ѕвезде гранда – Вистина.мк

Аферата мито во „Ѕвездите на Гранд“ има ново продолжениe – овој пат обвинет е Ѓорѓе Давид кој веднаш се огласи

Слободанка Илиева — Fri, 28 Apr 2023 10:19:08 +0000

Во српските медиуми се појави шпекулација дека Ѓорѓе Давид наводно изнудувал пари од натпреварувачите на „Ѕвезде Гранда“, поради што веднаш се огласил и ги отфрлил сите наводи. Ѓорѓе Давид отворено зборуваше за наводно земање мито од натпреварувачи во „Ѕвезде Гранда“. Имено, во медиумите прво се појави веста дека пејачката Снежана Ѓуришиќ наводно побарала пари од мајка на еден натпреварувач, што таа го демантираше, а вистината набрзо излезе на виделина. Сега кружат информации дека Ѓорѓе Давид наводно земал пари од татковците на учесниците на споменатиот натпревар, поради што веднаш се огласил. - Имаме ново тенџере кое беше спакувано пред некој ден, но нема да именувам. Ме обвинуваат дека сум земал пари од татковци, а дека имам латентни флертувања со девојки, тоа е надвор од памет! Сè е лесно за проверка, па сите знаеме кои се момците и девојките кои поминале низ натпреварот, па еве побарајте ги нив и нивните родители. Мислиш дека Поповиќ две минути би чувал будала која прави вакви работи зад сцената? Тоа би било само "Господине има врата таму, патувај!" - изјави Ѓорѓе Давид. - Мислам дека ова натпреварување ќе трае долго и не разбираат како, бидејќи во кое тенџере и да ја стават „Ѕвезде Гранда“ си го задржуваат својот печат. Поповиќ е мозокот во целата приказна и без промашување го води циркусот, а ние како животни во циркусот точно знаеме која е нашата задача - истакна пејачот во „Гранд магазин“. фото:ТВ Пинк принтскрин/Инстаграм

Мими Јовановска растура на сцена, а еве како и оди во љубовта – ова е нејзиното момче со кое е во врска 3 години (фото)

Христина Ѓоргиевска — Fri, 12 Mar 2021 08:04:08 +0000

Мими Јовановска од Велес со својот глас и талент го освои жирито, но и публиката во регионалното музичко шоу „Ѕвездите на Гранд“. Мими во секој круг од музичкото шоу бриљира, а во емисијата каде што пее песна од Каролина Гочева и Уснија Реџепова ги собра сите симпатии од жирито. Овој нејзин настап е еден од најгледаните на Јутуб. Јовановска неодамна во „Магазин“ истакна дека за музичкото шоу ја пријавила нејзината мајка. Од неа го наследила талентот и убавината, а на прв поглед би помислиле дека се сестри: Мими Јовановска најголемата поддршка во „Ѕвездите на Гранд“ ја добива од мајка си која ја пријавила на шоуто (фото) – Вистина.мк (vistina.com.mk) За велешанката музиката не е ништо ново и непознато, таа и пред да се појави во „ЅГ“ се занимаваше со музика, односно свири со „Бендот на браќа Нуне“. Кога станува збор пак за нејзиниот приватен живот, Мими не сака многу да зборува за него. Таа е во врска со Филип Нуне со кој е заедно нешто повеќе од 3 години. Пејачката неодамна во „Магазин“ истакна дека се заедно и дека не сака многу да зборува на таа тема. На социјалните мрежи Мими и Нуне имаат неколку заеднички фотографии, а еве како изгледа саканиот на Јовановска кој воедно и е најголема поддршка. Како македонското девојче ќе се подготви за следниот круг на „Ѕвездите на Гранд“ останува да видиме, а дотогаш во продолжение слушнете ја изведбата со која го „распамети“ жирито.

