елизабета – Вистина.мк

Александар Јосифовски има нова песна, ама сите останаа подзинати од изгледот на оваа убавица покрај него: Не знаеш дали му е другарка, девојка, сестра или мајка? (ФОТО)

Антонио Димитриевски — Thu, 08 Feb 2024 10:46:10 +0000

Ѕвездата на Гранд, македонскиот рокер Александар Јосифовски ги израдува сите со нова моќна рок балада наречена „Уште еден ден за нас“. Охриѓанецот објави нова песна полна со емоции, за која музиката и текстот ги напиша познатиот српски хитмејкер Бане Опачиќ, а аранжманот го направи самиот пејач со помош на гитаристот Бојан, кој го придружува на сите негови настапи. „Како ноќ во градите, го носам твоето збогум, со гладна уста пусто поле косам. Каде си живеела во мене, срцето на сите им го скамени. Би сакал уште еднаш да бидам во твојата прегратка, нека ми биде последното отчукување“ - се стиховите од рефренот на рок баладата што на прва освојува. Бројните корисници на Јутјуб се воодушевени од песната што Јосифовски премиерно ја изведе во последната емисија на „Ѕвездите на Гранд“, а позитивните коментари не престануваат да пристигнуваат. „Честитки за композиторот, изведувачот и гитаристот, оваа песна е толку моќна.., Секоја чест“, „Ангел се врати на Земјата!“Ти си, без зборови, небесен човек!Браво!“, „Ова е толку маестрално што станува нереално.Ја пуштам песната, затворам очи и патувам низ времето во друга галаксија... Се заљубив во оваа песна“, се дел од коментарите под видеото за оваа феноменална песна. И додека бројните фанови на Јосифовски се во старт воодушевени, на многумина боде очи им западна една нова фотографија направена на тукушто завршената турнеја низ Австралија, на која Александар ја загреваше публиката пред концертите на мегапопуларните „Бијело дугме“ во најголемите градови на најјужниот континент. На неа Јосифовски образ до образ со една фасцинантна убавица, која не знаеш дали му е другарка, девојка, сестра или мајка? И додека убавото женско лице до пејачот ги остави многумина со подзината уста, оние што паметат малку подолго, а и оние што се подобро упатени, добро знаат за кого се работи! Убавицата на таа но и на други фотографии сликана со младиот пејач е неговта мајка Елизабета Неданоска Јосифовска и сама некогашна, а и сегашна македонска фолк пејачка, која со години живее во далечната Австралија. Велат охридскиот рокер од неа ги наследил музичките гени и талентот за пеењ, но и убавината која е несомнена и кај него и кај неговата атрактивна мајка Бети, која изгледа ногу помладо за свои години. Елизабета правеше долга пауза во кариерат, па потоа пред неколку години се врати на фолк сцната со видео спот за една нејзина постара песна која своевремено беше голм хит, насловена: „Ем го мразам, ем посакувам“. Во меѓувреме, естрадата не и е можеби главен приоритет, но затоа на нејзиниот Александар таа му е главниот ослонец и најголема поддршка како што тоа знае да го направи една мајка. А Елизабета верно го следеше својот син и на концертите низ Австралија на неговата турнеја со Брега, Ален и Тифа... Фото: Фејсбук/Elizabeta Nedanoska Josifovska & Инстаграм/alexandarjosifovski

Кралицата Елизабета ги воодушевила љубителите на животни: Во 93-тата година од животот донела одлука која ја поздравуваат бројни здруженија

