елен деџенерис – Вистина.мк

Принцот Хари и Меган Маркл почнаа да чуваат кокошки па дури вдомија и туѓи (видео)

Слаѓана Атанасова — Mon, 15 Jan 2024 08:57:33 +0000

Принцот Хари и неговата сопруга Меган Маркл „посвоија“ една од кокошките на познатата водителка Елен Деџенерис. 65-годишната водителка се огласи на социјалните мрежи и откри дека војводата и војвотката од Сасекс ја посвоиле нејзината кокошка по име Синки, а причината за посвојувањето е многу пријатна.

View this post on Instagram

A post shared by Ellen DeGeneres (@ellendegeneres)

Синки стана популарна на Инстаграм кај Елен непосредно пред Божиќ. На 21 декември, Елен откри дека кокошката живее во нејзиниот кујнски мијалник (оттука и името) затоа што ја повредила ногата и била малтретирана од другите кокошки во кокошарникот. Елен потоа ги извести следбениците дека кутрата Синки ја скршила фибулата и ќе мора да помине неколку недели за да се опоравува во клиниката. Таа целосно закрепна, но се чини дека другите кокошки кај Елен не ја пречекаа со добредојде.

View this post on Instagram

A post shared by Ellen DeGeneres (@ellendegeneres)

„Нејзината нога се опорави но нашите кокошки сè уште ја напаѓаат. За среќа, кокошарникот на нашите пријатели Хари и Меган имаше простор за уште една. Сè уште не сум сигурна каква ќе биде нејзината кралска титула“, напишала Елен. Тогаш таа објави видео од Синки во нејзиниот нов дом. „Се чини дека Синки се сместува во нејзиниот нов дом“, напиша таа. Ова можеби стана и тренд меѓу познатите англичани, бидејќи и Викторија неодамна му подари кокошка на Бекам. Таа го изненади сопругот со ваков интересен подарок за Божиќ – Што да му земам на Дејвид за Божиќ? – изјави во спотот модната дизајнерка и поранешна пејачка. Следбениците им го честитаа Божиќ и претстојните празници, но истакнаа и дека видеото ќе стане вирално.

View this post on Instagram

A post shared by Victoria Beckham (@victoriabeckham)

Фото: printskrin/instagram/sussexroyal

Викторија Бекам: „Моите деца се срамат што постојам!“

Слободанка Илиева — Thu, 28 Nov 2019 10:48:12 +0000

Поранешниот Спајсица и сега успешна дизајнерка, 45-годишната Викторија Бекам, иако има одлична врска со нејзините синови, 20-годишниот Бруклин, 14-годишниот Круз и осумгодишната Харпер, кои ги доби во бракот со поранешениот фудбалер, 44-годишниот Дејвид Бекам, таа искрено и јавно призна дека нејзините деца повеќе би сакале „да не постои“. Викторија беше гостинка во шоуто на водителката и комичарка Елен Деџенерис, на Викторија и беа поставени неколку „горчливи прашања“, вклучително и она на кое требаше да се одговори „со што секојдневно ги посрамотува нејзините деца?“, на што Англичанката искрено одговори со „Со своето постоење“. Понекогаш повеќето деца на таа возраст се „срамат“ на некои од постапките на своите родители. За потсетување, иако тие честопати јавно искажуваат љубов еден кон друг преку социјалните мрежи, членовите на семејството Бекам не ги одминуваат контроверзиите, особено кога станува збор за воспитување на децата. Освен што Викторија честопати ја нарекуваат лоша мајка заради многу работи што и дозволува на својата осумгодишна ќерка, што не е соодветно за нејзината возраст, како на пример одење на разни модни настани за возрасни. Пред неколку месеци, странските медиуми пишуваа и за лошата врска на Бруклин со родителите. Имено, на Викторија и Дејвид не им се допадна бурната љубовна врска на синот во тоа време, што меѓу другото ги наруши нивните односи. фото:гуливер/гети имиџис

Џенифер Анистон и Елен Деџенерис се бакнаа во уста (видео)

Христина Ѓоргиевска — Mon, 28 Oct 2019 12:02:50 +0000

Популарната актерка Елен Деџенерис во своето ТВ шоу ја угости својата долгодишна пријателка Џенифер Анистон со која разговараше за разни интимни теми, а една од нив беше и бакнувањето. Имено, Елен пред две недели во својата емисија се бакна со Ховард Стерн, а сега Џенифер сакаше да ги слушне деталите. „Како беше? Дали уживаше? Дали беше нерозна?Дали му се препушти? Ако го исклучиме Ховард кога последен пат се бакнуваше со маж?“ прашуваше Анистон. „Беше добро...Друго, зошто сите сте шокирани?Да, и јас бакнувам момчиња. А ти кога последен пат бакна девојка“ ја праша водителката Џенифер. Во тој момент, водителката која е од 2008 година е во брак со актерот Порти де Роси се наведна кон Џенифер и ја бакна во уста. „Имаш меки усни“ изјави Џенифер. https://youtu.be/NxZ5Xsab41E Имено, бакнежот на двете пријателки стана хит на интернет.

Болна исповед на Елен Деџенерис: „Очувот сексуално ме злоставуваше кога имав 15 години!“

Слободанка Илиева — Thu, 30 May 2019 09:19:12 +0000

Елен Деџенерис се отвори за најлошите моменти од нејзините тинејџерски години, кога била манипулирана и сексуално малтретирана од очувот, а нејзината мајка не ѝ верувала кога ѝ го кажала тоа. Славната водителка гостуваше во шоуто „My Next Guest Needs No Introduction“ на Netflix со Дејвид Летерман и зборуваше за кариерата, но и личниот живот. 61-годишната комичарка го опиша својот очув како „многу лош човек“ и раскажа како тој ја малтретирал. Во периодот кога на нејзината мајка Бети ѝ бил дијагностициран рак на дојка и ѝ била отстранета едната дојка, тој ја злоупотребил ситуацијата. „Кога мајка ми беше надвор од градот, тој ми кажа дека почувствувал грутка во нејзината града и за да не ја вознемири, дека треба да ги допре и моите гради. Ме убеди дека мора да ги опипа моите гради и го направи тоа и повторно и повторно“ – раскажала Елен.

„Лута си сум себеси, затоа што бев преслаба да се спротивставам, имав 15 или 16 години. Тоа е ужасна, ужасна сторија и единствената причина поради која навлегувам во детали е зашто сакам другите девојки никогаш не дозволат некој да им го направи тоа“ – продолжила таа. Елен не ѝ кажала веднаш на мајка ѝ за да не ја згрижува, а кога собрала храброст да ѝ признае за малтретирањето, мајка ѝ не ѝ поверувала. „Не требаше да ја штитам мајка ми. Требаше да се штитам себеси. Не ѝ кажував со години, а потоа таа не ми веруваше и остана со него уште 18 години. Конечно го напушти затоа што тој ја промени приказната многупати“ – појасни Деџенерис. Елен, која сега негува добри односи со мајка си Бети, ги советува сите девојки и жени да не молчат и да не страдаат во тишина. „Кога гледам личности кои гласно признаваат, особено сега, се разлутувам кога на жртвите не им се верува, затоа што ние не измислуваме“ – призна таа. Во интервјуто, Елен не откри колку време траело малтретирањето, но сподели дека во еден наврат таа морала да избега преку прозорец. Очувот на Елен почина во 1997 година.