Победникот ќе мора да купи патики: Шерифовиќ и Поповиќ се обложија поради Тамара Тодевска

Христина Ѓоргиевска — Mon, 10 Jun 2019 07:24:45 +0000

Во последната емисија на „Ѕвезде Гранда специјал“ гости беа жирито на музичко шоу односно Ана Бекута, Босанац, Снежана Ѓуришиќ, Марија Шерифовиќ, Ѓорѓе Давид и Јелена Карлеуша, а недоставуваше само Вики Миљковиќ. Тие како ментори на кандидатите ги коментираа нивните „ученици“ и зборуваа за музичкото шоу. Меѓутоа, Саша Поповиќ откри детали и за финалето, па откри како ќе се гласа. Имено, тој откри дека ќе се гласа како на Евровизија, односно не му било јасно како Тамара Тодевска која се наоѓала на прво место, по гласовите на публиката завршила на седмо место. „Во финалето ќе се гласа така што пола поените ќе одат од жирито, пола од публиката. Ќе има 30 членови на жирито и секој член на жирито ќе дава поени, а во збир тоа би било 58 поени од жири. Исто ќе гласаме како на Евровизија“ објасни Поповиќ и додава:

„Ни јас не знаев како Евровизија доделува поени, одеднаш Тамара Тодевска која беше прва или втора по гласовите на жирито, се најде на осмо место. Јас мислам дека беше втора“ вели Поповиќ, а Јелена се надоврза и истакна дека беше прва и дека водеше цело време. „Шведска имаше два поени повеќе“ изјави Поповиќ, а Марија го корегираше и истакна дека Тамара имаше повеќе поени. Марија го предизвика Поповиќ повторно да се обложат дека Тамара беше на прво место, а на второ Шведска.

„Ајде да се обложиме во патики, едни патики изгубив. Јас велам дека Шведска имаше 2 поени повеќе од Македонија“ изјави Поповиќ кој ќе обложи со Шерифовиќ. „За два поени, Македонија беше пред Шведска“ изјави Шерифовиќ. За потсетување, Тамара го освои првото место по гласовите на жирито, а седмо место по гласовите на публиката. Инаку, Шерифовиќ и Поповиќ претходно исто така се обложија дека Србија нема да влезе во финале на Евровизија, па Саша изгуби и ќе мора да и купи патики на Марија. https://www.youtube.com/watch?v=KP5JWWIQVS0

По многу години Драгана Мирковиќ ќе биде гостинка во емисија на „Гранд“

Христина Ѓоргиевска — Thu, 29 Nov 2018 08:52:30 +0000

Иако со години во српските медиуми се шпекулира дека српската пејачка Драгана Мирковиќ не е во добри односи со сопствениците на „Гранд“, никој од нив не го потврди тоа. Едно време медиумите пишуваа дека Лепа Брена и Драгана Мирковиќ се во лоши односи, меѓутоа тие го демантираа тоа истакнувајќи дека не биле во контакт поради недоразбирање за телефонскиот број.

Имено, Мирковиќ истакна дека со години и праќала пораки за роденден на Лепа Брена, меѓутоа популарната пејачка го сменила бројот и не одговарала на пораките. Од друга страна, кога го решија недоразбирањето двете сопственички на телевизии се сретнаа на вечера.

Од друга страна, во медиумите често се пишуваше дека сопственичката на „ДМ САТ“ и директорот на „Гранд“ не се во добри односи поради конкуренцијата. Неколку пати во медиумите се шпекулираше дека „Гранд“ забранил гостување на пејачите од неговата продукција на телевизијата на Мирковиќ.

Меѓутоа, се тоа беа шпекулации. Очигледно дека успешните сопственици одлучиле да ги закопаат „воените секири“. Имено, Мирковиќ неколку години не се појавува на „Гранд“. Претходната сезона на „Ѕвезидте на Гранд“ сосема случајно се појави во студиото на Кошутњак и само ги поздрави присутните.

Меѓутоа, Драгана деновиве повторно се појави во „Гранд“ и тоа во емисија на Саша Поповиќ. Имено, пејачката ќе биде гостинка во емисијата „Ѕвезде Гранда Специјал“ која се снимаше пред некој ден. Покрај Драгана, во емисијата гости ќе бидат и Тијана Дапчевиќ, Жељко Самарџиќ и Џенан Лончаревиќ.

На социјалните мрежи се појавија неколку фотографии од снимањето на емисијата која ќе се емитува во следниот период.

foto: printscreen/ingragram/zeljko_samardzic

ѕвезде гранда специјал – Вистина.мк

Победникот ќе мора да купи патики: Шерифовиќ и Поповиќ се обложија поради Тамара Тодевска

По многу години Драгана Мирковиќ ќе биде гостинка во емисија на „Гранд“