ед ширан – Вистина.мк

Стравот и депресијата го натераа славниот пејач да го ископа сопствениот гроб

Слободанка Илиева — Mon, 09 Oct 2023 08:37:21 +0000

Славниот пејач Еди Ширан веќе има план каде ќе биде погребано неговото тело по смртта, а местото е неговиот неговиот двор. Откако започнаа гласините дека пејачот изградил гробница во неговата куќа, тој во неодамнешното интервју за GQ откри дека тоа всушност е гробница направена специјално за него. – Тоа е дупка ископана во земјата, а над неа е камен, па кога и да дојде тој ден ќе одам таму – рече тој. Тој ги изненади своите фанови со ова признание. Многумина се прашуваат зошто размислува за смртта кога штотуку навлезе во третата деценија од животот.

View this post on Instagram

A post shared by Ed Sheeran (@teddysphotos)

– Луѓето мислат дека тоа е многу чудно и навистина морбидно, но имав пријатели кои умреа без тестамент, па никој не знаеше што да прави – изјави Ширан. Неговиот најдобар пријател Џамал Едвардс почина на 31-годишна возраст. Го загуби и својот сакан ментор Мајкл Гудински, а потоа и неговиот колега Шејн Вејн. Најтешкиот удар дошол кога неговата сопруга Чери Сиборн се борела со тумор додека била бремена со една од нивните две ќерки, па ѝ било дозволено да се лекува само по породувањето. – Поминував низ страв, депресија и анксиозност. Се чувствував како да се давам, со главата под површината, гледајќи нагоре, но не можев да земам воздух – изјави претходно пејачот. фото:Instagram printskrin

Познатиот музичар живеел пеколни денови кои оставиле тешки последници: Наместо убави вести за бременоста, дочекале шок! (фото)

Слободанка Илиева — Thu, 02 Mar 2023 10:50:42 +0000

Познатиот музичар Ед Ширан во своето обраќање на социјалната мрежа Инстаграм откри дека на неговата сопруга Шери ѝ бил дијагностициран тумор додека била бремена со нивното второ дете. Имено, парот во мај 2022 година ја доби ќерката Јупитер, а исто така се родители на Лира Антарктика. Пејачот и неговата сопруга не се огласуваа за време на нејзината бременост, но тој сега откри дека биле преплашени и се бореле со депресија и анксиозност бидејќи ѝ бил дијагностициран тумор кој не можела да го лекува за време на бременоста. Тој се огласи на споменатата мрежа и ги откри сите детали. „Работев на Subtract деценија, обидувајќи се да направам совршен акустичен албум, пишувајќи и снимајќи стотици песни со јасна визија за тоа што мислев дека треба да биде. Потоа, на почетокот на 2022 година, низа настани го променија мојот живот, моето ментално здравје и на крајот начинот на кој гледав музиката и уметноста. Пишувањето песни е мојата терапија. Тоа ми помага да ги разберам моите чувства. Пишував без да размислувам какви ќе бидат песните, пишував што и да испадне. И за нешто повеќе од една недела, ја заменив децениската работа со моите најдлабоки, најмрачни мисли“, напиша тој и продолжи:

View this post on Instagram

A post shared by Ed Sheeran (@teddysphotos)

„Во рок од еден месец, на мојата бремена сопруга ѝ рекоа дека има тумор и дека нема можност за лекување до породувањето. Мојот најдобар пријател Џамал, мојот брат, ненадејно почина и се најдов на суд бранејќи го мојот интегритет и кариера на текстописец. Поминував низ страв, депресија и анксиозност. Се чувствував како да се давaм, со главата под површината, гледајќи нагоре, но не можев да здивнувам за воздух. Како уметник, не се чувствував како да можам веродостојно да изложам во светот дело кое не прецизно претставува каде сум и како треба да се изразам во овој момент од мојот живот. Овој албум е токму тоа. Ми ја отвора вратата на душата. За прв пат, не се обидувам да направам албум што ќе им се допадне на луѓето, туку само објавувам нешто што е искрено и точно за мојот возрасен живот. Ова е запис во дневник од минатиот февруари и мојот начин да го разберам тоа“, напиша Ед на споменатата мрежа и набрзо доби голем број пораки за поддршка. фото:Инстаграм принтскрин/@marksurridge/ teddysphotos

Ед Ширан доби повеќе од милион евра отштета од тужбата за плагијат (фото)

