елена петреска – Вистина.мк

Елена Петреска со нови животни планови: Пејачката заедно со сопругот и децата се отселија во Белгија (фото)

Слаѓана Атанасова — Fri, 13 Oct 2023 07:00:21 +0000

Пејачката Елена Петреска е доста активна на социјалните мрежи и редовно објавува за нејзината нова средина, откако одлучи да ја напушти Македонија и да замине фамијарно во Белгија. Овој пат, на нејзиниот Инстаграм профил пејачката сподели дел од секојдневието и откри што одлучила да посети во Брисел местото каде што одлучи да живее. А на нејзините следбеници со задоволство им откри и кој и прави друштво. Имено, пејачката одлучила да ги израдува нејзините две деца, ќерката Софија и синот Михаел, па заедно заминале на интересна прошетка во посета на музејот за чоколада. Сепак, тие не заминале сами, туку пејачката покажа дека на нив сега им прави друштво и нивната баба, а освен музејот ја посетиле и продавницата за чоколада. Па така, за се да биде цело пејачката ја сподели убавата глетка со обожавателите за заедно да се радуваат на убавите моменти. Очигледно е дека ова ги освежило и ги направило среќни, а тоа се забележува од убавите и инспиративни фотографии. Откако свртија нова животна страница, таа и нејзиниот сопруг Андреј заедно со нивните две деца заминаа да живеат во Белгија, далеку од дома, а сега веројатно имаат доста за истаржување и пронаоѓање на она што овде не успеле да го остварат.

View this post on Instagram

A post shared by Elena Petreska (@elenapetreska___)

Фото: Принтскрин/Инстаграм/Елена Петреска

Обезбедување какво ретко кој има на сцена: Кога Елена Петреска пее пред публика, никој не смее да и пријде – еве и зошто… (фото)

Слободанка Илиева — Thu, 22 Dec 2022 08:41:05 +0000

Пејачката Елена Петреска периодов е доста активна со настапни низ главниот град заедно со бенд. На својот Инстаграм профил Петреска редовно ги објавува своите музички ангажмани и секојдневни активности од приватноста, а овој пат на нејзините приказни се најде една неодолива објава. Имено, таа покажа дека на еден од своите настапи била заедно со ќерка си Софиа која не се двоела од мама.

View this post on Instagram

A post shared by Elena Petreska (@elenapetreska___)

Па така, додека мама пееше имаше и специјално обезбедување. Софиа ја гушнала и како залепена не се двоела од мајка си. Глетката едноставно е неодолива како доказ колку дечињата ја сааат и не ја даваат мама. -Мајчинството е најубавата работа која ми се случила. Ми се оствари желбата да имам и син и ќерка. Со добра организација успевам да имам време за сè. Јас сум човек што не може да седи без обврски. Со добра организација успевам да имам време за сè. Сепак, за Софиа и Михаел нема термини и стратегии. За нив сум достапна во секое време – изјави своевремено Елена за „Женски магазин“. За потсетување, Елена Петреска и сопругот Андреј во бракот покрај помалата Софиа го имаат и постарото синче Михаил кои заедно со помалата сестричка се целиот универзум на мама и тато.

Ќерката на Панчеви и Елена Петреска во ист фустан: Длабоко деколте и ретка секси глетка (фото)

Слободанка Илиева — Fri, 25 Nov 2022 09:14:37 +0000

Стилот и модниот избор се индивидуална и работа на вкус, така што за некои парчиња воопшто не се важни годините на тој што ги носи, особено доколку парчето е безвременско и прилега на тој што го носи. Еден таков пример е тренди црн фустан со впечатливо деколте кое периодов го облекоа пејачката Елена Петреска и ќерката на Маја и Дарко Панчеви, Марија.

