ѕвезди на гранд – Вистина.мк

Не е се’ како што изгледа на телевизија: Знаете ли колу се високи „Ѕвездите на Гранд“?

Антонио Димитриевски — Sat, 01 Apr 2023 07:03:22 +0000

Уште кога се појавија на ТВ екраните за време на најпопуларното музичко натпреварување на овие простори „Ѕвездите на Гранд“, се истакнаа пред се по својот музички талент, а покрај тоа, благодарение на атрактивниот физички изглед, успеаја да ги освојат срцата на нацијата, особено на понежниот пол. Со оглед на тоа дека еден од најважните критериуми за жените при изборот на маж е висината на посилниот пол и како тоа влијае на привлечноста, решивме да провериме колку навистина се високи момчињата кои успеале да привлечат внимание, а мораме да признаеме дека еден од нив особено изненади. Еден од највисоките натпреварувачи што помина низ „Ѕвездите на Гранд“ може да се пофали со висина од речиси два метри. Во прашање е победникот од првата сезона - Бане Мојиќевиќ, кој е висок еден метар и деведесет и два сантиметри. Уште еден победник кој е понизок од Бане за само еден сантиметар е Махир Мулалиќ, еден од омилените пејачи од Босна, а неговата висина е 191 цм. Саша Капор е висок 190 сантиметри, а иако извесен период имаше вишок килограми, неодамна ја доведе својата фигура до совршенство. „Можеби камерата не ме сака толку многу, но се сеќавам порано дека луѓето некако имаа впечаток дека сум понизок. За Топалко мислеа дека е висок најмалку два метра, а за мене мало момче, малку дебело со кратки нозе, а сум висок 190 см. Кога ќе не видат во живо и ќе видат дека сум за глава повисок од него, се шокираат, па не е се' како што изгледа“ - се пошегува пејачот, кој на почетокот на кариерата го споредуваа со покојната македонска ѕвезда Тоше Проески. Меѓу повисоките е и Жарко Маџиќ со своите 187 сантиметри, кој ако го следевте ова музичко натпреварување, добро знаете дека често го истакнува своето изделкано тело и заводливиот лик, а речиси никогаш не излегува од теретана. Кога се појави на големата сцена на Гранд, девојките лудуваа и по Љуба Перуќица, а тој е висок 188 см. Минатогодишниот победник Нермин Ханџиќ, кој едноставно го обожава помладата публика, е висок 187 сантиметри, додека еден од милениците на „Ѕвездите на Гранд“ е Исак Шабановиќ, кој речиси преку ноќ го освои целиот Балкан со висина од 185 сантиметри. Уште еден победник Мирза Селимовиќ е висок 182 см, а со иста висина Немања Стевановиќ, кој за време на натпреварот беше поддржан, најмногу од понежниот пол. Кога се нашите претставници од Македонија во прашање и ние имаме свои фаворити иако можеби нашите пејачи баш и не се двометраши. Филип Пецовски, шармантниот Македонец кој во „Ѕвездите на Гранд“ го паметат по добро осмислените изведби и сценските движења, е висок 180 см. Иста висина има и харизматичниот Александар Јосифовски, кому за влакно му избега победата на натпреварот. Милан Митровиќ, пејачот кој се испроба и како водител, е висок 177 сантиметри и им припаѓа на пониските мажи, барем кога се „Ѕвездите на Гранд“ во прашање. Петар Митиќ може да се пофали со висина од 180 сантиметри, додека меѓу пониските се Немања Ѓурѓевиќ, Милан Станковиќ и Топалко високи само 175 сантиметри. Фото: Гранд принтскрин

Елена Миленковска само што не се породила…по втор пат: Македонската „Гранд ѕвезда“ и нејзиниот сопруг и колега Гуте го открија името на бебето кое се чека да дојде на свет (ФОТО)

