ѕвезди – Вистина.мк

Познатите Македонки се пуштија во потрага на своите двојнички: Овој пат Анастасија Деа и Александра Јанева се гледаат во ликот на овие светски ѕвезди (фото)

Слободанка Илиева — Fri, 22 Dec 2023 09:31:01 +0000

Кога на социјалните мрежи ќе се постави одреден предизвик, тогаш инстантно станува тренд кој повеќето сакаат да го пробаат. Еден таков беше со објавувањето на фотографии од детството, потоа такви од пред 10 години, апликации како би изгледале постари и сл... Сега, пред крајот на годината на профилите од социјалните мрежи кружи нов тренд на Инстаграм, односно пронаоѓање двојници низ познатите. Па така, нашите познати Македонки не останаа имуни да бидат дел од ова и да покажат или да се пофалат со кои светски убавици некогаш им кажале дека физички потсетуваат една на друга. Прва која почна беше Миа Костова за која многупати досега ја споредувале со Наташа Беквалац, па и со Тамара Тодевска, а таа сега додаде дека споредба имало и со ликот на легендарната Мерилин Монро и пејачката Гвен Стафани.

View this post on Instagram

A post shared by Anastasija Dea Ilievska (@anastasiia_dea)

Сега своите сличности со познатите за кои и рекле дека потсетува беше и новинарката и водителка Анастасија Деа Илиевска која смета или сметаат дека е има физичка сличност со актерките Џенифер Лопез, Блејк Лајвли и Шерон Стоун. Да си поласка или само да покаже дека и спомнале дека личи на некоја позната дама, беше и струмичанката Александра Јанева.

View this post on Instagram

A post shared by Aleksandra Janeva (@aleksandrajanevaofficial)

Пејачката смета дека е легитимно да ја објави славната четворка дами на кои таа наликува, а тоа се: Џанифер Лопез, Цеца Ражнатовиќ, Ева Лонгорија и Адел. Дали и Вие гледаде сличност како што велат тие? Oд горе наведеното излезе дека и Деа и Александра се пронајдоа во ликот на Џеј Ло, па оттука и дека двете си личат, а дали е тоа така останува се’ на индивидуалната перцепција. фото: Instagram printscreen/ anastasiia_dea/ miandrija/ aleksandrajanevaofficial

Карлешуа со јасна порака со пејачите на кои „им лепат“ бакшиш: „Не може да бидете ѕвезди“

Слободанка Илиева — Wed, 13 Sep 2023 09:56:38 +0000

Пејачката Јелена Карлеуша, која неодамна се врати на Твитер по долга пауза, искористи неколку објави на оваа мрежа за да им „одржи лекција“ на своите колеги. Јелена ги спомена пејачките Маја Беровиќ, Александра Пријовиќ и моментално најбараната изведувачка Теа Таировиќ. „Секој може да има пет минути слава денес. Некој може и 2-3 години. Но, за да бидеш во игра со децении, треба да бидеш идеологија што ја следат фановите, со која се поистоветуваат. Денешните уметници немаат обожаватели, само слушатели. Зошто? Затоа што ги имаат песните, но не и харизматичната личност која ја дели публиката на тврдокорни обожаватели и жестоки мразители. Дали некој од вас сака да ја истетовира сликата или текстот на песната на Maja, Теа или Прија, а за поплавата на некои „аутотјун“ деца и да не зборуваме“, напиша Јелена и продолжи: „Дали некој навистина ги мрази? По кој став и идеологија се познати? Ова во никој случај не е навреда, туку бесплатна лекција во шоу-бизнисот. За ова сум зборувала многу пати во Звездите на Гранд, каде единствената цел на пејачите била лов на тезги. На некој што ќе им плукнат и залепат пари на чело или гради не може да биде ѕвезда. Кој пее на свадби покрај маса не може да биде ѕвезда. Само добар пејач кој работи. И јас го почитувам тоа. Но, тогаш мора да се направи разлика во категоризацијата, не може сите да се стават во ист кош, нели? Ѕвездите не можат да се допрат една со друга. Парите немаат вредност во врвниот шоу-бизнис затоа што траењето, обожавателите и култот на личноста се она што не може да се купи“. фото:Инстаграм принтскрин