View this post on Instagram

A post shared by Mauve (@___mauve____)

Неодамна пишувавме за модните аспирации на Марија која се појави како модел за женска облека на една онлајн продавница, а истиот фустан претходно го видовме и на Петреска. Имено, Елена и Марија негуваат иста љубов кон парчињата гардероба што ги промовираат, носат и им сугерураат на следбеничките за истите. Ако на српската естрада настанува војна на социјалните мрежи кога некоја пејачка или водителка ќе се појави во ист модел како другата, кај нас ова е реткост, па и кога се случува изгледа симпатично. Во случајов, моделот и кај двете совршено прилега, така што може само да биде добра реклама за уште повеќе да се актуелизира истиот. Во денешно време актуелно е бујно деколте, но и вака природно и ненаметливо изгледа привлечно и е ретка глетка. фото: Инстаграм/Vsco.co/Елена Петреска/Марија Панчева

Ново искуство пред камери: Познатата македонска пејачка ќе глуми во турска серија (фото)

Слободанка Илиева — Thu, 03 Nov 2022 08:55:22 +0000

Неодамна од нашите содржини можевте да прочитате дека македонската мисица и екс-ТВ водителка Анѓела Јакимовска имаше епизодна улога во турската серија „Балканска приказна“ која се снимаше во Скопје. Сега, освен Анѓела искуство пред камери во турска серија ќе има и една наша позната пејачка. Станува збор за сосема поразличен ТВ проект од оној во кој глумеше Анѓела, а е посветен на осноачот на Турската Република, Кемал Ататурк и тоа во продукција на Дизни. Улога во овој филмски проект ќе има пејачката Елена Петреска која за своето ново и поинакво искуство се пофали на својот Инстаграм профил. Костимографски подготвена според потребите на улогата, Петреска покжа како изгледало снимањето кое се случувало во Македонскиот наредон театар. Од приложеното можевме да ги видиме и бројните костими кои се наменети за актерите, а од бројот на истите може да се заклучи дека станува збор за голем прокет во кој ќе земат учество многу актери, меѓу кои и нашата Елена Петреска која веруваме дека ќе сподели уште детали за ова свое ново искуство. фото:Инстаграм принтскрин/Елена Петреска

Елена Петреска: Со позајмени 280 денари од Прилеп дојдов во Скопје оти мојот сон беше музика (ВИДЕО)

Антонио Димитриевски — Mon, 15 Aug 2022 06:25:24 +0000

Елена Петреска долги години е дел од музичката сцена, a 15 вработена во МОБ. Иако се повлече од јавноста, вели дека нон-стоп има настапи со својот бенд. За Илинден, доволна беше една реплика на социјалните мрежи за да го сврти вниманието на јавноста по настапот со хорот на МОБ во Крушево. Таа реплицираше на статус околу спорната строфа од песната „Во борба македонски народе“ и по ова следеа куп негативни коментари за неа. „Многу пати сум била жртва на сајбер булинг. Јас пеев со хорот на МОБ, и по објавата дека намерно е исфрлена строфа од песната, сакав да го кажам моето гледиште. Бев само искрена, ама тука во Македонија луѓето сакаат да веруваат во сценарија и заговори. Јас одбирам да не верувам во сценарија“, вели Петреска за Репортер. На прашањето дали ја повредија коментарите и тоа што ја поврзаа со политичка партија вели: „Јас никогаш не сум собирала политички поени и не сум пеела патриотски песни за да се додворам некому. Стојам на моите ставови и не дозволувам да ме обземе лажен патриотизам“. Сопруга, мајка на две деца, музичар. Ретко кој знае дека зад насмевката се крие личност која долги години се бори со анксиозност. „Долго време се соочувам со ова, а сè почна по моето разочарување поради финансиски проблеми, во времето на студиите кога од Скопје се вратив во Прилеп. И сега се борам со паничните напади, ама знам да се контролирам“, искрена е Петреска. Зборувавме за животот во Скопје, времето кога дошла тука од Прилеп, но и разочарувањата кога била во финансиска криза. Љубовната приказна, пак, со сопругот Андреј почнала кај него дома, оти ѝ требал како вели „ај ти“ за во тоа време да ѝ извади слики од спотот. „Практично дома му дојдов, за работа, и еве нè 10 години во брак“. Елена слуша рок, сака алтернативни кафулиња, ама не знае да направи прилепски ширден. „Мајка ми прави, јас не научив“, искрена е пејачката. Зборуваме и за естетските корекции па вели: „Носот го оперирав два пати, на устата ставив филери и тоа е сè. Луѓево мислат дека се боцкам или сум пластична. Не е така. Сите ние се излажавме по оние филтри од телефоните", вели Петреска. За животот во Скопје, разочарувањата, музичката кариера, анксиознота, мајчинството, ја погодија ли навредите по Илинден, дознајте во видеоинтервјуто во продолжение:

Елена Петреска никогаш посекси: Суптилно покриена со мантил, а голите нозе ја брануваат фантазијата (фото)

Слободанка Илиева — Sat, 19 Mar 2022 08:09:28 +0000

Ако судиме според она што го објавува на социјалните мрежи, пејачката Елена Петреска периодов е посветена на модата и убавината повеќе од кога било. Фотосесиите и станаа секојдневен начин на живот, баш како оној на моделите. Освен фотографиите кои ги прави во домашен амбиент за своја душа, таа почна се почесто да изработува и професионални фотосесии на кои изгледа модерно, префинето, женствено, провокативно, секси...