Се сеќавате ли на малата Милица која со песна од Зорица Брунцлик раструри во „Ѕвездите на Гранд“? Порасна во преслатко девојче и изгледа вака (фото)

Христина Ѓоргиевска — Thu, 11 Mar 2021 11:13:05 +0000

Милица Станишиќ на своите осум години учествуваше во регионалното музичко шоу „Ѕвездите на Гранд“. Таа со својот глас ја освои публиката, но и жирито кое тогаш го сочинуваа Ана Бекута, Драган Стојковиќ Босанац, Аца Лукас, Шабан Шаулиќ, Снежана Гуришиќ и Зорица Брунцлик. Таа се претстави со песната „Моја заклетво“ од Зорица и на првите тактови го освои жирито и публиката. Инаку, тогаш членовите на жирито не знаеја за кого се работи бидејќи кандидатите настапуваа пред видео бим и не можеа да ги видат натпреварувачите се додека не добијат шест гласа. Поради годините, Милица не можеше да продолжи во „ЅГ“, па се проба и во „Неки нови клинци“. Милица оди во музичко училиште, пее и свири клавир, а заедно со својата сестра учествуваат во промоција на културата и уметноста на Репбулика Српска. По завршувањето на средно образование планира да се запише на Музичка академија.

„Многу сакаат да се на твое место“: Александар Јосифовски и се “залепи“ на Сања Кужет (фото)

Христина Ѓоргиевска — Thu, 04 Mar 2021 07:55:24 +0000

Aлександар Јосифовски од Охрид е еден од кандидати во регионалното музичко шоу „Ѕвездите на Гранд“. Александар е под менторство на Ѓорѓе Давид. Со својата енергија, талент, настапи, Александар го освои жирито во музичкото шоу и публиката. Јелена Карлеуша досега неколку пати му поласка велејќи дека Македонија треба да го заштити со закон, но и дека пее исто како од ЦД. https://arhiva.vistina.com.mk/radio-mileva/tebe-makedonija-treba-so-zakon-da-te-zashtiti-karleusha-ja-rasplaka-majkata-na-makedonskiot-kandidat-vo-muzichkoto-shou/ Јосифовски стигна до петиот круг на музичкото шоу, а неговиот настап ќе го гледаме во некоја од следните емисии која ќе се емитува на Канал 5. Иако се уште не откри дали ќе оди во следниот круг, Александар деновиве беше повторно во „Гранд“ во една емисија, па ја искористи приликата да се фотографира со една од најзгодните српски водителки – Сања Кужет. „Мадам Сања Кужет“, напиша пејачот покрај фотографијата. Под објавата се нижеа разни коментари, а некои од нив се: „Многу сакаат да се на твое место“, „Ја имаш честа да се сликаш со една од најубавите жени во „Гранд“, „Прекрасни сте двајцата“. Како Македонецот ќе се претстави во петиот круг останува да видиме.

Kандидатката го прекрши основното правило во „Ѕвездите на Гранд“, а еве што вели Саша Поповиќ за тоа

Христина Ѓоргиевска — Tue, 16 Feb 2021 09:41:57 +0000

Кандидатката Зорана Мичановиќ предизвика дискусија во последната емисија на „Ѕвездите на Гранд“ бидејќи се пријавила за музичкото шоу а нема 16 години колку што е долната старосна граница за учество во „ЅГ“. Имено, таа е најавена како шеснаестгодишна, а сепак има 15 години. „Се плашев како ќе звучиш. Ти си млада, а во прашање е тешка песна. Но кога почна да пееш, имав впечаток дека имаш 25, а не 15 години. Браво за стајлингот и за се. Ти имаш потенцијал да бидеш ѕвезда“ изјави Вики Миљковиќ. „Само јас не сум сигурен дека има 16 години, наполни ли?“, праша Поповиќ. „Не наполнив, но имам 16 години“, изјави кандидатката мислејќи дека е во шеснаесетатта година од животот. Поповиќ откри дека на оваа кандидатка и прогледал низ прсти за годините бидејќи мисли дека е квалитетен пејач. „Не, не...Јас знаев дека ова девојче има 15 години, но поради квалитетот на пеење...И може да кажам дека таа е зрела девојка...поради тоа ги „затворив“ очите за ова кандидатката и правилото да има 16 години“, изјави Поповиќ.

