емин џијан – Вистина.мк

„Француски бакнеж“ концерт со музика на триото „Ана Кап“ во Филхармонија

Антонио Димитриевски — Tue, 08 Feb 2022 14:28:57 +0000

„Француски бакнеж” е насловот на концертот кој ќе се одржи на 11 февруари во 20 часот. Диригент е Џијан Емин, а како солисти ќе настапат членовите на француското трио „Ана Кап” кои воедно се и автори на музиката која ќе биде изведена. Гости на концертот се и виолистот Оливие Самуијан и вокалистката Бети Жарден, и двајцата од Франција. Членови на триото се: Пјер Миле – труба, Мануел Декок – виолина Жан Мишел Трото – хармоника. „Ана Кап“ триото свири, пее, танцува и „распарчува“ и ништо не е оставено на случајноста. Слушаме наизменични трогателни и хумористични моменти, со прецизност на швајцарски часовник. Феноменалното шоу на француското трио „Ана Кап“ е вистинско камелеонско, инспиративно патување во кое се комбинираат виртуозна музика, чудесна комедија и дадаистички песни. Тоа се тројца извонредни музичари: фасцинантен трубач кој по секоја цена покажува неизвесност, среќен хармоничар со биполарна тенденција и срамежлив и измачуван виолинист, кој се обидува, најдобро што може, да ја спаси фарсата…! Извор: Умно.мк

Концерт на Влатко Стефановски со симфониски оркестар во Македонска филхармонија

Антонио Димитриевски — Fri, 03 Sep 2021 12:39:33 +0000

По повод прославата на 30 годишнината од македонската независност вечерва на археолошкиот локалитет Стоби ќе настапи групата Синтезис, а на 6 септември во Филхармонијата на Република Македонија ќе се одржи концерт на Влатко Стефановски со симфониски оркестар, под диригентска палка на Џијан Емин. „Вечерва концерт ќе одржи Синтезис изведувајќи дела од својот богат музички опус со кој како амбасадори на културата не преставуваат во светот повеќе од 25 години. Во понеделник пак, 6 септември, во Филхармонијата на РСМ ќе се одржи ексклузивен концерт на Влатко Стефановски со симфониски оркестар, под диригентска палка на Џијан Емин. Добро познатите композиции на Стефановски, во аранжмани на Емин се гаранција за неповторливо и уникатно искуство. Концертот првично беше најавен да се одржи на тврдината Кале, но, поради променливото време и можните врнежи, концертот сепак ќе се одржи во затворен простор“ - се вели во соопштението од Баги комуникации.

На платото пред МКЦ: Промоција на албумот „Dzijan Emin & Magical Orchestra – Live in Ohrid“

Антонио Димитриевски — Sat, 15 May 2021 07:40:41 +0000

Денес, сабота 15 мај 2021 год. во 14.00 часот на платото пред МКЦ, во рамки на петтото издание на манифестацијата Today It’s All About Jazz Vol.5. е закажана промоцијата на албумот „Dzijan Emin & Magical Orchestra – Live in Ohrid“. Албумот e првенче на ЗЏМ Рекордс, и претставува албум снимен во живо на концертот одржан во Антички театар, 2019 година. Магичниот оркестар кој изведува авторски композиции на матичниот диригент на ЗЏМ Биг Бендот, оркестратор, композитор и мултиинструменталист Џијан Емин, е составен од членови на ЗЏМ Биг Бенд Оркестарот и гудачи од Македонската Филхармонија. Со онлајн стриминг на концертот Dzijan Emin & Magical Orchestra – Life in Ohrid на 30 април беше одбележан и Меѓународниот ден на џезот.