Антонио Димитриевски — Thu, 18 Aug 2022 07:04:49 +0000

Македонската „Гранд ѕвезда“, пејачката Елена Миленковска и нејзината посилна половина, сопруг и колега Гуте Маринковиќ ги бројат деновите до моментот кога ќе станат родители по втор пат. „Наскоро ќе пристигне приновата, која со нетрпение ја очекуваме. Не би застанале на второто дете, нашата цел е три (се смее). Тоа ни е најважно, семејството е на прво место. Секако дека има и музика, но сакаме да му посветиме максимална енергија и љубов на семејството“ – откри неодамна пејачот. Многумина му се воодушевуваат за неговата посветеност и за тоа колку внимание и љубов посветува на својот син, а тој објаснува дека една од причините е неговата примарна професија - воспитувач. Иако одамна не работи во градинка, имал желба еден ден да отвори и своја. Сепак, сега неговото мислење почна да се менува. „Тоа ми беше намерата кога првпат дојдов во Белград, одев од градинка во градинка, го оставив моето CV во желба што побрзо да почнам со работа и да стекнам искуство за да можам за 20 години да имам своја градинка. Но, сфатив дека ако отворам градинка, ќе имам повеќе работа со инспекции, бирократи, документи и дозволи... отколку со деца, па полека се откажав од таа идеја. Инаку, пред само неколку дена Елена влезе во деветтиот месец од бременоста, а секој ден може да биде денот кога мама и тато ќе го запознаат своето девојче. Тие го открија полот на бебето уште пред неколку месеци на Инстаграм, но во тајност го држеа името што го избраа. Долго време нивните обожаватели шпекулираа како би можела да се вика малечката принцеза, а деновиве музичко-брачната двојка ѕвезди на „Гранд“ решија јавно да го споделат и името пред раѓањето на бебето. „На фотографијатаа се гледа колку мама и тато едвај чекаат да дојде нивната Миона. А изразот на лицето на Максим јасно покажува дека нема да му биде лесно да дели играчки со својата сестричка. Дали ви се допаѓа името?“ – праша пејачката објавувајќи ја семејната фотографија.

View this post on Instagram

A post shared by Elena Milenkovska (@elenamilenkovskaa)

Гуте инаку е многу горд на својата сопруга и планира да присуствува на раѓањето на нивното второ дете. „Сакам да присуствувам на породувањето! Отпрвин не можев поради ситуацијата со Ковид, а сега можам и тоа ми е најголема желба, можеби и најголема. Подготвен сум на се' и мислам дека нема да се онесвестам. Тоа треба да се гледа со најубавите можни очи, тоа е чинот на раѓање, феноменот на доаѓањето на животот во светот што секој човек треба да го види и доживее“ – објасни неодамна пејачот. Дали ќе биде така - ќе видиме. Сепак, најважно е се' да мине во најдобар ред при породувањето, а малечката убавица Миона, чие доаѓање на овој свет едвај го очекуваат, да биде жива и здрава! Зашто штркот, само што не слетал по втор пат во нивното семејно гнездо! Фото: Инстаграм принтскрин/gute.marinkovic/

Вака изгледаа „Ѕвездите на Гранд“ пред да станат славни: Првите пари ги потрошиле на ставање силикони и заби (ФОТО)

Антонио Димитриевски — Sun, 15 Nov 2020 09:00:13 +0000

Едно од најпопуларните музички натпреварувања секако се „Ѕвездите на Гранд“, кое од првиот ден на емитувањето привлекува голема публика, а скоро на сите гим е омилено музичко шоу Така е и денес, при што членовите на жирито сега се тие што се поинтересни. Неколку од најуспешните „производи“ на овој натпревар денес се големи ѕвезди, а еве како изгледаа кога дојдоа на аудицијата. Додека некои денес се речиси непрепознатливи од нивното прво појавување во јавноста, други не сменија речиси воопшто. Дарко Лазиќ - Сега е тројно подебел Победникот на Гранд во 2009 година претрпе најголема трансформација од своето прво појавување. Дарко, во тоа време имаше само 15 години, а беше значително послаб. И гардеробата што ја носеше во тоа време беше многу поскромна и поедноставна, со оглед на тоа што тој денес носи исклучиво брендирани крпчиња. Ана Севиќ - Од сосема обична девојка до комлетно сменета жена Поранешната сопруга на Дарко Лазиќ за „ Ѕвезда на Гранд“ стана во 2010 година, а со исклучок на нејзината боја на коса, која остана слична на денес, таа на себе промениречеиси сè. На аудицијата, Ана изгледаше како и секоја просечна девојка. Таа призна дека ги оперирала градите и устата и го променила комплетниот стајлинг. Катарина Живковиќ - Од русокоса до силиконска бринета На само 14 години, Каќа реши да застане пред Саша Поповиќ и да покаже зошто треба да биде идната „Ѕвезда на Гранд“. Долгаруса коса, старомоден џемпер, тенка уста беа одликите на изгледот на Катарина. Денес, таа има многу поубавакоса, истетовирани веѓи, силикони во градите и многу подобар стил на облекување. Милица Тодоровиќ - Од исплашено и сериозно дете до привлечна девојка Во 2013 година, Милица беше симпатично тринаесетгодишно девојче кое немаше поим што е тоа успех. Во тоа време, таа изгледаше прилично сериозна и исплашена, но и непрепознатлива, што е логично, зашто тоа е време кога беше уште дете. Покрај фризурата и бојата на косата, таа денес се разликува и по тежината, така што минатата година имаше проблеми со вишокот килограми, кои успеа во меѓувреме да ги намали. Тања Савиќ - Од детска фризура до зрела жена На 18-годишна возраст, една девојка со кратка црна коса излезе пред Саша Поповиќ и самоуверено рече: „Јас го завршив училиштеото оддамна, пеам веќе некое време и можам да се посветам на музиката професионално“. Така и беше и Савиќ брзо стигна до врвот на фолк естрадата, каде што не остана долго, особено по бракот и раѓањето деца. Во меѓувреме, таа многу го смени својот личен опис. Вметна филери во усните и силикони во градите, а и честопати ги менуваше бојата и должината на косата.

