елена живот со стил – Вистина.мк

Од глетката што ја сподели Елена – „Живот со стил“ ќе ви се заврти во глава: Насекаде расфрлани чевли, а таа во домашни папучи со зимски дебели чорапи (фото)

Слаѓана Атанасова — Tue, 23 Jan 2024 07:09:40 +0000

Фановите на екс - ТВ водителката и инфлуенсерка, Елена Најдоски или попозната како „Живот со стил“ имаа можност да ѕирнат во нејзиниот дом и да видат што прави во понеделник навечер. Познато е дека таа обожава да ги посетува најдобрите светски продавници па нормално после толку многу пазарење потребно е сеето тоа да се складира на соодветно место. Сепак, додека некои тој дел сакаат да го задржат само за себе Елена одлучи да го сподели тоа со јавноста. Таа направи исклучок и ги изненади нејзините следбеници на социјалната мрежа Инстаграм па им покажа што направила. Не е тешко да погодиме дека плакарот на Елена крие многу и скапи брендирани чевли од кои веројатно некои воопшто и не се ниту обуени, а сега таа ги извадила и ги растурила сите со цел да ги подреди најдобро што може. Со тоа Елена ги потсети и другите да го направат истото и напиша: - „Подреди го плакарот - Ако ме прашувате што правам во понеделник вечер“ - обелодени таа. А она што го привлече вниманието на сите беа нејзините домашни папучи кои ги носеше со топли зимски чорапи додека местеше и средуваше, па и нив ги улови во кадарот. Сепак, повеќе од сигурно е дека многумина, а особено жените останале воодушевени од тоа што се одлучила да го прави Елена да чисти и средува, а и од глетката која ја сподели исполнета со купот од чевли во разни бои. Едно е сигурно дека Елена освен што купува знае и како домаќински да ги чува за што подолго да траат и да изгледаат како нови и чисти. Фото: printskrin/instagram/elena_zivotsostil

Елегантни комбинации на познатите Македонки во бела боја – можеби не е практично во зима, но навистина изгледа топ (фото)

Слаѓана Атанасова — Sat, 20 Jan 2024 08:00:09 +0000

Многумина не би се осмелиле да се облечат од глава до петици во бела боја кога е зима. Повеќе од сигурно е дека белата во зимските месеци не е практична, но навистина го освежува изгледот и изгледа убаво. Сега тоа го покажаа и познатите Македонки кои на социјалната мрежа Инстаграм сподели фотографии токму во таков стајлинг. ТВ водителката и инфлуенсерка Елена Најдоски попозната како „Живот со стил“ облечена во бело позираше пред апаратот и покажа дека кај неа нема дилема за оваа зимска комбинација. Таа покрај белата боја се одлучила да искомбинира и неутрална беж која одлично се совпаѓа во изгледот. ТВ водителката Вера Мештеровиќ секогаш е елегантна и стокмена, а сега и таа одлучи да ја истакне нејзината витка линија целосно во белата боја. Со насмевка до уши Вера како вистински модел со топла бела туника позираше во овој студен период од годината. На социјаланта мрежа Инстаграм, не остана имуна ниту македонската водителката и Инфлуенсерка Миа Костова, па и таа покажа дека без проблем ги искомбинирала неутралните тонови покрај патиките кои нејзиниот изглед го направија полежерен. Цели во бело на сцената се појавија и водителката Марјана Станојковска и фолкерката Даниела Темелковска. И двете носеа руски шубари и се снимаа една со друга. Најпрвин Марјана објави видео додека со микрофонот гордо најавуваше што ќе следи, а потоа позираше и во кадар ја улови Даниела која со сличен стајлинг и облечена во бело, веќе пееше на сцената. Носењето светли бои во зима е храбро но, секако најважно е да се чувствувате удобно и исполнето. Фото: Printskrin/Instgaram/miandrija/elena_zivotsostil/veramesterovic/danielatemelkovskaofficial/marjanamay

Кај нив нема лабаво: Познатите Македонци во Новата 2024-та ги спакуваа куферите и заминаа да одморат (фото)

