египетски хороскоп – Вистина.мк

Египетски хороскоп кој е точен

Ивана Стојанова — Thu, 06 Sep 2018 14:02:22 +0000

Долго време египетскиот хороскоп за јавноста бил целосно непознат. Кога астролозите го откриле, сфатиле дека е поделен на 12 знаци, а дека со секој од нив владее некој египетски бог. Иако поделбата на знаци е сосема поинаква од онаа на која сме навикнати, овој хороскоп е навистина фантастичен, а многумина велат и многу точен. Прочитајте каква судбина ве очекува: Амон, Бог на пророците (1 јануари – 2 февруари) Оние родени под знакот на Амон се упорни, ненаметливи и многу емотивни. Иако дејствуваат незаинтересирано, својата волја ја спроведуваат тивко и полека. Лицето што им се свиѓа го освојуваат така што едноставно ќе седнат до него и „ќе зрачат среќа“. Амоновите припадници се многу лојални и не толерираат неверство. Доколку врската тргне во лоша насока, веднаш ја прекинуваат, затоа што не се заинтересирани за нешто што нема иднина. Во љубовниот живот ги штити Амон, врховниот бог на Египет. Нивната боја е златна, а умот, т.е. интелигенцијата е нивното најголемо оружје за заведување. Шебек, бог на реката Нил (3 февруари – 4 март) Лицата под овој знак понекогаш се заслепени од надворешната убавина и сјај, но, за среќа, брзо се враќаат од трансот. Во љубовните врски инсистираат на интелектуално разбирање, ама се нестабилни и тешко може да се смират крај една личност. Многу се искрени и не опростуваат лага. Сексот им е важен, па затоа бараат партнер со исти еротски интереси и склоности. Нивниот заштитник е бог-крокодил, чувар на светата река Нил и античкото богатства на Египет. Омилена боја им е сината, а заведуваат со својата оригиналност. Озирис, бог на плодноста (5 март – 9 април) Романтични и сензуални, децата на Озирис ја сакаат природата, поезијата и животните. Неопходни им се љубовта и нежноста, без нив се чувствуваат целосно изгубени. Во младоста се склони кон идеализирање на љубовниот партнер, поради што често доживуваат разочарување. Подоцна, на врските им пристапуваат повнимателно, а кога ќе се вљубат, се исклучително верни и страствени. Ги привлекуваат искрени личности, не премногу разуздани во сексот, бидејќи се доста конзервативни. Родените во овој знак ги штити Озирис – богот на плодноста. Нивната боја е индиго сина, а во заведувањето го користат своето најмоќно оружје –погледот. Птах, Бог на вистината (10 април – 2 мај) Во љубовта се импулсивни, полни со барања и инсистираат на искреност. Птах е Бог на вистината и родените во овој знак не се согласуваат на врски што се базирани на измама. Многу се нетрпеливи и неретко поради избрзани одлуки прекинуваат квалитетни врски, бидејќи не успеваат да навлезат во суштината на партнерот. По природа често се вљубуваат, нагласено се страстни и сакаат сè сега и овде. Сепак, многу се внимателни при избор на брачниот партнер. Црвената боја им носи среќа, а заведуваат со својата смеа. Хорус, Бог на животот (3 мај – 16 јуни) Непостојани како пеперутка, децата на Хорус, бог на небото, тешко остваруваат цврсти врски. Имаат немирен дух, склони се кон љубовни авантури и секс за една ноќ. Постојано се во потрага по идеален партнер, за нив во почетокот секој „е оној правиот/онаа вистинската“. За да се скрасат во една врска, саканото лице мора да биде силно и стабилно. И најмала трага на посесивност ќе го избрка овој знак. Килибарната боја им носи среќа, а нивното најсмртоносно оружје за заведување е духовитоста. Нефтис, божица на љубовта (17 јуни – 21 јули) Владетелката на овој романтичен знак е преубавата Нефтис, божица на љубовта. Нејзините деца се неверојатно верни, тежнеат кон тоа со саканото лице да се соединат и со тело и со душа. Во непрекината потрага за по својата втора половина, па понекогаш се случува да „го изгубат компасот“ и почнуваат да талкаат од еден до друг партнер/ка. Склони се кон