Милица Тодоровиќ му е кума на овој познат фолк пејач, на кој јавно му честиташе годишнина од бракот (ФОТО)

Антонио Димитриевски — Mon, 21 Sep 2020 10:02:05 +0000

Пејачката Милица Тодоровиќ и нејзиниот колега Стеван Анѓелковиќ го негуваат своето пријателство со години, уште од периодот кога се натпреваруваа во „Ѕвездите на Гранд“, а малкумина знаат дека пејачката била и кума на неговата венчавка пред две години. Милица сега објави вест на својот Инстаграм профил со која кумата им ја честиташе годишнината од бракот на Стеван и неговата сопруга: „Мои кумашини, среќна да ви е годишнината, да се сакате и почитувате уште долго време“ - напиша Милица на споменатата социјална мрежа.

Јелена Карлеуша прво ја расплака кандидатката, па и самата се најде во „небрано“!

Антонио Димитриевски — Mon, 19 Nov 2018 13:09:34 +0000

Во последната емисија на „Ѕвездите на Гранд“, која беше емитувана во саботата на 17 ноември 2018, настапи Анастасија Сташа Бранковиќ, прекрасна ученичка која со солзи на нејзиното лице го заврши своето учество во оваа сезона. Кандидатката не ја расплака никој друг, туку членот на жирито Јелена Карлеуша. Сташа е покрај хитот "Ајде да замижиме" на Тамара Милутиновиќ, ја отпеја и песната на соперничката на Карлеуша, темата "Дојди" од Цеца Ражнатовиќ. Карлеуш случајно или намерно, со своите коментари ја повреди кандидатката и предизвика солзи на нејзиното лице! „Многу фалш, завивање, грдо... како да имаш жаба во гласот. Дали го забележа тоа?“ ја праша Јелена, Сташа?

„Забележав, бидејќи мојата мајка во моментов не е тука, а јас на неа и ја посветив на оваа песна“ - и одговори натпреварувачката. Штом го изусти тоа, таа почна да плаче и да објаснува дека отсуството на мајка и тешко и паѓа, бидејќи таа имала најголема поддршка токму во неа“ - што Карлеуша ја стави во „небрано“!

Поминаа 13 години: Погледнете како изгледаше Јована Пајиќ на аудицијата за „Ѕвездите на Гранд“

Христина Ѓоргиевска — Mon, 25 Jun 2018 11:31:11 +0000

Една од најхаризматичните дами на музичката сцена пленеше со позитивна енергија уште со самото појавување пред камерите. Јована Пајиќ беше една од најпознатите пејачки која учествуваше во втората сезона на „Ѕвездите на Гранд“ во 2005 година. Ова весело девојче тогаш имаше 15 години, а успеа да истакне во музичкото шоу многу повеќе од некои искусни пејачи. Јована учествуваше и во трета сезона на реалното шоу „Фарма“, каде што публиката ја освои со својата смисла за хумор. Еве како изгледаше Јована Пајиќ на аудицијата на Ѕвездите на Гранд во 2005 година. https://youtu.be/AO5Kg3hdg_0