View this post on Instagram

A post shared by Elena Petreska (@elena__petreska)

Описот на фотографиите секогаш е поткрепен со некое нејзино видување на модата и облеката, но и за производите за убавина кои и помагаат во секојдневната нега на кожата, телото, одржувањето на имунитетот и здравјето.

View this post on Instagram

A post shared by Elena Petreska (@elena__petreska)

Меѓу најновите фотографии се најдоа такви каде изгледа како модел од модно списание.

View this post on Instagram

A post shared by Elena Petreska (@elena__petreska)

На себе има фенси мантил со кој суптилно е покриена, но се гледаат голите нозе кои ја брануваат фантазијата. Очигледно е дека ова ја исполнува и ја прави среќна, а тоа е евидентно од приложеното. фото:инстаграм/елена петреска/амел амед

Елена Петреска ретко споделува приватен момент, но сега јавно изрази емоции на сопругот: „Уште 90 години ми се малку со тебе“

Христина Ѓоргиевска — Tue, 20 Jul 2021 06:52:42 +0000

Елена Петреска имаше убав повод за славење. Пејачката во 2012 година заплови во брачните води со нејзиниот избраник Андреј Толевски. Свадбата на тогашниот пар се случи во еден скопски ресторан каде и го склучија и граѓанскиот брак. Отогаш Елена и Андреј уживаат во нивната љубов секој ден, а Петреска многу ретко, речиси па никогаш не споделува приватни фотографии со сопругот. Меѓутоа, сега посебна причина за славење. Двојката прослави девет години од бракот. Тие овој датум прославија уживајќи во друштво еден на друг, како и со романтична вечера на која наздравија за љубовта. Прво, Елена на својот Инстаграм објави фотографија на која позира заедно со саканиот. Петреска е облечена во црно бикини издание, насмеана од „шестка до шестка“ додека пак нејзиниот сопруг и дава сочен бакнеж во образот. „9 години од свадбата. Уште 90 ми се малку со тебе. Те сакам Андреја“ напиша покрај фотографијата. Елена и Андреја годишнината ја прославија и со заедничка вечера на која уживаа заедно во прекрасниот поглед од ресторанот, но и наздравија за нивната среќа. „Ноќ за паметење“, напиша таа покрај објавата. Нивните пријатели, следбеници на социјалните мрежи им честитаа за годишнината и им посакаа уште вечна да им е љубовта. Инаку, од бракот тие ги имаат децата Михаил и Софија. Честитки! фото: Инстаграм/елена петреска

Вистинска домаќинка: Елена Петреска ги покажа своите таленти во кујна (фото)

Христина Ѓоргиевска — Tue, 13 Apr 2021 07:41:58 +0000

Поради пандемијата со коронавирусот естрадните уметници речиси една година се на музичка пауза и не немаат настапи. Многумина овој период го искористија да прават работи за кои немале време поради своите професионални обврски. Така кога станува збор за понежниот пол, многу од познатите се пофалија како домаќинки и покажаа разни специјалитети кои ги подготвија. Пејачката Елена Петреска на почетокот на годината беше хоспитализирана на Инфективна поради влошена состојба од коронавирус. „Не можев да станам до тоалет“: Елена Петреска сними видео каде во детали го сподели своето искуство со коронавирусот (видео) – Вистина.мк (vistina.com.mk) Меѓутоа, Петреска го победи злото на 21иот век и успеа да оздрави од Ковид 19. Tој период е зад неа. Петрeска слободното време го користи да ужива со семејството во својот дом во Аеродром, но и да подготви по некој специјалитет. Како што се пофали овојпат на социјалните мрежи таа направила бајадери без сеќер. Крајниот резлултат го сподели на „Инстаграм стори“, а според приложеното сигурно изгледа многу вкусно. Наздравје!

