Елена Јовческа – Вистина.мк

Распеаната буцкаста гајдаџика стана „фолк манекенка“: Елена Јовческа со неверојатна трансформација – без да гладува за 4 месеци изгуби 22 килограми!? (ФОТО)

Антонио Димитриевски — Sat, 28 Oct 2023 07:25:58 +0000

Прилепската фолкерка и гајдаџика која покрај пеењето станаи надалеку прочуена и по владеењето на овој музички инструмент по кој сите ја препознаваа, важеше за симпатична буцка. Рускосата пејачка колку и добро да се носеше со килограмите, очигледно и самата била свесна дека вишокот не само што не е компатибилен со естетиката, туку со текот на годините му пречи и на здравјето. Особено ако го живееш естрадниот живот кој е по дифолт нередовен, со долги патувања и напорни настапи до доцна во ноќата, па и до раните утрински часови. Обично сите, па веројатно и таа кога сакаат да се ослободат од вишокот килограми, се соочуваат со низа проблеми: маките со диетите и гладувањето и што е уште постаршно, таканаречениот „јојо ефект“, со брзото враќање на изгубените килограми назад, па дури и повеќе од тоа. Арно ама по се изгледа не баш секогаш така... Имено, јавноста остана вчудовидена кога летово ја виде Елена разголена. Фолкерката во бикини, стегната и видно ослабена, ги увери сите колку својата фигура ја довела во солидна форма, откако рамната снага во костим за капење најпрвин ја покажа за време на викенд престојот во македонскиот бисер – Охрид. Својата неверојатна телесна трансформација Елена Јовческа потоа и ја потврди на многу поегзотична дестинација како што е древниот Египет и неговиот песочен брег. Расната „фолк гајдаџика“ осоколена од новата фигура отиде дотаму што се соблече и топлес... До душа, површината на мирното море ги криеше нејзините бујни гради, покривајќи ги до брадавици, но сепак... Самодовербата кај фолкерката беше толку голема, што повеќе не се двоумеше да се покаже, да се слика и јавно тоа да го сподели и кога е разголена! Оттаму многумина, особено оние од понежниот пол се прашуваа, како тоа распеаната буцкаста гајдаџика „преку ноќ“ стана „фолк манекенка“? Како тоа Елена Јовческа доживеа неверојатна телесна трансформација? Пејачката за реши да ни ги држи љубопитните во недоумица, па на своите Инстагарм приказни има ја откри тајната на нејзината метаморфоза. Имено Елена сподели информација во која кажува дека без да гладува за само 4 месеци изгубила цели 22 килограми. Од речиси 120 килограми, денес тежи само 98! А, за сето тоа најзаслужна е нејзинита гуру фитнес инструкорка и едукатор за здрав живот, извесна Наде...! Останува да видиме дали и до каде пејачката ќе оди со слабеењето и што е најважно, дали ќе остане „фолк манекенка“ доследна на режимот што и го даде посакуваниот ефект или и неа ќе и се случи толку неспосакуваниот „јојо ефект“!?

View this post on Instagram

A post shared by Elena Jovceska (@jovceskaelena)

Фото: Инстаграм/jovceskaelena

Македонската фолкерка ужива разголена на егзотична дестинација: Елена Јовческа предизвика „земјотрес“ откако се соблече топлес… на море во Египет (ФОТО)

