ехо – Вистина.мк

Неполн месец по венчавката Бомбакис обзнани дека ќе стане татко: „Најдобриот ‘картон’ што сум го држел во животов“ (ФОТО)

Антонио Димитриевски — Fri, 14 Jul 2023 06:45:21 +0000

Oткако кон крајот на минатиот месец јуни 2023 г. се ожени со неговата девојка Вики, Бомбакис сега обзнани дека ќе стане татко! Тој наместо вообичаениот картон со испишана порака, овој пат високо го крена листот со фотографијата од ултразвук на која се гледа дека неговата сопруга носи бебе и напиша: „Најдобриот 'картон' што сум го држел во животов. Најдоброто нешто што ми се случило во животов. После сите турбуленции, фала ти Господе. Фала ти Вики што си ми најголема поддршка и животов“- споделил Бомбакис на својот Фејсбук профил. Инаку Бомбакис на 30-ти јуни направи свадба со својата сега веќе бремена сопруга Вики, на која како вообичаено не недостасуваа и неговите картонски пораки. Првиот картон со најава до неговата мајка, на кој пишуваше: „Ете мајко решив да се женам“. За време на одењето по невестата високо крената нова картонска порака: „Немаме пари, ама битно сме другари“... Датумот на венчавката, младоженецот и невестата исто така го најавија со картон... Па дури и на вообичаеното прашање на матичарот, Бобмакис судбоносното ДА го потврди со напишан збор на неговиот картон. Но, овој последниот, кој и не е вистински картон, но затоа е вистинска причина за најголема среќа и радост во животот... И тој, како и неговата сопруга со нетрпение го чекаат денот кога штркот ќе слета со приновата во нивното тазе семејно гнездо. А сите ние, едвај чекаме да ја видиме тогаш пораката со испишан натпис, на инспиративниот „картон мајстор“ - Бомбакис! Фото: Фејсбук/Bombakis

„Ехо“ на Зарина Првасевда ќе патува низ Македонија

Антонио Димитриевски — Sun, 02 Oct 2022 06:54:00 +0000

По фантастичниот распродаден концерт во македонската Филхармонија по повод издавањето на првиот албум „Ехо“, Зарина Првасевда објавува уште три нови датуми и градови во кои ќе одржи концерти придружувана од нејзиниот ансамбл. Кочани – 8 октомври – Градски парк, почеток 13 ч. Битола – 13 октомври – Центар за култура, почеток 20 ч. Демир Хисар – 14 октомври – Дом на култура “Илинден”, почеток 20 ч. На овие концерти Зарина Првасевда ќе ги изведува песните од својот прв официјален студиски албум, издание на Кроација рекордс. На албумот има 11 традиционални песни од Балканот, спакувани во нови аранжмани, отпеани на пет јазика: македонски, албански, турски, српски и бугарски.

Оваа „мини турнеја“ е нешто што со нетрпение го очекував да се случи после оној концерт во Македонската филхармонија кога мене лично ми се случи второто раѓање и едно вистинско реобликување за какво што претходно можев само да сонувам. Признавам дека сонував и овојпат… и еве уште еден од соништата станува реалност, само умножен во три нови датуми и три нови градови, сите од нив со посебно значење во моето срце. Вистински е голема радоста и меракот да пеам во родниот град, на моите демирхисарци, во Битола – мојот втор дом и голема љубов како и во Кочани, градот кој ме освои со близината која ме дели од најмагичните зајдисонца што некогаш сум ги посведочила. Она што за сигурно го знам е дека ќе имаме можност повторно заедно да ја одживееме магијата и синергијата што ни се случи нам присутните во Македонската Филхармонија , преку фреквенцијата на музиката да се прегрнуваме, да плачеме и да се утешиме, да и се радуваме , да ја помилуваме одблизу песната на народот , да ја налееме со љубов и одново да и дадеме крила , онака како што таа заслужува за да лета слободна и да патува се до онаму до кадешто некому ќе биде мелем . Кочани, Битола, Демир Хисар – ЕДВАЈ ЧЕКАМ, вели Зарина.

Вељко Ражнатовиќ го покажа синот: Вака изгледа се’ уште неродениот внук на Цеца (ВИДЕО)

Антонио Димитриевски — Tue, 12 May 2020 07:21:33 +0000

Вељко Ражнатовиќ и неговата бремена сопруга Богдана беа на преглед кај матичниот гинеколог. редовна контрола на која се проверува здравствената состојба на трудницата и како напредува плодот. Ехо снимањето со ултразвук е една од редовните процедури при таквите контролни прегледи, а синот на Цеца се пофали со видеото од овој чин, споделувајќи го на Инстаграм и напиша шеговит коментар. Вељко објави видео од ултразвук прегледот на Богдана, во кое се гледа бебето во мајчината утроба, додека во позадина се слуша како неговата бремена сопруга се смее и разговара со докторот. „М*доња на тато“ - напишал Вељко на Инстаграм и ги натера сите да се насмеат, анекои и ги разнежни!

Емотивно: Дарко Лазиќ не може да дојде на себе од среќа (фото)

Слободанка Илиева — Fri, 01 Mar 2019 09:51:00 +0000

Српскиот пејач Дарко Лазиќ успешно закрепнува од тешката сообраќајна несреќа која ја имаше во октомври минатата година. Тој и Марина Гагиќ наскоро ќе станат родители на машко бебе, а тој момент со нетрпение го чекаат.

Имено, Марина редовно е на контроли, а поради последниот ултразвук, Дарко има широка насмевка на лицето.

Марина доби фотографии од ехо на кој се гледа главата на бебето, а истите ги сподели на Инстграм. Лазиќ позираше со нив, а очигледна е неговата неизмерна среќа.