еквадор – Вистина.мк

Таа е среќна баба, а тој прекрасен внук: Сопругата на Кили се пофали со нова фотографија со внучето од Еквадор

Христина Ѓоргиевска — Wed, 07 Aug 2019 07:14:04 +0000

Помалата ќерка на актерот Кирил Поп Христов и неговата сопруга Гордана Деан Поп Христова, Јоана пред некој месец се омажи во Еквадор. Таа за свој партнер одбра момче токму од оваа држава каде што се пресели, а овие радосни вести на својот Фејсбук профил ги сподели мајката на Јоана.

Меѓутоа, по свадбата во семејството пристигнаа нови убави моменти вредни за паметење. Имено, неодамна Јоана се породи, а таа и нејзиниот сопруг станаа родители на синчето Аниш Круз. Тие уживаат во секој миг поминат со најмалиот член на семејството, а тој сигурно им носи нови радости и енергија во домот.

Во негово друштво и ужива баба Гордана која не се штедеше да истакне дека Аниш е прекрасен внук., Таа на социјалните мрежи објави фотографија со внучето од Еквадор, а во описот напиша: „Прекрасен внук, убав внук“.

За потсетување, неодамна Гордана откри какво е семејството каде се омажи нејзината ќерка и истакна дека станува збор за традиционално семејство по сите еквадорски правила – многу љубов, поврзаност, деца, едноставен живот.

Го откри полот на бебето на неговата ќерка: Кили откри дали ќе добие внук или внука

Христина Ѓоргиевска — Tue, 14 May 2019 07:01:39 +0000

Помалата ќерка на актерот Кирил Поп Христов и неговата сопруга Гордана, Јоана се омажи со нејзиниот партнер Родригез Сориа Хосе Луис во Еквадор. Кили моментално се наоѓа во Македонија каде ќе има неколку ангажмани и повторно е вработен во МНТ. Тој истакна дека не присуствувал на свадбата на неговата ќерка, но дека вистинската прослава ќе се случи кога тој ќе се врати на Еквадор.

„Не, за жал, јас тогаш бев во Австрија. Но, животот е суров. Мислев дека ќе ми биде тешко, пуштив некоја солза. Тогаш бев во Виена кога се вклучија во „live stream“, но вистинската забава ќе се случи кога ќе се вратам“ вели актерот за „Ексклузив“.

Неговата ќерка е во осмиот месец од бременоста, а неодамна актерот на социјалните мрежи објави фотографија од трудничкото стомаче на Јоана.

Во интервју за „Ексклузив“, тој го откри и полот на бебето. Кили откри дека ќе добие внук, а и откри што ќе го учи новиот член на семејството. „Ќе го научам да биде среќен, да се смее и да не очекува ништо од утре, прекутре, следниот месец. Да ја живее сегашноста, само тоа е вистинската работа, ништо друго не вреди“ вели актерот.

Актерот потенцираше дека очекува неговиот внук да биде генијалец и да продолжи таму каде што тој ќе застане. Кили откри дека ќерката и зетот се уште не смислиле име за бебето, но најверојатно ќе биде индиско. https://www.youtube.com/watch?v=zSZNjjgt6AU

„Среќа е тоа што го имаат едноставен живот“: Сопругата на Кили опиша во какво семејство се омажи ќерка им на Еквадор (фото)

Слободанка Илиева — Fri, 29 Mar 2019 08:18:59 +0000

Ќерката на актерот Кирил Поп Христов и кореографката и професорка по свовремен танц, Годрана Деан Поп Христова, Јоана, се омажи на Еквадор – земјата каде заедно се преселија пред неколку години. Веста дека нивната наследничка се омажи со момче од Еквадор, брзо се рашири во македонските медиуми и го привлече вниманието на јавноста.

Јоана освен тоа што стапи во брак, наскоро ќе стане мајка и со сопругот ќе се остварат во улога на родители.

Откако Гордана и Кили преку социјалните мрежи открија дека нивното чедо се омажи, Гоца почувствува потреба повторно да се огласи на својот профил и да опише во какво семејство се омажи нивната Јоана.

Другари мили, фамилијата на зетот ни е традиционална и живее по сите старо еквадорски правила: многу љубов, поврзаност, многу деца, среќа е тоа што го имаат, едноставен живот. Јоана ја прифатиле како да е нивна. Им припремиле забава за младенците во нивниот стил, сестрите на зетот спремиле храна, торти и го украсиле локалот со сета љубов и грижа. Прекрасни луѓе, фала!, напиша Гордана во статусот.

Освен тоа, таа сподели и уште неколку фотографии од венчавката, подготовките на невестата, како и од првиот ден на младите во бракот.

Кили ќе стане дедо: Неговата ќерка Јоана се омажи на Еквадор и чека бебе – еве ги невестата и зетот (фото)

Слободанка Илиева — Wed, 27 Mar 2019 07:42:15 +0000

Помалата ќерка на актерот Кирил Поп Христов - Кили, Јоана, која ја има во бракот со сопругата Гордана, се омажи на Еквадор. Веста прва ја објави Гордана, која на својот профил на Фејсбук објави фотографии од чинот на официјалното ставање на потписите и прстените, а патем откри дека тазе брачната двојка наскоро ќе добие бебе.

Се мажи нашето бебе и ќе има бебе, се пофали Гоца во описот на фотографиите за што доби стотици лајкови и коментари со честитки.

Истите фотографии ги објави и Кили, но тој напиша: -Ете... го доживеав и ова. Соврешено сум пресреќен зашто им ја гледам љубовта како дури и прекипува. Колку е тоа прекрасно кога сакаш и знаеш да сака и сакаш да сакаш. Бебето ќе биде маестрален производ на тоа силно сакање, напиша Кили.

Инаку, сопругата Гордана и ќерката на Кирил Поп Христов, Јоана, останаа да живеат на Еквадор, а сега веќе и целосно се приврзаа со оваа земја, бидејќи зетот Родригез Сориа Хосе Луис е оттаму.

фото:фејсбук/кирил поп христов/јоанадеанпопхристова/горданадеанпоп христова