Кои се трите најпопуларни пејачки на Инстаграм во Македонија? (ФОТО)

Антонио Димитриевски — Fri, 09 Dec 2022 10:41:35 +0000

Во текот на ноември, real-time платформата (https://analytics.live) анализираше 200+ Instagram профили во Република Македонија во категоријата Showbiz, по се добија првите три највисоко рангирани пејачки според бројот на добиените реакции (допаѓања, споделувања и коментари) од публиката, информираат од Пикаса Аналитикс. Методологија – „Пикаса“ ја користи својата онлајн-платформа аnalytics.live за да следи во реално време повеќе од 1.300 медиуми и илјадници канали на социјалните медиуми во 6 земји од Западен Балкан (Босна и Херцеговина, Србија, Црна Гора, Косово, Албанија и Република Македонија). Платформата за аналитика ги прикажува медиумските написи заедно со нивната соодветна пенетрација на платформите на социјалните медиуми (Facebook, Instagram, Twitter, YouTube) броејќи ги сите видови активности и реакции (лајкови, споделувања и коментари). Резултатите се следниве: Од анализата произлегува дека највисоко рангирана пејачка според бројот на добиените реакции (допаѓања, споделувања и коментари) од публиката во Македонија е младата Антониа Гиговска. Веднаш зад неа е пејачката од Македонија со албанско потекло, Аделина Тахири, додека третопласирана е веќе етаблираната и еден од најдобрите македонски женски вокали, Тамара Тодевска. Анализата не содржи параметри кои покажуваат на што се темели нивната популарност на оваа социјална мрежа. Дали е тоа нивната општа популарност заради нивните песни, односно хитови, дали заради популарноста меѓу младите стекната со настапите по кафулињата, клубовите, дискотеките... ширум Македонија, дали можеби заради нивната активност на социјалните мрежи, особено на Инстаграм, каде секојдневно самите прикачуваат и споделуваат различни содржини во вид на фотографии и видеа? И тоа не само музички, туку најчесто оние од секојдневието и нивниот приватен живот! Или можеби написите и објавите во медиумите токму за нивниот приватен живот, кој во последно време е мошне турболентен и интересен за јавноста. Особено оној на двете Македонки, па и на Албанката. Впрочем, Антониа Гиговска неодамна имаше раскинување на долгогодишната врска со љубовна афера за наводна прељуба, како од турска серија во продолженија... Тамара Тодевска исто така, па нејзината навидум „семејна хармонија“ по која сите мислеа дека пејачката конечно се смирила, од нигде-никаде изненадно доживеа „брачен бродолом“ со бракоразводна постапка која е во тек. Аделина Тахири покрај раскошниот живот во кој ужива и луксузот кој секојдневно го прикажува токму на Инстаграм, стана дополнитело интересна за јавноста откако влета во брак со познат Македонец, адвокатот С. Марков, кој зад себе остави сопруга и ќерка, за да да влезе во брак со албанската пејачка. Што од сето ова, (а, можеби сето заедно) придонесло за огромната вирална популарност на пејачките, засега останува прашање за дополнителна анализа?! Фото: Инстаграм принтскрин/adelina_tahiri1/tamaratodevska/antoniagigovskaa

Денеска се популарни, славни, јавни личности, вистински ѕвезди: Ќе препознаете ли како изгледале некои од најпознатите Македонци како деца? (ФОТО)

