елена лука – Вистина.мк

Андријана Петрушовска како божица во шестиот круг од „Ѕвездите на Гранд“: Возбудливо издание на македонското девојче од кое секој сака да ѕирне што крие наметката (фото)

Слободанка Илиева — Fri, 01 Mar 2024 10:44:53 +0000

Атрактивна, харизматична, егзотична, а пред се’ талентирана, дарена од Бога со моќен глас кој не остава рамнодушни за да посакаат да ја слушаат повеќе, па дури и Саша Поповиќ кој и оваа година ја повика да се натпреварува повторно. Младата 24 годишна скопјанка Андријана Петрушовска втора сезона по ред го плени регионот од сцената на регионалното музичко шоу „Ѕвездите на Гранд“. Минатата година беше финалистка и за влакно не допре до триумф, но оваа сезона како што тргнале нештата досега, Андријана е на добар пат овој пат да успее. Секое нејзино појавување се очекува да биде, и е вистинско вокално доживување, а богами и визуелно. Атрактивната Македонка е празник за уши и очи, а секое следно издание таа умее секогаш да биде на висина на задачата. Жирито воопшто не се мисли и не ги штеди дланките да стисне тастер и да и даде глас, па и сега таа стигна до шестиот круг кој гледачите допрва ќе имаат можност да го гледаат на телевизија. Она што Петрушовска ќе го пее овој пат и каков е нејзиниот музички избор и на менторот Мили, засега е непознато, но она што се знае е дека Андријана ќе изгледа како божица – македонска божица!

View this post on Instagram

A post shared by Andrijana Petrusovska (@andrijanapetrushovska)

На нејзиниот Инстаграм профил таа го најави следното претставување на големата сцена на „Гранд“, а наедно најави и нови почетоци кога сценскиот стајлинг е во прашање. -Задоволството и самодовербата уште посилни заедно со Елена Лука и тимот на професионалци со кои започнуваме една нова и успешна приказна! Рефлексијата е очигледно блескава, кога си опкружен со професионалци!- нашиша таа во описот најавувајќи ја соработката со најголемата македонска модна куќа која безрезервно им дава поддршка на младите музички уметници и голем дел од познатите Македонки во шоубизнисот. А кога оние што најдобро си ја знаат работата, ќе земат се' во свои раце кога модата и инспирацијата е во прашање, а моделот е и повеќе од совршен и инспиративен, резултатот е токму таа блескавост на сцена. Изборот падна на дводелна впечатливо црвена комбинација која ја истакна нејзината витка манекенска става, а е сочинета од свилено макси здолниште и топ со долги ракави украсен со златни детали под градите. Минималистички, но ултра впечатливо, но и со возбудлива нота од богатата и раскошна црвена наметка која веројатно ќе открие што се крие под неа од втората песна. Круната на главата како детаљ беше совршеното надополнување дека Македонија има кралица на сцената на „Ѕвездите на Гранд“ со која ќе се гордее. Она што веќе го видовме визуелно како најава преку слика, останува да слушнеме и како ќе се спои со моќниот вокал кој не се сомнемаме и без резерва да прогнозираме дека ќе ја однесе понатаму како и досега. фото: Instagram printscreen/ andrijanapetrushovska

Откако пред пет години ја „расипаа калимерата“, Весна Бејби и Елена Лука повторно „се блиски“: Љубовта е минлива, само интересите се вечни или нешто трето ги спои, за актерката и креаторката одново заедно „да бидат среќни“!? (ФОТО)

Антонио Димитриевски — Fri, 05 Jan 2024 10:29:18 +0000

Една предновогодишна видео најава на Весна Бејби Петрушевска и неколку заеднички новогодишни селфи фотографии со Елена Лука ја изненадија македонската јавност.