Антонио Димитриевски — Wed, 06 Sep 2023 07:29:09 +0000

Македонската фолкерка Елена Јовческа е една од оние пејачки која покрај пеењето е и умешен инструменталист и тоа на еден традиционален македонски инструмент, необичен за да го свири жена - гајдата, по која стана препознатлива и надалеку прочуена. Патем, за разлика од повеќето други нејзини колешки, Елена навреме ги завршила студиите на Економскиот факултет во Прилеп, што ќе и овозможи побргу и подобро да се снајде во промената на професијата, која и беше само привремена, односно на „одредено време“ за време на корона пандемијата, кога се застана па и естрадната професија. Откако животот се врати во нормала, Елена одново е онаа старата, која не може „глава да крене“ од тезги, настапи и турнеји... Како дома, така и надвор, во дијаспората. Сепак, колку и да е презафатена, познатата фолк-пејачка наоѓа малку време за оддишка на душата, за сопстен одмор и релаксација, полнење на батериите и репарирање на ќелиите. Елена можеби не е со манекански пропорции, ама сепак видно ослабена својата фигура ја довела во сосема солидна форма, па рамната снага во костими за капење најпрвин ја покажа за време на викенд престојот во македонскиот бисер - Охрид. На „кајче без платно“ кое денес се нарекува глисер, во различни бикини комбинации фолкерката покажа колку е згодна „риба“. Но тоа како да не ја задоволи нејзината потреба за апсорбирање на летни убавини, па Елена од својата летна тура реши да си приушти уште една авантура. Овој пат на многу поегзотична дестинација како што е древниот Египет и неговото песочно крајбрежје. Атрактивната пејачка оттаму разбирливо споделува спомени со фотки во различни бикини, кои Елена повеќе ги преферира отколку едноделните костими... за капење! Со собрана коса исплетена во плетенки, Елена го споделила сиот свој телесен раскош... Во мини фустанче под палмите, на клунот од бродот или испружена во плетена лулашка во плиткото... Секогаш во преден план атрибутите „за машала“ кај русокосата фолкерка, од кои доминираат бујните природни гради „кинг - сајз“ мерка! Сепак со една од последните фотографии која расната „фолк гајдаџика“ ги објави, Елена машката популација речиси без здив ја остави... Како и не би, кога на споделната „црно-бела егзотика“ фолкерката зрачи со неодолива еротика. Со склопени очи и крената глава кон сонцето, влезена во вода до под раменици, Елена Јовческа - топлес, додека површината на мирното море ги крие нејзините бујни гради, покривајќи ги до брадавици. Жешка поза која предизвика стотици коментари, желби, копнежи и воздишки, со кој Елена ја заскокотка јавноста... И секако мечтите и бујната фантазија на машката популација, која многу извесно дека после ова ќе биде уште побројна меѓу нејзната публика и следбеници на социјалните мрежи! Фото: Инстаграм/jovceskaelena

Уште една македонска пејачка смени професија: Фолкерката Елена Јовческа ги остави микрофонот и гајдата со кои ги крстареше Македонија и светот, па почна да го работи оноа, за што студираше на факултетот! (ФОТО)

Антонио Димитриевски — Wed, 14 Apr 2021 07:28:43 +0000

Елена Јовческа е уште една од низата македонски пејачки, кои мораа да направат „преквалификација“ во професијата заради „неподносливата тешкотија на живеењето“ која естрадата заради коронапандемијата ја паркираше дома! Прилепската фолкерка и гајдаџика која стана препознатлива и надалеку прочуена покрај пеењето и по владеењето на овој музички инструмент, од буквално немање слободно време за својот приватен живот заради нејзините бројни настапи, како низ Македонија, така и надвор од неа, особено кај нашинците во дијаспората, а најмногу во прекуокеанските земји, дојде во ситуација да седи дома. За среќа, за разлика од повеќето други колешки Еленана навреме ги завршила студиите на Економскиот факултет во Прилеп, што денес ќе и овозможи побргу и подобро да се снајде во промената на професијата, која и таа и нејзините обожаватели се надеваат дека ќе биде само привремена, односно на „одредено време“. Елена која моментално живее во Скопје, неодамна откри дека од пред некое време е вработена во една добро позната скопска фирма која е и опшествено одговорна компанија, а се занимава со изработка и монтажа на ПВЦ прозорци и врати, како и продажба на овошна ракија, а во исто време е и главен спонзор на ракометниот клуб РК Бутел. Шармантната прилепска фолкерка која е дипломиран економист по вокација, моментално работи како менаџер во истата компанија благодарение на дипломата и нејзините познавања и во областа на економијата. Елена за македонските медиуми изјави дека дека пеењето сепак и е во прв план, без разлика на тоа што таа е дипломиран економист и она што сега го работи. Музиката и била и ќе и биде на прво место и никогаш нема да се откаже од тоа да ја негува македонската изворна и новосоздадена народна песна. А зошто да не и музиката и економијата паралелно, рака под рака? Впрочем и пред и после секоја песна, после секој настап, по секоја свирка, кога ќе се запалат светлата и ќе стивне еуфоријата, почнува да царува економијата! Сепак останува да видиме кога коронапандемијата ќе помине: Преквалификација на „одредено време“ или „две лубеници под иста мишка“? Фото: Фејсбук принтскрин/Elena Jovceska

”Македонија – вечна” е новиот музички проект на Елена Јовческа и Сања Ристеска (ВИДЕО)

