еден на еден – Вистина.мк

Калиопи пред камери проговори за тешките моменти кога го изгубила гласот, а лекарите среде операција наишле на феномен (видео)

Слободанка Илиева — Tue, 23 Jan 2024 10:00:06 +0000

Нашата поп дива Калиопи годината зад нас ја заврши со многу интервјуа за домашни и регионални медиуми, почестени бевме и ние со едно ексклузивно интервју за Вистина.ком.мк, а сега Новата 2024 таа повторно ја почнува со исповед пред камери во шоуто „Еден на еден“. Зборуваше за многу нешта кои водителот Жаре ја потпраша, од кариера до приватност со сегашноста и минатото, а меѓудругото таа откри и за тешкот период од нејзиниот живот кога живеела во Швајцарија, се уште била со презиме Грил, односно во брак, а тoгаш поради силни стресови се случило психосоматски да почне постепено да го губи своето најсилно оружје- гласот. -Имав сериозен проблем психосоматски, почнав постепено да го губам гласот и за голема среќа што во тој период живеев во Швајцарија. Во Базел постоеше и се уште постои доктор Јозеф Сопко, голем стручњак, оториноларингологист, хирург и професор на Универзитетската клиника во Базел и бев на консултации со повеќе доктори и секој од нив ми велеше одете кај професор Сопко. Дефинитивно тој се обиде низ пат на некои терапии, месец, два, доаѓам и ме гледа, госпоѓо Грил јас не можам да ве излечам, зашто не можам да ја излечам вашата душа. Тој го гледаше тоа задебелување на десната гласна жица и реши да го среди тоа со ласер на операција. Кога се разбудив од операција многу ми беа тешки тие моменти бидејќи гласот ми беше мене се’. Значи буквално се’! Вториот ден кога се разбудив дојде сестрата и ми рече дека професор Сопко ме очекува во неговиот кабинет, не смеев да зборувам. Доаѓам таму и тој ми вика, госпоѓо Грил, ние вашата операција ја снимавме, затоа што наидовме на еден феномен, рече задебелувањето го тргнавме, ќе бидете добро, гласот ќе ви се врати ама вие имате дупла гласна жица. Мојата десна гласна жица е дупла. Она што тие го снимиле ме замоли дали ќе може да го презентираат на некој симпозиум, бидејќи такво нешто во неговата кариера немал видено. Бидејќи јас не сум знаела да се справам со стресот, тој удрил таму каде што сум најосетлива, се присети Калиопи на деновите кои не може да ги заборави. Видео извадокот на овој дел од интервјуто во „Еден на еден“ погледнете го во продолжение: фото:You Tube printscreen/ Eden na Eden

Ќе се насмеете до солзи од анегдотата која Сашко Коцев ја кажа од секојдневието со ќерката Јоана

Слободанка Илиева — Mon, 23 May 2022 07:47:38 +0000

Пред неколку дена по двегодишна пауза поради корона пандемијата се одржа 25-то издание на манифестацијата „Златна бубамара“, а вчеравечер и премиерно на Канал 5 телевизија беше прикажана за оние кои не беа непосредно присутни. Главниот човек на вечерта- домаќинот Сашко Коцев, кој за многумина години наназад е фокусот на настанот, очекувано преку сценариото и импровизациите ги изнасмеа сите – шеги за кои сигурно ќе се прераскажува уште доллго.

View this post on Instagram

A post shared by Zlatna Buba Mara (@zlatnabubamara)

Но, пред стартот на телевизиското емитување, претходеше шоуто на Жарко Димитриески, „Еден на Еден“, каде не случајно гостин беше токму Сашко Коцев. Од разговорот во студиото, Коцев кажа многу анегдоти од секојдневието во врска со тоа како реагираат луѓето кога го среќаваат на улица и во разни околности. Па така, една од случките беше таа кога биле на некое патување со сопругата Смиљана и на автопат виделе превртен автомобил.

