ексклузив – Вистина.мк

ЛЕПА БРЕНА: Поради војната во Југославија, дојдовме да живееме со Боба во Скопје (ВИДЕО)

Антонио Димитриевски — Wed, 18 Oct 2023 11:27:12 +0000

Емотивно и отворено како никогаш досега, балканската фолк дива Лепа Брена во ексклузивната исповед говори за животот во Југославија, бизнисот со Боба во Скопје, надминувањето на животните премежја низ кои поминувала со својата фамилија како и за актуелните проекти како брендот „Lady B“ и „Lepa Brena Project“, преставата која ја врати регионалната публика на театарската сцена. Во интервјуто Брена се присети и на нејзината кукла - барбика која ја поврза со актуелниот истоимен филм „Barbie“ кој го освојува светот. Откри како таа се сеќава на барбиката Лепа Брена по која своевремено лудуваа сите млади девојки. Зао вие и уште многу други помалку или сосема непознати нешта за неа и нејзиниот живот и кариера, Брена говори во екслклузивното интервју кое го даде за нашите соработници од Jingle TV кое можете да го проследите во продолжение:

„Exclusive“ ја отвора новата сезона со мега интервју на Лепа Брена

Антонио Димитриевски — Mon, 09 Oct 2023 09:46:13 +0000

Ако измината сезона ја затворивме со Саша Поповиќ директорот на Grand продукција. Оваа есен започнува, со големото мега интервју на најголемата балканска дива Лепа Брена, која единствено за Jingle Телевизија одлучи да ја даде ексклузивната исповед за нејзиниот живот, бракот со Боба, но и разговори кои за прв балканската јавност ќе ги дознае. И сето тоа во првото интервју со кое започнува новата сезона на естрадниот магазин Exclusive, кој повторно ќе биде во центарот на вниманието на гледачите и интернет следбениците. Затоа бидете подготвени за вистински телевизиски ексклузивитети оваа есен. Недела (15. октомври) во 18:15 часот премиерно на JingleTV проследете го првото издание на Exclusive со Лепа Брена.

View this post on Instagram

A post shared by Jingle TV (@jingle.tv)

Саша Поповиќ ги открива сите нови промени во „Ѕвездите на Гранд“ само за JingleTV и екипата на „Ексклузив“ (видео)

Слаѓана Атанасова — Wed, 21 Jun 2023 08:02:10 +0000

Оваа недела следува вистинска видео ексклузива, само за JingleTV и екипата на „Ексклузив“, Саша Поповиќ директорот на Grand продукција и креатор на најгледаното шоу на балканот „Ѕвездите на Гранд“ ни ги открива сите нови промени кои од септември ќе се случат и визуелно и концептуално во најголемото студио на GRAND. Во прво лице Саша ќе говори и за патот до успехот на нашите македонски кандидати кои преку изминатите сезони успеаа да го изградат својот музички имиџ и кариера токму преку најголемата дискографска и видео продукција на Балканот GRAND продукција. На самиот крај во најновото издание на ексклузив ќе го имаме и еден од виновниците за фантастично шоу кое заедно со своите колеги им го приредуваат на гледачите од целиот регион, по интервјуто со Саша во истата епизода ќе можете да го гледате интервјуто и со Ѓорѓе Давид.

Трите популарни македонски водителки – Јована Стојменовиќ, Ведрана Ѓорѓевиќ и Билјана Дебарлиева во интервју за „Jingle TV“ (ВИДЕО)

Антонио Димитриевски — Tue, 14 Feb 2023 07:06:20 +0000

Тие три покрај тоа што се згодни, атрактивни, заводливи, сексапилни, вистински дами, сите три се меѓу најпопуларните македонски ТВ водителки со години наназад. Работеле на различни медиуми и ТВ фреквенции, но секаде каде што ќе се појават, со својот изглед, шарм и говор пленат. Ја освојуваат ТВ публиката на прва, па затоа таа им останува верна каде и да се, секаде каде што нивниот лик и појава ќе осамне, без оглед дали е тоа на ТВ екраните или на некоја манифестација, конференција, фестивал, настан, случување, било каков ивент... Имињата на Јована Стојменовиќ, Ведрана Ѓорѓевиќ и Билјана Дебарлиева секогаш се гаранција дека ТВ гледачот или организаторот не можел да направи подобар избор. Токму трите во интервју за „Jingle TV“ ги раскажаа своите ставови и искуства, за нивното, но и туѓо присуство во професијата на оние што заслужуваат да бидат дел од неа и оние што случајно заталкале во истата. Но и за она што се нарекува било која друга јавна професија, како естрадната на пример, во која секој не заслужува да се нарече естраден уметник. Така, Јована и Ведрана удрија по македонскта естрада, во која има многу непознати ликови, кои стихијски се појавуваат и сакаат преку ноќ да бидат ѕвезди. „Ми се чини стихијски овде кој ќе се појави на некој портал, тој веднаш е најактуелен кај колегите. Треба малку да се прочепка, кој тоа се' треба да биде дел од некакви јавни конференции, манифестации, настани и сл.“ - изјави Јована во интервјуто за „Ексклузив“ на „Jingle TV“ , чие излагање, како и оние на нејзините колешки Ведрана и Билјана, можете да ги проследите во продолжение на видеото (КЛИКНИ ТУКА):