View this post on Instagram

A post shared by Vesna Petrushevska (@vesnapetrushevska)

Особено зачудени, па и шокирани беа оние кои се добро упатена во модата и модните кругови во Македонија. До душа, некои позитивно, некои негативно, ама сепак сите останаа вчудовидени кога повторно ги видоа заедно, дека одново се „во арните“, популарната македонска актерка и исто толку познатата македонска модна креаторка. Зашто само оние кои се длабоко навлезени во модните кругови знаат дека Весна Бејби Петрушевска покрај актерството и радио и ТВ водителството се занимаваше и со уште некои работи поврзани со јавната работа, медиумите, модата… Имено, Бејби долги години беше во таборот на познатата македонска модна креаторка и градежник, во концернот „ЕЛ“ на Елена Пандева, во јавноста многу попозната како Елена Лука. Координатор, дел од маркетингот, колумнист во нивниот портал „Фешанел“, задолжена за контакти и спојување на македонските познати личности и јавни фаци со брендот ЕЛ, па дури и самата плус сајз модел… Едноставно речено, Бејби кај Елена Лука беше „дама за многу нешта“… Веројатно за добар хонорар за македонски услови, како што велеа добро упатените од внатрешните кругови! Оние кои своевремено биле сведоци на нивните блиски релации, велат дека Бејби имала прилично голема доверба и бенефиции кај „газдарицата“, но и моќ, авторитет и стравопочит кај тогаш вработените. Дама чиј збор, после оној на газдарицата секако, ќе биде главен и последен! Арно ама, по некое време газдарицата и нејзината „лева, десна… која и да е рака“, ја расипаа калимерата!? Уште на тогашната традиционална осмомартовска забава која Елена Лука ја приредува за своите вработени, Бејби никаде ја немаше. Оправдано отсутна, намерно непоканета или подоцна избришана од фотографиите на социјалните мрежи…? Вистината за причината остана во малиот затворен круг?! Тоа значеше дека дефинитивно „пукнала тиквата“, па „љубовта“ помеѓу работодавачката и извршителот на работите заврши, тогаш навидум засекогаш? Остана само дилемата дали Бејби се почувствува доволно силна, способна и моќна да и го „сврти грбот“ на Елена или од Елена „доби метла“ заради причини, само на ним двете познати? Или можеби во прашање беше нешто трето, па двете дами пријателски се разделија, што познавајќи ги карактерите на обете, би било тешко остварливо, но не и невозможно? Нешто, што и тогаш Вистина.ком.мк пишуваше. Зашто иако пред пет години ја „расипаа калимерата“, Весна Бејби и Елена Лука сега повторно „се во блиски релации“... Љубовта е минлива, но интересите се вечни? Или можеби нешто трето повторно ги спои, за актерката и креаторката сега одново „да бидат среќни“ и заедно да ја дочекаат Новата 2024 година. Како и да е, познатата креаторка и популарната глумица на полноќ за Нова Година заедно одбројуваа до десет близу Струмица, во еден познат бањско-рехабилитационен, хотелски комплекс со лековита, термална вода, во нивната прва, јавна, заедничка, славеничка пригода по петгодишната „пауза“! Фото: Вистина.ком.мк-архива/Инстаграм/elenaluka_private/vesnapetrushevska

Дива и провокативна како никогаш досега: Лила Филиповска во поза за хипноза – проѕирен фустан и танга во фокус (видео)

Слободанка Илиева — Tue, 16 Mar 2021 08:11:12 +0000

Во месецот на жената- месец март, ТВ водителката Лила Филиповска заедно со модната куќа „Елена Лука“ чие заштитно лице е со години, решија да изработат еден специјален моден едиторијал. Досега заеднички изработиле многу такви, но овој е посветен на сите женски индивидуи без оглед на тоа колку се разликуваат. Преку идејата сакаа да и дадат значење на секоја жена, без стереотипи, предрасуди, лоши погледи, потценување... Во описот на видеото кое се најде на Инстаграм профилот на Лила, таа напиша:

Насловната за март е резервирана за едиторијалот „Feel Like A Woman by Elena Luka“. Ти со кратка коса и ти со бујна долга коса, ти што сакаш да спортуваш и ти што сакаш да бидеш секогаш елегантна, ти што не се шминкаш воопшто и ти што без кармин не излегуваш од дома. Ти што обожаваш да готвиш и ти што никогаш ништо не си зготвила. Ти што си мајка и ти што не сакаш тоа да бидеш. Ти што имаш свој бизнис и ти што бараш работа... Сите сме различни, посебни, свои, но се соочуваме со исти нешта. Стереотипи, предрасуди, лоши погледи, потценување - за нашите емоции, за нашите избори, нашата способност, подготвеност... Така што, ако мислевте дека борбата е готова, не е. Но, за да успееме, првин мораме самите да веруваме дека вредиме. Да се сакаме и прегрнеме самите. А потоа и една со друга. Дајте да си бидеме една на друга повеќе поддршка отколку критика. За нас се работи. Да си го чуваме грбот една на друга. Да завладее почитта - кон самите себе и кон другите жени. Жени сме и секоја од нас има моќ, дајте да ја обединиме. И во овој дух, модната куќа Елена Лука подготви едиторијал посветен токму на жената и нејзиното право да биде и изгледа како сака. Да не заборавиме да го негуваме тоа што го носиме во себе. Се радувам што токму јас како заштитно лице на модната куќа ја раскажувам оваа приказна за жените кои можат да бидат и дами и темперамтнени и диви и домаќинки и спортиски и да се негуваат и да бидат среќни и да бидат секси, да бидат сакани. Да бидат што ќе посакаат. Да бидат жени - кралици. Да бидат жени - лавици!

View this post on Instagram

A post shared by Lila (@lilafilipovska)

Во прилог на напишаното беше објавено и видеото од реализацијата на овој едиторијал, чија фаза на изработка покажува дека Лила ќе ја видиме во најразлични изданија. На едно од многуте каде изгледа прекрасно, таа е во секси поза легната на подот, облечена во тесен проѕирен фусатан од кој ја нагласува својата дива и провокативна страна. Веруваме дека финалниот производ ќе биде маестрален!

Д-р Викторија Јаначковиќ одново покажа што е тоа суптилна голотија: Топлес забарка! (ФОТО)

Антонио Димитриевски — Sun, 07 Mar 2021 08:45:26 +0000

Мисица, манекенка, топ модел… Со академска тапија на дипломиран стоматолог и политички багаж како шефица на кабинетот на заменик министерот за култура во времето на владата на Никола Груевски. Викторија Јаначковиќ по кусиот брачен излет, денес е среќно разведена жена „без семеен багаж“ која и се врати на првата љубов: Позирањето, манекенството, фотомоделството... И тоа не било каде и со било кого, туку како заштитно лице на една од најпрестижните модни куќи кај нас - ЕЛ, сопственост на креаторката Елена Лука. Голотијата и модата неретко одат „рака под рака“, па затоа Викторија реши уште еднаш да покаже што е тоа суптилна еротика, откривајќи каква тоа телесна интима има. До душа, таа уште минатото лето направи една такава скокотлива фотосесија, уметнички сет еротски фотографии, откако застана пред објективот на уметничкиот фотограф и режисер Драган Ристовски за да им покаже на силиконските убавици и напумпаните старлети дека голото е голо, ама е поубаво кога е натурално. Зашто „природно си е природно“! https://arhiva.vistina.com.mk/radio-mileva/viktorija-janachkovikj-se-sobleche-pa-verbalno-gi-zapleska-makedonskite-silikonski-ubavici-foto/ Овој пат сексапилната докторка одново реши да ги разбранува машките мечти низ суптилна уметност... Разголена секако! До душа, сега за потребите на една од новите фотосесии на брендовите на модната куќа чије заштитно лице е самата, ама сепак... Викторија Јаначковиќ покажа дека е многу попривлечно и поскокотливо кога ѕирка и се наѕира, отколку кога апла се гледа. Како што се нејзините набрекнати брадавици на голите гради кои се проѕираат низ мрежестата провидна блуза на сексапилната топлес забарка... ...Или дискретниот шарм на меѓуножјето и гаќичките кои љубопитно ѕиркаат низ расцепот на црвениот фустан на кралицата на суптилната еротика. Како и да е, едно е сигурно: Се' на неа е... природно! Или што би рекле: Викторија по цело тело е пририодна... Затоа е и толку згодна!