Антонио Димитриевски — Sat, 16 Jul 2022 08:15:14 +0000

Мали или млади, ведри, насмеани, разиграни, безгрижни... Кој имал помалку, кој повеќе од нив и нивните родители, кој растел во поголем или помал град или на село, но горе-долу сите од нив имале убаво детство, како што впрочем зслужува и секое дете на светот. Растеле во други времиња, во малку поинаков свет, посреќна атмосфера, поинаква околина, поразлично уредување и опкружување...? Или не е се' до времето и опкружувањето, туку во многу нешта има и во семејството, воспитанието, талентот, божјата дарба или образованието...? И од едното и од другото секако, но како и да е, едно е сигурно: Сите од нив израснале и прераснале во зрели луѓе, здрави личности, со својот талент, труд, знаење, умеење, вештина... станале она што се денес, она по што нацијата ги препознава, со нив се гордее, споредува, за нив навива, се поистоветува... Познати, популарни, јавни личности, вистински радио и ТВ водителски, презентерски, музички, спортски... ѕвезди! Ние направивме избор од нив, а вие обидете се да ги препознаете на споделените фотографии од детството некои од денес најпознатите Македонци и Македонки. 1. Уште како дететнце со хармониката в разе иако и фудбалот му бил и се' уште му е голема страст. Денес инструментот од детството го заменил со клавирот и сајзерот, иако пртепознатлив и познат стана посвојот „славеј глас“ и пеењето, по неговите големи хитови и балади што ќе останат. За овој кичевчанец родум со скопска адреса на живеење велат дека е логично продоклжение на македонската поп икона Тоше Проески... Ако се' уште не го препознавате, вна фотографијата е... Влатко Лозаноски - Лозано. 2. Ова момче на црно-белата фотографија со долга коса е двоен макфестовски победник. Долго е на естрадата иако музиката не му главна професија, но сепак му ги донесе најубавите моменти во неговиот живот, а тој нам ни ги испеа некои од најубавите македонски балади, кои останаа вечни евергрино. Штипјанецот кого веруваме дека веќе го препознавте на фотографијата од тинeјџерските години е Трајче Манев. 3. Некогашна манекенка и македонска мисица, подоцна презентерка и водителка се' до не денес, кога е зрела жена по возраст, но со младешки лик по изглед. Убавина, шарм, стабилност и сигурност зрачат од нејзиниото лице, особено кога ги презентира вестите на Канал 5 ТВ , каде се краси последниве години. веруваме дека веќе погодувате за кого се работи... Токму така, на фотографијата е Татјана Стојановска. 4. Русокоса и некогаш и сега. Со бејби фејс и тогаш и денес, кога е позната македонска фолк пејачка од македонската фолк елита, дел од таканаречената „прва лига“. Со манекенски стас и изглед на тинејџерка и глас на вистинска музичка ѕвезда. Тоа што денес и е, македонската фолк пејачка Даниела Темелковска. 5. Музичар - парекселанс, трубач, некогашен член на Танцовиот оркестар на МРТ (Биг бендот), нехгов диригент, композитор, аранжер, музички директор на најпознатите фестивали на забавна музика во Македонија. Борец, за зачувување на македонското музичко и културно наследство, една од македонските музички легенди... На фотографијата тогаш како Титов пионер, денес едно од најзначајните живи музички имиња во Македонија, маестро Љупчо Мирковски. 6. Оваа русокоса госпоѓа во средината налик на мерлин Монро и две мали принцези што ја бакнуваат се, мајка и ќерки.. Сите три познати, популарни, почитувани... Таа некогашен новинар и уредник во Секторот за образовна програма и Редакцијата за училишна програма на МТВ, под чија капа беа некои од најгледаните училипшни и младински емисии и програми како: „Пулсирања“, „Ѕвон“, „Зимската рекреативна програма“... Тие нејзини ќерки, едната некогаш позната македонска поп пејачка, денес основач и предводник на „Дајте ни крилја“ - здружението на граѓани за лица со дисфунцкии, хендикеп, ретки болести и посебни потреби и голем борец за нивните права, можности, услови за непречен и нормален живот и свое место во општеството. Другата поранешен модел, член на балетското студио „Ребис“ и ТВ водителка, денс заедно со семејството жител на далечниот Нов Зеланд. Веројатно веќе ви е јасно дека на оваа фотографија се Роза Катиновска и нејзините две ќерки, Ребека Јанковска и Хелена Роза. 7. И на крајот оваа славна дружина ја заокружуваме со фотографија од можеби најславниот меѓу нив. Македонската спортска и фудбалска легенда која е се' уште активен професионалец кој длабоко во својата четврта деценија игра со страст, желба и сила како тинејџер, а прикажува партии како во најдобрите денови од својата богата интернационална и репрезентативна кариера. Конечно игрите во италијанскиот Калчо и 100-те постигнати гола се реткост и привилегија не баш на секој што таму заиграл, а малкумина играле како што игра тој - нашиот Горан „Гранде“ Пандев!