View this post on Instagram

A post shared by Saško Kocev (@sashko_kocev)

Сашко го запрел возилото и истрчал да помогне и го прашал господинот дали е добро – реакција актерот ја памети и раскажува и денес. „Еј Сашко Коцев!“ – гласел одговорот.(се смее). Исто така неговата ќерка Јоана која е центарот на неговиот универзум, често умее да го насмее и да му направи да се почувствува „разоткриено“. Имено, кога тато оди да ја земе од градинка, кога таа излегува, а другите родители се насобрани, Јоана не вика тато, туку вика по него со име и презиме „Сашко Коцев!“. Па така, сите знаат дека популарниот татко е дојден да си ја земе наследничката. Инаку, малата Јоана наскоро ќе наполни пет години. фото:Фејсбук Сашко Коцев/Инстаграм/Златна Бубамара

Жарко Димитриоски би да биде Иван Ивановиќ, ама… „Еден на еден“ или „Copy – Рaste“ систем? (ФОТО+ВИДЕО)

Антонио Димитриевски — Thu, 11 Nov 2021 09:02:34 +0000

Жарко Димитриоски, ТВ водител и продуцент, оддамна познат најавноста по своето ток - шоу „Еден на еден“, во последно време беше во фокусот на вниманието и на медиумите и на социјалните мрежи, заради скандалот со 300-те илјади евра во 9 тендери добиени само годинава од различни институции во време на владение на Владата на премиерот Зоран Заев. [embed]https://arhiva.vistina.com.mk/po-aferata-so-vladinite-tenderi-na-zarko-dimitrievski-negovata-emisija-go-menuva-imeto-padna-predlog-kako-da-se-vika-eden-na-eden-i-eve-koj-e-noviot-kum-na-imeto-foto/[/embed] Откако малку „прашината легна“, а легнаа или се на добар пат да легнат и 18-те милиони денари во тендери, Жаре ја најави новата, 13-та по ред сезона на својата емисија, овој пат на Канал 5 телевизија. И додека фејсбукџиите, твитерџиите и инстаграмџиите, искажуваа револт или тераа мајтапи на социјалните мрежи, Жаре мирно си ја тера работата започнувајќи го шоуто во новата сезона. Слично како и минатите, ама сепак нешто поразлично, со нов бенд и понекоја нова рубрика, меѓу кои и една, наречена „Лајме од иднината“. Колку за појаснување, тоа „Лајме“ во превод на албански би значело вести... Или можеби по сите тендер - скандали е асоцијација за нешто друго, од типот „лај ме“ колку сакаш - карванот си врви, кој да знае освен Жаре? И зошто албанскиот му е пред македонскиот, па биле тоа и измислени „Вести од иднината“, кои всушност и не се измислени... Не барем како оригинална рубрика! Жарко Димитриовски би сакал да биде Иван Ивановиќ, ама... не оди тоа баш така, зашто Иван не живее од тендери од власта, напротив, неговите критики се „трн во око“ на власта во Србија, а од друга страна, не му недостасуваат нуту духовитост, ниту оригиналност! Зашто „Лајме од иднината“ е всушност прекопирана рубрика токму од шоуто на Иван Ивановиќ, кој со години ја има својата рубрика „Вести из будуќности“ (Вести од иднината) или вести кои допрва ќе се случат. А, на Жаре му се случи рубриката да му биде „позјмена“, ВЕСТИ-те да му бидат ЛАЈМЕ, или што би рекле „Еден на еден“ со албански наслов по српски „Copy - Рaste“ терк?! Па дури и презентерот на „копија вестите“ му е брадосан лик. Копија верна на оригиналот! Што би рекле: „Оригинал фалсификат“? Или секоја „случајност“ е... „слична“!?

View this post on Instagram

A post shared by Еден на Еден (@edennaeden)

Фото: Јутјуб и Инстаграм принтскрин/edennaeden/Veče sa Ivanom Ivanovićem

По аферата со владините тендери на Жарко Димитриоски, неговата емисија го менува името: Падна предлог како да се вика „Еден на еден“ и еве кој е новиот кум на името (ФОТО)