Лила во специјален новогодишен моден едиторијал: Позираше во повеќе модели, но во еден фустан изгледа бомбастично! (видео)

Слободанка Илиева — Tue, 29 Dec 2020 07:36:21 +0000

Познато е дека нашата популарна ТВ водителка и инфлуенсерка, Лила Филиповска, е голем љубител на модата и уникатните креации, особено со македонски потпис. Лила долги години наназад соработува со модната куќа „Елена Лука“ кои се грижат за нејзиниот изглед пред камера. Овој пат по повод Нова Година, Лила го посети модниот салон на својата пријателка и соработничка Елена Пандева со специјална причина – да сними празничен едиторијал. Откако беа избрани парчињата за презентазија или модна ревија околу елката, Лила почна со облечи-соблечи снимајќи го специјалното новогодино модно видео кое се најде на нејзиниот Инсатграм профил каде напиша:

View this post on Instagram

A post shared by Lila (@lilafilipovska)

-Оваа Нова Година нема да биде како ниедна до сега, но тоа не значи дека не треба да се дотерате и да блескате. Јас одучив и овојпат да блескам во сјајот на најдобрата модна куќа „Елена Лука“ и уникатните парчиња на мојата другарка, соработничка и креаторка секогаш чекор пред останатите. Затоа, направивме еден специјален новогодишен едиторијал за да можете и вие да одберете парче во кое ќе бидете посебни и секогаш уникатни и со стил да излезете од годината што сите сакаме што побрзо да ја заборавиме ... Љубов драги пријатели, порачува Лила. Од повеќето свечени парчиња во кои чекореше и позираше како манекенка, во црвениот фустан со висок шлиц, Лила едноставно доминареше!

Додека изолирана води битка со коронавирусот, Биба Додева доби неочекуван подарок што ја направи пресреќна: „Кога пријателката ќе се израдува заедно со тебе дека се’ уште дишеш…“ (ФОТО)