Нов проект на Џијан Емин и Тина Иванова: „Диши љубов“ во Македонска филхармонија

Антонио Димитриевски — Mon, 02 Mar 2020 13:47:48 +0000

Музичко-визуелниот перформанс „Диши љубов“ ќе ја има својата премиера на 15 март (недела) во Концертната сала на Филхармонија. Станува збор за сосема нов, автентичен и уникатен проект со музика на композиторот и диригентот Џијан Емин и текстови на музикологот Тина Иванова, во кој музиката создадена низ песни се соединува со холограм, со тоа наметнувајќи му го епитетот мултимедијален, соопштија од Филхармонија. Првпат во Македонија се реализира концерт кој ќе биде изведен со слика добиена со интерференција на светлосни бранови. За реализација на холограмот и воопшто за целосната визуелизација е задолжен Јохан Мелин од Шведска, кој зад себе има завидна биографија и како филмски режисер и писател. „Диши љубов“ пее за љубовта, за Скопје, зборува за две суштински појави без кои човекот не би можел да опстои – воздухот и љубовта. Инспирацијата да се реализира овој концерт првично произлезе од проблемот со кој годиниве наназад се соочува Македонија – загадениот воздух и се што тоа повлекува со себе, особено свеста за екологијата и за човечкото здравје. Од друга страна, проектот се доживува и како чисто љубовен, бидејќи самата тематика се базира на онаа првична, наивна љубов, на взаемна страст помеѓу двајца партнери. Концертот „Диши љубов“ е замислен да се реализира на две нивоа. Првото ниво е сочинето од десетина песни во изведба на Џијан Емин, вокал, гитара, синтисајзер, и музички уметници од Филхармонија. Второто ниво е нарација на расказ со љубовна тематика поткрепена со инструментална музика. Покрај Џијан Емин и музички уметници од Филхармонија, на концертот учество ќе земат и оперска пејачка, како и актер задолжен за нарацијата. Автор на текстовите на сонговите, како и на расказот е музикологот Тина Иванова, чија инспирација за нивно создавање се токму споменатите тематики кои му даваат на целиот проект една сосема нова и поинаква димензија. Концертот ќе биде целосно на македонски јазик, а музиката и лириката ја поседуваат онаа скопска, носталгична звучна естетика и влече корени од музиката од 80-тите и особено од музиката од 90-тите години на минатиот век создавана на американското и на британското музичко поднебје.

„Љубојна“ со филмска екранизација на симфониската „Севдо ле“ (ВИДЕО)

Антонио Димитриевски — Tue, 24 Sep 2019 09:29:54 +0000

„Драги фанови. Тазе од "кујната" на Љубојна. Погледнете го официјалното видео од нашиот нов сингл #СевдоЛе од албумот со Џијан Емин и Maкедонската филхармонија, кој излегува наскоро, насловен „Phonic Silence“. Благодарност до целата екипа која неуморно работеше на спотот и луѓето кои беа постојано околу нас за сé што ни треба“ - напишала вокалистката Вера Милошевска во најавата за новото видео на етно групата „Љубојна“, за песната „Севдо ле“. Инаку, видеото се снимаше уште летоска под режисерската палка на Сашко „Потер“ Мицевски во продукција на продуцентската куќа „Охо“. Уште тогаш, судејќи според споделените фотографии, беше извесно дека не очекува уште една одлична екранизација во која главните улоги ги добија актерите Наталија Теодосиева и Димитрија Доксевски. Новото видео се снимаше токму во пресрет на концертот што „Љубојна“ го одржа на 7 август 2019 во „Антички тетатар“ – Охрид, во рамките на годинешното „Охридско лето“. Инаку групата 2019 година ја започна со спектакуларниот концерт со Македонската филхармонија, одржан на 1 февруари, кога публиката уживаше со новите аранжмани на маестро Емин Џијан од каде е темата за „Севдо ле“, а во март од страна на „Кроација рекордс“ беше објавен и албум со нивните најголеми хитови. Музиката е на Оливер Јосифовски, стиховите се на Вера Милошевска, миксот и мастерингот на Анѓел Ќосев, во чије студио „Подрумот“ е сниман материјалот, за чија оркестрација, инструментализација и аранжман се погрижил маестро Емин Џијан. И додека чекаме наскоро да се појави и комлетниот материјал за новиот албум на „Љубојна“ чие излегување е најавено за идниот месец - октомври 2019, уживајте во филмската екранизација на првиот сингл симнат од него, темата „Севдо ле“. https://www.youtube.com/watch?v=vTcE4C6bLn0

Македонската филхармонија со концерт на отворено: „Љубов и револуција“

Антонио Димитриевски — Wed, 26 Jun 2019 11:23:31 +0000

На 29 јуни, со почеток во 21 часот, Оркестарот на Македонската филхармонија со концерт на отворено, во градскиот парк во Скопје: Љубов и револуција“! Хор: „ПроАрс“ (Диригент: Сашо Татарчевски) Бенд: Александар Поп Христов - гитара; Зоран Костадиновски - гитара; Иван Бејков - бас; Гоце Стевковски - тапани; Маријана Николовска - пијано Аранжмани/диригирање: Џијан Емин Популарни теми од сферата на поп-рок и панк-музиката: „Рејдиохед“, Ник Кејв, „Бисти Бојс“, „Продиџи“, „Нирвана“, „Секс Пистолс“, „Клеш“, Џими Хендрикс, „Ролинг Стоунс“, „Пинк Флојд“, Дејвид Боуви, „Рамштајн“... Концертот е во соработка со Град Скопје и Младинскиот културен центар.

