram

A post shared by Nikolina Pisek (@nikolina_pisek)

Николина посака во новата година да плаче но, само од убавина и од среќа. - Не сакавме да свртиме нов лист, животот така не услови. И секое ново поглавје се отвора со причина... сакам да верувам дека сите луѓе кои свесно го напуштија мојот живот направија поквалитетен простор за другите... Оваа година сакам да плачам од убавина и среќа. И знам дека ќе го направам тоа. Веќе го правам тоа. Затоа што имам круг на најважните луѓе за мене“, изјави водителката. Фото: Принтскрин/Инстаграм/Николина Пишек

Катарина Грујиќ никогаш по емотивна: Напиша моќна порака која многумина ќе ги допре (фото)

Слаѓана Атанасова — Thu, 15 Dec 2022 10:48:40 +0000

Денеска е голем ден во домот Грујиќ-Гобељиќ, бидејќи наследничката на Марко и Катарина денеска полни една година. Пејачката Катарина Грујиќ е особено емотивна поради роденденот, па објави на Инстаграм едно видео во кое ги сумираше сите 365 дена со малата Катја и напиша: - Моја најубава принцезо, секое твое движење, секоја прегратка и бакнеж ми ја дава сета сила за да можам да летам! Знам дека Бог навистина ме сака штом ми даде ќерка како тебе. Денес е голем ден затоа што ти е роденден! Ќе ти посакам само среќа и најголема љубов, ангелите да те чуваат и Господ да те чува, а мама ќе ти подаде рака да те води низ светот, секогаш ќе биде таму за да не се плашиш од ништо! Секогаш остани магична како што си, со најубава насмевка, сонувај, сакај, фантазирај, радувај се! Мама те сака најмногу на светот. Среќен роденден моја принцезао - стои под објавата.

View this post on Instagram

A post shared by Katarina Grujić Gobeljić (@katarinagrujic.doll)

Пејачката и фудбалерот вечерва ќе имаат гала прослава за својата сакана, а како што се пишуваше за овој роденден искеширале 30.000 евра.