Антонио Димитриевски — Tue, 19 Oct 2021 09:35:04 +0000

Откако медиумите објавија дека фирмата “Еден на еден“ на ТВ водителот Жарко Димитриоски само годинава добила на 9 тендери од различни институции околу 18 милиони денари или 300.000 евра, лавината реакци не запира. Порталите не престанаа да пишуваат за неверојатните суми кои владините институции и компании кои му дале тендери на Димитроски, меѓу кои и Генералниот секретаријат на владата кој го води кумашинот на премиерот Мухамед Зекири, Државна Лотарија и Министерство за финансии, но и Управата за јавни приходи. Меѓу добиените тендери на неговата фирма има и такви со наслов „Набавка на услуги за двонасочна комуникација” - напиша порталот Експрес. Откако тендер сумите беа обелоденети, социјалните мрежи се усвитија и не престанаа да горат, а народот насмеаниот водител „да не го вади од уста“. Твитерџиите, фесјбукџиите и инстаграмџиите исто така... Меѓу сите оние што фрлаат „дрвја и камења“ по „Жаре - „бизнисменот“ осамнаа и некои довитливи постови или споделени хумористични „сечени, лепени, монтирани“ фотографии, иако вистината немонтирана и сурово реална. По џебот на народот, секако! Најпознатиот македонски камионџија ем истаграмџија, Дарко - Влогс исто така го „зеде водителот под свое“, па сликовито кажа и прикажа се' во една слика и три збора. Емисијата на ТВ водителот Жаре Димитриоски го менува името. Ток шоуто повеќе нема да се вика „Еден на еден“... Сега има дебела причина за тоа. Камионџијата е новиот кум на името. Ја искористи банер рекламата на водителот за му го прекрсти шоуто. „Еден на еден“ сега прераснува во „Тендер на Тендер“... Дефинитивно пологично, а и поискрено звучи, иако е само Инстаграм шега на Дарко - Влогс, на сметка на водителот... И тоа во четири очи, без тендер! Тендерите претходно завршија... на истата сметка! Фото: Инстаграм принтскрин/darkovlogs/edennaeden

Викторија Лоба откри до каде е нејзината свадба: „Најважно е партнерите да се најдобри другари“ (видео)

Христина Ѓоргиевска — Mon, 10 May 2021 07:11:41 +0000

Македонската пејачка Викторија Лоба гостуваше во емисијата „Еден на еден“ каде проговори за својот живот, кариера, за приватноста.... Имено, Лоба откри дека прележела коронавирус, но без никакви симпотими. Како што истакна, таа требало да оди на пат во Хрватска и за тоа било потребно да направи тест кој покажал дека е позитивна, па се откажало патувањето. Исто така, Викторија откри дека убаво и да живее во Македонија и дека нема никогаш да се исели. „Јас ја сакам Македонија и тоа е мојата земја. Јас уживам што живеам тука и сум горда на оваа земја. Сакам да работам тука и никогаш не би се иселила“, вели пејачката. Инаку, Викторија кон крајот на 2019 година се сврши со своето момче Ѓорѓи, меѓутоа свадбата ја откажаа поради коронавурисот. На прашењето до каде е свадба, Лоба одговори: „Корона е, има Ковид“, се пошегува пејачката и додаде: „Повеќето парови сега така функционираат. Најважно е партнерите да се согласуваат и да бидат најдобри другари. И тоа е тоа. Другарките цело време ме прашуваат – „кога фустанот ќе го облечам?“. Моите другарки сите се пејачки, знаеш што ќе биде тоа.... Ние уствари ќе си направиме мини концерт“, вели Лоба. Инаку, пејачката во една прилика откри дека своето момче го засакала поради неговата храброст, но дека таа прва го бакнала. Целото интервју погледнете го во видеото подолу. https://youtu.be/TqWVCJyteZ4

Тијана Дапчевиќ во „Еден на еден“ за несогласувањата со Тамара: „Ме избриша од сите социјални мрежи“ (видео)

Слободанка Илиева — Mon, 05 Apr 2021 07:07:03 +0000

Ѕвезда надвор, ѕвезда и дома. Одблизу, лично и приватно со Тијана Дапчевиќ, вака Жарко Димитриоски ја опиша својта нова гостинка во 12-та сезона на неговото телевизиско шоу „Еден на еден“. Тијана зборуваше на повеќе теми, од кои за животот во Белград споредено со Скопје, се осврна на снимањето на македонскиот ситком „Преспав“ каде ја игра Ула, дружбата и помошта од колегите актери, а потоа зборуваше за синот и за членовите на семејството, од што најинтересен беше делот за сестра си Тамара Тодевска. Имено, Тијана откри дека во сестринскиот однос не им цветаат ружи, но тоа е така бидејќи се бремногу поврзани една со друга. -Кога беше мала добиваше серозен ќотек, па после јас од мајка ми, открива Тијана низ смеа и додава дека и денес знаат да имаат несогласувања, па Тамара знае дури да ја избрише од социјалните мрежи. Знаат ли да ескалираат несогласивањата и да не си правите муабет? – ја праша Жаре. -Знааат, знае да ескалира и да ме избрише од сите можни мрежи. Ме брише да, блок на вибер,на ватс ап, на инстаграм, на се ме брише. И потоа имаме потешкотија кога ќе ме врати, во комуникација конкретно на „ватс ап“ зашто таму тоа го памти, и јас кога и се јавувам пишува недостапна. И пракам порака, дај жити се јави ми се ,не можам стварно... Она е таа што брише, апсолутно, јас заборавам се’ за два саата. Она е во стање да де лути пет дена да не се јави. и ќе и се јави на мама она изигрува Унпрофор или на тато. Им викам што направивте бе,се поншатате како да имате 12,13год. Ама тоа е така затоа што сме поврзани, како црева, она е моја половина, тоа е многу природно и нормално, открива Тијана. Во продолжение од видеото погледнете го целото интерву на Тијана Дапчевиќ:

Жаре од „Еден на еден“ за Драган Вучиќ: „Ќе биде запаметен и ќе недостасува“ (видео)

Христина Ѓоргиевска — Mon, 04 May 2020 10:25:10 +0000

Македонскиот водител, пејач, музичар и композитор Драган Вучиќ почина ноќеска на инфективната клиника во Скопје. Вучиќ почина како последица од коронавирусот, а оваа вест ја потврди неговиот син Мартин Вучиќ. Оваа тажна потресе многумина кои со неверување ја примија веста за смртта на македонската легенда. Македонските јавни личности преку социјалните мрежи се простуваат од Вучиќ, а меѓу и нив Жаре Димитриоски. Жаре од „Еден на еден“ на својот „Инстаграм“ објави видео посветено на водителот истакнувајќи дека ќе недостига и дека секогаш ќе биде запаметен. „Глупав понеделик во една глупава година, посебно е глупав бидејќи чув дека Драган Вучиќ не е меѓу нас. Навистина тоа ме погоди бидејќи „Еден на еден“ и јас загубивме еден пријател со кој многу често комунициравме, се советувавме, се прашувавме и разменувавме идеи бидејќи бевме колеги во приватна, сопствена содржина, нешто во што тој беше пионер. Ми е драго што бевме пријатели“ вели Жаре во видеото и додава: „Нека му лесна земја и да знае ќе биде запаметен и дека ќе недостасува на телевизија и на креирањето на телевизиски содржини“.

View this post on Instagram

За еден одличен музичар, водител и пријател. На сите закачки реагираше позитивно и со насмевка, а ние со најголема почит на стартот од секоја сезона се шегувавме "само Драган Вучиќ е подолго од нас на телевизија!" Почивај во мир ?

A post shared by Жарко Димитриоски (@edennaeden) on May 4, 2020 at 2:40am PDT

Мака мачел со неа: Тамара откри колку на сопругот му било тешко да и понуди брак (видео)

Слободанка Илиева — Mon, 11 Feb 2019 07:54:43 +0000

Во најновата емисија кај Жаре во „Еден на еден“ која се емитуваше вчеравечер, гостинка беше пејачката Тамара Тодевска заедно со нејзината ќеркичка Хана. Освен тоа што ги раскажа нејзините планови и очекувања за претстојната Евровизија, Тамара се наврати на спомените од детството, тинејџерските години, летувањата со другарките, раѓањето на децата, но и на тоа како сега веќе нејзиниот сопруг Александар ја запросил. Овој детаљ од приватноста Тамара првпат го изнесе пред јавноста, а беше доста интересен бидејќи саканиот убаво се намачил додека и понуди брак.

Тогаш живеевме во помал стан. Мајка му и татко му беа дојдени за да ги запознаам и всушност тие се испланирале, дека ќе имаме и веридба и се, јас немав поим и тој ден кога дојдоа тие, се договоривме дека немаме каде да спиеме, а за да не одат тие во хотел, ајде ние ќе одиме. Стануваме сабајлето, тој станува, а јас сум кома, чека да станам и чека, чека, јас во другата соба. Почна да вика, абе љубави дојди да доручкуваме, му викам абе после. Некој ѕвони на врата и тој ми вика, доручек ни носат, дојди. Јас пак, добро де ајде, после ќе појадуваме. Носат појадок од пиле млеко, само една чинија беше покриена со капак. Станав јас, си го земам цедениот сок и се враќам во кревет. Тој седи си чека, пак вика абе дојди да јадеме, јас – не ми се јаде. Те молам дојди вика, види што убаво ни спремиле и добро станав. Можеш да замислиш, се отворено само едно со капак, ми вика како не ти текне да го отвориш, а јас си тргнувам и си јадам, а нели не ми се јаде. Јас го прашувам, а што има во тоа? Нишо рече, не јадам јас од тоа. Си чека тој да отворам. Кога отворив, ааааа! Внатре само прстенче!- го раскажа Тамара моментот на запросувањето.