Антонио Димитриевски — Wed, 25 Nov 2020 08:00:23 +0000

Короната коси се пред себе... Пуштена на најјако, надвор од контрола, не бира почие здравје ќе посегне, а зажал понекогаш и нечиј живот. Без оглед на пол, вера, нација, возраст... без оглед на тоа дали си обичен граѓанин или позната личност... Пред Бога сите сме исти, здравјето на сите подеднакво ни е важно... васушност - најважно. Затоа и стравот од болеста и моментите на траума и неизвесност додека се борите со неа и радоста дека сте ја надминале се исти за сите... Како и тагата, која за жал, понекогаш е неизбежна, кога некој ќе ја изгуби битката! Затоа покрај превентивата и почитувањето на протоколите да не се заразиме, доколку тоа сепак и се случи, покрај правилниот здравствен третман, многу важно е вниманието на најблиските, на околината, пријателите... Љубовта што оној кој се бори да ја надмине маката неизмерно ја добива како поддршка, кураж, надеж, верба дека што и да е - ќе помине... Македонската поп пејачка и хумана активистка, Биба Додева, за жал е една од илјадниците која се сочува со злокобниот Ковид 19. Таа неодамна на својот Инстаграм профил објави дека е позитивна на коронавирусот. „Време на КОВИД 19. Дај Боже да помине поскоро“ - напиша тогаш Биба покрај фотографијата, покажувајќи дел од тажната страна на нејзината битка со коронавирусот. https://arhiva.vistina.com.mk/radio-mileva/biba-dodeva-pozitivna-na-koronavirus/ Оттогаш минаа 15-ина дена, а храбрата „Борка“ се' уште не може да излезе сосема на крај со „невидливиот непријател“, иако добро закрепнува. Сепак, едно нешто, еден мал знак на внимание, парче подарена љубов во вид на убав гест и го подигна оптимизмот на највисоко, и ја врати самодовербата, и ја развесели душата и го растрепери срцето, ја потсети дека не само најблиските од домашното опкружување, туку и блиските пријател(к)и не ја заборавиле... Особено не, кога најмногу и требаат, кога и е најмачно, најтешко...! Имено, додека изолирана води битка со коронавирусот, Биба Додева доби неочекуван подарок што ја направи пресреќна. Познатата македонска модна креаторка и нејзина пријателка, Елена (Пандева) Лука и испрати модно парче од својата нова колекција на пејачката, која не можеше да го скрие воодушевувањето од изненадувањето. Веднаш го облече на себе прекраснот модел, па направо неколку фотографии кои ги сподели на својот Инстаграм, а покрај нив ја напиша својата благодарноца кон нејзината пријателка и позната модна дизајнерка: „Кога пријателката ќе се израдува заедно со тебе дека се' уште дишеш... Не постојат доволно зборови и песни што можам да ти ги кажам или отпеам, за да ти покажам колку ми значиш... Ти благодарам од срце, претеча наша, Елена. Само ти знаеш и умееш вака. Те сакам“ - напиша Биба фотографирајќи го преубаво спакуваниот подарок што го доби заедно со посветата. Гестот на дизајнерката и го стопли срцето, ја направи посреќна и посилна што ќе придонесе што побргу да се избори со короната... Нешто, што на Биба и го посакуваме сите. Побрзо закрепнување и добро здравје... И неа и на сите нас!

Кумашинот на Зоран Заев ги рекламира маските за лице на Елена Лука која ги продава за 599 денари (ФОТО)

Антонио Димитриевски — Sat, 29 Feb 2020 08:35:58 +0000

Деновиве модната креаторка Елена Лука е во фокусот на вниманието на јавноста. Најпрвин се појавија гласините дека таа го донела Корнавирусот во Македонија, односно таа е првата заразена жена што го пренела од Италија кај нас, враќајќи се од модната недела во Милано. Веста со молскавична брзина започна да се споделува на социјалните мрежи, па таа се загрижила и решила да стави крај на шпекулациите. тврдејќи дека во последниот период не ни излегувала од земјава. Откако креаторката бргу сето тоа го демантираше со едно видео објавено на Инстаграм, гласините се сведоа на чаршиски муабети, покажувајќи се како неточни информации. Но, не поминаа ниту 24 часа, кога следуваше нов шок. Овој пат и од адресата и на адреса на Елена Лука. Имено, на нејзината одфицијална продажна Интернет страница се појави прозизвод кој во целата паника со светската епидемија со Коронавирусот, ја изнервира и изиритира јавноста, зашто Елена Лука рекламираше заштитни маски за лице на кои е испечатено нејзиното лого, кои се продава по цена од 599 денари за парче! Јавноста одново зовре, особено социјалните мрежи каде речиси „ја растргнаа“ дизајнерката, која пакл се правдаше во свите изјабви идеманти дека не се работи за медицински, туку за модни маски, со кои таа и нејзиниот тим наводно сакале „конструктивно да ја подигнат општествената свест во јавоста“! Но, тоа очигледно многу не помогна зашто повеќе беше сфатено како правдање отколку како подигање на свеста, па дизајнерката одново стана мета на негативни критики, зашто многумина коментираа дека во време кога светот е во паника поради Корона вирусот, дизјанерските маски се последното нешто на кое што треба да се мисли и од кое треба да се заработува. Откако веројатно сфатила дека „ѓаволот ја однел шегата“, овој „моден“ артикл веднаш беше избришан од официјалната страница на Елена Лука и ако го побарате, сега нема да го најдете, туку ќе ви јави грешка. Ама затоа нешто друго сигурно не е грешка. А тоа човекот или поточно момчето кој е моделот што ги рекламираше и се' уште ги рекламира маските на Елена Лука. Тој не многу познат во јавноста, за разлика од неговата родена сестра, атрактивната струмичанка Љупка Митрова, позната како модна блогерка, инфлуенсер, модел и бивша девојка на Дарко-Спејко... Но и по тоа дека таа и споменатиот машки модел кој е всушност нејзиниот роден брат Горан Митров, се кумашини на Зоран Заев! За разлика од Елена Лука, Горан Митров не ги избришал своите модни фотографии на кои ги рекламира „спорните“ маски со логото на креаторката кои се продаваа за 599 денари. Напротив, за иронијата да биде уште поголема, покрај фотографиите кои се' уште стојат на неговиот Инстаграм профил, во своите Инстаграм приказни на една од нив тој јавно прашува: „Can you feel The FUCK YOU in my smile“? Или во превод: „Дали можеш да почувствуваш „Е*И СЕ во мојата насмевка?“ - прашува кумашинот на Заев од под маската, со потсмев провоцирајќи ја јавноста!?