Ѓорѓе Давид (не)сакајќи откри какви релации имал со легендарниот српски фолк пејач: „Бев една и пол година во врска со внука му“ (ФОТО)

Антонио Димитриевски — Mon, 09 Nov 2020 10:31:55 +0000

Оваа тајна ја откри рокерот во последното издание на шоуто „Ѕвездите на Гранд“ откако неговиот кандидат Ален Бајровиќ од Сараево го воодушеви жирито со изведбата на песната „Кафу ми драга испеци“, на легендарниот српски фолк пејач, покојниот Цуне Гојковиќ. Можеби Давид немаше да ја приватизира својата приказна ако Саша Поповиќ не го прашаше дали некогаш слушнал за овој евегрин на народната музика. „Цуне Гојковиќ е човекот кој ја измислил приказната за човек-бенд пред кој било Американец и Британец. Она што се нарекува човек-глас. Ова се работите што постојат запишани во музичката фонотека на Радио Телевизија Србија. Она што го направи Боби Мекферин многу подоцна, по околу 20 години, покојниот Цуне го правел додека бил уште тинејџер, кога пеел по кафеаните со Тозовац и имитирал инструменти“ - рече Ѓорѓе Дејвид и додаде: „Ова се некои работи што ги знам, прво затоа што ме интересираа, а второ, затоа што кога бев млад, се забавував година и пол со една од неговите внуки. Ова признание предизвика чудење кај присутните во студиото. „Опаааа.... ова не го знаевме до сега“ - забележе Поповиќ, а рокерот му се заблагодари и го пофали својот кандидат. Фто: Јутјуб принтскрин/ Танјуг

„Ние сме добри пријатели додека не се вклучат камерите“: Ова се новите правила во „Ѕвездите на Гранд“

Христина Ѓоргиевска — Wed, 11 Sep 2019 10:50:00 +0000

Наскоро започнува новата сезона на регионалното музичко шоу „Ѕвездите на Гранд“. Директорот на „Гранд продукција“, Саша Поповиќ откри кои ќе бидат новитетите во регионалното музичко шоу. „Ние сме добри пријатели додека не се вклучат камерите, а тогаш стануваме противници. Поточно, сега тие се противници, а јас во оваа сезона нема да бирам кандидати“ вели Поповиќ за „Гранд онлајн“ и откри дека тој и Снежана нема да подготвуваат кандидати како што беше во претходната сезона. „Ако членот – гостин кој ќе се менува во секоја емисија го претисне тастерот, кандидатот може да бира меѓу него и стандарното жири. Од друга страна, ако никој од членовите не пристисне тастер, гостинот на жирито иако не гласал може да го земе кандидатот и да му биде ментор. Тоа право го имавме јас и Снежана претходната година, а сега истото припаѓа на членот кој ќе биде гостин“ вели Поповиќ. Во првата емисија гост е Ален Адемовиќ некогашниот член на групата „Милиграм“. Поповиќ истакна дека во новата сезона на музичкото шоу ќе има околу 250 нови кандидати, меѓу кои и кандидати од Македонија. „Имаме 1/3 стари и 1/3 нови кандидати. Она што е интересно старите кандидати односно оние кои веќе учествуваа нема да можат да бидат кај истиот ментор од претходната година“ објаснува Поповиќ. https://www.youtube.com/watch?v=lvKKCNEKinQ

Нестварна трансформација на победничката на „Ѕвездите на Гранд“: Џејла, дали си тоа ти? (ФОТО)

Антонио Димитриевски — Thu, 05 Sep 2019 10:26:30 +0000

Џејла Рамовиќ, откако победи во „Ѕвездите на Гранд“, направи летна турнеја, и успеа да замине на одмор со Марија Шерифовиќ во Шпанија. Сепак, 17-годишната од Горажде сега се вратила дома за да ја заврши последната година од средното училиште, што секако е приоритет во нејзиниот живот. Но, покрај училиштето, септември и донесе и нови обврски, кои започнаа со промена на фризурата, а и речиси целосниот имиџ на младата пејачка… Рамовиќ се пофали со нова фризура на социјалните мрежи, а многумина во почетокот не ја препознаа.