Лила и нејзиното мало одбрано друштво во провод и забава: Од познат локал на „домашен секси ТикТок бал“! (ВИДЕО)

Антонио Димитриевски — Tue, 01 Mar 2022 08:13:05 +0000

Што ти е животот... Некаде таму беснее војна, некаде како ништо да не се случува. Животот тече понатаму, луѓето го живеат во својата секојдневна матрица, иако последиците, помалку или повеќе страшни, тешки, големи, безбедносни, економски, енергетски ... сите ќе ги почувствуваат, па и ние. И бидејќи никој не знае што носи утрешниот ден, малата одбрана екипа познати македонски јавни фаци решила да живее како секој ден да им е, скраја да е - последен! „Удри ја грижата на веселба“ - што би рекла една стара комшиска поговорка, па затоа Лила Филиповска, нејзиниот верен компањон од Временската проноза на ТВ Сител, Спасе - „Рола“ и колегата и близок пријател, Зоки - „Фаци“ решија да ја игнорираат стварноста, па истата да си ја претворат во „забавна виртуелна реалност“. Малото одбрано познато друштво и кога нема баш забава, знае како самото да си ја направи. Или што би рекле, најпрвин себе си, а подоцна преку социјалните мрежи и на другите, да им покаже дека: „Не се толку несериозни, животот да го сфаќаат сериозно“! Затоа „триото фантастико“ стана квартет, откако заминаа на по една - кој кафе, кој чајче, кој - што, во локалот кај уште една ѕвезда, познатиот пејач Адријан Гаџа во неговото „Ча - Ча“... Или што би рекол „вонвременскиот“ презентер на временската: „Се собраа ѕвездите“! Муабети, коментари, мислења, критики, полемики ... и времето летна! Затоа познатата тројка реши да продолжи од локал на „домашен ТикТок бал“! Станот на водителката иделно место за без комплекси да е покаже кој е од секси - посекси! Мал танцувачки ТикТок перформанс, во кој Лила е инструкторот чии инструкции не смеете да ги игнорирате и занемарите, а Спасе - „Рола“ и Зоки - „Фаци“ се „секси танчарите“! Соодветно костимирани, облечени и собуени по чорапи... Домаќинката во изборот меѓу тоа да чисти и всисува или да луфтира по шоуто, се решила на она второто! И додека водителката гласно ги повикува да бидат секси, „познатите денсери“ без комплекси ги споделуваат своите танцувачки вештини и движења. До душа, кој анти, кој ептен талентиран за танцување, ама не е важно... Важно да си „секси“! Лила овој пат не видовме колку „секси ѓуска“, ама затоа Рола и Фаци - се ептен секси... Небаре се професионалци! Иако на видеото „најсекси“ е оној што испружен на ќилимот „кулира и ги посматра“ овие двајца од пристојна дистанца. Погледнете го „секси танцот на ѕвездите“ на нивниот мал, домашен „ТикТок денсинг бал“:

View this post on Instagram

A post shared by Zoran Vasilevski FACI (@zokifaci)

Фото: Инстаграм принтскрин/lilafilipovska/zokifaci

Прва „го скрши мразот“ уште во 2005-та година во „Идол“: Ноне Неделковска им го трасираше патот до успехот на македонските пејачи за учеството во едно регионално музичко талент шоу (ВИДЕО)