„Љубов и револуција“ со Македонската филхармонија во Градски парк

Антонио Димитриевски — Tue, 11 Jun 2019 10:22:08 +0000

„Љубов и револуција“ е насловен концертот на отворено, што Македонската филхармонија ќе го одржи на 29 јуни во Градски парк во Скопје. Оркестарот ќе изведе популарни теми од сферата на поп, рок и панк музиката, а на репертоарот ќе бидат хитови на „Рејдиохед“, Ник Кејв, „Бисти бојс“, „Продиџи“, „Нирвана“, „Секс пистолс“, „Клеш“, Џими Хендрикс, „Ролинг стоунс“, „Пинк Флојд“, Дејвид Боуви и „Рамштајн“. Аранжманите се на Џијан Емин, кој ќе биде и диригент на концертот. Покрај Оркестарот на Филхармонијата, ќе настапат и хорот „ПроАрс“ под диригентство на Сашо Татарчевски и бенд составен од Александар Поп Христов – гитара, Зоран Костадиновски – гитарa, Иван Бејков – бaс и Гоце Стевковски – тапани.

Во Македонската филхармонија концерт на „Љубојна“

Антонио Димитриевски — Fri, 01 Feb 2019 14:29:00 +0000

Вечерва, петок, 1-ви февруари 2019, со почеток во 20.00 часот во салата на Македонската филхармонија ќе се одржи концертот на групата „Љубојна“ со оркестарот на Филхармонија под диригентската палка на врвниот Џијан Емин. Концертот ќе биде интимно доживување и подарок за фановите, рече вокалистката на „Љубојна“ – Вера Милошевска – Јосифовска во неодамнешно гостување во програмата на националното радио „Канал 77“. Убаво ми е што овој концерт ќе биде, на некој начин, покрај бројноста на музичарите, сепак интимно доживување на оваа музика, која што е сосема нова. Вообичаено, музиката тргнува од концерт, а потоа се шири меѓу луѓето, и тоа некако ’Љубојна’ низ годините го предлага како еден постојан циклус, како почеток на нова идеја“, рече Милошевска – Јосифовска.

„Љубојна“ и Македонската филхармонија заедно

Антонио Димитриевски — Thu, 24 Jan 2019 13:54:27 +0000

Концертот на групата „Љубојна“ со оркестарот на Македонската филхармонија под диригентската палка на врвниот Џијан Емин, кој ќе се одржи на 1 февруари во салата на Македонската филхармонија, ќе биде интимно доживување и подарок за фановите, рече вокалистката на „Љубојна“ – Вера Милошевска – Јосифовска во неодамнешно гостување во програмата на националното радио „Канал 77“. „Убаво ми е што овој концерт ќе биде, на некој начин, покрај бројноста на музичарите, сепак интимно доживување на оваа музика, која што е сосема нова. Вообичаено, музиката тргнува од концерт, а потоа се шири меѓу луѓето, и тоа некако ’Љубојна’ низ годините го предлага како еден постојан циклус, како почеток на нова идеја“, рече таа, додавајќи дека ќе биде различно од досегашните концепти. Влезниците се веќе пуштени во претпродажба во „Југотон“, а на денот на концертот кој е со почеток од 20.00 часот ќе чинат 20% поскапо.

Афро ѕвездата Феми Кути и Македонската филхармонија со заеднички концерт

Антонио Димитриевски — Tue, 29 May 2018 09:03:30 +0000

На спектакуларниот музички настан којшто ќе се случи на 7 јуни (четврток) во Градскиот парк во Скопје, заедно со Македонската филхармонија, а под диригентство и во аранжмани на Џијан Емин, со почеток од 21.00 часот ќе настапи славниот африкански вокалист Феми Кути, кој доаѓа со неговиот бенд „Позитив форс“. Дел од неговата музика за првпат ќе биде изведена, односно аранжирана за симфониски оркестар.

Со миксот од тн. енергетски набиен фанк, џез, реге и традиционални африкански ритми, Феми Кути отворено зборува за политичката корупција, сиромаштијатата, лошите животни услови, диктаторскиот режим… во родната Нигерија, како и во светот. Тој годинава го издаде албумот „One People One World“. https://www.youtube.com/watch?time_continue=33&v=vwVqWvDodrY