View this post on Instagram

✨

A post shared by DZEJLA RAMOVIC (@dzejlaramovic) on Sep 3, 2019 at 8:23am PDT

„Сè тои стои“, „Нереална“, „Најдобар модел“ - се само некои од коментарите кои ја следат покрај објавената фотографија на Инстаграм.

„Поповиќ не третира како робови“: Ана Бекута откри што сигурно ќе се случува во новата сезона на „Ѕвездите на Гранд“

Христина Ѓоргиевска — Thu, 05 Sep 2019 09:27:46 +0000

Наскоро започнува новата сезона на музичкото шоу „Ѕвездите на Гранд“, а Ана Бекута откри како се чувствува што повторно ќе биде дел од жирито. Пејачката откри дека директорот, Саша Поповиќ ги третира како робови. „Не сум возбудена, не се натпреварувам. Сигурно ќе се намачиме. Поповиќ само ќе го земе камшикот и ќе не третира како робови. Верувам дека ова ќе биде уште една успешна сезона и дека ќе има многу изненадувања“ вели Бекута и додава:

„Тој натпревар е посебен, но борбата започнува подоцна, не е се готово со победата. Испадна дека незабележителните луѓе направија кариера. Ништо не значи, ако немате среќа“ вели Ана. За потсетвање, во последната сезона имаше и многу македонски кандидати, а Поповиќ најави дека на псоледната аудиција во Скопје биле одбрани околу 50 нови македонски кандидати.

Јелена Карлеуша не останува во „Ѕвездите на Гранд“: Еве што им порача на своите кандидати (видео)

Христина Ѓоргиевска — Mon, 01 Apr 2019 08:08:25 +0000

Почетокот на оваа година Јелена Карлеуша ќе го памети по лоши и и негативни работи. Имено, на почетокот на годината таа се најде во голем скандал кога во медиумите се најдоа експлцитни фотографии кои наводно ги праќала на босанскиот фудбалер Огњен Врањеш. Со месеци беше главна тема во сите медиуми и нејзината афера со фудбалерот. Од друга страна, на 3 март почина нејзината мајка Дивна Карлеуша со која пејачката беше многу поврзана и која и беше најголема поддршка. По смртта на Дивна, Карлеуша се повлече во медиумска илегала и никаде не се појавуваше, дури не беше дел од жирито на „Ѕвездите на Гранд“. Наместо неа се најде нејзината пријателка и која и помага со кандидатите Ивана Петерс. Меѓутоа, пред некој ден Јелена се врати во студиото на „Гранд“ кога се влечеше ждрепка за дуелите и кој кандидат против кого ќе настапува.

Иако, многумина помислија дека Јелена се врати на секојдневните обврски, не е така. Таа на крајот на емисијата истакна дека нема да биде дел од музичкото шоу, но дека ја имаат Ивана и дека веќе го знаат победникот. „Само да се обратим на моите кандидати, јас неверојатно нема да бидам тука за вас, но тука е мојата драга Ивана која е тука за вас. Јас знам дека ги одбрав најдобрите, дека ќе стигнеме до финале и знам дека имаме победник, го чувствувам тоа“ изјави Карлеуша.

View this post on Instagram

Karleuša ipak neće učestvovati u Zvezdama Granda! Evo šta je poručila svojim kandidatima! #starmagazin #zvezdegranda #karleusastar

A post shared by STAR Magazin (@star_magazin) on Mar 31, 2019 at 12:02pm PDT