Антонио Димитриевски — Wed, 06 Oct 2021 09:01:16 +0000

Во Македонија со децении важи едно непишано правило: „Можат се' да простат, освен твојот успех“. Особено ако е естраден. А истиот никогаш нема да ти го признаат ако е постигнат дома. Но, штом направиш некаков успех надвор, некаков резултат, освоиш победа, награда, признание... Е, тогаш веќе е нешто друго! Тогаш си веќе некој и нешто, истиот ти кој до вчера те гледале со презир и потсмев, со неверување и понижување. Наеднаш стануваш „естрадна пепелашка“ како во приказните и се претвораш во принцеза на сцената, во идол кој сите го сакаат. Така било со многумина... Од Зоран Георгиев и Нина Спирова, потоа Маја Оџаклиевска и Љупка Димитровска, преку „Леб и сол“ и „Мизар“, Калиопи и Тоше, до Ноне Неделковска... И овие денешниве, најнови македонски музички имиња што полека прераснуваат во ѕвезди. Отсекогаш ни требале некакви награди и признанија надвор како своевремено онаа од типот „7 секретари на СКОЈ“, победи на фестивали како „Опатија“, „Сплитски фестивал“ или „Белградска пролет“, други да ни издаваат албуми како на „Леб и сол“ или „Мизар“, „Калиопи“..., да ги собере сите награди по сите фестивали и да полни неколку пати еден белградски „Сава центар“ само со песни на македонски како Тоше, да биде финалист на едно од првите регионални музички натпреварувања за млади таленти како Ноне Неделковска на регионалниот „Идол“... По неа Бојан Стојков и Александар Тарабунов во бугарскиот „Идол“, па Александар Белов во „Операција триумф“ и Даниел Кајмакоски во „Х - фактор“... ...Па се' до денешниве деца, како Огнен Здравковски, Ален Хасеновиќ, Филип Божиновски, Ристе Ристески, Мите Стоилков, Филип Пецовски, Мартија Станојковиќ, Антониа Гиговска, Мими Јовановска... во регионалните талент шоуа како „Пинковите ѕвездички“, „Ѕвездите на Пинк“, „Ѕведите на Гранд“...! Откако регионалните музички талент шоуа станаа „поле за музички натпревар“ кој подоцна гарантира каков-таков успех, некому кариера од соништата, некому само поголема локална слава, „новите деца“ од бившите ЈУ простори навалија како во „слаткарница“ да се покажат, докажат и прослават ако може. Во недостаток на слух за вакви програми на домашните продукции, телевизии, па и државата која „баш ја боли уво“ за многу поконкретни нешта, а камо ли за „фабрикување естрадни ѕвезди“, македонските таленти тргнаа во соседството да си го најдат својот „патот до успехот“ сами. Но, прва која „го скрши мразот“ уште во 2005-та година во тогаш регионалнот „Идол“ како музичко натпреварување на таленти од Србија, Црна Гора и Македонија беше велешанката Нона Неделковска. Ноне беше таа која себе си, но и на сите останати им го „трасираше патот“, им ги „отвори вратите“ на македонските пејачи за учеството во едно регионално музичко талент шоу, во еден натпревар во кој и не мора да победиш, а можеш да станеш вистинска ѕвезда. Регионална или барем домашна! Слатката мала Македонка тогаш дотурка до самото финале во кое останаа само таа и Црногорката - Мина Лаличиќ, која и покрај победата во таа втора и последна сезона на регионалниот „Идол“ ништо потоа не направи. Ноне го освои вицешампионското место, но и сите симпатии и на стручното жири и на публиката, особено онаа помладата во Македонија, која подоцна ќе и возврати на најубав начин, од неа правејќи сопствен музички идол! Од „Лесно ко 2 и 2“ до „Зошто баш ти“, Ноне со години редеше хитови. Предводена од „Премиер продукција“ сними три албуми, 15-ина спотови, неколку дуети, учествуваше на сите можни домашни и регионални фестивали (Макфест, Скопскиот..., а надвор од Будва, преку Нови Пазар, до Зеница... на кои освои и награди, имаше безброј настапи во и надвор од Македонија, два пати беше на турнеја по Австралија... Се' додека не се случи „крахот на домашната естрада“, а и публиката помалку не се засити од едни исти ликови, кои за излез надвор од Македонија немаа сили и финансиски можности... Македонската „џепна венера“ како што тогаш ја нарекуваа денес „најшетаната велешанка“, ја остави музика за повеќе професионално со неа да не се занимава, но некои од нејзинте настапи и песни ќе останат засекогаш запаметени. Еден од тие моменти е и настапот кога Ноне ја отпеа песната „Доволно луд“ на Лидија Кочовска и предизвика бура од позитивни реакции на тогашниот регионален „Идол“, од кој со неа почна сето она што денес новите деца го практикуваат како трасиран „пат до успехот“.