Весна – Бејби и го сврте грбот на Елена Лука или доби „метла“ од неа? (ФОТО)

Антонио Димитриевски — Fri, 08 Jun 2018 07:04:55 +0000

Можеби малкумина знаат дека Весна Бејби Петрушевска покрај актерството и радио и ТВ водителството се занимаваше и со уште некои работи поврзани со јавната работа, медиумите, модата... Имено, Бејби долги години беше во таборот на познатата македонска модна креаторка и градежник, во концернот ЕЛ на Елена Пандева, во јавноста многу попозната како Елена Лука.

Координатор, дел од маркетингот, колумнист во нивниот портал „Фешанел“, задолжена за контакти и спојување на македонските познати личности и јавни фаци со брендот ЕЛ, па дури и самата плус сајз модел... Едноставно речено, „дама за многу нешта“ кај Елена Лука... за добар хонорар за македонски услови, секако - велат добро упатените!

И покрај сите работи, убави и неубави нешта што и се случуваа приватно и професионално, Бејби секогаш наоѓаше сила и време да стигне насекаде. Од тоа да биде добра Бејби-мама, добра актерка, радио или ТВ водителка, (авто)биограф, па се до „десна рака“ на првата дама во концернот ЕЛ.

Доброупатените велат дека Бејби имала прилично голема доверба и бенефиции кај „газдарицата“ од една и моќ, авторитет и стравопочит кај вработените... од друга страна. Дама чиј збор после оној на газдарицата, ќе биде главен и последен!

Арно ама, по се изгледа дека газдарицата и нејзината „лева, десна... која и да е рака“, ја расипаа калимерата!? Некои забелажаа дека уште на традиционалната осмомартовска забава која Елена Лука ја приредува за своите вработени, Бејби нијкаде ја немаше. Не барем на фотографиите од истата. Оправдано отсутна, намерно непоканета или подоцна избришана од фотографиите на социјалните мрежи... останува да дознаеме подоцна?!

Во меѓувреме, Бејби покрај сите наведени активности има уште една, најнова... сопствен веб портал. Веб сајтот насловен „Мој сајт“ кој е регистриран на нејзино име, односно на нејзината новоснована фирма „Брачна игра“ ДООЕЛ.

Еден вид лајфстајл портал, каде Бејби покрај сопственичката ја пренесе и пишувачката функција, па така сега нејзините колумни, авторски текстови, интервјуа... повеќе ги нема на „Фешанел“ на Елена Лука, туку на нејзиниот „Мој сајт“.