Антонио Димитриевски — Sat, 02 Jan 2021 11:19:12 +0000

Познатите Македонски фолк пејачки Елена Јовческа и Сања Ристеска направија одлично музичко шоу со добро одбрана македонска музика. Како што изјавија ова шоу е Новогодишен подарок за нивните обожаватели, а се надеваат дека јавноста ќе ужива во сето она што тие го подготвија за нив. -На нашиот репертоар има македонски народни песни, имаме два дуети заедно со Сања, еден микс кој го насловивме “Македонија вечна” кој го направив јас, а во самиот микс ја има и нашата дуетска песна “Сестра”. Секако дека ова шоу не може да помине и без мојата песна добро позната на јавноста “Горда Прилепчанка”, како и авторската песна на Сања со наслов “Македонијо не те даваме”. Би сакала да кажам дека најпрво имав идеја да направиме микс, но по разговор со Сања се договоривме да направиме едно комплетно музичко шоу. Со Сања се дружиме долги години, а пред се сме и братучетки и затоа одлучив овој проект да биде со неа. Да бидам искрена, се подготвуваме уште од месец септември, меѓутоа имавме некоја пауза, па затоа едно добри 20 дена бевме постојано на проби со колегите за да биде се' онака како што треба.-изјави Елена Јовческа за естрадниот ТВ магазин Естрада плус. Во музичкото шоу на Елена и Сања учествуваат и неколку музичари кои важат за нивни долгогодишни соработници. Марјан Ртоски-клавијатури, Иле Иваноски-клавијатури, Кире Иваноски-дувачки инструменти, Борче Тренески-бубњеви и Виктор Јошески-хармоника. „За мојот изглед се погрижи професионалниот мејкап артист Алек Палада. Задоволна сум многу од тоа како се одвиваше проектот и од тоа како заврши. Навистина сум среќна што имав можност да работам на овој проект со луѓето кои што беа вклучени во истиот. Верувам дека на сите нас ни требаше нешто вакво. Се надевам дека публиката ќе ужива во она што го припремивме за нив бидејќи работевме на песните со голема љубов и верувам дека тоа се гледа и дека ќе се почувствува. Очекувам публиката да ужива во песните, бидејќи ние навистина уживавме во секој миг од снимањето“ -вели Сања Ристеска за гледачите на ИН ТВ. Шоуто веќе беше емитувано пред и за време на Новогодишните, а ќе се емитува и за Божиќните празници, на сателитската ИН Телевизија. https://www.youtube.com/watch?v=mGB3IqE1knI&feature=emb_logo

Елена Јовческа и Далибор Ѓошиќ во еден глас – „Љубовта не родила“ (ВИДЕО)

Антонио Димитриевски — Fri, 28 Jun 2019 12:01:32 +0000

Познатата фолк пејачка Елена Јовческа и нејзиниот колега Далибор Даки Ѓошиќ, го промовираа спотот за првата заедничка песна која носи наслов „Љубовта не родила“.

Спотот се снимаше на неколку локации во селото Прибилци, а го изработи ИН продукција. За периодот кој следува тие најавуваат и нови дуетски песни, но и заеднички настапи и патувања надвор од земјава.

Далибор не го криеше задоволството од соработката со ИН продукција и вели дека е презадоволен од крајниот резултат.

„Презадоволен сум и мислам дека направив добар потег во смисла на дуетот со мојата колешка. Мислам дека песната ќе вроди плод, навистина е прекрасна, љубовна, македонска песна со преубав спот. Очекуваме позитивни критики и доста настапи“ - искрено вели пејачот.

Далибор за следниот период најавува уште една дуетска песна со Јовческа, но во помодерен стил со што би се опфатиле сите генерации.

„Најпрво да помине овој дует, да го промовираме заедно со Елена за Македонците насекаде во светот да слушнат за што станува збор, а за понатаму ќе оставам да ја стокмам песната до крај, за да оставам квалитетен готов производ“ - заклучува Ѓошиќ. https://www.youtube.com/watch?time_continue=7&v=SWwGE6ofOQw

Елена Јовческа со видео за „Не ме допирај“ (ВИДЕО)

Антонио Димитриевски — Mon, 06 May 2019 10:36:37 +0000

Познатата фолкерка и гајдаџика која се повеќе станува препознатлива во овој музички инструмент, Елена Јовческа буквално нема слободно време за својот приватен живот.

Како што и самата вели, ниту дома нејзините не ја виделе заради нејзините бројни настапи, како низ Македонија, така и надвор од неа, особено кај нашинците во дијаспората, а најмногу во прекуокеанските земји.

Таа деновиве сепак најде време да сними и спот за новата песна “Не ме допирај” која е со збавен призвук и малку поинаква од она што сме навикнале досега како музички стил да го слушаме од Елена.

Прлепската фолкерка самата се јавува како комплетен автор ( музика и текст) на “Не ме допирај”, додека аранжманот на песната го направил Никола Кочанковски - Кочан.

Спотот е сниман на неколку локации во Охрид во соработка со ИН продукција, а во видеото Елена ги покажува сиот свој сексапил и телесни убавини во неколку кадри од видеото.

Комплетната креација и стајлинг во спотот се на реномираниот Алек Палада, а како звучи и изгледа Елена Јовческа во „Не ме допирај“ проследете во продолжение. https://www.youtube.com/watch?time_continue=14&v=BoJXlo49TSc