Во продолжение можете да ја погледнте целата емисија од гостувањето на Тамара во „Еден на еден“. https://www.youtube.com/watch?v=NZ-Vvgerw1c

Тамара Тодевска донесе специјална придружба на снимањето на „Еден на еден“

Христина Ѓоргиевска — Thu, 31 Jan 2019 08:14:21 +0000

Секоја недела во емисијата „Еден на еден“ со Жаре може да гледате гости од регионалната музичка сцена. Пред камерите во емисијата популарните отворено зборуваат за својот приватен и популарен живот. Деновиве се снимаше новата емисија која ќе се емитува овој викенд, а гости ќе бидат Тамара Тодевска и Жељко Самарџиќ.

Пејачката на снимањето на емисија се појави со специјална придружба односно нејзината ќерка Хана. Екипата на емисијата на „Еден на еден“ објави неколку фотографии од снимањето, а главна ѕвезда беше малата Хана.

Имено, малото преслатко девојче седна на софата каде вообичаено седат гостите....

а потоа Хана настапи заедно со мама на музичката сцена во студиото.

Се ова може да погледнете во најновата емисија на „Еден на еден“. За потсетување, Тодевска неодамна стана мајка по вторпат и на свет го донесе синот Дарен, но не чекаше долго време да се врати на своите професионални обврски.

„Бевме сродни души“: Жаре ја праша Елена Ристеска дали била заљубена во Тоше – одговорот беше јасен (видео)

Слободанка Илиева — Mon, 28 Jan 2019 08:41:25 +0000

Изминатиот викенд, односно вчеравечер беше емитувана специјалната емисија за Тоше Проески кај Жаре во „Еден на еден“. Гостите пееја и евоцираа спомени за Тоше, барем оние кои го познаваа, а една од нив беше и Елена Ристеска која се наврати на сеќавањата за Тоше уште од моментот кога се запознале. Таа откри дека нивното запознавање најпрвин било преку смс порака. Тој го побарал нејзиниот број преку колега, а непосредно се запознале на настан за избор на убавина „Look model search“, каде Тоше бил вистински кавалер со тоа што и подарил кутија со чоколади. Како од женски аспект, да се запознаеш со Тоше, а да не се заљубиш или да се заљубиш?- ја праша водителот Жаре.

Немаше некој што не е заљубен во него без разлика да го познаваше или не.Така што сам си го даде одговорот на прашањето. Кога ние всушност се запознавме, нели го познавав само како пејачот Тоше Порески, но подоцна како што го запознавав како човек уште повеќе ми беше залепен за срце како човек, пред се како другар бидејќи со таков тип на темпо на живот и на професија каква што имаме ние, посебно во тој период бидејќи тој беше многу голема ѕвезда, а јас бев на почеток на кариера да речеме, некако не се замислував во некаква посериозна приказна. Не знам зошто, но убаво знаев да си го исконтролирам тоа убаво чувство што си го имав за него. Кога го купи новиот џип, тоа беше последната проба пред последниот концерт. Тогаш се видовме на пробата и она што беше интересно, јас сакав да му ја пуштам тогаш новата песна „Кревета два“, подоцна и му ја посветив на еден фестивал. Бидејќи ја слушна прв, тој да се пофали нели со новиот џип се зазборевме саат време. Се сеќавам дека не беше на пробата,доцнеше, си седеше внатре и зборувавме. Се појави Роки(гитара, придружен вокал) и праша што правите вие саат време, но тој само се насмеа и никој не можеше нему да му се налути, раскажа Елена.

Инаку, специјалната емисија беше по повод роденденот на Тоше Пооески кој на 25-ти јануари ќе наполнеше 38 години. https://www.youtube.com/watch?v=rMZp7SEwBsY фото/видео:принтскирнјутјуб/еден на еден