Се омажи некогашната македонска пејачка и ТВ водителка, поранешна наставничка и политичарка од редовите на ВМРО-ДПМНЕ: Ели и Мајкл, синот на сопственикот на ТВ „Сонце“ правеа свадбена веселба (ФОТО)

Антонио Димитриевски — Mon, 12 Sep 2022 07:31:11 +0000

Викендов, на 9-ти септември 2022 година, некогашната политичарка Елена Петковска му кажа ДА и пред Бога на Мајкл Атанасоски, син на познатиот бизнисмен и сопственик на ТВ Сонце, Ѓорѓија Џорџ Атанасоски, па свечениот чин на официјално стапување во брак двојката го прослави со семејна веселба во еден елитен скопски локал.. Повозрасните генерации ја паметат како атрактивната поп пејачка од некогашното женско вокално трио, „Ексклузив“, а подоцна и како ТВ водителка во тогашната ТВ „АБ Канал“ а еден период беше и наставничка основното училиште ,„11 Октомври,“ во скопски Центар. Сепак, последно Елена Ели Петковска беше запаметена како советничка токму во општина Центар од редовите на ВМРО-ДПМНЕ и координатор за правни работи во МЕПСО. Иако своевремено тврдеше дека политиката е она нешто во кое најмногу се пронашла себеси, таа својот животен пат ќе го насоичи сосема во друг правец, откако ќе се запознае со Мајкл, синот на сопственикот на скопската телевизија ТВ „Сонце“, Ѓорѓија Џорџ Атанасоски. „Искрено не би сакала да зборувам за мојот приватен живот, можеби звучи себично, но сепак се трудам и сакам да си ја зачувам приватноста, а со тоа и да ги заштитам моите најблиски. Само ќе кажам дека богатство покрај себе да имаш човек кој беспрекорно те почитува и поддржува во секој сегмент. А за свадбените ѕвона мислам дека се' уште е рано, но никогаш не се знае – може да изненадам“ - ќе изјави во 2016 година тогашната политичарка во едно свое интервју за„Фокус“. Елена Петковска пред неколку години замина во Соединетите Американски Држави, поточно во Флорида, а причината беше љубовна - за да биде покрај човекот на својот живот. Парот веќе неколку години живее заедно, а имаат и едно детенце. Но, поради короната досега не успејаа да направат свадбена веселба за нивните најблиски во Македонија. Сега најдоа време и можност гламурозната свадба да ја направат во еден престижен ресторан во центарот на Скопје. Невестата во елегантен, долг, свечен невестински фустан украсен со светкави каменчиња, но и прилично расположена и весела. Како и не би била, кога музиката и е во гените и вените, па затоа и самата покажа дека и тоа како умее да запее и танцува, да се весели. И кога е првиот свадбен танц во прашање и кога свират зурли и чукаат тапани! Невестинската торта исто така на „ниво“! Поточно на четири нивоа, односно четири ката, украсена со бели рози и иницијалите на младите испишани со златна прехрамбена боја. Нека им е за многу години на младите, да се среќни, вечни и се разбира, многудетни! Фото: Инстаграм принтскрин/principessaelenaeli/Приватна архива

По згаснувањето на „Ексклузив“ на „1 ТВ“, еве каде е и што работи водителот Стефан Лазаров (фото)

Христина Ѓоргиевска — Fri, 18 Oct 2019 07:22:37 +0000

До пред некој месец на „1ТВ“ имавме прилика да го гледаме естрадниот магазин „Ексклузив“ каде водители беа Стефан Лазаров и Николина Славковска кои подготвуваа најразлични содржини од светот на шоубизнисот. Шпекулации, интервјуа, гости, естрадни уметници, анктети беа дел од содржината на магазинот кој одеше во етер секој ден на спомантата телевизија. Но, откако се исклучија камерите и згасна естрадниот магазин, водителите си го најдоа својот пат за да продолжат понатаму. Нина не отиде во телевизија односно се врати на својата стара љубов односно танцот. https://arhiva.vistina.com.mk/radio-mileva/so-zgasnuvanjeto-na-televizijata-na-boki-13-zavrshi-i-voditelskata-kriera-na-nina-no-eve-shto-novo-raboti-denes-foto/ Додека пак нејзиниот колега Стефан не се откажува од својата водителска кариера, па својата кариера ќе ја гради во друга телевизија. Имено, Стефан е дел од екипата на утринската емисија „Добро утро, секое утро“ на Алфа тв, а негова колешка е водителката Анастасија Деа Богдановска. Стефан на својот „Инстаграм“ сподели фотографија и покажа дел од новото работно студио и утринската атмосефера во телевизијата. За потсетување, Стефан ја сними и својата прва песна под наслов „Hola mamacita“ која може да ја слушнете на линкот.