Слаѓана Атанасова — Thu, 23 Jun 2022 10:28:52 +0000

Британскиот поп музичар Ед Ширан доби повеќе од милион евра отштета за правни трошоци по успешната битка против авторите кои го обвинија за плагијат. Случајот во Врховниот суд во Лондон го доби 31-годишниот музичар на почетокот на април, по процесот што тој го нарече индикатор за лоши практики што ја поткопуваат музичката индустрија. Тој не ја копирал мелодијата на песната „Shape of you.“ Судот пресуди дека Ширан „ниту намерно ниту свесно“ ја копирал мелодијата на песната Сами Свич, и неговиот музички продуцент Рос Одоног за хитот „Shape of You“, кој е еден од најпродаваните во светот. Во дополнителната пресуда, судијата Антони Закароли пресуди дека тужителите мора да платат судски трошоци од 916.000 фунти. За време на судењето, Ед Ширан ги отфрли обвинувањата дека ја „позајмил“ мелодијата од непознати композитори, а нивниот адвокат, иако ја призна генијалноста на британскиот пејач, го нарече страчка, мислејќи на птицата која често се нарекува крадец. Фото:Принтскрин/teddysphotos

Македонска компанија стои зад анимираното видео на Ед Ширан за неговиот последен хит – „Bad habits“

Антонио Димитриевски — Tue, 07 Sep 2021 12:27:12 +0000

Ед Ширан на неговата Фејсбук страница премиерно ја објави стрип-анимацијата за својот последен хит „Bad habits“ зад која во целост стојат македонските креативци од 351 Студио. Видеото е изработено во стилот на стриповите од 60-тите и 70-тите години и доби одлични критики од фановите на Ед Ширан. Видеото е веќе достапно и на Јутјуб каналот на Ед Ширан, како и на останатите платформи за видео содржини. Продукцијата на видеото на Ед Ширан е продолжување на успешната соработка која 351 Студио ја има со светските музички имиња како Bruno Mars, Cardi B, Wiz Khalifa, Migos, Clean Bandit, 21 Pilots, Tiesto, Ariana Grande, Zayn, Nicki Minaj и светските издавачки куќи Warner Music, Universal Music, Sony Music и нивните лејблови Atlantic Records, Capitol Records, Def Jam, Columbia Records, Ultra, Spinnin Records, Armada Music… Синглот „Bad habits” беше официјално објавен на 25 јуни, а повеќе од два месеци е на број еден на британската топ листа и на врвот на речиси сите топ листи ширум светот. https://www.youtube.com/watch?v=KXTM0zXqnu4

Ед Ширан возврати на обвинувањата дека ја украл „The Rest Of Our Life“

Љупчо Најчевски — Fri, 13 Apr 2018 12:22:01 +0000

Британскиот поп-пејач Ед Ширан го негираше обвинението дека ја украл песната „The Rest Of Our Life“, која ја изведоа Тим Мекгро и Фејт Хил, од австралиски автори. Австралијците Шон Кери и Бју Голден во јануари покренаа тужба против Ширан, Мекгро и Хил, велејќи композицијата „The Rest Of Our Life“ е „во целост ископирана“ од нивната „When I Found You“ која датира од 2014 година. Ширан во своја одбрана тврди дека песната за којашто е наведен како коавтор е „оригинална и независно создадена композиција“, и дека тужбата е неоснована. Притоа, тој побара процесот кој се води во суд во Њујорк, да биде прекинат.

Ед Ширан ја запроси девојката: Анонимната Шери го освоила во средношколските денови

Антонио Димитриевски — Mon, 22 Jan 2018 10:51:57 +0000

Популарниот музичар Ед Ширан на Инстаграм им соопшти на обожавателите дека ја запросил девојката Шери Сиборн и дека се многу „среќни и заљубени“.

Двајцата се запознале во средношколските денови, но почнале да се забавуваат дури во 2015 година, а речиси цела 2016 година ја поминаа во патување додека тој правеше пауза од музиката. Ед, Шери ја побарал за жена пред Нова година, но вчера веста ја сподели со обожавателите.

Александра Јанева ја преработи „Perfect“ (ВИДЕО)

Антонио Димитриевски — Wed, 27 Dec 2017 10:55:35 +0000

Александра Јанева и „2BE“ го преработија светскиот хит „Perfect“ на Ед Ширан. Новото аудио и видео на поп-пејачката е музичка празнична честитка за нејзините фанови. Александра и нејзиниот бенд „2BE“, освен со видео ќе ја заокружат годината со многу новогодишно-божиќни настапи низ Македонија.

Инаку, ова е и првата македонска преработка на популарната балада која ги освои врвовите на сите светски музички топ-листи. Како звучи оваа песна во изведба на Александра и нејзиниот бенд, а во аранжман на талентираниот Тино Стојановски од бендот „2ВЕ“, можете да слушнете во продолжение. https://www.youtube.com/watch?v=c_E2XmD4oAk