Слаѓана Атанасова — Thu, 04 Jan 2024 09:20:19 +0000

Со желби за поубава година од претходната, влеговме сите во Новата 2024-та, па така влегоа и македонските јавни личности. Но, кога е во прашање почетокот на годината некои ја дочекаа надвор од границите на Македонија, а некои сега одлучија да го направат тоа и да заминат некаде за еуфоријата што подолго да им трае но и да им тргне на убаво. Па така, многумин од нив на Инстаграм веќе се пофалија со новите фотографии кои ги споделија со следбениците и открија кој(а) каде заминал(а). Македонската пејачка и виолинистка Андријана Јаневска, овие денови одлучила да ги искористи за престој на чист планински воздух, па изборот паднал на Маврово. На фотографијата ja сподели зимската глетка со снег и покажа каде точно ужива. Познатата инфлуенсерка и водителка, Миа Костова на нејзиното стори сподели од ноќната прошетка низ Охрид кој и во студените денови е навистина убав и магичен. Ракометниот голман Борко Ристовски заедно со семејството заминале во Златибор, а на кратката објава на Инстаграм сподели приватни моменти од ресторанот, додека неговото синче Душан си играл со омилените играчки со ликовите на познатите стрип и филмски јунаци. Пејачка Тамара Тодевска заминала на нејзината омилена дестинација Маврово, локација која често ја посетува и без некој поголем повод. Таа го тагна хотелот каде што престојува, а потоа сподели и кој и прави друштво. Меѓу верните другарки и некои лица кои се надалеку познати, како топ моделот Катарина Ивановска, на пример! Празничната, новогодишна атмосфера ја држи и ТВ водителката и инфлуенсерка Елена Најдоски, која отпатува и прати поздрав од Солун, Грција. Таа позираше задоволно покрај новогодишната елка и морето, а повеќе од сигурно е дека екс водителката квалитетно и перфектно го поминува времето. Фото: Printskrin/Instagram

Некои со новогодишни желби, а некои со научени лекции од година што изминува: Познатите македонски личности во празнично расположение (фото)

Слаѓана Атанасова — Tue, 26 Dec 2023 09:19:09 +0000

Време е на новогодишна еуфорија, и сѐ е во знакот на Нова Година, па некои од познатите македонски личности јавно ги кажаа своите желби и посакувања. Македонската пејачка Викторија Лоба е доста активна на Инстаграм, а сега на следбениците им откри што е она што најмногу го посакува. - Сѐ што сакам за Божиќ е моето семејство да биде среќно, здраво и безбедно - стоеше во нејзината објава. Лила Филиповска, дамата која е една од најпознатите македонски ТВ лица и секој ден можеме да ја гледаме во квизот „Се или нешто“ има повеќе желби. Нејзината листа е малку подолга брои дури седум точки од кои шест се преточени во една иста желба: патување и само патување, а за остварување на истата најмногу и е потребна последната. Тоа е се разбира е што друго ако не пари... за патување. Но, некои наместо желба споделија искуство од годината што изминува. Токму таква беше ТВ водителката и инфлуенсерка Елена Најдоски. Елена која стана позната по емисијата „Живот со стил“, веројатно нема неоставрени желби. Сега за сега, се' е под контрола, а таа се радува на тоа што го има. А и работи на тоа да нема неостварени желби, а оние нешта кои ги постигнува и се многу важни. Затоа таа пак наместо желби, ги објави лекциите кои ги научила од оваа година, а ги препозна во речениците кои ги сподели со своите следбеници на кратките приказни на нејзиниот Инстаграм профил. Елена не ја кажа нејзината новогодишна желба, туку годината ја испраќа со искуството кое го стекна. - Моите најголеми лекции од оваа година. - Оставете ги луѓето какви што се, - Прифатете ја ситуацијата - За секоја акција не е потребна реакција - Не е љубов она од што се плашиме, можно е повторно да се доживее старата болка - сподели таа. Годината заминува, а желбите за новата и поуките од старата како и секогаш ќе бидат и ќе останат инспирација и мотивација за сите. Фото: Printskrin/Intsgaram/lilafilipovska

Елена „Живот со стил“ со свој моден избор од „Мет Гала“ – ова се најзините фаворити… (фото)