На Елена Петреска и стана удобно да позира без градник: Пејачката во топ форма по прележаната корона (фото)

Слободанка Илиева — Tue, 06 Apr 2021 07:00:12 +0000

Кон почетокот на годината пејачката Елена Петреска беше хоспитализирана на Инфективната клиника во Скопје поради влошена состојба од инфекцијата со Ковид-19. Но, борбата на Елена помина со извојувана победа над злото на денешницата, а таа му се врати на животот со полни гради. Оние што ја искусиле короната на своја кожа, знаат дека пост-симптомите не поминуваат со месеци, а како што откри Петресна на својот Инстаграм, нејзе ја мачи анксиозноста. https://arhiva.vistina.com.mk/radio-mileva/ne-mozev-da-stanam-do-toalet-elena-petreska-snimi-video-kade-vo-detali-go-spodeli-svoeto-iskustvo-so-koronavirusot-video/ Но, лек за тоа си најде самата. -Кога си анксиозен треба да најдеш начин да го смениш фокусот од себе. Мене ова ми е лекот моментално – пишува Елена која преку музика и играње се бори со сите негативни мисли и енергија. А дека е жена полна со самодоверба, тоа се гледа во секоја приложена фотографија, па дури и кога треба да открие повеќе гола кожа на себе. Во една од поновите фотографии таа позира во бебешко розов костум, а под сакото не носи градик и ја нагласува женственоста и сензуалноста. Ова не е првпат да ја видиме во провокативно издание, па може да се заклучи дека на Елена и стана комотно и кога сексапилот е нагласен, но сепак во граници на вкус и префинетост.

„Не можев да станам до тоалет“: Елена Петреска сними видео каде во детали го сподели своето искуство со коронавирусот (видео)

Слободанка Илиева — Fri, 22 Jan 2021 08:00:13 +0000

Со тивок глас, задишана и очигледно се уште без енергија, пејачката Елена Петреска од домашна рехабилитација од коронавирус реши да сними видео и во детали да раскаже и да го сподели своето искуство со Ковид-19. Таа неодамна на својот Инстаграм сподели дека 15 дена била на Инфективната клиника во Скопје каде се лечеше од вирусот. https://arhiva.vistina.com.mk/radio-mileva/elena-petreska-ja-dobi-bitkata-so-koronavirusot-za-praznicite-vo-agonija-vo-bolnichka-postela-na-infektivna-foto/ Во своето видео обраќање најмногу сакаше да им се заблагодари на лекарите и останатиот медицинскиот персонал кои се грижеа да закрепне и за нивната пожртвуваност кон сите пациенти кои се соочуваат со истото. Елена вели дека вирусот кај неа најпрвин се манифестирал со симптоми за кои не верувала дека се знак за корона, но подоцна кога слушнала дека некои колеги на работа се позитивни, веднаш решила да се тестира, а резултатот се покажал позитивнен по што почнале и посериозните симптоми.

„Постојано бев истоштена од што имав силна кашлица. Совет на докторката веднаш беше дека е најдобро да останам на клиниката и да бидам под докторски надзор во болница. Тоа што многу кашлав беше еден од поголемите и пострашни моменти за мене, а медицинскиот персонал се грижеа одлично за мене како за останатите пациенти.Она што видов таму е доста стресно, иако не сакам да ширам паника и да пренесувам стресови, бидејќи сметам дека сите не вознемирува, а дополнителни стресови избегнувам. Но со ова видео сакам да ја покренам свеста особено за оние што не веруваат дека вирусот постои, па дури и ми пишуваа дека коронавирус нема, тоа е лага. Некои луѓе што се борат со ковид се борат за живот и доктори кои немаат друг живот освен оној на клиника. Луѓето кои имаат потешка форма на Ковид-19 се борат во една агонија, а мене се' уште ми треба време да се опоравам од тие слики, затоа сакам само да кажам дека сите оние што не веруваат дека треба да се пазиме и да бидеме одговорни-грешат, како и да раскажам за луѓето што 24 часа доживуваат стресови таму“, ракажува Елена.

За крај сакаше уште еднаш да искакне дека медицинските работници се нашите херои кои треба да ги штитиме со тоа ќе се пазиме со почитување на мерките и ќе внимаме во секоја прилика. Благодарна и среќна е што сега е дома со своето семејство. Во продолжение погледнете го целосното видео кое Елена Петрека го постави на својот профил на Инстaграм:

View this post on Instagram

A post shared by Elena Petreska (@elena__petreska)