емилија колоска – Вистина.мк

Снежно а капела изненадување од Sarah Mace & The Christmas Girls – „Santa Claus is Coming to Town“ (ВИДЕО)

Антонио Димитриевски — Tue, 28 Dec 2021 09:50:39 +0000

Освен како сезона на споделување убави нешта и зближување со најблиските, зимскиот период е познат и како време за уживање во звуците на најубавите празнични евергрини, достапни низ целиот свет со илјадници изведби во различни стилови и јазични верзии од голем број на пејачи и музичари. Сара Мејс, заедно со Полина Тасева, Калина Велковска, Теа Богатинова и Емилија Колоска, на прагот од 2022ра година, на македонската јавност ѝ подготвија вистинско празнично музичко изненадување. Новата изведба на познатата „Santa Claus is coming to town“, во оригинална а капела преработка, е дел од новогодишниот проект на Sarah Mace & the Christmas Girls, насловен како „A Cappella Christmas Carols“. Аранжманот е на Теа Богатинова, песната е снимена во студиото „Алшар“, а видео записот е снимен за време на снимањето на албумот, кој што брои вкупно 8 песни. Истите ќе бидат откриени до крајот на оваа година и дополнително ќе ги разубават празниците на сите генерации. Проследете во продолкжение како звучи изгледа новогодишната и божиќна магија кога дедо Мраз доаѓа во градот, а таа среќна вест Sarah Mace & The Christmas Girls ќе ви ја соопштат низ песна:

„Лилит“ за љубовта која нема граница имаат свој – „Одговор“ (ВИДЕО)

Антонио Димитриевски — Thu, 09 Dec 2021 13:52:23 +0000

Бендот „Лилит“ предводен од познатиот македонски музичар и музички автор Трајко Таци Симоновски и шармантната и екстравагантна вокалистка, охриѓанката Емилија Колоска имаат нова песна. Овој пат темата носи наслов „Одговор“ и беше тсвирена заедно со материјалот за нивниот деби албум на неодамнешниот прв концерт кој бендот го имаше во скопското кино „Милениум“. Покрај „Одговор“ на концертот во проширен состав од 12 музичари беа изведени уште неколку неиздадени нумери. Како збогатување на основата на бендот се појавија: Сашко Николовски, Кирил Кузманов, Сенад Усеин, Калина Велковска, Полина Тасева и Драган Ѓуровски. Всушност, самиот сингл е и најава за албумот „Чудо“ - насловен по нивната прва песна, кој набрзо ќе биде издаден и пуштен во продажба, порачуваат од тимот на „Лилит“. Покрај Емилија Колоска, авторот и басист Трајко Симоновски, во бендот членуваат уште игитарист Иван Петровски, додекаа зад клавијатури се појавува Филип Димишковски. Видеото е од нивниот споменат настап во живо во кино „Милениум“ кој го снимале „Блек Меџик продукција“ со своите камери. Песната е миксана и мастерирана во студиото „CIty Sound“. Проследете како звучи и изгледа кога „Лилит“ за љубовта која нема граница имаат свој - „Одговор“.

Лилит ве водат на музичка прошетка низ нивната – „Миризлива градина“ (ВИДЕО)

Антонио Димитриевски — Thu, 14 Jan 2021 13:45:54 +0000

После краткото затишје по нивниот прв сингл под име „Чудо”, „Лилит (Lilit)“ се вратија во етерот со нивната „Миризлива градина”. Симбиозата од различни музички стилови, крунисана со нивниот препознатлив џез призвук, ја пренесува пораката која е носечки столб на филозофијата на „Lilit“ – сите делови на животот се испреплетени во еден круг и магичен циклус, а нашиот начин на размислување е оној кој одлучува дали тие делови ќе се синхронизираат или уништат едни со други. Комплетен автор на новата тема е Трајко Симоновски- Таци, кој ги потпишува музиката, аранжманот и стиховите на песната која јсо својот специфичен вокал ја обоила Емилија Колоска. Како режисер се појавува Кристина Нановиќ со нејзината препознатлива естетика. За завршната магија на спотот, со видео монтажа се погрижи Бобан Костовски, а миксот и мастерингот ги направил Љупчо Соколовски. Погледнете го новиот видео спот во кој „Лилит“ ве водат на музичка прошетка низ нивната „Миризлива градина“ . https://www.youtube.com/watch?v=JyBM3mM9YBg

„Лилит“ е музичко откритие… не, туку вистинско „Чудо“ (ВИДЕО)

Антонио Димитриевски — Fri, 08 Mar 2019 12:07:01 +0000

Зад уметничкото име „Лилит“ се крие една млада, шармантна и симпатична охриѓанка, која низ клубовите ширум Скопје и Македонија е позната како вокал на бендот„Балтер“.

Емилија Колоска е млада дама на која пеењето и е во вените иако професијата или поточно, професионалната диплома ја добила на Универзиттетот Свети Кирил и Методиј во Скопје, на Економскиот факултет и тоа диплома по маркетинг.

Деновиве таа какодел од една екипа вонсериски музичари под името „Лилит“ на јавноста и го претстави своето музичко „Чудо“, огледано во истоимената тема. Необична и чудна, но мошне ефектна фузија на стилови, од џез и блуз, до амбиентална атмосфера зачинета со беспрекорниот вокал на Емилија која на целата тема и дава своевидна мистика, драматика и себесвојствен шарм, правејќи ја неподносливо лесна за слушање и уживање во миксот на комплицирани жанрови.

А, како и не би, кога имињата на проверените мајстори на занаетот и својот инструмент, секој засебно, се наоѓаат на списокот на музичари на оваа „ол-старс“ екипа која покрај Емилија ја сочинуваат: Трајко Таци Симоновски - бас, кој е воедно и автор на музиката и текстот на песната, Мартин Вучиќ - тапани, Дамир Имери - клавијатури, Иван Петровски - гитара и секако, споменатата вокалистка.

За темата „Чудо“ едноставно, но ефектно видео кое кореспондира со атмосферата на темата направил уметничкиот фотограф и режисер Тоше Јанев - Јанус. Проследете го ова „Чудо“ на „Лилит“ со топлата препорака на еден од нејзините фанови која гласи: „Никаква голотија само еден феноменален вокал, мелодија која смирува, прекрасна музика, уште подобар аражман. Продукт кој те тера устата да ти биде подзината! Во светот на Карлеуши и Кардашијанки бидете Емилија Колоска!“ Проверете дали е во право? https://www.youtube.com/watch?v=E_ImhlqBtoA