Александар Тарабунов: „Горд сум што ја препеав ‘Едно име имаме’ на Јонче, особено затоа што му беше голем пријател на татко ми (ВИДЕО)

Антонио Димитриевски — Tue, 25 Jul 2023 10:58:15 +0000

Можеби една од највпечатливите македонски песни „Едно име имаме“ отпеани од грлото на легендарниот Јонче Христовски, која е и своевидна химна и една од оние аманет-композиции со кои се идентификува македонскиот народ, маестро Николче Мицевски во рамки на проектот „Македонијо во срце те носиме“ ја спакува во ново руво, а Александар Тарабунов се обиде да ја донесе онака како што тој знае и умее – маестрално. „Едно име имаме“ ја пеам одамна и ми е многу драга песна, ми буди убаво чувство за Македонија и горд сум што ја препеав и имам можност да ѝ ја претставам на публиката во едно ново руво“, вели Тарабунов и се присетува на една убава случка поврзана токму со македонската фолк легенда: „Одамна ми беше голема желба да препеам некоја од безвременските песни на Јонче Христовски бидејќи беа големи другари со татко ми. Се сеќавам дека кога бев мал на еден мој роденден Јонче ми подари цело ќесе џамлии „црнки“ коишто во тоа време беа највредните. Со роденденскиот подарок излегов во маало да играм со другарите и поголемите ме намирисаа и ми ги ќарија сите џамлии. Кога се вратив дома татко ми ме праша каде ми се џамлиите од Јонче, е а кога дозна каде се отиде на врата да им ги бара ха, ха, ха...“ Видеото за „Едно име имаме“ во изведба на Александар Тарабунов е со потписот на Скендеровски продукција, која стои зад проектот „Македонијо во срце те носиме“, а во чии рамки се препеани 12 македонски легендарни песни, во изведба на 12 изведувачи, и од светот на забавната и од светот на народната музика. Меѓу изведувачите кои публиката уште треба да ги слушне и види се и: Сузана Спасовска, Бојана Скендеровски, ДНК, Андријана Јаневска и Зуица Лазова. Уживајте во изведбата на Тара и легендарната „Едно име имаме“ и, секако, очекувајте го концертниот караван кој ќе стартува кон крајот на летото и кој под истото име „Македонијо во срце те носиме“ ќе гостува во неколку македонски градови - Да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас. Уживајте во гласот на Тара и неговата верзија на „Едно име имаме“:

Откако своевремено македонската песна си ја “препеа по свое“, сега бугарската фолк пејачка Глорија пишува биографија (ФОТО)

Антонио Димитриевски — Wed, 12 Sep 2018 11:07:38 +0000

Бугарската фолк пејачка Глорија стана писателка. Таа издаде книга за нејзиниот живот и ги изненади сите нејзини фанови. Целото лето пејачката место на снастапи се посветила на пишување на своите мемоари. Во нив, таа ја открива својата душа и открива сè за својата кариера и за нејзиниот личен живот. Глорија помина многу од своето време ова лето за да ја дообликува биографијата. Книгата е речиси подготвена за издавање и се очекува да биде отпечатена наскоро.

Пејачката вели дека сакала само тројца мажи во нејзиниот живот. И таткото на нејзината ќерка е еден од нив. "На мене во љубовта ми пречи разумот. Многу сум приземна и не можам да бидам лигла, па да сум во скутот на некој маж. Се разбира, жена сум, го сакам најдоброто за себе - да се чувствувам сигурна, да сум сакана, галена... Верувам во принц на бел коњ. Мора да сме се сретнале некаде, но сме се разминале и тоа два или три пати " - ќе изјави Глорија.

Инаку во „духот на добросоедскиот“ договор со Бугарија, да потсетиме дека Глорија во 2011 година ја „препеа по свое“ македонската новосоздадена песна со патриотска содржина „Едно име имаме“ која ја потпеа легендарниот Војо Стојановски. Нејзината верзија носеше наслов „Каде и да одиш“, а во неа секое спомнување на Македонија е заменето со Бугарија.

„Една вера имаме, еден живот имаме. Б'лгарија цела да е, секој да ја знае! Ако некој рече дека Б'лгарија е мала, има уште 8 дела за да биде цела!!?“ - пее Глорија во својата верзија. Машала! Ако вака Глорија пееше во украдената песна, што ли ќе каже, а да не излаже во својата биографија? https://www.youtube.com/watch?time_continue=4&v=Yns1_uhDIy4

едно име имаме – Вистина.мк

Александар Тарабунов: „Горд сум што ја препеав ‘Едно име имаме’ на Јонче, особено затоа што му беше голем пријател на татко ми (ВИДЕО)

Откако своевремено македонската песна си ја “препеа по свое“, сега бугарската фолк пејачка Глорија пишува биографија (ФОТО)