мечтаење, ама знаат како да ги материјализираат своите соништа. Исклучително се креативни и мора да се искажат преку некоја форма на уметноста. При заведување треба да се потпрат на својот изглед којшто ќе биде попривлечен доколку носат бела боја. Кога родените во овој знак ќе се заљубат тие се неверојатно се поврзуваат со партнерот и стануваат едно тело. Токму затоа треба да бидат внимателни. Мораат да пронајдат некој кој ќе биде еднакво внимателен и наклонет како нив, бидејќи во спротивно многу ќе патат. Сет, богот на молњата и бурите (22 јули – 18 август) Сет е бог на молњата и бурите и на припадниците на овој знак им дава интензивна страст. Ним им треба личност со избалансиран карактер и темперамент која ќе знае како да се справи со нивните бурни емоции. Многу им е важно нивниот партнер да биде привлечен и за другите и сакаат кога во јавност ги опсипува со внимание. Децата на Сет освојуваат со својот достоинствен изглед и аристократско држење на телото, а нивните бои се портокалова и златна. Анубис, бог-заштитник (19 август – 21 септември) Анубис на своите деца им обезбедува среќен и мирен љубовен живот. Родените во овој знак се одговорни, интелигентни, чесни, емотивни и романтични, а недостаток им е што немаат иницијатива. Во потрага се по некој кој ќе знае како да ги препознае нивните квалитети. Сакаат да бидат заведувани, и тоа полека, а од врската очекуваат сигурност. Нивниот идеален партнер мора да биде загонетен и малку мистериозен, бидејќи ги одбива преголемата искреност и отвореност. Нивната боја е темно сина, а оружјето за заведување е нивната интелигенција. Ра, бог на Сонцето (22 септември – 15 октомври) Одмерени, полни со љубов и внимание, родените под заштита на богот Ра со леснотија го наоѓаат лицето за живот во пар. Со задоволство примаат комплименти, ама и дарежливо ги делат. Во друштво се многу омилени и едноставно пленуваат со својата неодолива харизма. Недостаток им е што се колебливи и што тешко се одлучуваат при избор на партнер, особено ако разумот им се бори со срцето. Доколку сакаат среќна иднина, не треба да се осврнуваат на минатото. Зелената боја им носи среќа, а заведуваат со својот шарм. Изида, божица на чудата (16 октомври – 9 ноември) Изида е божица на плодноста, заштитничка на бракот и мајчинството, но и на чудата. Луѓето родени под нејзина заштита имаат силна интуиција и магична моќ. Нивната волшебна насмевка едноставно маѓепсува, па не им е тешко да го освојат личноста која им се допаѓа. Во љубовта се предаваат со сето свое срце, затоа што сакаат да ја направат среќна саканата личност. Исклучително се страсни и ослободени од секакви предрасуди, за нив не постои забрането овошје. Црвената боја им носи среќа, атаинственоста е нивното моќно оружје. Тот, бог на мудроста (10 ноември – 3 декември) Родените под знакот на Тот, бог на мудроста, тешко ги изразуваат своите чувства, но секогаш делуваат расположено и безгрижно. Ги привлекуваат авантури и нови пријателства, а најмногу им одговараат личности кои ќе бидат нивно „сигурно пристаниште“, каде ќе се враќаат по возбудливи авантури и патување. Комплицирани се и често го менуваат расположението, па претставуваат вистинска мистерија за другите луѓе. Среќната боја им е пурпурната, а најмоќното оружје – оптимизмот. Хатор, божица на уметноста (4 декември – 31 декември) Тие се „вљубени во љубовта“. Потребен им е партнер кој ќе ги разбере и кој ќе знае како да ги инспирира чувства што им се вртложат во длабочините на нивната душа. Хатор е божица на уметноста и музиката и нејзините деца ги красат нежни емоции. Колку и да ја посакуваат вистинската љубов, во исто време се плашат од неа, поради што понекогаш се однесуваат воздржано и студено. Имаат голем сексуален потенцијал и се верни брачни другари. Нивната боја е темно зелена, а заведуваат со својата мистериозост и независност.