Слаѓана Атанасова — Wed, 03 May 2023 06:27:08 +0000

Поголемиот дел од познатите сакаат да присуствуваат на модната забава „Мет Гала“ и да бидат дел од истата, пред се на модното дефиле кое го следи целиот свет и се зборува со денови. Домаќини оваа година беа актерките Пенелопе Круз и Михаела Коел, тенисерот Роџер Федерер како и пејачката Дуа Липа. Една од нашите ТВ водителки и инфлуенсерки Елена Најдоски или попозната како Елена „Живот со стил“ на нејзиниот Инстаграм профил одлучи да го сподели нејзиниот избор и да прокоментира за нејзините фаворити. Таа нагласи дека „Мет Гала“ заслужува малку повеќе внимание, па ги кажа нејзините впечатоци од овогодинешниот моден настан. Елена истакна дека настанот во кој се оддава почит на модата и дизајнот е организиран од познатата уредничка на Вог, Ана Винтуар, а редовно се одржува уште од 1995 година. Оваа година на која сите сакаат да бидат поканети, собра средства за Институтот за костими во Метрополитен музејот на уметност во Њујорк. Оваа година вечерта беше посветена на германскиот дизајнер, починатиот Карл Лагерфелд, кој успеа да влезе во модната историја. А Елена забележа дека за неговиот децениски моден труд заслужува големо внимание. „Со своите ревии дизајн и перфекционизам ги помести границите на модниот концепт и остави креативна празнина која тешко ќе се замени. Со оглед на неговата работа имам навистина големи очекувања од црвениот тепих оваа година“. „Иако различни контроверзии беа поврзани со неговиот живот, вечерта беше посветена на модата, а посетителите можеа да видат изложба со повеќе од 150 креации на Карл Лагерфелд. Серијата изложени парчиња облека го опфати периодот на креативно насочување на модниот визионер во луксузните куќи како Chloe, Fendi, Chanel, како и работа за престижните француски брендови Balmain и Patou.“ Еден од нејзините фаворити беше Џеј Ло, па ги праша следбениците за нивно мислење. Таа даде аплауз и за Тејана Тејлор, за нејзиниот моден избор. Уште еден нејзин фаворит на Мет Гала е Џена Ортега која е доследна на нејзиниот омилен готик стил. Во изборот ги издвои Кендал и Џиџи, а за нив чекаше мислење и од следбениците. И за крај ја одбра Ким Кардашијан со нејзиниот уникатен фустан со 50 илјади бисери. Фото: Принтскрин/Инстаграм/Елена Најдоски

И познатите Македонки ја испочитуваа традицијата и уште рано наутро вапцаа три црвени јајца (ФОТО)

Слаѓана Атанасова — Thu, 13 Apr 2023 08:09:16 +0000

Црковното предание и нашата стара традиција уредиле три дена пред Велигден на Велики четврток пред изгрејсонце се вапцуваат првите три Велигденски јајца. На овој ден рано наутро пред изгрејсонце, домаќинките ги бојадисуваат првите велигденски јајца. Најпрво каснуваат малку леб, се вртат кон исток, се прекрстуваат и ги бојат првите три црвени јајца. Првото јајце, божјаче, откако ќе се бојадиса се остава да го „фатат“ првите зраци од сонцето, а потоа се будат децата и со него на лицето им се прави „Црвено-бело“. Божјарчето се чува цела година, до наредниот Велики четврток, и само ова јајце не скапува! Првото вапцано јајце се нарекува уште и Господово и за него се верува дека е полно со моќ со која се лекуваат разни болести. Затоа ова утро на сите верници е резервирано за обичајот каде најпрво откако ќе се свртат кон исток да се прекрстат ќе ги бојадисаат првите велигденски јајца, а останатите ги бојадисуваат на Велика Сабота. Оваа традиција ја почитуваат сите верници, а познатите Македонки и овој пат не пропуштија уште рано наутро да обелоденат на социјалните мрежи дека навистина се вредни домаќинки. ТВ водителката и инфлуенсерка Елена Стафановска е дефинитивно една од нив. Особено сега, кога за прв пат е и жена - домаќинка, која ја почитува традицијата. Македонската поп дива Калиопи Букле не пропушта исто така да ја испочитува традицијата... И да упати предвелигденска честитка. ТВ водителката Марјана Станојковска во свој стил ги споила традицијата и естетиката, традиционалното и модерното, украсувајќи ја ова утро масата со сопствена докарица покрај трите црвено вапцани јајца. ТВ водителката Снеже Велков и онака станува рано за да вежба и да подготви некој здрав оброк , па вообичаената рутина не и дозволи да отстапи од правилата, кои овој пат ги споила со традиционалните предвелигденски адети - вапцањето на трите црвени јајца. Некогашната Пулси-квиз ТВ водителка, подоцна новинар и уредник на емиси во Образовната програма на МТВ, денес Главен уредник на Првиот програмски сервис на националната ТВ куќа - Анета Андонова е меѓуостанатото и тоа како посветена на верата, религијата и традицијата. Како оддан верник, таа разбирливо не пропушти да ја испочитува традицијата и денот - Велкики четврток за да го обави ритуалот на вапцање на трите црвени јајца кои при тоа прекрасно ги декорирала во кошничка со слама и златни чоколадни зајачања. Фото: Принтскрин Инстаграм