Овие српски ѕвезди посетуваат психијатар: Штом им загусти во животот или се најдат во медиумски скандал, веднаш „трчаат“ на психотерапија

Антонио Димитриевски — Fri, 03 Sep 2021 11:11:50 +0000

Животот на многу естрадни sвезди, иако изгледа дека живеат без проблеми, не е баш бајка. Поради брзото темпо на живот, изложеноста во јавноста, тешката интеграција на семејството и работата, некои бараат помош од психотерапевти за да ги надминат проблемите и кризите што ги имаат што е можно полесно. Милица Тодоровиќ „Отидов и кај психолог и психијатар и мислам дека тоа е нешто што му треба на секој човек, бидејќи се среќаваме со разни проблеми што ги носи животот и честопати не можеме сами да ги решиме. Кај нас, луѓето имаат проблем да признаа, па се срамат да кажат дека биле на психолог или психијатар. Кога би сфатиле дека тоа е најдоброто нешто што можат да го направат за себе, дека одењето кај експерт е најдобрата потрошена сума, тогаш не би се срамеле“ - рече Милица и објаснува дека секогаш е подобро да се обратиме кај експерт. Емина Јаховиќ Емина Јаховиќ неодамна одлучи да започне психотерапија, а главна мотивација и беа синовите Јаман и Јавуз. Бидејќи вирусот е присутен насекаде, таа честопати има напади на паника, и се насобраа разни стравови што не може сама да ги надмине. Проблемот започна поради короната, а ја погодија и љубовните скандали, како и судењето со Мустафа! „Короната влијаеше врз сите, финансиски, но мислам главно психички, само луѓето откако ќе ги почувствуваат вистинските последици, потоа психијатрите ќе имаат полни раце работа“ - рече Емина неодамна. Славица Ќуктераш „Научив дека најмногу се сакам себеси и своето здравје, дека прво се грижам за менталната хигиена, а дури потоа се' друго и секако на крај: 'баш ме боли уво за луѓето'. Тие ме прават многу вознемирена и негативна. Ослободете се од токсичните луѓе, играјте, пејте, забавувајте се, дружете се со луѓе кои ве прават среќни и ви создаваат насмевка на лицето. Бидете креативни, не грижете се што мислат другите за вас. Вие сте важни за себе и за вашата среќа“ - вели Славица и додава: >„Мислев дека нешто не е во ред со моето здравје, па отидов кај општ лекар, кардиолог, не знам каде се' не отидов... За на крај сите да ми кажат дека сум апсолутно здрава, моето тело е младо, полна сум со сила, но знаев дека не сум добро и дека нешто не е во ред со мене. Ми требаа неколку месеци тортура додека не отидов на вистинското место - последното нешто што ми остана беше психијатар. Имав вознемиреност и напади на паника, што беше шок за мене. Ми рече дека тоа не е болест, дека е состојба и дека може да се лекува. Мојот третман траеше две години со терапија и разговори со психијатарот“ - рече таа во една прилика. Гоца Тржан Пејачката редовно оди на психијатар и призна дека терапијата е нејзиниот спас. „Немам проблем да признаам дека одам на психијатар и тоа треба да го направи секој што има дилема. Експертите постојат за да нe запознаат со себе и да најдат решение. Без разлика дали имам деловен или љубовен проблем, сметам дека одењето на психијатар е добар чекор кон негово решавање. Мојата работа е таква што многу работи во мојот живот се подредени на тоа“ - вели Гоца. Наташа Беквалац Наташа Беквалац, која беше против посета на психотерапевти, излезе дека честопати барала нивна помош во последниве години. Во последниве месеци, таа одеше на сесии затоа што ги остава цигарите. „Пречувствителна сум, затоа побарав помош од психотерапевт за да не бидам трајно емотивно оштетена. Со месеци спиев само два - три часа, се плашев да заспијам, бидејќи имав кошмари, се будев во пот, исплашена, исцрпена...“ - изјави во една прилика русокосата. Психијатар, психолог или психотерапевт посетуваат и други познати и јавни лица од српската естрада и не само од неа, како ТВ водителката Сања Маринковиќ, но и оние од посилниот пол, меѓу кои пејачите Бане Мојиќевиќ и Слоба Радановиќ, на пример. Фото: Инстаграм принтскрин

„Охрид фест – Охридски трубадури“ бара дебитанти за да создаде ѕвезди

Антонио Димитриевски — Thu, 25 Mar 2021 13:27:41 +0000

28-то издание на фестивалот „Охрид фест- Охридски трубадури“, годинава става посебен акцент и дава голема поддршка и можност на младите дебитанти, новите музички сили, кои би настапилеи во фолк и во поп вечерта. Овој пат „Охрид-фест“ им дава приоритет на дебитантите, фестивалот на кој покрај Тоше Проески многу познати пејачи своите музички почетоци ги имаа токму на него. Ова е одлична можност и вистинска шанса за почеток на сериозна музичка кариера. Дебитанти, демо-снимките од вашите композиции е потребно да бидат со пратечки инструменти, пијано и гитара. Конкурсот е отворен до 15-ти април, а пријавувањето е на следните електронски адреси: [email protected] и [email protected].