Христина Ѓоргиевска — Wed, 06 Nov 2019 13:00:24 +0000

Здружението за заштита на животни “ПЕТА” во вторникот ја поздравила одлуката на британската кралица Елизабета да престане да носи вистинско крзно. Долгогодишната стилистка на кралицата, Ангела Кели, ја открила намерата на Елизабета во својата книга “The other Side of the Coin: The Queen, the Dresser and the Wardrobe”. “Одлуката на кралицата е во согласност со бројните напредни купувачи, компании и народи кои сфаќаат дека вештачките крзна се подобри за околината и со тоа се заштитуваат животните од ужасниот живот и крвавата, болна смрт”, соопштила “ПЕТА”. “Следниот чекор е кралските стражари да престанат да парадираат во шубари од крзно од мечки, убиени во Канада”, додале од здружението. “PETA” проценува дека годишно се убиваат околу 100 милиони животни поради нивното крзно. Според британското издание на списанието “Vogue”, Кели напишала: “Ако нејзиното величество присуствува на некој настан на голем студ, од 2019 година па натаму, таа ќе се грее со помош на вештачко крзно”. 93-годишната Елизабета, минатата година заедно со Дејвид Атенбороу, славен британски автор на документарни филмови за земјата, учествувала во документарен филм на “ITV” во кој изјавила дека “се залага за позелена планета”. Медиумите претходно известиле дека кралското семејство минатата година престанало да користи пластични сламки и пластични шишиња во своите бројни резиденции. извор: точка.мк

Кралицата и е многу лута на Меган пред Божиќ: „Работите излегуваат надвор од контрола!“

Кристина Петрушевска — Tue, 25 Dec 2018 12:15:22 +0000

Британците со нетрпение го очекуваат вечерашниот божиќен говор на кралицата Елизабета Втора иако е сигурно дека нема да се изјасни за Брегзит и поделбите кои владеат помеѓу нејзиниот народ. Ова беше навистина возбудлива година за кралското семејство, а скандалите не ги заобиколија ниту овој пат. Проблемите со семејството на Меган им зададоа главоболка на персоналот и членовите на кралското семејство. Полусестрата, полубратот и таткото на Меган постојано се појавуваа во медиумите, а на кралицата најмногу ѝ пречи ситуацијата со Томас Маркл од која најмногу сака да се ослободи и поради тоа ѝ е многу лута на Меган.

View this post on Instagram

A post shared by HM Queen Elizabeth (@hm.queenelizabeth) on Dec 25, 2018 at 12:02am PST

-Работите излегуваат надвор од контрола, а Хари и Меган очигледно не знаат да го решат проблемот, вели неименуван извор од Кенсингтонската палата. Имено, Меган Маркл и принцот Хари не побарале помош од Бакингамската палата во случајот со Томас Маркл и инсистираат тоа сами да го решат, а со оглед на тоа дека кралицата е свесна дека тоа не им оди од рака е многу лута што не бараат помош. Кралските биографи велат дека ситуацијата со семејството на новата кралска невеста требала и можела да се реши пред венчавката и дека штетата која семејството Маркл му ја нанесе на кралското семејство е непоправлива. Меган со својот татко не контактира од денот на својата венчавка на која тој не дошол бидејќи наводно имал проблеми со срцето. Подоцна во медиумите се појави Томас кој изнесе детали од животот на својата ќерка, но и од на принцот Хари така што јавноста дозна дека Хари го поддржува Доналд Трамп, што е недозволиво со оглед на тоа дека кралското семејство не смее да се изјаснува за политички теми.

Меган Маркл блескаше во веначиница која е стара 71 година, а оваа жена прва ја носеше

Христина Ѓоргиевска — Sun, 20 May 2018 09:56:56 +0000

Принцот Хари и Меган Маркл вчера запливаа во брачните води, а сите погледи беа насочени кон венчаницата на Меган Маркл. Сите коментираа дека венчаницата на Меган Маркл е стара 71 година, а основата по која била работена прва ја носеше кралицата Елизабета II.

фото:Профимедиа Веначницата која ја носеше Елизабета II во 1947 година кога се омажи за Филип, беше основа на невестинскиот фустан на Меган Маркл.

Имено, оваа венчаница била платена од страна на кралското семејство и изнесува околу 100 000 фунти.