еден ден – Вистина.мк

SMUT порачуваат дека се’ ќе си дојде на свое место – „Еден ден“ (ВИДЕО)

Антонио Димитриевски — Fri, 06 Oct 2023 12:43:47 +0000

Македонската металкор група SMUT, основоположник на овој музички стил во регионот, објави нов видео спот со кој го претставува синглот „Еден ден“. Новото видео е во режија на Владимир Митревски – Ѓуле, кој имено се потпишува зад сите спотови на SMUT. „Помислата да ја преточиш болката преку мастило во зборови, преку тонови во музика, преку слика во видео и тоа да ја опише истата за нас беше незамислива. Благодарение на целиот тим кој работеше на овој проект, дојдовме до видеото за „Еден ден“. Има две причини кои беа пресудни зошто се одлучивме да снимаме спот за оваа песна, реакцијата на публиката на нашиот последен настап – „Д Фестивал“ и сугестијата на режисерот Владимир Митревски – Ѓуле, по преслушување на песната, велат од SMUT. Владимир Митревски – Ѓуле е режисерот кој е потпишан на сите досегашни нивни спотови и претежно тој е оној кој одбира кои песни ќе добијат видео запис. Тематиката и снимање спот каде главната тема е загубата, е исклучително тешка, имајќи предвид дека треба да се опише тагата, празнината. Целиот товар падна на режисерот и на главниот лик, балерината Мила Ниновска, која својот лик го одигра во вистинското светло како што беше замислено од страна на режисерот. Групата SMUT (се чита: Смат) постои повеќе од 25 години со пет култни студиски албуми зад себе и важи за една од најценетите хардкор/металкор групи во овој дел од Европа. Најновиот сингл „Еден Ден“ кој SMUT денеска го претставува со видеозапис, беше објавен во аудио формат на 3-ти мај годинава, а два месеци подоцна премиерно беше изведен и во живо на нивниот настап на Главната бина на „Д Фестивал“ во Дојран.

Што се случува со вашиот организам кога ќе изедете барем една краставица дневно?

Христина Ѓоргиевска — Mon, 15 Jul 2019 13:15:57 +0000

Краставиците во Индија уште од дамнешни времиња се користат како важна ставка во алтернативната медицина. Краставицата хидрира и го лади организмот, а многумина не знаат дека таа спаѓа во редот на овошје, а не на зеленчук. Краставиците содржат молибден и флуор, комбинација која помага во намалување на забниот кариес, а калциумот кој го содржат во себе помага во зацврстување на забите. Се верува дека краставицата има природни детоксификатори и дека редовното консумирање може да помогне во исфрлање на токсините од стомакот и црниот дроб. Витаминот К и калциумот помагаат во зајакнување на коските. Една краставица дневно го регулира нивото на шеќер во крвта и успешно го намалува ризикот од појава на срцеви болести. Калиумот, магнезиумот и витаминот К се заслужни за правилното функционирање на кардиоваскуларниот систем, а освен тоа, со консумирање на краставица, вие го намалувате и нивото на холестерол во организмот. Витаминот Б помага во зачувување на здравјето на косата – тој ја зајакнува и го спречува нејзиното опаѓање. Освен тоа, вашата кожа ќе биде позатегната и посјајна, а тенот поизедначен. Со консумирањето на краставици ќе го хидрирате целото тело и со самото тоа ќе имате повеќе енергија за секојдневните активности. Важно е да се нагласи и дека вашиот дигестивен систем значајно ќе се подобри. Краставицата помага во подобрување на функциите на дигестивниот систем и цревата, а со тоа го намалува и ризикот од појава на рак на дигестивниот тракт. извор: точка.мк

Еден ден на Станија во Америка: Прво видео на старлетата откако излезе од „Задруга 2“ (ВИДЕО)

Антонио Димитриевски — Fri, 23 Nov 2018 11:05:33 +0000

Српската старлета Станија Добројевиќ, пред два месеца ја напуштија "Задруга2" поради сздравствени проблеми и операција во САД, каде што сè уште се опоравува.

Од тогаш, Добројевиќ не се експонира премногу на социјалните мрежи, што е и договор со продукцијата на Пинк Телевизијата, бидејќи наскоро треба да се врати во реалното шоу. Сепак, таа одлучи да ги задоволи желбите на нејзините обожаватели.

Имено, тие беа многу заинтересирани за тоа како сега изгледа Станија во Америка, па таа одлучи да направи видео клип на таа тема насловен: Еден мој ден во Америка!

„Бидејќи ме прашувате најмногу за тоа како изгледа еден мој ден во Америка, колку тренирам, што правам, тука е видео на YouTube! Станувам секое утро во 7 и веднаш ги обувам патиките! Тогаш правам јога ... Кога ќе завршам со тренингот и ритуалите на убавина, го започнувам денот со кафе! Го одредувам моето работно време и го организирам ... " - напишала старлетата во описот на овој видео клип. кој можете да го погледнете во продолжение. https://www.youtube.com/watch?v=PvuY1jb4N0E

Анита Мицова го претстави „Еден ден“ (ВИДЕО)

Антонио Димитриевски — Tue, 08 May 2018 09:06:15 +0000

„’Еден ден’ е дел од албумот, ’Еден ден’ е дел од мене, поради ’Еден ден’ одлучив повторно да пеам, денес ми е за ’Еден ден’“... Вака Анита Мицова го претстави видеото за најновиот сингл од првенчето „Ти сум јас“, кое го објави минатата година.

Како и на останатите песни од албумот, автори на „Еден ден“ се Весна Малинова Бабамова (музика и текст) и Кирил Бабамов (аранжман), а на кларинет гостува Здравко Ангелов.

Талентираната стружанка, која веќе го подготвува материјалот за вториот албум на новиот сингл му даде едноставна, но впечатлива екранизација, соодветна за самата атмосфера на песната.

Како изгледа и звучи „Еден ден“, проследете во продолжение: https://www.youtube.com/watch?v=8j6wB1dYo6E