Зоки – Фаци распука по македонските јавни лица: „Пејачките денес имаат секс за сок и тост!“ (ВИДЕО)

Антонио Димитриевски — Wed, 03 Feb 2021 08:48:52 +0000

Зоран Василевски, или на јавноста попознат под прекарот Зоки - Фаци, познат македонски естраден новинар кој нема медиум во кој не работел. Дневен весник, магазини, портали, ТВ... Но сепак, најзапазен по своите телевизиски емисии и остварувања, но и по контроверзниот начин на ооднесување, облекување, живот... Oсобено по тоа што Зоки никогаш немал „влакна на јазикот“, па без пардон знаел на познатите да им го „плесне в лице“ пред камера или зад неа, сеедно... До душа, „му го плескале“ и нему, но никогаш ниту се налутил, ниту изреагирал непријателски, напротив... Секогаш се водел по максимата: „Не сум толку несериозен, работите да ги сваќам сериозно“, па затоа можеби и толку долго опстојува во јавниот живот иако повеќе не во професијата. Имено, Зоки- Фаци од пред една година работи во маркетингот и го работи ПР-от на најпознатото и најголемо казино во Македонија, кое покрај она на излезот од Гевгелија, на самиот граничен премин со Република Грција, лани отвори и во Скопје, во срцето на градот, на самиот плоштад Македонија, во големиот хотел на истата локација. Фаци деновиве му беше гостин на младиот колега Стефан Лазаров кој го „провозе“ во своето „драјв ток шоу“, па го „протресе“ со прашања на кои Зоки не одолеа да не даде „сочни“ одговори кои ќе ја заскокоткаат јавноста, а некои од јавните лица ќе ги изнервираат, налутат, шокираат, запрепастат... „Светските ѕвезди направија кариера не само од песните туку од многу други нешта, како голотијата, на пример... Една Мадона или Џеј Ло, еве сега на пример, на 50 и кусур години гола снимаше спот... Добро и Тамара кај нас се соблече своевремено за календарот на еден познат наш бренд за вода, ама јавноста ја исплука. А жената беше баш убава, згодна, млада... Што и фалеше? Ама ете, мора да биде проститутка зашто се соблекла гола! А оние што работат во банка и обложувалница, тие не се е*ат, тие се фини девојки? До душа за тие пари јас би се соблекол и пиштол гол, и тоа качен на коњ“ - му објаснуваше Фаци на младиот колега, за тоа како се станува ѕвезда и како голотијата кај нас се доживува! Во својата новинарска кариера, наводно заради својата отвореност добил и ќотек, односно бил сериозно истепан, особено кога пред 10-ина години беше начекан навечер пред неговата зграда од две маскирани лица и удрен со шипка во главата, а медиумите и истрагата подоцна тоа го третираа како обид за убиство!? „Никогаш не го фатија сторителот, иако се шушкаше кој е во прашање, ама ете... Паднав во бесознание и кога се освестив, бев сиот облеан во локва крв, а ме најде соседот. Но, тоа не ме обесхрабри, јас продолжив емисијата да си ја работам со љубов и се' што обајвував во неа беше вистина, иако жолтиот печат понекогаш знаеше тие настани да ги преувеличи“ - раскажува Фаци за своето ТВ искуство. На прашањето дали во Македонија постојат ѕвезди, Зоки- Фаци категорички тврди: „Не! Последна ѕвезда во Македонија беше Тоше Проески! Имавме можност и сакавме да направиме вистинска естрада како што имаат една Србија или Бугарија, ама нашиве пејачки како Калиопи или Елена Ристевска се 'стерилни'. На пример, кога Елена Ристевска се мажеше, прв земав камера, снимав дело од атмосферата, а кога се разведе, ја снема и буквално го исклучи телефонот, зашто тоа е приказна која не смее да се раскаже во јавноста!? Фаци смета дека во Македонија нема класични старлети како Сораја во Србија да речеме, иако тврди дека некогашното момче на Александра Накова кога била млада и анонимна, му пришло на маса во еден локал и му дало 500 евра со зборовите: „Ти создаваш познати, сакам од ова девојче од Гевгелија да направиш ѕвезда“, па Александра Накова е тоа што е денес, тврди Фаци, кој распука по денешните млади пејачки: „Ма врска немаат... Денес тие се е*ат за сок и за тост... За една пијачка!“ - тврди контроверзниот Фаци, кој има своја теорија зошто еден Влатко Лозаноски не може да го наследи Тоше или зошто момчињата од „2 Бона“ во своите спотови го имаат сето она што приватно го немаат, а не пропушти да го искоментира и можеби единствениот поконтроверзен јавен лик од него, Боки 13-ка: „Ми се јавува едно утро Бокица кога ја правеше '1 ТВ' и ми вика: Зоране, јас тебе ич не те сакам, ама ти ја почитувам професионалноста и твојот труд. Ајде дојди во телевизија да се договориме да правиш емисија. Во денешно време генерално не постои морал. Отвори Инстаграм и види дали има една морална девојка? А во последно време и мажи! Тие се полоши, тие се прифаќаат...“ - тврди Фаци убедувајќи не дека тоа е реалноста. Што се уште му раскажа поискусниот колега на младиот водител, а преку видеото на неговиот Јутјуб канал и на целата јавност, погледнете од видеото во кое е содржан разговорот на Зоки - Фаци и Стефан Лазаров. https://www.youtube.com/watch?v=jMW3nQgCnDs