Дали тоа значи дека дефинитивно „пукнала тиквата“, па „љубовта“ помеѓу работодавачката и извршителот на работите заврши засекогаш? Дали Бејби се почувствува доволно силна, способна и моќна да и го „сврти грбот“ на Лука и да се обиде самата или од Елена „доби метла“ заради причини, само на двете нив познати, останува да видиме? Или можеби има нешто трето, па двете дами пријателски се разделиле, на пример, што познавајќи ги карактерите е тешко остварливо, но не и невозможно?

Како и да е, Бејби повеќе не е дел ни од ЕЛ, ни од „Фешанел“... Сега покрај сопсвениот труд ќе мора да се потпре и на „сопствените“ финансии, барем кога е во прашање нејзиниот „арбајт“ во „Мој сајт“!

Викторија Јаначковиќ ја напушти работата, се разведе и и’ се врати на старата љубов! (ФОТО)

Антонио Димитриевски — Thu, 30 Nov 2017 10:18:45 +0000

Таа во 1999 година беше придружничка на Мисот на Македонија, потоа дипломираше на Медицинскиот факултет на отсекот за стоматологија. Но, таа преку ноќ стоматолошката ординацијата реши да ја замени со канцеларијата, па откако влета во политиката, стана шефица на кабинетот на тогашниот заменик министер за култура - Драган Недељковиќ.

Така Викторија Јаначковиќ доби нов статус, а македонската влада еден од најубавите шефови на кабинет!

Несудената збарка во август 2016 година не само што го смени приватниот, туку го смени и приватниот статус, па куста врска влезе во брак со Никола Тасески. Замина да живее во Англија и оттогаш како да ја снема!

Деновиве убавата Викторија одново актуелна. Видно ослабена, стегната, згодна и сексапилна како и тогаш кога за прв пат се појави, таа ги преплави интернет порталите и социјалните мрежи со едиторијал фотографии од новата колекција на модната куќа Елена Лука.

Како што велат информациите, згодната докторка по нешто повеќе од една година брак се разведе, во меѓувреме ја напушти и работата во Министерството за култура на Република Македонија и реши да и се врати на старата љубов - манекенството!

Елегантната и префинета естетика на новите елегантни свечени креации на Елена Лука која го дефинира дизајнот во широка палета на бои со акцент на интензивните нијанси како црвена, зелена, сина, виолетова… Во сите нив, несудената забарка изгледа навистина божествено!

Како... „жена која е моќна, која успева пред сите предизвици и борби кои ги наметнува темпото на живот, како и нејзината независност. Жена која е своја, префинета и нежна, но жена која никогаш нема да го изгуби детето во себе“ - како што ќе изјави самата Викторија Јаначковиќ!

Кога Лила ќе прекрсти нозе: Се’ или ништо под капутот од кашмир? (ФОТО)

Антонио Димитриевски — Wed, 01 Nov 2017 10:04:10 +0000

Лила Филиповска е дефинитивно бренд сама по себе, ама бренд е и она што го носи на себе. По теркот на светските и регионалните познати и популарни фаци и ТВ водителката секојдневно е присутна во јавноста. И на ТВ програмата на Сител и на социјалните мрежи. Саморекламирањето оди во пакет со рекламата за она што го носиш на себе... Така велат законите на современиот адвертајзинг. Социјалните мрежи и личните профили се као создадени за таков маркетинг!

Кусо видео или понекоја фотосторија и публиката ја оборија... од нозе! Особено ако имаш што да покажеш... а Лила и тоа како има... И во лето и во зима!

А кога Лила ќе прекрсти нозе, буди немир... Дали има СЕ’ или НИШТО под капутот од кашмир! Убавите разголени нозе на водителката кои извираат од скапата беж текстура дополнително предизвикуваат „бура“ и дилема...?! Која ја облекува Лила се гледа од прва - модната куќа Елена Лука! За останатото... не е надлежна креаторката... Прашајте ја водителката!