Прецизен египетски хороскоп ја открива вашата личност и судбина

Слободанка Илиева — Thu, 05 Apr 2018 08:22:48 +0000

Сите ние сме добро упатени во традиционалната астрологија, знаеме во кој знак сме родени и што сме во подзнак. Сепак, повеќето не знаат за египетскиот хороскоп, кој е еден од најстарите. Овој антички хороскоп открива можеби и многу повеќе од оној на кој сме навикнати. Пронајдете го вашиот датум на раѓање и навлезете во долго скриените тајни на вашата потсвест и судбината која ве чека.

Нил од 01.01 до 07.01 / од 19.06 до 28.06 / од 01.09 до 07.09 / од 18.11. до 26.11

Вие сте многу одлучна и посветена личност, како и самата река Нил. Целосно сте посветени на вашите цели и во животот можете да постигнете сѐ што ќе посакате. Амбициозни сте, силни и непоколебливи, исто како и самиот Нил.

Амон Ра од 08.01 до 21.01 / од 01.02 до 11.02

Амон Ра, врвниот бог, целосно ги отсликува вашите влијание и сила. Вашите најдобри особини се храброста и самодовербата. Вие сте родени лидери и еден ден оваа ваша улога целосно ќе се оствари.

Мут од 22.01 до 31.01 / од 08.09 до 22.09

Мут е кралица на боговите и египетска мајка-божица. Ако таа владее со вашиот знак, вие сте многу суптилни, дури и срамежливи. Сепак, вие сте и многу чувствителни, великодушни и внимателни. Вашата промисленост, трпение и желба да ги заштитите најблиските ве прават личност која сите лесно ќе ја засакаат.

Геб од 12.02 до 29.02 / од 20.08 до 31.08

Геб е бог на земјата, заслужен за сѐ живо што расте на овој свет. Вие сте многу привлечни, љубители на вистината и вредни. Искрени сте и луѓето зависат од вас, исто како што зависат и од земјата, која им го овозможува она што им е потребно за живот.

Озирис од 01.03 до 10.03 / од 27.11 до 18.12

Озирис е бог на смртта и подземјето. Ако сте родени во неговиот знак, вие сте многу мудри и остроумни. Вашето идеално занимање е започнување сопствен бизнис. Добри сте во донесување одлуки и лесно можете да навлезете во сечиј карактер.

Изида од 11.03 до 31.03 / од 18.10 до 29.10 / од 19.12 до 31.12

Изида е божица на здравјето, бракот и мудроста. Ако таа е вашата заштитничка, тоа значи дека и вие самите сте мудри, но и посветени и горди на сето она што сте го постигнале, бидејќи сето тоа сте го постигнале со сопствен труд.

Тот од 01.04 до 19.04 / од 08.11 до 17.11

Тот е бог на Месечината и мудроста. Тоа значи дека и вие сте многу интелигентни и добри во решавањето на проблемите. Сакате загатки и интересни филозофски прашања. Уживате во читањето и учењето, бидејќи ништо не цените повеќе од знаењето.

Хорус од 20.04 до 07.05 / од 12.08 до 19.08

Хорус е бог на небото, војната и ловот. Како него, ни вие не се плашите од ризици и секогаш целите високо. Многу сте верни и имате високи цели. Себеси веќе се гледате како иден крал.

Анубис од 08.05 до 27.05 / од 29.06 до 13.07

Анубис е бог на гробовите и мумифицирањето. Токму затоа, вие уживате во мирниот и тивок живот. Ја сакате самотијата и сакате да размислувате во мир и тишина за сѐ. Многу сте послушни и скромни во сето она што го правите. Луѓето сакаат да бидат во ваша близина заради вашата спокојна и смирувачка аура.

Сет од 28.05 до 18.06 / од 28.09 до 02.10

Сет е бог на невремето, злото, хаосот и војната. Личностите чии заштитник е тој се многу отворени, социјални и секогаш расположени за дружење и акција. Заради своите социјални контакти често можете да имате многу корист. Отворени сте, искрени и дружељубиви.

Бастет од 14.07 до 28.07 / од 23.09 до 27.09 / од 03.10 до 17.10

Бастет е божица на мачките, заштитата, радоста, музиката и пријателството. Вие сте многу тактична личност, која се трга од конфликтите и која носи примирје кога ќе дојде до расправија. Исто како што Бастет штити, така и вие имате потреба да ги заштитите сите луѓе околу себе.

Секмет од 29.07 до 11.08 / од 30.10 до 07.11

Секхмет е божица на плодноста, огнот и здравјето. Вие сте многу грижливи и чувствителни. Фер сте и чесни во сѐ што правите и верувате дека правдата секогаш победува на крајот. Исто така сте многу зборливи, внимателни и отворени. Заради сето ова, луѓето бескрајно се потпираат на вас. извор:кафепауза.мк