Еве колку заработуваат познатите српски ѕвезди од Инстаграм: Од 300 до 12.000 евра по објава за Кија, Луна, Карлеуша, Сека, Цеца, Анастасија, Зоранах… (ФОТО)

Антонио Димитриевски — Mon, 11 Jan 2021 11:12:41 +0000

Познато е дека пејачите и актерите покрај основната заработка, земаат и сериозни пари од рекламирање производи на социјалните мрежи. За време на короната, ова е еден од нивните главни приходи, а се почесто гледаме големи sвезди кои вложуваат многу време во фотографии и постови, со цел подобро да ги изрекламираат своите производи. Една ваква објава на профил што има повеќе од 50 000 следбеници чини минимум 300 евра, додека оној што има повеќе од 100 000 следбеници може да наплати околу 900 евра за реклама. Ако некој производ го рекламира sвезда која има над 500.000 следбеници (како Кија Коцкар, Луна Ѓогани, Цеца и други), тоа чини до 3.000 евра. Оние што имаат милион следбеници, логично, заработуваат најмногу. Дури 6.000 евра и повеќе. За потсетување, ѕвезди кои имаат 1 милион следбеници се: Новак Ѓоковиќ, Милош Биковиќ, Анастасија Ражнатовиќ, Немања Матиќ, Ана Ивановиќ, Сека Алексиќ, Бака Прасе, Теодора Џехверовиќ, Јелена Карлеуша и актерот Дарко Периќ, кој игра во една од најпопуларните серии "La casa de papel". Сека Алексиќ дефинитивно рекламира најмногу од познатите личности, па сигурно за неа нема зима. Мртва трка е исто така се води помеѓу Луна и Кија, кои се вечни ривалки во се, па и во оваој сегмент. Се вели дека цената на нивниот пост е околу 2.000 евра. Анастасија веќе се пофали дека се издржува и дека заработува најмногу од социјалните мрежи. Се шпекулира дека таа самата си го платила спотот од 22.000 евра. Според извештаите на медиумите, Душко Тошиќ покрај фудбалот, заработува добри пари и од Инстаграм. Неговиот пост чини околу 2.000 евра, а во странство и уште повеќе. Блогерката Зоранах вложува многу во Инстаграм и за само еден пост, таа добива повеќе од 3.000 евра. Инаку, Зорана Јовановиќ истакна дека во Србија има поинаква тарифа и дека наплатува помалку отколку во странство, каде се говори дека постовите на познатите српски јавни личности можат да достигнат цена и до 12.000 евра по објава!